مركز i can أنـا استطيع للتربية الخاصة والصحة النفسية د. أحمد اسماعيل

كل عام وانتم بخير .. عيد فطر سعيد عليكم جمعيا وعلي الأمة الإسلامية بالخير واليمن والبركات ومصر دايما بخير 🌷🌷🌷.
د. أحمد إسماعيل عبد الحميد
دكتوراة التوحد - جامعة القاهرة
استشاري التربية الخاصة والصحة النفسية

"بص، دي شعرها ناعم"
"دي قصيرة أوي"
"دة اقرع"
"ده تخين"

كلماتك دي بتربي طفل عنصري ..
اعتياد سماع صفات الناس، اللي اصلا ماتخصناش، يربي طفل عنصري ..

فيه ناس سابت البلد من كتر التنمر بيهم ..

و لو طفل، بيفقد ثقته في نفسه وفي الناس ..

طب اعمل ايه لو ابني حصله تنمر؟

- اهم خطوة العرض على اختصاصي نفسي اطفال، لان اثر التنمر بيفضل طول العمر ..
- الكلام على إن دي إرادة ربنا، واننا محتاجين نكون موافقين عليها عشان نعرف نفرح بباقي الحاجات اللي عندنا ..
- البعد تماااااااما عن مصدر التنمر ..
- الدفاع عن الطفل ، خاصة الأم، وخاصة لو من افراد العيلة ..
- علميه يحكيلك كل حاجة اول بأول ..
- علميه انه يمسك نفسه وقت الغضب من التنمر ..
- عدم صدور التنمر من الأب أو الأم، كدة الطفل هيدمر تماما طول عمره ..

بمرور الوقت نفسية الطفل هتكون احسن ..

كلمة أخيره ..
شكر الله في السراء والضراء هو اللي بيعث الرضا بأمر الله ، علموا اولادكم دايما على لسانهم كلمة الحمد لله ..
منقوول

أسلوب ذكي لمعاقبة الأبناء
هناك قاعدة مهمة في تقويم سلوك الأبناء... لا بد أن نتفق عليها وهي أن كل مرحلة عمرية لها معاناتها في التأديب
وكلما كبر الطفل احتجنا لأساليب مختلفة في التعامل معه ولكن ستجدين أن )اسلوب الاختيار بالعقوبة
( يصلح لجميع الأعمار ونتائجه ايجابية وقبل أن نعمل بهذا الأسلوب لابد أن نتأكد إذا كان الطفل جاهلا أم متعمدا
عند ارتكاب الخطأ حتى يكون التأديب نافعا، فلو كان جاهلا أو ارتكب خطأ غير متعمد ففي هذه الحالة لا داعي للتأديب
والعقوبة وإنما يكفي أن ننبهه على خطئه ، أما لو كرر الخطأ أو ارتكب خطأ متعمدا ففي هذه الحالة يمكننا أن نؤدبه
بأساليب كثيرة منها الحرمان من الامتيازات أو الغضب عليه من غير انتقام أو تشفٍ أو ضرب كما يمكننا استخدام
(أسلوب الاختيار بالعقوبة )
وفكرة هذا الأسلوب أن نطلب منه الجلوس وحده فيفكر في ثلاث عقوبات يقترحها علينا مثل (الحرمان من المصروف
أو عدم زيارة صديقه هذا الأسبوع أو أخذ الهاتف منه لمدة يوم) ونحن نختار واحدة منها لينفذها على نفسه وفي حالة
اختيار ثلاثة عقوبات لا تناسب الوالدين مثل( يذهب للنوم أو يصمت لمدة ساعة أو يرتب غرفته) ففي هذه الحالة نطلب
منه اقتراح ثلاث عقوبات غيرها.
اثر العقوبة على العلاقة الوالدية :
الطفل عندما يختار العقوبة وينفذها فإننا في هذه الحالة نجعل المعركة بين الطفل والخطأ وليس بينه وبين الوالدين
فنكون قد حافظنا علي رابطة المحبة الوالدية وكذلك نكون قد احترمنا شخصيته وحافظنا على انسانيته فلم نحقره أو نهينه.
ولكن تقول الام معترضة قد تكون العقوبات التي يقترحها لا تشفي غليلي .......
علينا أن نفرق بين التأديب والتعذيب فالهدف من التأديب هو تقويم السلوك وهذا يحتاج إلى صبر ومتابعة
وحوار واستمرار في التوجيه أما أن نصرخ في وجهه أو أن نضربه ضربا شديدا فهذا (تعذيب وليس تأديبا) ، إننا عندما نعاقب أبناءنا
فإننا لا نعاقبهم بمستوى الخطأ الذي ارتكبوه وإنما نزيد عليهم في العقوبة لأنها ممزوجة بالغضب وذلك بسبب كثرة الضغوط
علينا فيكون أبناؤنا ضحية توترنا وعصبيتنا من الحياة ولهذا نحن نندم بعد عقابهم على تعجلنا أو عدم ضبط أعصابنا ، و عندما
تقولين لابنك اذهب واجلس لوحدك وفكر بثلاث عقوبات لأختار أنا واحدة منها لأنفذها عليك فإن هذا الموقف هو تأديب في حد ذاته لأن فيه حوارا نفسيا بين المخطئ وهو الطفل وذاته وهذا تصرف جيد لتقويم السلوك ومراجعة الخطأ الذي ارتكب وهو وقفة تربوية مؤثرة.

