01/10/2023
عارف إن الكمبيوتر مش بيفهم انجليزي! اه بجد ولا اي لغة الانسان بيتكلم بيها, بيفهم بس Machine Language، طب عمو الكمبيوتر بيفهمنا ازاي 🤔 تعالوا نعرف.
🟪عندنا 3 انواع لغات برمجة :
1. Machine Language
2. Low-Level Language
3. High-Level Language
🟪نبدا ال Machine Language 1️⃣
هي اللغة الوحيدة اللي بيفهمها الكمبيوتر مباشرة. وهي عبارة عن سلسلة من الأرقام 1 و 0، اسمها النظام الثنائي Binary ,طبعا عشان الكمبيوتر بيفمها بيقدر ينفذها بسرعة كبيرة جدا و لكن صعب اي حد يكتب كود باستخدام ال Machine Language طب ليه ؟
لو عاوز اكتب Hello بال Machine Language هتبقا عاملة كده:
01001000 01100101 01101100 01101100 01101111 اعتقد الصورة وضحت 😅
🟪تاني نوع Low-Level Language 2️⃣
هنا بدأنا نسعمل كلمات و لكن لسه قريبة من ال Machine Language. يعني لو عاوزين نجمع خانتين بنكتب ADD و لو عاوزين ننقل Data بنكتب MOV بتستخدمها لو عاوزين نبرمج Microprocessor مثلا و لكن برضو هي مش سهلة لانك بتتعامل مع Registers و Address من ال Memory مثال عليها لغة ال Assembly
🟪اخر نوع معانا High-Level Language 3️⃣
هي لغة سهلة مقارنة بال Machine Language و ال Low-Level , عشان هي قريبة جدا من الانجليزي العادي عشان كده اتسمت High-Level لو حبينا نقول للكمبيوتر يطبع كلمة Hello هنقوله بكل سهولة print("Hello")
طبعا بعد ما بنكتب الكود السهل ده عشان الكمبيوتر يفهمه بيتحول ل Machine Language طب ازاي؟
عن طريق ال Compiler و Interpreter و هيبقا ليهم بوست لوحدهم ازاي بيعملوا كده
ال High Level Language بتستخدم في مجالات كتير زي App Development بشكل عام و AI و ال Data Scienceو مجالات تانية كتير
امثلة عن اللغات دي : Python, C #, Java, Java Script
دلوقتي انت عرفت الفرق بين انواع اللغات و كل لغة شكلها عامل ازاي و بنستخدمها في ايه
تحب تتعلم Machine Language عشان تفهم الكمبيوتر و الكمبيوتر يفهمك؟😂❤️
اكتبلنا اسمك في Comment بال Binary
باي
29/09/2023
تفتكر الكمبيوتر بدأ ازاي ؟ 🤔
ازاي شوية اسلاك بتوصل كهرباء وبتنور لمض بقت الكمبيوتر وبقدر اخش العب عليه ولا افتح الفيس واضيع وقتي عليه
علشان تعرف ازاي خلينا نرجع ورا شوية بالزمن.
🟪طيب تاريخ الكمبيوتر بدأ من زمان ، خلينا نرجع علي اواخر القرن ال 19،
فى شخص اسمه Charles Babbage ده اخترع جهاز اسمه Analytical Engine ، وده يا صديقي لو شوفته ممكن تكرهه الاجهزة كلها وحياتك شخصياً ، ده كان حاجه تخوف اصلا وشكله شكل الة الخياطه كانت وظيفته يعمل العمليات الحسابيه ، بس مكنش افضل حاجه بس كانت بتمشي الحال فى الوقت ده.
🟪 ثم اخترعوا جهاز اسمه The Turing Machine و ده مكنش فى اختلاف بينه و بين اللي فات الاتنين كانوا مبنين علي اساس ميكانيكي بحت ومكنتش بطبيعة الحال افضل شيء و برضو كان شكله بيخوف بس كان اصغر شويه.
🟪وفى اثناء الحرب العالمية الثانيه اخترعوا جهاز اسمه ENIAC و ده كان اول جهاز الكتروني بس ده بقا كان ضخم جدا و فى حجم اوضه كامله وده اللي مشهور فى الاغلب لما بنقعد نسمع حوار الكومبيوتر بتاع زمان.
🟪بس الحال ده الحمدلله مفضلش كتير بسبب ان فى 1940 اخترعوا الترانسيستور ولو متعرفش الترانسيستور يبقي فاتك نص عمرك، لانه كان semiconductor devices ودي قدرت تخلي الكمبيوتر اصغر واسرع ويعتمد عليه اكتر وممكن نبقى نتكلم فى النقطه دي فى بوست لوحده بعد كدا.
🟪المهم بعد 30 سنه من اختراع الترانسيستور وصلوا لاول Microprocessor طبعاً مكنش فيه I7 جيل 11 ولا الكلام ده، كان مجرد حاجه بسيطه اخرها تعمل العمليات الحسابيه ودا كان من شركة Intel.
🟪يعتبر بعد الفتره دي بدأ يظهر ال Personal Computer وان كل شخص ممكن يكون معاه حاسوب ( اه حاسوب) و ده عملته شركات زي Apple و IBM وهكذا.
🟪وفي اواخر التسعينيات ظهر الانترنت وقدرنا ان الاجهزة تتوصل ببعض وده حوار هيكون ليه بوست مخصص.
🟪بس حابب اقولك يا صديقي ان تطور الكمبيوتر موقفش لحد هنا لان بعد الاختراع والتطوير ده وظهور الموبيلات وال IPHONE 15 PRO MAX اللي نفسك فيه وانا كمان 🥹🥹
🟪فى Quantum Computing🤨اه كوانتم زي ما سمعت ، بس مش هنخش عالم مارفيل ونرجع بالزمن وكدا.
🟪 فى العلم ده فى حاجات تجنن حرفياً، يعني عاوز اقولك ان العملية اللي يحلها الكمبيوتر العادي فى سنين ممكن يحلها الجهاز في ثواني
بس طبعاً مكلف جداً والتعامل معاه مش سهل.
ياريت تقولنا في الكومنتات ايه اكتر جهاز شد انتباهك، وشارك معانا اول جهاز دخل البيت وانت عندك كام سنه وكانت ايه امكانياته 😄
