منة الله شرف

السلام عليكم
كل الي سألني علي دبلوم MBTI الاستاذ هشام حيبدأ دفعة جديدة الشهر القادم بأذن الله
https://www.facebook.com/share/p/18dvYmc2i7/?mibextid=wwXIfr

كل عام و أنتم بخير
تقبل الله منا و منكم صالح الأعمال

السلام عليكم 🌸
يمكن ربنا يكتب لك أعظم أجر… وأنتِ مش بتصلي.
كثير من النساء يدخل عليهم العشر الأواخر
وهم في فترة الحيض…
فيجيهم إحساس صعب:
“فاتني أفضل وقت في رمضان.”
لكن الحقيقة إن أبواب الأجر و الفضل
أوسع بكتير من الصلاة والصيام فقط.
في النبضة الجديدة من
من القلب للقلب 🤍
اتكلمت عن: كيف تتعبد الحائض في العشر الأواخر.
النبضة نزلت على تليجرام 🌙
https://t.me/+igTOmyKqeVtlMjI0


#نبضة

السلام عليكم 🌸
النهارده الدور عليكم 🤍
بدل ما أنزل نبضة جديدة…
حابة أفتح مساحة للأسئلة.
لو في سؤال عايزة تسأليه
أو حاجة حاسة إنك محتاجة تسمعي فيها نبضة مخصوص ليكي…
المساحة مفتوحة على تليجرام 🌙
اكتبي سؤالك هناك
وأرد عليه .
رابط التليجرام
https://t.me/+igTOmyKqeVtlMjI0

يمكن النبضة دي جاية في وقتها ليكي…
السلام عليكم 🌸
لو لسه ما كنتيش جزء من
من القلب للقلب 🤍
نبضات صغيرة
يمكن تكون رسالة مخصوص ليكي في الوقت ده.
لو حابة تسمعي
وتاخدي خمس دقايق هدوء لنفسك 🌙
انضمي لرحلتنا على تليجرام
نبضة جديدة في انتظارك…
https://t.me/+igTOmyKqeVtlMjI0


#نبضة

السلام عليكم 🌸
رمضان السنة دي حاسة إني محتاجة أكون قريبة منكم أكتر
اعبر عن مشاعري اكتر
تعرفوني اكتر
فقررت اشاركم على قناتي في تليجرام
تسجيلات صوتية قصيرة
تأملات
أسئلة
لحظات صدق
من غير تخطيط
ومن غير مثالية
بس رفقة خفيفة في الطريق.
لو حابة تكوني جزء من
🌙 بينك و بينك ❤️
انضمي لقناة التليجرام
https://t.me/+igTOmyKqeVtlMjI0

السلام عليكم 🤍
الحمد لله الذي بنعمته تتم الصالحات
أمس كان اللقاء الختامي لرحلة من أهم الرحلات في حياتي…
رحلة استمرت أكثر من عام، بدأت في 20 يناير 2025، أتممت فيها أربعة مستويات.
ولو كان لها عنوان… فسيكون:
♧ قَدْ أَفْلَحَ مَن زَكَّاهَا ♧
عام من التزكية.
عام من التغير.
عام من التبحّر داخل النفس البشرية.
عام من مجاهدة الحيل الدفاعية.
عام من تقبّل النفس…
ومن تقبّل الضعف البشري.
عام من الانبهار بصنعة الخالق.
كثيرًا ما سمعنا عن النفس، وعن الخير والشر،
عن الضعف البشري،
عن مقام الألوهية في مقابل مقام العبودية…
لكن قليلًا ما قيل لنا: كيف نصل؟ ماذا نفعل عمليًا؟
عندما يعلم الإنسان مميزات نمطه وعيوبه،
ويرى الحدّ الذي قد تبلغه الطباع إن تُركت بلا تزكية،
يدرك أنه لولا الله ثم هذا الوعي… لطغى وتجبر.
وأنه لا سبيل للنجاة إلا بالتزكية.
حين تعرف نمطك،
تعرف أن داخلك وظائف:
وظيفة تقود وتُشكّل سماتك،
وأخرى تساند وتُوجّه،
وثالثة تُنعش،
ورابعة تضبطك حين تطغى الأولى وتبالغ.
توقن أن الخالق جعل لك نظامًا دقيقًا للضبط الذاتي…
إن انتبهت وزكّيت نفسك، أعادك إلى الطريق كلما انحرفت البوصلة.
الأنماط لا تتحدث عن الخير والشر بشكل وعظي عام،
بل تشرحه بشكل علمي دقيق…
تنقلك من الكلام النظري إلى السؤال الشخصي:
ماذا أفعل أنا لأتزكّى؟
سمعنا كثيرًا عن اختلاف البشر،
لكنني لأول مرة رأيته واضحًا بهذا القدر.
لا مفاضلة بين الناس إلا بالتقوى.
رأيتها جلية حين رأيت ضعف الإنسان رغم كل مميزاته.
فهمت معنى: كلٌّ مهيأ لما خُلق له.
كيف يمكن لكل إنسان أن ينجح بفطرته،
وكيف نساعد غيرنا ليصل إلى تميّزه الذي خُلق له.
كنت مؤمنة بالسَّواء النفسي،
لكن لم يعلّمني أحد من قبل كيف أصل إليه عمليًا.
كيف أتعامل مع الضغوط.
كيف أتجاوز الأزمات وأتقبّلها.
كيف أرى ضعفي فرصة للنمو لا سببًا للانكسار.
فكّ الشفرة في الحياة مهم…
لنفسِي،
لعلاقاتي،
لعبادتي،
ولتربيتي لأولادي.
رحلة رائعة… ممتعة ومؤلمة في آنٍ واحد.
مرهقة… لكنها ضرورية.
ستواجه نفسك كثيرًا،
لكنّك ستحبّها أكثر،
وتكتشف الخير الكامن فيها،
وتحلّ عُقدًا ظلت عالقة لسنوات.
الحمد لله الذي رزق، وأعان، ووفّق.
اللهم انفعنا بما علمتنا، واجعله شاهدًا لنا لا علينا.