إدمان الموبايل ومشاكله...
ادمان الشاشات عند الأطفال هو عباره عن اعتيادي الطفل على الشاشات أكتر من ٤ ساعات في اليوم وصعوبة التخلي عنه وإدمان التليفون زي أي إدمان
محتاج خطوات في علاجه

1- استبعاد المثير ( التليفون) من الطفل تدريجياً
2 - ماينفعش يبقى المثير ( التليفون) موجود قدامه وانا بمنعه منه... يعني ماينفعش انتي وباباه تكونوا ماسكين التليفون كتير وعايزين تمنعوه منه

طب بعد م عملتي الخطوتين دول اي المطلوب منك
3 - توفير بدايل

مطلوب تحطي له بدايل تغنيه عن التليفون

دول 100 بديل للتليفون 👇🏻📱

١- يلعب رياضة
٢- يعمل مسرح عرايس
٣- يعمل صلصال
٤- انشطة منتسوري
٥- غسل المواعين
٦- الخروج في الجنينة أو الحديقة
٧- الرسم والتلوين
٨- يعمل معاكي كيكة او تورتة
٩- قصص قماش
١٠- كامب صيفي
١١- عمل إكسسوارات للبنات بالخرز
١٢- الميكانو
١٤- زراعة النباتات
١٥- لعبة صياد السمك
١٦-قراءة القصص والحواديت
١٧- لعبة الاستغماية
١٨- نشاط التقاط الاشياء بالكماشة
١٩- طباعة كفوف الاطفال بالوان مائية
٢٠- نلعب فوازير
٢١- زيارة حديقة الحيوان
٢٢- عمل طيارة ورق
٢٣- نروح مكتبة الاطفال
٢٤- حفظ قرآن في دار
٢٥- يعمل فشار
٢٦- يملي الازايز
٢٧- يربي حيوان اليف
٢٨- يلعب بلياردو
٢٩- نعمل قلعة بالمخدات
٣٠- لعبة البحث عن المفقود
٣١- يغني
٣٢- نشاط تطابق الشرابات ( الجوارب )
٣٣- يتعلم يعمل لعب ورقية ( طيارة - مركب )
٣٤-يشتري معاكي في الماركت
٣٥-جمع ورق الشجر وفرزه
٣٦- ركوب العجل
٣٧- الرسم علي البرطمانات الازاز واعادة تدويرها
٣٨- لعبة التطابق
٣٩- نعمل ايس كريم في البيت
٤٠- قص الصور ولزقها ( فن الكولاج )
٤١- مسح الشقة بالمساحة
٤٢- تأليف قصص وسردها علي الأسرة
٤٣- نشاط الفوران
٤٤- زيارة متاحف
٤٥- يعمل تمارين في البيت
٤٦- عمل غوايش وسلاسل بأستخدام المكرونة والصدف
٤٧- ملئ الازايز
٤٨- تعلم تطريز وخياطة او كورشيه
٤٩- عمل تجارب علمية
٥٠- تعلم شغل الكنفا
٥١- لعبة علبة الوان
٥٢- تعلم لغة جديدة
٥٣- التشكيل بالطين السوداني والزخرفة
٥٤- الرسم بالطباشير علي السبورة السودا
٥٥- حفظ القرآن
٥٦- حل الكلمات المتقاطعة
٥٧- يتعلم الشغل علي عجينة السيراميك
٥٨ - الذهاب للمسجد للصلاة
٥٩- يشتروا طلبات البيت
٦٠- تقليد اصوات الحيوانات
٦١- لعبة عروستي
٦٢- فصل البقوليات
٦٣- عمل سينما في البيت
٦٤- تمثيل تعبيرات مختلفة
٦٥- لعبة المطعم
٦٦- نلعب بالمايك ونتكلم
٦٧- لعبة عكس الادوار
٦٨- ماتش كورة في البيت
٦٩- مكالمة يومية للأهل
٧٠- اللعب بالرمل
٧١- كوتشينه وسودوكو
٧٢- اجتماع عائلي نتكلم فيه
٧٣- التعرف علي سيرة سيدنا محمد
٧٤- لعبة تمثيل كلمة أو حيوان
٧٥- جمع معلومات عن دول مختلفة
٧٦- عمل العشا
٧٧- اللعب بالحلل والطاسات وادوات المطبخ
٧٨- نعمل دباديب من الشرابات القديمة والجوانتيات
٧٩-نروح البحر نجمع صدف وقواقع
٨٠- القص واللزق
٨١- الكتاب التفاعلي
٨٢- نشاط يطفو ويغوص
