Beauty queen

اللهم صل وسلم وبارك على سيدنا محمد وعلى اله وصحبه اجمعين 💘💘💘💘💘 @أبرز المعجبين
Beauty queen

Send a message to learn more

تعالى يا ست الكل اقولك ❤️
بما إن الخوخ العرايشي الأحمر مالي السوق اليومين دول، تعالي أقولك على طريقة سهلة وبسيطة تعملي بيها كمبوت خوخ اقتصادي وطعمه يجنن أحلى من الجاهز 😍👌

بصي بقى:
هتجيبي خوخ عرايشي أحمر يكون ناشف شوية (بيبقى أوفر من الطري)، وتغسليه كويس جداً.

تحطي حلة فيها مية على النار لحد ما تغلي، وتنزلي الخوخ فيها حوالي 5 دقايق بس.

تطلعيه وتسيبيه يبرد خالص.

دلوقتي قدامك اختيارين 👇

🔸 لو عايزاه زي العصير بقطع:
اهرسي الخوخ بعد ما تشيلي النواة، وحطي عليه حوالي 2 كوب سكر (حسب رغبتك) واعصري نص ليمونة لو بتحبي طعم خفيف مزاز.
وبعدين حطيه في برطمانات نضيفة.

🔸 لو عايزاه كمبوت قطع:
بعد ما يبرد، هتلاقيه بيتقشر بسهولة جداً 👌
قشريه وقطعيه نصين وشيلي النواة.

اعملي محلول السكر (حوالي 2 كوب سكر + نص ليمونة) وحطي فيه الخوخ.

ولو هتستخدميه في الحلويات، الأفضل تقشريه وتقطعيه نصين وتحطيه في الشربات.

وبصراحة 👀
أول ما سعر الخوخ يرخص شوية هقولكم فوراً عشان تستفيدوا وتعملوا أحلى كمبوت في البيت 😉

ولو عندك طريقة تانية أو إضافة حلوة، شاركينا في الكومنتات ❤️👇

🔷 عند تحمير الفراخ:
ضعى فى الطاسة معلقة من الملح مع قطعة سمنة وشوية زيت علشان جلد الفراخ لا يلتصق فى الطاسة.

🔷 عند تقطيع الكبدة:
لبسى لوح التقطيع كيس بلاستيك وبعد تقطيع الكبدة أو أى لحوم أرمى الكيس وأغسلى لوح التقطيع هيبقى أسهل فى التنظيف.

🔷الفراخ مفيش فيها زفارة:
بعد ما تغسلي الفراخ وتنقعيها، سيبيها في مصفاة تنزل كل المية اللي فيها عشان متخليش فيها أي زفارة.

🔷كفتة الرز مش هتفك:
عشان كفتة الرز تفضل متماسكة وماتفكش منك، ضيفي عليها شوية شعرية وهي بتتعجن.

🔷بامية زي المطاعم:
بعد ما تخلصي طاجن البامية، اعملي له طشة توم وفلفل وكزبرة في سمنة أو لية، ورشي عليها كزبرة خضراء.

🔷 لتخزين الخضار والحفظ:
السبانخ لونها أحمر: عشان السبانخ متسودش ويفضل لونها أحمر، اسلقيها على البخار وسيبيها تتصفى، وبعدين ضيفيها على التسبيكة يا دوب تاخد غلوتين بس واطفي.

🔷العيش البلدي بيقعد أطول:
عشان العيش ميضربش ويعفن، هوّيه نص ساعة على قماشة لحد ما ينشف شوية، وبعدين غلفيه وشيليه في الثلاجة.

🔷هريسة الشطة السريعة:
أسلقي الفلفل الأحمر على البخار، اضربيه في الكبة مع زيت وخل وشوية سكر. (ادهني إيدك زيت قبل التقطيع).

🔷 لإنقاذ المخبوزات:
الفينو يرجع طازة: لو الفينو زاد منك، شيليه في الفريزر. ولما تحتاجيه، رشيه بشوية مية من بخاخ ودخليه الفرن يسخن.

