عالم الطفولة مع أية العاصي

اللَّهُمَّ أَهِلَّهُ علَيْنَا بِالأَمْنِ والإِيمَان، وَالسَّلامَةِ والإِسْلامِ، رَبِّي ورَبُّكَ اللَّه، هِلالُ رُشْدٍ وخَيْرٍ🤍
مبارك عليكم شهر رمضان 🌙

🌀🌀🌀دور الأب في حياة ابنه المراهق 👨‍👦
في مرحلة المراهقة، الولد مش بس محتاج حد يوجهه… هو محتاج سند حقيقي، والأب هو أول وأهم سند.

1. احتواء قبل التوجيه 🫂

الابن المراهق مش هيستجيب للأوامر، لكنه هيفتح قلبه لو حس إنك بتسمعه وبتفهمه.
اسمع له من غير حكم، وافتح له باب الكلام، حتى لو قال حاجة مش على هواك.

2. كن قدوته مش رقيبه 👀

هو بيتعلم منك من غير ما تحس…
لو شافك بتتعامل مع الناس باحترام، أو بتحل مشاكلك بهدوء، هيتعلم يعمل زيك.
التربية بالمثال مش بالكلام.

3. اديله مساحة يتحرك فيها 🧠

مش لازم تمسك في كل حاجة بيعملها…
ساعده يتحمل مسؤولية تصرفاته، وناقشه من غير ما تفرض رأيك، لأنه كده كده بيدور على استقلاليته.

4. ابني ثقته بنفسه 🌟

كلمة أنا فخور بيك بتقوي شخصيته أكتر من أي نقد.
ووقت ما يغلط، متكسرهوش… علمه إن الغلط فرصة للتعلم، مش حكم بالإعدام.

5. خليك موجود فعلاً طول الوقت ⏳

قعدة بسيطة على القهوة، مشوار صغير بالعربية، أو حتى ضحكة على مسلسل…
كل لحظة حقيقية بينك وبينه بتبني جسر متين بينكم.

6. كلمه عن الحاجات المهمة من غير خجل 💬

اتكلم معاه عن العلاقات، الصحوبية، الضغوط، التغيرات اللي بيمر بيها…
هو محتاج يسمع الكلام دا منك، مش من السوشيال ميديا أو أصحابه.

7. المراهق مش عدوك… هو مشروع راجل صغير 👦🏼➡👨🏻

في كتير من الآباء بيتعاملوا مع المراهق على إنه خصم، لكن الحقيقة إن الولد في السن ده بيبقى عايز يثبت نفسه، ومحتاجك تكون مرآته مش خصمه.
اديله فرصته يتكلم، يجرب، يتعلم… حتى لو غَلِط، خليك دايمًا اللى يطبطب بعد الخبطة، مش اللي بيزق زيادة.

الخلاصة؟
مش مهم تكون مثالي كونك أب مش بس لقب… دي رحلة فيها حب، واحتواء، وتوجيه من غير قسوة.
ابنك مش هيبقى نسخة منك، بس هيكون جزء منك… فخلي الجزء دا قوي، واثق، ومرتاح.
حافظ علي علاقتك بابنك لأنها أكبر استثمار في مستقبله
🌀🌀🌀🌀🌀🌀🌀
طيب لو الأب مش موجود 🤔؟
مهم إن الأم بتوفر للمراهق قدوه ذكوريه فى حياته زى العم أو الخال أو المدرس أو الكابتن ، و تسمح لهم بالمشاركه بالمسموح ، بمعنى مثلا شوفت موقف خالك النهارده اتحكم فى غضبه وقت ما حصل مشكلة كذا ، أو المدرس فلان دا مهذب بيوجهك لما بتغلط بطريقه فى احترام ازاى ، أو الكابتن دا محترم اوى قدر يحفزك للتمرين النهارده من غير ما يزعق لك أو يهينك ، و هكذا نشاور للمراهق على السلوكيات الايجابية اللى بيقتدى بها ذكور مثله ...
_____________>>>>منقول

يا باااغي الخير اقبل 💜
كل عام وحضراتكم بخير بمناسبة شهر رمضان الكريم عودة اسبوع الخير
تقييمات للاطفال واستشارات نفسية للكبار مخفضة أو مجانية لغير القادرين
أحجز من الآن من خلال خدمة الواتس اب

من داخل قاعة الاستشارات النفسية
انشرت جدا جملة حنسيب بعض عشان مبقناش مستحملين بعض🚫❌️❌️❌️
العلاقات بين الناضجيين في زمنا الحالي مش مفروض أصلا تقوم على الحمولة (اننا نستحمل بعض)

العلاقات الان تقوم على فهم ثم تطوير كل واحد لنفسه و النمو و النضج داخل العلاقة
و تطوير وسائل التواصل مع الآخر
كل واحد يشوف مشاكله في إيه و يصلحها ازاى

و الاستحمال و الصبر بيكون على "العلاج" و:التطوير"مش على الطبع نفسه وهنا لازم الجهد والمحاولة يكون من طرفي العلاقة
فلو بتعرفوا تعملوا كده يبقي متتردوش ابدا ولو مبتعرفوش خلق علم الارشاد النفسي للعلاقات اصلا لكده
فمتتردتش تطلب الدعم والمشورة من متخصصين
#آيةالعاصي

بعد وجود الاطفال " ربنا يبارك فيهم " مضطرين نغير اسم الأوضة من ليڤينج روم ل زريبة روم 🙂🙂🙂 ونبيع كل العفش الفاتح اللي اشتريناه

حصنتك يا فلذة كبدي برب الفلق أن لا يقترب منك سوء ولا يضرك مع اسمه شيئاً 🤲🏼❤️ ..

لهم أصَابعِي العَشرِ عُمرًا بأَكملهِ♥️
ومن آذاهَم ولَو بِنظرةٍ فَهو عَدوُّ قلبِي حتَّى يحَنّ .. . اللهم إنهم ولادي ♥️🦋🌸
هم حياتي ، هم النفس ، هم الحياة ، فاحفظهم بحفظك واكللهم برعايتك ❤️

أسم الله اللطيف 💜

جايز تتوجع ممكن تبكي وارد يكون في ابتلائات
بس الاكيد أن ربك بيصبر ويهون حاول تفتكر موقف صعب عليك ربنا لطف علي قلبك بعده
وكن ممتنا للطف الله بك ونام وأنت مستحضر
(إن الله لطيف بعباده)
صباحكم فرحة💜

😪✔️