رسالة أمل

حقيقة مقدرش أحكم على حد يائس من رحمة ربنا وقرر أنة يستسلم ويتتخلص من حياتة بالرغم من أننا مش ملك نفسنا ، لكن كلنا معرضين لفترات في حياتنا من الإحباط والفشل والانطواء من الآخر كدة كلنا معرضين لفترات انكسار واكتئاب لأسباب كتير أما سببها ،ضغوط الحياة أو حتي أمراض جسدية

لأزم نفهم إني أي أزمة بتعدي علينا بنتعلم منها رساله ودرس و بنطلع منة شخصية مختلفة تماماً أما بنطلع شخص قوي أو شخص محطم مجروح، طبعاً أنا مش عايزة اصدمك وقولك إني ممكن تكون انت سبب الأزمات إللي في حياتك نتيجة قراراتك الغلط،
طيب اتعامل إزاي لو لقيت نفسي في أزمة واستمرت فترة طويلة ولقيت نفسي بنطوي وساكت ومش قادر أكمل.

1- أول حاجة اعترف اني في حاجة أكبر من طاقتك ولازم حد يشيل معاك وهنا لأزم تطلب مساعدة ،طبعا الحد دة مين.
أولا - لأزم يكون طيب نفسي دارس طب من جامعة حكومية ومعروف ومش ليف كوتش ولا مدرب تنميه بشريه ولا بتاع مشورة مع احترامي للجميع طبعاً،
واطمن المشكلة بتتحل بمجرد ما بتقرر تتكلم عنها مع مختص فاهم وجعك ومشكلتك.

2- بلاش تلبس ماسك النجاحات والإنجازات خليك في فترة بناء حقيقي لذاتك وعالج نفسك علشان تنجوا من القاع.

3- تقبل فكرة واقعك وحياتك واللي حصل حصل خلاص
لكن في مخرج .

4-اوعي تشفق علي ذاتك وتعيش الدور وتصدق أفكارك دماغك هتسوحك خليك واعي واحمي نفسك وأسأل نفسك اية اصغر حاجة ممكن أعملها تساعدني أطلع من إللي انا فية.

5-اتصرف على طبيعتك وقلل التزامات تجاة الناس ولما تحب تقول لا قول لا دة مش مناسب معايا.

6-ظبط نومك واكلك ومظهرك ، شكلك مهم الدرسات الحديثة اثبتت اني الإنسان بيبقي سعيد لما يشوف نفسة حلو في المرايا .

7- آخر حاجة وهي أهم حاجة وانا حبيت اذكرها في الآخر واظب على عباتك وصلواتك دول مش رفاهية دول شيء أساسي غذاء لروحك زي غذاء الجسد بالظبط.

إيه رأيك النهاردة لو نبص لتحديات الحياة دي على إنها ورشة عمل مفتوحة لإعادة بناء شخصيتنا الجديدة؟
كل موقف صعب، كل زعلة، وكل خيبة أمل.. مش نهاية الدنيا، دي مجرد طوبة بنشيلها ونحط بدالها طوبة أقوى وأجمد في بنيان شخصيتنا.
متزعليش على اللي فات، بصي لقدام وإزاي ممكن تستخدمي كل اللي مريتي بيه عشان تبقي أحسن وأقوى وأوعى.
إنتِ المهندسة المعمارية بتاعة حياتك، وبتبني صرح عظيم اسمه "أنا الجديدة".
"
#رحلة وعي
#هبة نصري

عزيزتي حواء
ماذا لو أخبرتك ما لم يخبرك به أحد من قبل
دعيني اليوم أخبرك قصتك بشكل مختلف
كل ما عليكي هو تثقي أنني أكتب هذا الكلام اليكي مخصوص
قد لا أعرفك أو ربما لا نتقابل يوما ما من الايام ولكن نحن نشبة بعض في كثير من القصص والاحداث
كلماتي ليست كلمات تنمية بشرية ولا تحفيز عادي, بل هي خبرات عبرت بها قبلك وكل غرضي هو أن
أخبرك كيف كانت رحلتي مع قصتي القديمة.

** أخبروكي إنك طفلة ضعيفة هادئة لاتقوي حتي علي حماية نفسها, فكبرتي علي هذا الخرافة دائماً تحتاجين الي حماية من من لا تعلمين وفي الحقية انتي قوية وقوتك تكمن في هدوئك .

** أخبروكي انكي ضعيفة غير واثقة من ذاتك, فكبرتي وانت تشكين في كل انجاز وكل تحدي وتحتاجين
دايما الي من يخبرك انك جيدة فاصبحتي تتسولين كلمات المدح والتشجيع وتقيم الآخرين لكي .

** أخبروكي انكي غير كفاية وغير جديرة بالحب وانكي مهما فعلتي فهو غير كاف فكبرتي وانت تحرقين
ذاتك لمن حولك ونسيتي انك مخلوق رقيق وانكي واهبة الحياة لمن حولك وان وجودك نعمة لمت يقدرها
وانك تستحقين الحب والتقدير دايما

** أخبروكي اني درجة ثانية في البيت والعمل بحجة الاصول والمجتمع والقوانين والمجتمع والاعراف
و حتي عندما اصبحتي أم فكبرتي علي خرافة انكي كائن درجة ثانية

اليوم أريدك أن تكتبي قصتك من جديد وأن تقرائي ذاتك جيدا ،وإن تخبري نفسك انكي شئ مقدسا نقيا قويا كاملا وكافيا.