٨٣- لعب كرة سلة في البيت
٨٤- المشاركة في الاعمال الخيرية
٨٥- نشاط نقل الحبوب والاغذية
٨٦- طباعة شيتات توصيل ومتاهات
٨٧- الرسم علي الازاز
٨٨- تلوين مانديلا
٨٩- مهارات الكشافة و استخدام الحبال ( العقد والربطات)
٩٠- تعلم تحديد الاتجاهات عن طريق المجموعات النجمية
٩١- لعبة السيجا
٩٢- عمل اقنعة ورقية
٩٣- فن الاركت
٩٤- عمل بابلز ( فقاعات صابون )
٩٥- يتعلم جرافيك
٩٦- اشتراك في دورات الخط العربي
٩٧- اعادة تدوير الجينز لصنع مقلمات وشنط
٩٨- يساعد في تصليح اي حاجة بالبيت
٩٩- لعبة كونكت فور
١٠٠- يتعلم يطبق هدومه

قولولنا ايه البدائل اللي بتعملوها مع ولادكم ؟!

وصلوا البوست لكل ام وكل أب عشان يستفادوا

11 فائدة لتربية الحيوانات الأليفة على صحتك النفسية والجسدية
فضلا عن الونس والألفة التى يشعر بها مربو الحيوانات الاليفة أثبتت بعض الدراسات أن لتربية الحيوانات الأليفة وخصوصا القطط والكلاب فوائد على الصحة النفسية والجسدية ، فعلى سبيل المثال الكلاب قادرة على فهم العديد من الكلمات التي نستخدمها، وأفضل في تفسير نبرة صوتنا ولغة الجسد.
وحسب ما ذكره موقع helpguide فإن فوائد تربية الحيوانات الاليفة على صحتنا هى:
في حين أن الأشخاص الذين لديهم حيوانات أليفة غالبًا ما يتمتعون بأكبر قدر من الفوائد الصحية ، لا يجب أن يكون الحيوان الأليف بالضرورة كلبًا أو قطة، فحتى مشاهدة الأسماك في حوض السمك يمكن أن تساعد في تقليل توتر العضلات وخفض معدل النبض، وقد أظهرت الدراسات ذلك:
1:أصحاب الحيوانات الأليفة أقل عرضة للإصابة بالاكتئاب من أولئك الذين ليس لديهم حيوانات أليفة.
2:يعاني الأشخاص الذين ليست لديهم حيوانات أليفة من انخفاض في ضغط الدم في المواقف العصيبة مقارنة بمن لديهم حيوانات أليفة.
3:يمكن أن يؤدي اللعب مع كلب أو قطة إلى رفع مستويات السيروتونين والدوبامين.
4:أصحاب الحيوانات الأليفة لديهم مستويات أقل من الدهون الثلاثية والكوليسترول (مؤشرات لأمراض القلب) من أولئك الذين ليس لديهم حيوانات أليفة.
5:يعيش مرضى النوبات القلبية مع الحيوانات الأليفة لفترة أطول من أولئك الذين لا يعانون منها.
6:يقوم أصحاب الحيوانات الأليفة الذين تزيد أعمارهم عن 65 عامًا بزيارات أقل بنسبة 30 في المائة لأطبائهم مقارنة بمن ليس لديهم حيوانات أليفة.
7:يمكن أن تساعدك رعاية حيوان أليف في إجراء تغييرات صحية في نمط حياتك.
8 يعد أخذ كلب في نزهة على الأقدام أو التنزه أو الجري طريقة ممتعة تناسب التمارين اليومية الصحية في جدولك.
9- توفير الرفقة، يمكن أن تساعد الرفقة في منع المرض بل وتضيف سنوات إلى حياتك .
10-يمكن أن تكون الحيوانات الأليفة مادة تشحيم اجتماعية رائعة لأصحابها ، مما يساعدك على بدء صداقات جديدة والحفاظ عليها .
11- يمكن أن توفر رفقة حيوان ما الراحة وتساعد في تخفيف القلق وبناء الثقة بالنفس للأشخاص القلقين بشأن الخروج إلى العالم.

