17/05/2026
؟؟؟
بص ياسيدى
الاول خلينا نقول يعنى ايه مدين ودائن
لما انت تبيع بضاعه ب100جنيه على الحساب آجل يعنى يبقى انت كده عايز من احمد 100جتية
ودى بتتقال كده
احمد مدين لى ب 100جنية
عشان كده احمد فى الدفتر بتاعك بيكون رصيده مدين
نفهم من ده الحساب الى بيكون رصيده مدين معناه ان ده رصيد لك يعنى حاجه بتاعتك
عشان كده الاصول بيبقى رصيدها مدين لانها بتاعتك
والعكس صحيح يعنى لما تشترى بضاعة على الحساب من المورد يبقى ده دين عليك ورصيده بيبقى دائن
احنا دلوقتى كشركه بناخد فلوس من الملاك بنسميها رأس المال ونشغله يعنى نشترى بضاعه ونبيعها لصالح الملاك
عشان كده المبيعات اللى بنحققها مش بتاعت الشركه لاء دى بتاعت صحاب الشركه اللى هم الملاك عشان كده هى دين على الشركه وعشان كده هى دائن CR
اتفقنا ان المبيعات دى دين عليك لصالح صحاب الشركة اللى هم الملاك
بس قبل ما تديهم المبيعات بتخصم منهم المصاريف اللى انت صرفتها من خزنة الشركة
يعنى الملاك عايزين منك المبيعات اللى هى الايراد وانت عايز منهم المصاريف اللى صرفتها من معاك
عشان كده بنقول على المصروف مدين DR لانه ليك
عشان كده بنخصم المصروفات اللى هى بتاعتك من الايراد بتاع الملاك والباقى اسمه صافى ربح هو ده اللى بنحطه فى حقوق الملكية
وركز كده هتلاقى صافى الربح دائن لانه دين عليك لصالح الملاك
#ابسطهالك
الملاك دول زى واحد فاتح محل فول وفلافل والشركة زى واحد شغال فى المحل بتاع الفول والفلافل يفضل يبيع طول اليوم واخر اليوم يلم الفلوس اللى باع بيعها ويديها لصاحب المحل
بس قبل ما يدهاله بيخصم منها يومية العمال وفلوس العيش والفول اللى اشتراهم للمحل خلال اليوم ويديلوا صافى الايراد اللى بنسميه صافى الربح
الشركة شغالة عند الملاك
لما تبيع يبقى المبيعات دى دائن لانها دين عليها لصالح الملاك
والمصاريف دى مدين لانها بتاعت الشركة