تحياتي
بقلم الكاتية / هبة نصري
#رحلةـوعي

بنات كتير وهي لسه بتبدأ حياتها العملية، بتبقى متحمسة وعايزة تثبت نفسها في أي مجال وخلاص.. بس في نقطة مهمة لازم تاخدي بالك منها عشان متتعبيش قدام: "اختاري مجالك صح من الأول"!
الموضوع مش بس إنك تلاقي شغل دلوقتي، الموضوع "استمرارية". في مجالات طبيعتها قاسية وبتميل أكتر للرجالة، سواء بسبب المجهود البدني، المواعيد، أو حتى طبيعة البيئة نفسها.
لو دخلتي مجال "رجالي" بحت وقررتي في وقت ما تسيبي شغلك أو تغيري الشركة، هتتفاجئي إن الفرص المتاحة قدامك قليلة، وهتسمعي جملة "مطلوب رجال" كتير.. وساعتها هتحسي إن مجهودك وخبرتك مش عارفين يلاقوا مكانهم الصح.

نصيحتي ليكي:
دوري على المجالات اللي بتدعم الستات وبتقدر مهاراتهم (زي الـ Design، الـ Marketing، التدريس، الموارد البشرية HR، البرمجة، وغيرها).
اختاري شغل مرن، يقدر ظروفك المستقبلية ك ست بيت أو أم، عشان متضطريش تضحي بحياتك عشان الكاريير، أو تضحي بالكاريير عشان بيتك.
خليكي ذكية في اختيارك.. الخبرة اللي تبنيها النهاردة، لازم تكون هي "سندك" بكرة في أي مكان تروحيه.
فكري في "بكرة" قبل ما تدوسي في "النهاردة".

قوليلي في الكومنتات.. إيه أكتر مجال شايفاه مناسب للبنات وبيدي ليهم فرصة حقيقية للنمو؟

#كاريير #مستقبلك #تخطيط
#رحلة وعي
Nasry

❤️

لما بنوصل للقاع، الخوف بيموت.. والوضوح بيبدأ."
طول عمرنا بنخاف من الوقعة، مع إن الوقعة هي اللي بتخلينا نرتب كراكيبنا من جديد ونرمي كل اللي وجع قلبنا وخد من روحنا "عالفاضي".
السنة بتخلص.. ومفيش معجزات هتحصل لوحدها. السنة هتفضل "عادية" ومكررة، إلا لو قررت بجد إنك تغير "ذاتك القديمة" وتصالح نفسك الجديدة اللي شافت الحقيقة في عز الضلمة.

مين فينا ما قعدش في قاعدة مع شخص قريب وحس ساعتها إنه لوحده تمامًا؟
المواجدة مش أي حد يقدر يقوم بيها، حالة الحضور الكاملة اللي بنحتاجها في كل علاقاتنا مع شريك الحياة أو الأولاد أو حتى أصحابنا الحقيقة مش موجودة عند كل الناس، بالرغم من إنها مش مكلفة ماديًا خالص، لكن في نفس الوقت بتحتاج ذكاء عاطفي عالي. فكرة إنك تسمع شخص وأنت منتبه للكلام اللي مش عارف يقوله أو يعبر عنه...
الشخص اللي قدامك قاعد، بيحرك راسه، يمكن بيرد بـ "آه" و "تمام"... بس أنت حاسس إن روحه مش هنا. عقله بيجري ورا فواتير، بيخطط لبكرة، أو الأسوأ... مستني اللحظة اللي تسكت فيها عشان ياخد دوره في الكلام.
الـ "Presence" أو الحضور الكامل اللي بنتكلم عليه ده مش إنك تكون موجود بجسمك وبس. ده جهد بيتطلب منك إنك تدي كل تركيزك، زي ما تكون عامل "لوك" على الشخص اللي قدامك. لا التليفون يشغلك ولا فكرة تطيرك.
دي مش رفاهية في العلاقات، دي البنية الأساسية. لما بنفشل إننا نوصل للحالة دي، علاقتنا بتبقى قشرة، بنحس بالوحدة حتى وإحنا متجمعين.
الذكاء العاطفي العالي بيظهر في اللحظة اللي بتعرف فيها تسمع اللي متقالش. إنك تلقط التردد اللي في نبرة الصوت، تشوف القلق اللي في العين، أو تحس إن جملة "أنا كويس" وراها بحر تعب.
لما بتسمع اللي جوه، مش اللي على السطح، أنت بتتحول لـ "مساحة أمان". مساحة بيعرف فيها الشخص التاني إن فيه حد شايفه بجد وفاهمه بعمق.
عشان علاقاتك تكون حقيقية، محتاج تدفع الثمن الوحيد ده: إنك تكون حاضر... كليةً.
#المواجدة

🌞🌞🌞

مطلوب منك تختاري إللي يناسبك علشان تكوني مرتاحة في حياتك وتقدري تقومي بدورك في البيت وفي الشغل ،لكن مش مطلوب منك تتنازلي وتكسري نفسك بنفسك.
#عيشي بطبيعتك