الاكتئاب في مرحلة المراهقة

بوست النهاردة هوا ناقوس خطر 🔔 لكل بيت فيه مراهق أشتكي من أعراض اكتئاب زي اللي ناقشناها فالبوست اللي فات بكل التفاصيل

⬅️ النهاردة جه الوقت نعرف لو اكتئاب المراهق أستفحل وما أتعالجش صح ممكن نوصل لإييييه

𝐒𝐮𝐢𝐜𝐢𝐝𝐚𝐥 𝐓𝐡𝐨𝐮𝐠𝐡𝐭𝐬 𝐨𝐫 𝐀𝐭𝐭𝐞𝐦𝐩𝐭𝐬
الأفكار أو المحاولات الأنتحارية💣
وهوا أخطر منعطف ممكن يمر بيه المراهق في رحلة إضطرابه ، واللي ممكن تسبقها علامات زي :

🔸الأنسحاب عن كل المحيطين واصدقاؤه
🔸 أستخدامه للعنف أحيانا مع أسرته وأخواته
🔸حديثه عن الموت
🔸إستخدام ألفاظ عدائية بيعترض بيها علي حياته ووجوده زي .. حياتكم أحسن من غيري ، مش عايز أعيش ، ماحدش عايزني ، انا ماليش فايده في الدنيا
🔸وصولا للحدث الأشهر في أوساط المراهقين الكاتينج cutting بلغتهم وهو عمل جروح وتشريطات بأدوات حادة في الذراعين وكامل الجسم تنفيسا عن الضغوطات أو للتعبير عن اعتراضهم

⁉️ طيب هل فيه بؤرة ضوء أو أمل تنتشل المراهق قبل تنفيذ تهديداته ؟

💡 الاجابة : أكيييييييد

🧾 البداية بتبقي من سنوات نشأته الأولي .....
يمكن من أول ٥ سنوات في عمر الطفل ، واللي أجمع علماء النفس ان بيبقي ليهم الدور الأكبر في نشأته وسير حياته فيما بعد
🌤️ الحرص علي وجود صداقة ورابطة قوية مع الأبناء ، مشاركة أحداث اليوم معاهم ، الحرص علي وجود نشاط بنمارسه أو لعبة بنلعبها سوا
🌤️ الحرص علي ان نكون قدوة حسنة لهم من حيث ردود الأفعال الهادئة في التعامل مع شتي الضغوطات والبعد عن الهيستريا والأنفعال المبالغ فيه والعنف
🌤️ تقديم أي نصح ليهم بشكل هادئ مع ثقافة الأستماع وتقبل أختلاف الأجيال
🌤️ غرس الأخلاقيات والقيم الدينية داخلهم منذ الحداثة