السلام عليكم 🤍
«إزاي يعني ما أذاكرش للعيال؟
يعني إيه ما أروحش التمرين معاهم؟
أمال مين هيعمل كده غيري؟
ده دوري!»
طيب… خلّينا نوقف هنا شوية.
مين قال إن المذاكرة،
والتمارين،
وتوصيل الولاد للمدرسة،
وشراء طلبات البيت
كلها أدوارك؟
دورك الحقيقي
هو الدور اللي هتتسألي عنه قدّام ربنا.
وبس.
دورك:
أم
زوجة
مربية
أنثى
عابدة
الخلط اللي حصل في مفهوم “الأدوار”
حمّل المرأة فوق طاقتها،
وطَفّى أنوثتها،
وخلاها دايمًا حاسة بالتقصير
وعدم الكفاية
والإنهاك… الجسدي والنفسي.
لأنها ببساطة
شايلة شيلة مش شيلتها.
ولو اضطرت في وقت من الأوقات
تشيل أدوار زيادة لأي سبب،
تبقى واعية إنها مش أدوارها الأصلية.
ساعتها هتعمل اللي تقدر عليه
من غير ما تستهلك نفسها
ولا تنهك روحها،
وهتفضل مقدّمة أدوارها الحقيقية
اللي هتُسأل عنها قدّام ربنا 🤍
وسؤال بصدق:
إيه أكتر دور في حياتك دلوقتي
حاسّة إنك شايلاه
وهو في الأصل مش دورك؟ 💭

السلام عليكم 🌸
أحيانًا بنكون عارفين كويس جدًا
إيه المطلوب
وإزاي نخطط
وإزاي ننجز
ونقدر نطبّق ده في مساحات كتير من حياتنا…
لكن تفضل مساحة معينة
كل محاولات التخطيط عندها بتقف.
نقرا، نسمع، ننصح غيرنا،
ونفضل واقفين مكانا
مش عارفين ننفّذ.
طب ليه؟
الحقيقة إن السبب غالبًا مش كسل
ولا ضعف مهارات
ولا نقص معرفة.
السبب بيكون أعمق…
غاية مستخبية في الخلفية
ورا مشاعر قديمة
وأحداث ما اتحلتش.
الغاية دي ممكن تكون
حماية لنفسنا
أو رغبة في دور الضحية
أو حتى رغبة غير واعية في العقاب
لينا أو لغيرنا.
علشان كده
لو لقيتي نفسك ناجحة في مساحات كتير
ومتعطلة في مساحة واحدة تحديدًا
اسألي نفسك بهدوء:
أنا مستفيدة إيه من بقاء الوضع زي ما هو؟
السؤال ده مش اتهام…
ده بداية وعي 🤍

السلام عليكم 🌸
«أنا مصدّقتش…
كنت شايلة الهم كله في دماغي،
أول ما كتبتهم
بفضل الله نورت»

الجملة دي وصف دقيق جدًا للي بيحصل أول ما تبتدي تكتبي.

الدماغ بتفضى،
والكركبة اللي كانت جوّه بتنزّل على الورق.

الثِقل الشعوري بيقل،
والمشكلة بتنور قدامك
بعد ما كانت تايهة ومتلخبطة جوا دماغك.

الكتابة بتساعد مخك يشوف صورة حقيقية،
مش مجرد أفكار بتخبط في بعض.

علشان كده دايمًا بقول:
التخطيط مش جوّه دماغك…
التخطيط ورقة وقلم. ✍️🤍

ولو قدامك ورقة وقلم دلوقتي،
إيه أول حاجة هتنزّليها من دماغك على الورق؟ 💭📝

السلام عليكم 🌸
الحمد لله تم اكتمال العدد المحدد شكرا لحسن ظنكم ونلقاكم في دورات جاية كثير بإذن الله .
ادعولنا بالتوفيق👏❤️

السلام عليكم🌸
باقي عدد محدود جدًا
من أماكن ورشة
بيت نظيف = دماغ مرتبة = عبادة مطمئنة
بعد اكتمال العدد
هيتم قفل الحجز نهائيًا.
لو حابة التفاصيل أو الحجز
https://chat.whatsapp.com/K4SnvJD3pm9BBr1qsmwYME