🔷العسل الأسود بالليمون:
خلي عندك برطمان عسل أسود عليه ليمون، وخديه معلقة على الريق كل يوم، هيعالج الأنيميا والكحة وهيدي نضارة ونشاط.

🔷لبان الدكر:
خديه فص على الريق وفص قبل النوم، ده مفيد جداً للمعدة، بيعالج الانتفاخات، وبيخلي ريحة الفم أحسن.

دعوة حلوة لأختكم في الله لو عجبتكم النصائح ❤
صلوا على الحبيب المصطفى🌷

قبل ما تدخلي المطبخ وتتعبي نفسك يا شاطرة… تعالى أقولك شوية أسرار بسيطة هتفرق معاكي جدًا 👌💖
المطبخ مش بكتر الشغل… المطبخ بالشطارة والتنظيم 😉💯
خلّي المطبخ مكان تحبيه وتدخليه وإنتِ مبسوطة… مش حاسة إنه عبء عليكي 💚🥣
🌸 نصايح من القلب لكل ست بيت شاطرة 🌸
صباح الفل يا أميرات… لو عملنا الحاجات البسيطة دي هتنجزي أسرع وهيبقى المطبخ مملكتك بجد 👑❤️
1️⃣ وفّري مجهودك
الأدوات اللي بتستخدميها كل يوم خليها في ضلفة واحدة قريبة منك… عشان متلفيش كتير وإنتِ شغالة وتنجزي بسرعة 😘
2️⃣ خففي الزحمة
الأدوات الجديدة أو اللي استخدامها قليل شيليها في ضرف بعيدة أو عالية… عشان الرخامة والمطبخ يفضلوا رايقين ومفيش كركبة 🌿
3️⃣ اشتغلي في مكان واحد
حاولي تخلي أغلب شغلك على الرخامة اللي جنب الحوض… لو حاجة اتكبت أو اتوسخت هتنضف بسرعة، وتخلصي الطبخ تلاقي المطبخ حواليكي مرتب 👌
4️⃣ طبق المنقذ
وأنتِ بتطبخي حطي طبق كبير جنبك لبقايا الأكل زي قشر البصل والثوم والخضرة.
أول ما تخلصي لميهم مرة واحدة في الكيس… وهتلاقي الرخامة فضلت نظيفة طول الوقت 😍
5️⃣ البوتاجاز هو عنوان المطبخ
نضفيه بالليل أو الصبح قبل الطبخ، وخلي جنبك فوطة مبلولة وفوطة ناشفة.
أي طرطشة امسحيها فورًا قبل ما تنشف وتتعبك بعدين 👌
6️⃣ الأرضية سر الراحة
مسحة سريعة للأرضية قبل النوم بتفرق جدًا… تاني يوم تدخلي المطبخ تلاقيه نظيف وريحتُه حلوة وتفتح النفس 💚
7️⃣ بعبع المواعين (الحل السحري) 😅
حوض المطبخ لازم يفضل فاضي… بلاش تراكمي حتى معلقة شاي، لأن الصغيرة بتجيب وراها جبل مواعين.
وأنتِ بتطبخي:
اللي يخلص منك اغسليه على طول (الخلاط – الهون – أي أداة استخدمتيها).
وكمان حلة الشوربة أو اللحمة فضّيها في علبة للتلاجة واغسلي الحلة فورًا… هتحسي بفرق كبير في نظافة المطبخ ✨
💖 يارب النصايح دي تفيدكم وتسهّل عليكم وقفة المطبخ.
قولولي في الكومنتات: أكتر حاجة بتتعبكم في المطبخ إيه؟ يمكن أقولكم حلها في البوست الجاي 😉
ومتنسوش الصلاة على الحبيب النبي ﷺ

تخليل البساريا أو الملوحة البلدى هتاكلى منها تانى يوم عرض المزيد...

