14/06/2026
لو إبنك داخل رابعة إبتدائى ، ده أهم بوست حيفيدك معاه ، كملى قراءة وإعمليsave .
👈أطفال كتير جدد ، إشتغلت ساينس معاهم في العام الدراسي ، وإكتشفت الفاجعة أثناء الدراسة ، أن أغلبهم لا عارفين يقرأو ولاعارفين يكتبوا وبالتالى مش فاهمين حاجه فى الساينس .
والمعاناه أنهم يفهموا ، مع ضيق وقت العام الدراسي ماتتوصفش .
👈 السبب حاجات كتير وأهمها عدم التأسيس في اللغة الإنجليزية .
ليه بقى مهم ؟ 🤔 حقولك أهو ..
- المصطلحات العلمية الدقيقة زى مثلا :
Ecosystem ، Nocturnal and Echolocation
وإذاى يقدر يعرَفهم باللغة الإنجليزية ،
👈محتاجة طالب قوى فى القراءة والكتابة والفهم قبل الحفظ .
- التفرقة بين الكلمات المتشابهة زى :
weathering, weather
واذاى لو قرأهم غلط معنى السؤال كله يتغير
👈محتاجة طالب متعود على القراءة وملاحظة الإختلافات.
- فهم صياغة الأسئلة المقالية زى Give reason , what happens and Explain
👈محتاج طالب يقدر يفهم السؤال عاوز إيه .
- استخدام قواعد ال Grammar بطريقة صحيحة
إذاى يقدر يفرق بين الكلمات المفرد والجمع
وإذاى يقدر يستخدم أدوات الربط زى :
Because, due to and as.
👈كل ده محتاج طالب قوى ومتأسس فى اللغة الانجليزية مش قوى فى الساينس اللي لسه حيتعرف عليه .
الخلاصة 👌
طالب متأسس صح فى اللغة الإنجليزية = طالب شاطر فى الساينس 💪
ولذلك ،إستغلى الأجازة صح علشان ترتاحى فى العام الدراسي وتلاقى أفضل نتائج فى الساينس .
