03/09/2026
📵 مفيش ولية أمر طلبت منها تقلل الموبايل والشاشات عن ابنها… إلا وشوفت فرق حقيقي!
مش بقولك امنعي الموبايل علشان «الموبايل وحش» وخلاص..
أنا بقولك من واقع شغلي مع الأطفال: لما وقت الشاشة بيقل، كتير من الأطفال بيبدأ يظهر عليهم تحسن واضح جدًا في الانتباه والذاكرة. 🧠✨
طفل كان مش بيكمل نشاط دقيقتين… بدأ يقعد ويكمل.
طفل كان بينسى اللي اتعلمه بسرعة… بدأ يفتكر ويربط المعلومات.
طفل كان مشتت طول الوقت… بدأ تركيزه يتحسن تدريجيًا.
والسبب إن الطفل لما يقضي ساعات طويلة قدام شاشة سريعة ومليانة مؤثرات، ده ممكن يأثر على قدرته على الاستمرار في الأنشطة ، وعلى تنظيم انتباهه، خصوصًا لما يكون استخدام الشاشة زائد.
ف لو ابنك عنده تشتت، ضعف انتباه، نسيان، أو صعوبة في التركيز…
قبل ما تقولي «ابني مش بيحب يذاكر» أو «ذاكرته ضعيفة»
بصي الأول على قد إيه من يومه بيروح للموبايل والشاشات؟ 👀
وده بالظبط اللي شوفته مع أطفال كتير في الجلسات ❤️
تقليل الشاشات + تدريب مناسب + مشاركة من الأهل = فرق ملحوظ جدًا في أداء الطفل.♥️
فلو عايزة تساعدي ابنك…
ابدئي من البيت قبل الجلسة.
لأن اللي بنبنيه في الجلسة، لازم البيئة في البيت تساعدنا نحافظ عليه ونطوره. 🧠❤️
