DR Soma

صباح الخير ❤️
مشكلة كبيرة بتواجهنا مع اطفال التوحد
هي مشكلة القلق والخوف 🤷‍♀️
يا تري نتعامل معاها ازااااي
خلينا نعرف ان 👇🏻
…………..
القلق والخوف من أكتر التحديات اللي ممكن يمر بيها أطفال التوحد وبيظهر عندهم بشكل واضح قدام أي موقف جديد أو غير مألوف. دورنا مش إننا نضغط عليهم أو نسرع خطواتهم، بالعكس خالص 😌… دورنا إننا نطمنهم ونمهد الطريق واحدة واحدة. أهم حاجة إن الطفل يجرب، لكن بشكل تدريجي ومن غير أي نوع من الإجبار. خطوة صغيرة محسوبة بتساوي إنجاز كبير، وبتبني عنده إحساس بالأمان والثقة.

حاولوا تستخدموا الألعاب الحسية لان دا بيساعد الطفل يتقبل المواقف الجديدة براحته، وبيهدي توتره تدريجيًا، لأنها بتربطه بتجربة ممتعة بدل ما يحس بالخوف. وخصوصا مع أي ضغط أو قلق

وكمان نقدر نساعده على الاسترخاء بطرق بسيطة جدًا زي العد لحد 10، أو نخليه يتنفس بشكل هادي ، أو حتى حضن مع ضغط خفيف، وكلها أساليب فعالة ومتجربة ف تهدئة الجهاز العصبي.

ومع كل موقف جديد بيتعلمه، لازم نعزز ونكافئ حتى أصغر خطوة حتي لو كانت بسيطة . كلمة حلوة، تشجيع او حضن، أو مكافأة بسيطة… التعزيز هو اللي بيخلي الطفل يحب التجربة ويربطها بشعور إيجابي وبيخلينا نوصل لهدفنا بسرعة

وخلينا دايما عارفين ان الطفل القلوق مش محتاج حد يشده علي ادد ما محتاج حد يمسك إيده ويطمنه. خطوة صغيرة النهارده معاه ممكن تبقا بداية كبيرة جدًا بكرة.
❤️❤️
وف النهاية

لو عندك تجربة او سؤال، أو موقف حاسس إنه محيرك مع طفلك، ما تترددش تتواصل معايا ……
ولو عندك اقتراح للموضوع الجاي اللي حابين اني اتكلم فيه اكتبه فكومنت وان شاء الله اتكلم عنه البوست اللي جاي

#اشارة

صباح الصبر الجميل 💛☀️
لكل أم ولكل أخصائي بيتعامل مع طفل من ذوي الاحتياجات الخاصة…
أنتم أبطال حقيقيين 👑
بتتعاملوا كل يوم بحب وصبر وإصرار، وده مش سهل أبدًا…
لكنكم بتثبتوا إن الرحمة أقوى من التعب، وإن الصبر بيخلق المعجزات
💌❤️

#اشارة

فهم خلل الأداء (عُسر الأداء)

ما هو خلل الأداء؟

خلل الأداء أو عُسر الأداء (Dyspraxia) هو اضطراب عصبي يؤثر على تخطيط وتنفيذ الحركات الإرادية، بمعنى أن الطفل أو الشخص المصاب يعرف ما يريد أن يفعله، لكنه يجد صعوبة في تحويل الفكرة إلى حركة منسقة ودقيقة.
لا يرجع هذا الخلل إلى ضعف عضلي أو مشكلة ذهنية، بل إلى خلل في التواصل بين الدماغ والعضلات.

⸻

أنواع خلل الأداء
1. خلل الأداء الحركي العام:
يظهر في صعوبة أداء الحركات الكبيرة مثل الجري، القفز، أو ركوب الدراجة.
2. خلل الأداء الدقيق:
يتعلق بحركات اليدين الدقيقة مثل الكتابة، الأكل باستخدام الملعقة أو ربط الحذاء.
3. خلل الأداء اللفظي (Speech Dyspraxia):
يؤثر على القدرة على تنسيق حركات أعضاء النطق (اللسان – الشفتين – الفك) لإصدار الأصوات والكلمات بشكل صحيح.