...... تعالوا. شوفوا الجمال تعرفوا إن زمان فى فترة ما بين الخمسينات إلى السبعينات كان فى جزئ من أثاث المنزل إسمه (كرسى التليفون) أيوة زى ما سمعتوا كده 😁
ده كان مخصص للمحادثات الطويلة (الرغى) وده بما إن التليفون كان جهاز ثابت وقتها ، فعشان الناس اللى هتشرح لبعض طريقة محشى الكوسة والكشك الألمظية تاخد راحتها فى الكلام 😅 وهتلاحظوا وجود درج فى جانب الكرسى ده كان مخصص لدليل التليفونات (ده كتاب حلو كده حوالى ٣٠٠ أو ٤٠٠ صفحة متسجل فيه كل أرقام تليفونات البلد بأسماء أصحابها وعناوينهم) 😁 الحياة وقتها يمكن كانت أصعب من دلوقتى شوية لكن كانت أمتع بكتيرررررر ❤️🙂
#منقول

الغريبة 💎 سارقة القلوب "الغريبة الدايبة".. دستور النواعم اللي مبيخيبش أبداً! ✨

الغريبة هي "السهل الممتنع" في المطبخ المصري، مكوناتها بسيطة جداً بس تفاصيلها هي اللي بتحدد: هل هتطلع دايبة وزي الزبدة، ولا "حجر" وبتبصم في الإيد؟
النهاردة قررت أديكم "الخلاصة" في بوست واحد،
بمقادير هندسية دقيقة للغاية، عشان تطلعي غريبة أفخم من أكبر محلات الحلوانية. ركزوا في كل كلمة لأن السر في التفاصيل! 👇
📏 القاعدة الذهبية (4 : 2 : 1)
احفظي النسبة دي زي اسمك ومش هتحتاجي تدوري ورا حد تاني:
* 4 كوب دقيق فاخر (منخول مرتين لضمان الهشاشة).
* 2 كوب سمنة بلدي (لازم تكون ساقعة جداً من الثلاجة ومترملة، والزبدة ممنوعة لأن ميتها بتبوظ العجينة).
* 1 كوب سكر بودرة (مطحون ناعم جداً ومنخول زي الهواء).
* رشة فانيليا وذرة ملح (لضبط النكهة).
🥣 خطوات "الدلع" (طريقة التحضير):
* مرحلة الكريمة: اضربي السمنة الساقعة مع السكر البودرة بالمضرب لحد ما الخليط يبقى "فوم" أبيض شاهق وكريمي جداً.. الخطوة دي هي اللي بتخليها تدوب في البق.
* مرحلة التجميع: انزلي بالدقيق تدريجياً، وبلاش عجن نهائي! إحنا بس "بنلم" العجينة بأطراف صوابعنا لحد ما تبقى ناعمة زي الحرير في إيدك.
* اختبار الراحة: لازم العجينة ترتاح في الثلاجة نص ساعة قبل التشكيل، وده سر أساسي عشان ماتفرش منك في الفرن.

⚠️ أهم المشاكل اللي ممكن تقابلك وحلها إيه؟ (روشتة النجاح):
أولاً: لو الغريبة فرشت منك في الفرن؟
ده معناه إن السمنة كانت زيادة أو مكانتش ساقعة كفاية، أو إن الفرن كان بارد. الحل: زودي معلقتين دقيق للعجينة، وبرديها في الثلاجة قبل ما تدخليها فرن سخن مسبقاً.

ثانياً: لو وش الغريبة شقق؟
يبقى الدقيق كان كتير أو العجينة محتاجة "خدمة" بسيطة. الحل: زودي معلقة سمنة باردة وادعكي العجينة بين إيديكي ثواني عشان تطرى وترجع مرنة.

ثالثاً: لو طلعت ناشفة ومحجرة؟
السبب الوحيد هنا هو "طول وقت التسوية". الغريبة مابتغيبش في الفرن، لو غابت بتتحول لـ "قرقوشة". الحل: تخرجيها وهي لسه بيضاء تماماً يا دوب "شمت النار".

