18/11/2025
ازاي أبدا اتعلم برمجة !؟
خلينا دلوقتي نتكلم عن RoadMap لتعلم البرمجه من الصفر 🗾
1-C++
هتلاقي كذا حد بيقولك اتعلم CS50 بس انا شايف لو سنك من 18 فيما فوق تبدأ ب ++C افضل
هتتعلم فيه اساسيات البرمجه اللي محتاجها عشان تفهم كود وتكتب كود وده من خلال تعلم حاجات زي
Variable
Data type
Array
Pointer
وهكذا فهتتعلم كود وازاي تعرف تتعامل مع برنامج Code Blocks وازاي تعمل اكونت ع Codeforces
ودي اصعب مرحله لأنها هتبقي اول تعامل ليك مع البرمجه بشكل عام
2- Object Oriented programming (Oop)
ودي هتساعدك تطور من طريقه كتابتك للكود وازاي تقدر تختصر الكود وتكتب كود بشكل اكتر احترافي
3- Data Structure and Algorithm
ده بقي الأساس ليك هيساعدك بعد متخلصه انك تشوف التراكات المختلفة وتختار افضل تراك من وجهة نظرك وده هيجي عن طريق انك تقرا عن كل تراك أو تجرب سيشن ف كل تراك وتشوف الأنسب والاقرب ليك
4- Problem solving
واخيرا كورس بروبليم سولفينج وده لو انت حابب تطور من مهاراتك الشخصيه وطريقه تفكيرك وتتعلم ازاي تكتشف الأخطاء بسرعه وتحلها فصدقني ده هيفيدك اوي وكمان هياهلك تشارك في مسابقات البرمجه زي
ECPC, ACPC
طب كل ده ياخد منك وقت قد اي الدبلومه دي تاخد من 3ل4 شهور لو شغال مكثف وبتبذل مجهود كبير لكن لو شغال بريتم متوسط من 6ل7 شهور ممكن أقل وممكن اكتر اعتماد عليك انت
بعد متخلص كل ده تبدأ بقي تشوف التراكات المناسبة ليك وتدخلها وده هيكون ف بوست تالت ♥️
بالتوفيق ليكم جميعا ♥️
