قدرة Qudra

إزاي تعاقبي ولادك صح ومن غير ضرب ؟!

☺☺☺☺

تعبتي من ضرب ولادك ومش نافع معاهم ؟
😑😑😑😑😑😑😮

مهما كان عمر طفلك هتلاقي العقاب المناسب لعمره...
الناس اللي عايزه حلول سحريه في التربية كأنها عصا سحرية .

حضرتك ربيتي ابنك بأسلوب كله ضرب واهانة وبهدلة ﻷن دا اللي كنا نعرفة فطبيعي سلوكيات ابنك تكون رد فعل ﻷسلوبك .
عشان تربي ابنك من جديد باساليب صح ومن غير ضرب لازم تصبري عشان تشوفي نتائج تغيير أسلوبك .

بلاش تستني من اول يوم هتستخدمي أسلوب جديد انك هتلاقيه ناجح 100% . مره هيجيب نتيجه ومره لا وهكذا لحد مهتنجحي وتستغني عن الضرب نهااااااائي
تربية الأبناء محتاجه صبر ثم صبر ثم صبررررررر

1- طفلك من عمر تسع شهور لحد سنه ونص :
فاهم كل حاجه وهتلاحظي دا لما تلاقيه بيعمل حاجه غلط وتعلي تون صوتك بشكل حاد شويه
هتلاقيه تاني مره لما هييجي يعمل نفس الغلطه بيبصلك عشان عارف ومتأكد انك هتغيري نبرة صوتك وهتبصيله في عنيه وانتي غضبانه ساعتها هيربط بين غلطة ورد فعلك

طفلك في السن دا فاهم الصح والغلط بس لسه مش مدرك بيضرب ليه فأنسب تصرف وعقاب ﻷخطاء الرضع النبره الحاسمه وقت الخطأ واهم حاجه انك تكوني قريبه جدا منه عشان يدرك أن الكلام موجه ليه .

2- لو طفلك سنه ونص لحد سنتين ونص وأخطأ
في اسلوب تاني للعقاب انك لو قاعده في اوضه تمسكيه من ايده وتقعديه لمدة دقايق بسيطه وامتنعي عن الكلام معاه أو البص عليه لحد ميبدأ بكاء هتلاقيه بيترمي في حضنك وعارف انه عمل غلط وعشان كده بيتعاقب ..

والنوع دا من العقاب بينفع وقت العياط من غير سبب وقت متقوليله اسكت ومش عايز يسكت وقت ميكون عمال يصرخ من غير سبب .
مع مراعاة إن الطفل مش مريض ويكون واكل وشارب ومغير البامبرز وشبعان نوم يعني مفيش سبب ضروري مخليه يتصرف كده .

وصدقيني دي اهم مرحله في حياة طفلك او عرفتيه الصح والغلط وكنتي رقيبه علي كل تصرفاته هيعملك ألف حساب في سنينه الجايه وهيريحك
لا هتلاقي عنيد ولا صوت عالي ولا صريخ ولا مد ايد ولا اى حاجه تخليكي تحسي انك فشلتي في تربيتهم .

● ممنوع منعاً باتاً انكم تقولوا تف علي عمو او اضرب جدو او شد شعر خالتو او او او من هذه التصرفات اللي بتخلي الطفل يتجرأ علي الكبار وبيعتبر هذه التصرفات حق مكتسب .

3- لو طفلك عمره من تلت سنين ل 10 سنين :

أ- وبيعيط وبيزن وعمال يترمي علي الارض عشان عايز طلب معين . بصي في عينيه وقوليله كلمه واحده " انت عارف انا كنت هجبلك الحاجه بس عشان انت عيطت وعملت كده ومطلبتش بأدب مستحيل اجيبهالك "

ومتقوليش اكتر من كده واوعي ثم اوعي تتراجعي عن كلامك وتجبيله الحاجه حتي لو تحول لملاك بجناحين ..
مره على مره هتلاقيه بطل التصرف دا نهااااااائي .

وفي وقت معاقبته تجاهلي عياطه تماماً ولو حاول يمد ايده امسكي ايده جامد وقوليله عيب تضرب ماما بنبره شديده وابعدي عنه .

