كل عام وحضراتكم طيبين وبخير وفى سلام داخلي..
اتمنى من كل قلبي، ان كل واحد كان مأجل حاجه نفسه يعملها،،يقوم وياخد خطوة دلوقتى صغيرة من غير ما يستنى يدخل برجله اليمين 2026...😉😄
اتمنى من قلبي، لكل شخص تواصل معايا وكان نفسيته تعبانه لأنه عايش في الماضي البعيد،،، انه يسأل نفسه" مش أان الأوان نسيب الدور ده وندخل السنه الجديدة فى دور تانى أحلى بأمل وتفاؤل ...
اتمنى من كل قلبي،،،لأي حد قالي" مش قادر ابدأ لأنى فاقد الشغف"،،
آن الأوان نتعلم ان النجاح وتحقيق الأحلام مش لازم ابدا يبدأ بالشغف،،
العكس صحيح،،ممكن تبدأ وانت الموضوع تقييل على قلبك وحاسس انك مش قادر بس بتعافر عشان توصل وصدقني يا صديقي والله هتلاقي فجأءة الشغف هبط على قلبك متعرفش منين وبقيت شعلة من الحيوية والنشاط🔥🔥🔥🔥
اتمنى من كل قلبي،،،ان كل الناس اللي تواصلوا معايا بخصوص الوسواس القهري...انكم تتبعوا التعليمات والتدريبات بجدية،،وانكم متملوش بسرعة وتفقدوا الأمل،،،هو اضطراب صحيح وحاسة بمعاناتكم لكن لازم يكون عندكم صبر وإيمان بالله انكم ان شاءالله 🤲تقدروا تقضوا على الأفكار السخيفة وتقفلوا فى وشها باب 2026
"OCD🫷YOU'RE NOT INVITED ..GOODBYE 🫡"
واخيراااا💝...بحمد ربنا على كل النعم اللى انعمها من صغيرها لكبيرها...
وممتنه ليه فى كل خطوة خطتها وكل قرار اتخذته بحكمة من ربنا ...
والحمد لله رب العالمين على كل اللى وصلتله النهاردة وفخورة بيه ومش بشطارة مني لكن بتوفيق ربنا سبحانه وتعالى...وكما علمتني الحياة..
سأظل تلميذة فى مدرسة الحياة وسأظل اتعلم وسأظل اعطي من عطاء ربنا للخلق...🌺🌺🌺
Metamorphosis by Ness
Share
Cognitive Behavioral Therapy Coaching
Hi! I'm Nesreen. I Help People who are willing to Evolve and Transform their life into a brand new one.
As i once supported myself, i'm willing to support you. All you need is your Will and your Commitment.
🌺 ملف الوسواس القهري فى الصلاة والوضوء
ملف الوسواس القهري فى الصلاة والوضوء 🌺
دايما التفاصيل هي اللي بتفرق فى كل حاجه...
دايما الشخص اللي عنده رضا وسلام نفسي وثبات انفعالي مع ربع هدووء...تلاقيه قاعد فى المكان ووسط الزحام بيبص على التفاصيل الجميلة او الغريبة ويقعد يتغزل فيها....
اللى قدامك ممكن يستهيف اللى انت بتتغزل فى جماله وشايفة نعمة جميلة حتى لو نسمة الهوا الساقعة الجميلة اللى بتلمس الوش....
ساعتها متردش عليه وكفاية عليه ايماءة بسيطة مع ابتسامة مستفزة
وانت بينك وبين نفسك بتقول( والله أخر مرة تخرج معايه🤣🤣🫡)
بكلمكو بأمانه يعني😄😄
أصل انا اتعلمت ان الرد على بعض الناس وقت ضايع...ليه اضيعه على حد مش شايف النعم او اى حاجه جميلة خلقها ربنا حتى ولو لدقيقه...
ليه ادخل فى جدال مع أشخاص انا عارف وشامم انهم عايزين جدال من باب انا صح وانت غلط وغلط وغلط. يبقى ده تمشي معاه بمبدأ
(انت صح👍)
مع المشاوره بالايد كده🤗...لكن ادخل دايما النقاش مع الشخص اللى بيحترم وجهات النظر والشخص الباحث عن الحقيقة وفقط....
صدقوني الباقيين دول بيقصروا العمر وهرطقة فاضية مش محتاجه منك اى انفعال او انخراط لإثبات وجهة نظرك🤷♀️
#سلام نفسي
14/12/2025
💡تعالى نفكر ونتدبر مع بعض...
لمه نفهم ونستوعب فكرة ان هناك قسوة وظلم وبلاءات باختلاف انواعها هذا ليس لأننا أبناء هذا العالم ولكننا خلقنا فى الأصل بحكمة الاهيه ،،،
💡 وهناك قيم مطلقة ومعاني مطلقة،، بنحاول نقيس بيها ما يحصل عليها،،،
💡 ف يا صديقي اصل التكليف ( الذي خلقنا له) هو فى خفاء الحكمة...
فبماذا نقارن العالم عندما ندعوه قاسيا ؟!!!!
💡 ما هو المعيار الذي نحكم عليه هذا العالم؟؟؟!!!
تفكر وتدبر حياتك لتفهم فتغير نظرتك بأكملها.....