🌡️ أسرار التسويه "المحترفة":
* الفرن لازم يكون هادي جداً (درجة حرارة 140 لـ 150 درجة).
* حطيها في الرف اللي في النص لمدة 10 لـ 12 دقيقة بالكتير.
* ممنوع تلمسيها أول ما تخرج، سيبيها تبرد تماماً في الصاج عشان ماتبصمش، لأنها وهي سخنة بتكون رقيقة جداً.
لو طبقتي التفاصيل دي، أوعدك إنك هتاكلي أحلى غريبة دوقتيها في حياتك! 😎
✅ اعملي Save للبوست لأن ده المرجع اللي هيريحك كل سنة.
✅ Tag لكل واحدة بتشتكي إن الغريبة بتفشل منها وقوليلها "السر هنا".
✅ Share عشان الكل يستفيد من الوصفة المظبوطة دي.
بتحبوا تزينوا الغريبة باللولي التقليدي ولا بتفضلوا الفستق والمكسرات؟ قولولي ذوقكم في الكومنتات! 👇

نصائح مفيدة ليكى ولكل اللى يحبوكى
❤❤❤💃💃💃💃❤❤❤❤❤
🍅الباذنجان المخلل ضيفي بقدونس مفروم مع التوم بيدى طعم

🍅 ملعقة سكر صغيره في صلصة المكرونة عشان متعملش حموضة
🧡🔥💥
🍅 البطاطس قبل ماتحمريها اسلقيها خمس دقائق في ميه وملح بتقرمش ومش بتشرب زيت

🍅 قشر الليمون مش ترميه خليه عالحوض بعد ماتغسلي المواعين ادعكي بيه ايديك بيشيل السمار من صابون المواعين وبينعم الايد

🍅 محشي الكرنب سخني حته زبدة وحطيه عليه قبل ما يتشرب بشوية عشان يبقى بيلمع وطعمة جميل

🍅عسل في تتبيلة الفراخ المشوية بتدى طعم حلو

🍅زبادي في تتبيلة البانيه بيخلية طرى ومستوى كويس

🍅 البتنجان المحمر خلليه وهو سخن واقفلي عليه العلبه عشان يطلع طرى مش ناشف

🍅 ادعكي الفراخ ببصلة وملح وفلفل وقليل من بهارات الفراخ قبل السلق عشان يبقى ليها طعم وريحة ومتبقاش زفرة

🍅اكياس الشاي مترميهاش سقعيها وحطيها علي عينك للاجهاد والهالات السودا

🍅 الرز باللبن ضيفي كيس كريم شانتيه هيخلى الطعم جامد وزى بتاع برة بالظبط

🍅 رشي دقيق وملح علي بصل الكشري قبل التحميرعشان يكون مقرمش

🍅رشة زعتر علي صلصة المكرونة بتدى ريحة حلو وطعم مميز

🍅بيكنج بودر علي عجينة الكفته المشوية ميخلهاش تكش وتكون منفوشة زى ما هى

🍅 تشوح اللحم في الزبد وحبهان وورق لورا قبل السلق نديها صدمة عشان يبقى لونة بنى وجميل مش بيضة

🍅الرز الابيض شوحي مستكة وحبهان في السمن قبل الرزهيدى ريحة حلوة لرز

🍅لاحلي صلصة مكرونة اضربي مع الطماطم توم وفلفل رومي وفلفل حامي

🍅 إدهني الفراخ والبط بكاتشب وملح وفلفل وقرفة قبل ما تحطيها فى الفرن هيخليها لونها حلو

🍅 احشى الجلاش موتزريلا مع العصاج

🍅 الرز البسمتي اكشفي الغطا بعد ما يستوي عشان يبقى مفلفل ميعجنش

🍅 وانتي بتقلي البانيه حطي ملعقة زبدة مع الزيت هيبقي زي المطاعم🍇

🍈لو عجبتك النصائح الحلوة دي متنسيش التعليقات لو معجبتكيش متنسيش بردو تعلقي علشان كل بوستاتي توصلك بسهولة يمكن حاجة فيهم تعجبك ياقمر🍑🍑

تفاعلى مع المنشور لو حابة يوصلك منشوراتي ❤❤
🌹🌹اترككم فى رعاية الله وحفظه🌹🌹
❤❤❤❤❤❤