وبعد مايهدي ويبطل نوبة الغضب هاتيه وبوسيه وطلبي منه يعتذرلك علي سوء تصرفاته وبوسيه واحضنيه ولازم يعتذرلك . وانتهينا علي كده والحاجه اللي هوه عايزها تيجي بمزاجك إنتي ..

ب- لو طفلك بيعاندك او بيضايقك او بيضرب اخواته او وقع حاجه ومش حابب ينضف المكان او شقي جدا ومش مبطل عفرته و متعمد يضايقك بأي شكل ومش سامع كلامك

● جربي كرسي المشاغبين لما تفقدي السيطره
هو كرسي أو مكان مفيهوش ترفيه ممكن يكون مكان في غرفة المعيشة
يتم إلزام الطفل بالجلوس فيه لمدة خمس دقائق لما يعمل اى تصرف يضايقك (احرصي دائما على وجوده في الغرفة نفسها اللي انتي موجودة فيها ولا ترسليه لغرفة أخرى أبدا ).

وكل ما يقوم قبل ما المده تنتهي ترجعيه ببساطه لمكانه لحد ميتم المده ولو لقيتيه مش فارق معاه زودي المده بحيث لا يتجاوز الوقت ١٠-١٥ دقيقة

اغلب الأطفال بيستجيبو لوالديهم خلال المده دي . ولما تخلص المده هاتيه وعرفيه عاقبتيه ليه واطلبي منه يبوسك ويعتذر واحضنيه .

● جربي تخليه لما يغلط يقفز 20 قفزه ولما تخلص المده هاتيه وعرفيه عاقبتيه ليه واطلبي منه يبوسك ويعتذر واحضنيه .
● هدديه انك هتحرميه من المصروف او اللاب او الهاتف او الكمبيوتر او مشاهدة التلفزيون او الذهاب للنادي او الخروج يوم الاجازه او اللعب مع اصحابه في الوقت المحدد ولو مستجبش نفذي تهديدك ومهما يعمل تجاهلي تصرفاته ونفذي عقااابك ولو صعبان عليكي افتكري انك بتعملي لمصلحته وانك بتعملي كل دا عشان ايدك متتمدش عليه ويفضل الاحترام قائم مابينكم ﻷن الضرب اهانه للطفل ولكرامته وليس تربية نهااااااائي .

● نظام العقاب الذكي بتختاري تلت عقوبات او بتخلي طفلك يختار تلت عقوبات تشوفيهم مناسبين للغلطه زي حرمان من الصروف او الحرمان من الفسحه او الحرمان من الموبايل و التاب او اى تلت عقوبات تشوفيهم انتي يناسبوا غلطته وتقوليله اختار عقوبه من التلاته عشان تنفذها على نفسك ولازم تكون تنفيذ العقوبه بجديه . ودا هيخلي الطفل يفكر مليون مره قبل الغلط . والصراع هيكون بينه وبين نفسه مش بينه وبينك .
#منقول #

في بلاد أوروبية كتير في حاجة اسمها s***m bank وده مكان بتروحه النساء إللي عايزه تخلف تحقن حيوانات منوية وتخلف كده مع نفسها.. الرجال بتعطي الحيوانات دي مقابل مبلغ من المال بشرط إن البنك بيعفيهم من المسؤولية ومش من حق السيدة إللي بتشتري الحيوانات المنوية دي إنها تبحث عن مصدرها..حاجة أخر قرف صح؟! قرفتوا أوي؟!

في مصر بردو عندنا أهالي بتربي عيالها إنها تبقى s***m donor ( متبرع بحيواناته المنويه ) .. تجيب عيال ف الدنيا ومتعرفش عنها حاجة.. ولا تصرف عليها ولا تشوفها.. غلطة واقلب الصفحة.. دول عمرهم ما تعلموا معنى الرجولة ولا يفقهوا شيء في أي دين.. ماشيين بيspread their s***ms and go او إرمي حيواناتك المنويه و اجري.