دمتم سالمين🤗🌺🌺🌺
💡💡المعنى الحقيقي للسعادة من دكتور مهاب مجاهد 🌷 الطبيب النفسي المعروف بأخلاقه العالية وعلمه الواسع بطريقته الصريحة الواضحة..
وزي ما قالنا الكتاب" ولقد خلقنا الإنسان في كبد"..فتفكر وتدبر
صباحكم جميل ان شاءالله 🌺🌺🌺🌺
13/12/2025
الف شكر دكتور مهاب مجاهد على هذه المحاضرة الأكثر من رائعة والتى استفدت منها الكثير...ودائما فى انتظار حضرتك فى الكويت فى لقاء جميل مثمر مرة اخرى🌷🌷🌷
11/12/2025
اللايف الجاي هرد على الوسواس القهري فى الوضوء والصلاة لأنه كتير بردو بيعانوا منه....وان شاء الله ارد على باقي الأسئلة اللى جاتلي الفترة اللى فاتت عن التسويف ومشاكل تانية كتير...
تصبحوا على سعادة واطمئنان 🌺🌺🌺
11/12/2025
لايف النهاردة بليل ان شاءالله مع الأمطار 🌧 🌧 🌧 🌧 🫡🌺
28/11/2025
⚓️ اتعلمت الصبر!!
الصبر على البلاء مع السعى والاجتهاد والنتيجة على الله...
الصبر على ناس بقيت اشم انهم عندهم مشاكل نفسية واضطرابات سلوكية لم يتم علاجها...
⚓️ وده ياخدني للنقطة التانية وهى :
اعتزل ما يؤذيك ...من تالت فرصة بالكتير وكده تبقى عملت اللى عليك وعداك العيب بشارعين...اصل الواحد فى غنى عن الكلام الكتير والجدالات
⚓️ اتعلمت قيمة الوقت فى حياتى:
مهو يا اما أضيعها فى حاجه مفيدة هترفعنى لفوق ، يا اما فجأة هتلاقى العمر عدى وانت محلك سر...
اتعلمت ان الفشل والعراقيل هى اللى بتنجح...
اتعلمت ان الناجح هو اللي بيتعلم بسرعة من أخطاءه مش اللي واقف بيبكى على اللبن المسكوب...
⚓️ اتعلمت ان قيمتي الحقيقية من أخلاقي وسلوكياتي وان مهما كان اللي قدامى وقح او جواه شر مكبوت...افضل صلبة وثابته على مبدأي لأنى من العلام عرفت ان السلوكيات السيءة دليل على وجود اضطراب فى الناس دي....
⚓️ اتعلمت ان الصمت مع ناس معينة، فى مواقف معينة هي عين العقل ومنتهى القوة والحكمة مش العكس...عشان كده مبقاش فيه اى بشر يهزني ....كله على الله...
⚓️ اتعلمت اعتمد على نفسي اعتماد كامل ...لا استنى حد يسقفلى ولا يدعمني...وان الحياة والنجاح معتمد على توفيق ربنا ومجهودي وفقط..
(طبعا وجود شخص نضيف اخلاقيا وسلوكيا فى حياتك ده مهم جدا واكيد دعمه ليك اهم من اى حد تاني...وده يتشال على الراس..احنا بشر ووجود ناس حوالينا مهم )
⚓️ اتعلمت المعنى الحقيقي للاعتذار وانه من صفات الناس القوية نفسيا وعندها نسبة عالية جدااااا من الثقة بالنفس💪.
فنصيحة ولوجه الله...لمه تلاقى حد غلط وجه اعتذرلك يبقى تحترمه وتشيله فوق راسك لكن لو نفسك هتقولك لأ بردو لازم اوريه والكلام ده
فلا تلوووووم الا نفسك🤷♀️🤷♂️..
⚓️ اتعلمت ان الناس عادي بتتغير...
يعنى اللي صحبك النهاردة ...ممكن جدااا الغيرة تدخل قلبه من نجاحك ويتحول...عادي...دى إشارة من عند ربنا انه it's time to let them
مهى الحياة تجارب ...والتجارب بتيجى اكتر من السيءة عشان نتعلم منها🌷
اتعلمت احط حدود كويس اوي ...واحترم حدودي...واحترم حدود الأخرين
يعني مسألش حد عن أي حاجه تخصه حتى لو هايفه وبسيطه..
مهو لو عايز يقولك المعلومة هيقولها علطول..لا تسأل عن ما لا يعنيك حتى لا تسأل عن ما لا يعنيهم🤷♀️🤷♂️..هتقولى مهو فيه ناس مستفزة وبتحب تسألني عن كل حاجه....الرد اللى قلتهولكم قبل كده كافي جدا انه يكسف اللى قدامك وهو (معلش اعفيني من الرد) ...خلصانه بشياكة 🌺
وللحديث بقية...دمتم سالمين😉🌺
06/11/2025
اكتبلنا فهمت حاجه🤓😉؟؟!!
31/10/2025
نس رع بتمسي على شعب مصر 🇪🇬🇪🇬وتحيا مصر والمصريين🫡🇪🇬🤍♥️🇪🇬🫡🇪🇬🫡فخورة جدا انى مصرية..ربنا يحفظ مصر ارضاء وشعبا .
Click here to claim your Sponsored Listing.