13/07/2026
التحفيظ عملية تكاملية نصها عليك ونصها ع المحفظ؛ فلو عايز تشوف نتيجة محترمة لازم حضرتك تتعب مع أولادك مراجعة وتثبيت + مع تعب وجهد المحفظ في الحلقة.
ابعد عن تلات حاجات وانت بتحفظ أولادك: (متقارنوش بحد | ابعد عن التعنيف متستعجلش النتيجة) = ركز على انه يحب القرآن أكثر ما تركز على انه يحفظ كتير ويحفظ كويس = طبعا لو قدرنا نعمل الاتنين فهو الأفضل بلا شك.
النفس بتمل من الروتين؛ فما بالك بالأطفال؟ اعطيه مساحة يلعب ويخرج طاقته وبلاش كل ما تشوف وشه تقوله يلا اقعد راجع؛ كل حاجة لها وقتها والافضل تعمله يوم كل فترة أجازة من الحلقة والمراجعة.
بنغفل عنه جميعا وهو الدعاء، ربنا سبحانه قادر انه يصلح ابنك في لحظة؛ فمتبقاش بتاخد بكل الاسباب وتغفل عن الدعاء له بأن يجعله الله من أهل القرآن.