في مصر في أكتر من 7 مليون طفل من أب وأم منفصلين.. المحاكم مليانة ستات بتدور على نفقة علشان الكلاب إللي كانوا متجوزنهم فاكرين نفسهم s***m donors.. وبعض المحاميين الأنجاس بيعرفوا إزاي ينصبوا ويأكلوا حقوق ستات وعيال ملهمش ذنب غير إن ابوهم فاكر نفسه s***m donor ولما معجبوش الوضع راح يرمي حيواناته المنويه في حته جديده.

في ستات اهلهم قادريين يشيلوهم هم وعيالهم وفي ستات تقدر تشتغل وتأكل عيالها.. وفي بيترموا ف الشارع. وإحتياج الأطفال لابوهم لا يقتصر ع المادة بس إنت مسؤول قدام ربنا عن مشاعرة وإحتياجاتة النفسية.

كفاية نجاسة وكفاية مرقعة ف ذكوركم وخلهوم رجالة بلاش قرف.. ربوهم ان الزواج مسؤولية وإن في حاجة اسمها حقوق وإن الطلاق مش معناها ترمي ضناك..حتى لو طليقتك مش طايقاك ولا إنت طايقها.. حتى لو إتجوزت تاني (وده حقك) وحتى لو هي إتجوزت(وده حقها) العيال برا اللعبة دي.. في ملايين الأطفال بيدفعوا ثمن مرقعتكم ف عيالكم!

وفي نفس الوقت إياكي تلعبي على طليقك بعيالك .. الضغط على الطرف الاخر بإستخدام الطفل او تكرهيه في ابوه لخلاف الطفل مش طرف فيه او انك تحرمي ابوه يتواصل معاه بشكل طبيعي دي قمة القذاره و ما تفرقش حاجه عن تجارة الاطفال .. العيل مش هيفضل عيل مسيره يكبر و يفهم قد ايه انتي ضرتيه

وأخيرًا إنك بتعرف تجيب عيال ده مش إثبات لرجولتك ما كل الحيوانات بتخلف.. لما تبقى بني أدم مسؤول وتربي وتصرف على عيالك وتحميهم تبقى راجل غير كده إنت عارف تبقى إيه...

ولو فاكره انك شاطره انك جبتي عيل فالحيوانات بتجيب بالتسعه في بطن واحده .. وكون انه اتكوِّن في رحمك ده مش معناه انه ملكك او ليكي الحق انك تتحكمي في علاقته بأبوه و تحرميهم من بعض ( ده طبعا لو الاب مهتم ) .. و تشوِّهي نفسية عيالك و فاكره نفسك قادره تعوضيه عن ابوه او ان ربنا هيسيبك تعملي كده بدون عقاب

#معدَّل


الصوره من تصويري - بورفؤاد

اذا عاش الطفل في جو من التشجيع يتعلم الثقة بالنفس.
2ـ اذا عاش الطفل في جو من التحمل يتعلم الصبر.
3ـ اذا عاش الطفل في جو من المديح يتعلم الرضى والمحبة.
4ـ اذا عاش الطفل في جو من المشاركة يتعلم العطاء والكرم
5ـ اذا عاش الطفل في جو من النزاهه يتعلم الصدق.
6ـ اذا عاش الطفل في جو من الانصاف يتعلم العدل.
7ـ اذا عاش الطفل في جو من مراعاة المشاعر يتعلم الاحترام
8ـ اذا عاش الطفل في جو من المحاسبة والانتقاد يتعلم الكذب
9ـ اذا عاش الطفل في جو من الاحباط والعنف يتعلم العدوان.
10ـ اذا عاش الطفل في جو من الخوف يتعلم الضعف والقلق.
11ـ اذا عاش الطفل في جو من الوحدة الاجتماعية يتعلم الانطواء.
12ـ اذا عاش الطفل في جو من السخرية يتعلم الخجل.
13ـ اذا عاش الطفل في جو من الغيرة يتعلم الحسد.
14ـ اذا عاش الطفل في جو من الاهتمام الزائد يتعلم عدم الاعتماد على النفس.


أطفالنا أمانة بين أيدينا...فهلا أحسنا إليهم...

فرز الوان

اولاد قدره وهما بيلعبو وطبعا مش مدى حد فرصه يتصور غيره :-D