⸻

الأعراض والعلامات

تختلف من شخص لآخر، لكن من أبرزها:
• صعوبة في تنسيق الحركات وتعلم المهارات الجديدة.
• بطء في إنجاز الأنشطة اليومية مثل ارتداء الملابس أو الأكل بمفرده.
• ضعف في التوازن والتناسق الجسدي.
• صعوبة في التحدث بوضوح أو ترتيب الأصوات داخل الكلمات.
• مشكلات في التنظيم والتخطيط، وأحياناً في التركيز والانتباه.

⸻

الأسباب

السبب الدقيق غير معروف، لكن يُعتقد أن خلل الأداء مرتبط بتأخر في تطور بعض مناطق الدماغ المسؤولة عن التنسيق الحركي والتخطيط.
وقد تلعب العوامل الوراثية دوراً مهماً، بالإضافة إلى مضاعفات
الحمل أو الولادة المبكرة في بعض الحالات.

خلل الأداء لا يعني أن الطفل غير ذكي، بل إنه يفكر بطريقة مختلفة ويحتاج لوقتٍ أطول للتعلم بالحركة والتكرار.
بالتدخل المبكر والدعم المناسب، يمكن للطفل أن يطور قدراته ويحقق استقلالية وثقة بنفسه.

#اشارة

صباح الخير
ابني مش بيعرف يلعب 👀🤔

قبل ما نقول “طفل التوحد مبيلعبش مع الأطفال” لازم نسأل نفسنا:
هل إحنا دربناه من صغره على الألعاب اللي تناسب سنه؟
هل شاركناه ودمجناه مع الأطفال التانيين من خلال اللعب؟

هنا بالضبط بتكون “الحلقة الضايعة”!
كتير من الأطفال مبيتعلموش اللعب لوحدهم، خصوصًا أطفال التوحد، لأن اللعب مش غريزة بس، هو مهارة بتحتاج تدريب وتدرج.👍🏻

علشان كده لازم نبدأ من بدري ونعلمه ألعاب مناسبة لعمره، خصوصًا الألعاب الحركية لأنها بتساعده يتفاعل، يقلد، ويتواصل مع اللي حواليه.👇🏻

✨اللعب هو أول طريق للتواصل، واللي بيتعلم يلعب… بيتعلم يتفاعل ❤

صباح الخير يا مامي
لو لاحظتي إن طفلك بيحاول يلفت الانتباه بسلوكيات مش كويسة، جرّبي تشجعيه إنه يشارك الحاجات الحلوة اللي بيعملها. خلي فرحته بالإنجازات الإيجابية تكون هي مصدر انتباه الجميع، يعني لو عمل اي نشاط حلو او اي انجاز يروح يشاركه مع باباه او اخواته او اصحابه …وهكذا هتقللي السلوكيات السلبية، ويصبح عنده دافع إنه يعمل حاجات حلوة وينبسط بيها مع اللي حواليه
❤️🙏🏻🫂🤗

#اشارة

التوحد مش محتاج شهادات، التوحد محتاج صبر ومرونة وحب وإبداع وتواصل وإحساس وحنان وعطف.
الشهادات مهمة آه، بس لوحدها عمرها ما تكفي إنك تفهم طفل توحد وتحس بيه
❤️❤️❤️

تمارين التواصل البصري مع الأطفال مش لازم تبقى على ترابيزة وكرسي، ولا بالأوامر زي “بُصلي” أو “شوفني”…
التواصل البصري الحقيقي بيبدأ أولًا من اللعب مع الطفل، وثانيًا من التشجيع، يعني أول ما الطفل يبدأ يبصلك أو يتفاعل معاك، على طول ادّيه الحاجة اللي بيحبها.
راقبي ابنك وهو بيلعب، وشاركيه في اللعب اللي بيحبه، وساعتها هتلاقيه بدأ يبصلك أكتر ويتواصل معاكي من نفسه، ولما تكملي كده شوية بشوية، التواصل البصري هيبقى سلوك طبيعي وجزء من حياته اليومية

نطبعهم نسختين و نستخدمهم للمطابقة و التمييز ❤️👍🏻