📌 وعلينا ان نتبع هذه المقولة
" لاتكرهوا أولادكم علي آثاركم فأنهم مخلوقون لزمان غير زمانكم"

⬅️طيب فات الوقت ...
كبر الولد أو البنت وبدأت تظهر عليه علامات الاكتئاب أو حتي الميل للأنتحار 🤷‍♂️

⁉️ هل فيه حل ؟؟

👈 دايما فيه حل ... بعد الاستعانة بالله
👈 الاستعانة ب تقنيات عديدة لمساعدة المراهق زي :

🔹 العلاج المعرفي السلوكي 𝑪𝒐𝒈𝒏𝒊𝒕𝒊𝒗𝒆 𝑩𝒆𝒉𝒂𝒗𝒊𝒐𝒓𝒂𝒍 𝑻𝒉𝒆𝒓𝒂𝒑𝒚
وفيه بيتم تعديل سلوكيات المراهق وتشجيعه علي استيعاب مرحلته بكل اضطراباتها
🔹 العلاج الجدلي السلوكي 𝑫𝒊𝒂𝒍𝒆𝒄𝒕𝒊𝒄𝒂𝒍 𝑩𝒆𝒉𝒂𝒗𝒊𝒐𝒓𝒂𝒍 𝑻𝒉𝒆𝒓𝒂𝒑𝒚
وفيه بيتم تهيئة سلوكيات المراهق وتنشيط اليقظة العقلية عنده للتعامل مع السلبيات وتحويلها لايجابيات
🔹 العلاج النفسي الجماعي 𝑮𝒓𝒐𝒖𝒑 𝑷𝒔𝒚𝒄𝒉𝒐𝒕𝒉𝒆𝒓𝒂𝒑𝒚
وفيه بيتم عمل جلسات لمجموعة من المراهقين بيمروا بنفس المنعطف لإفادة بعضهم البعض ومساعدتهم علي التنفيس عن مشاعرهم بمساعدة الطبيب
🔹 الإرشاد الأسري 𝑭𝒂𝒎𝒊𝒍𝒚 𝑮𝒖𝒊𝒅𝒂𝒏𝒄𝒆
وفيه بيتم تقديم الدعم المناسب لأسرة المراهق وتوعيتهم عاطفيا بكيفية التعامل واحتواء المراهق بكافة أزماته
🔹 العلاج الدوائى( وإن كنت لا أفضله إلا في أضيق نطاق) لحالات معينة ووجود أعراض مصاحبة تستلزم تدخل الدواء

كل ماسبق كان له بالغ الأثر في السيطرة علي العديد من حالات اضطراب واكتئاب المراهقين.

العلاقة بين فرط الحركة (ADHD) والتغذية؟

- في علاقة كبيرة جداً بين فرط الحركة وتشتت الانتباه وبين الغذاء الذي يتناوله الأطفال .
كتير

امهات كتير بتقولنا بلاحظ لما ابني ياكل شيكولاته او شيبسي..... الخ من المواد الحافظة.، الولد بيبقي ناقص يمشي علي الحيطة . 😵😵
ده حقيقي .. 👇👇

بناءً على دراسات اجريت على ما يقرب من (1400) طفل وجد حوالي ثلث الأطفال يتدهور سلوكهم بشكل واضح عند تناولهم الأطعمة مرتفعه السكريات، وعلى نفس السياق أثبتت البحوث أيضاً أن الطعام الغني بالبروتين يمكن أن يبطل مفعول السكر لدى الأطفال

لذلك إذا كان طفلك يُكثر من تناول أطعمة محتوية على سكريات ويرفض تجنبها.. كل ما عليك أن تقدم له مصدر غني بالبروتين كاللبن أو البيض والجبن.

ونتيجة ارتباط أعراض (ADHD) ببعض المؤثرات لو كانت طفيفة.. يجب التحذير مما يلي:
·
تناول المواد الحافظة وبكثرة في الأغذية المطهوة والمعلبة خاصة وأن أطفالنا معرضون لمواد سامة تدمر الخلايا العصبية..
ومن الملاحظ في هذه الأيام أنهم معرضون لمعدل كبير جداً من السموم المؤثرة على الجهاز العصبي والتي توجد في الأغذية والمشروبات المحفوظة.

لذلك اليكم بعض الأغذية التي علينا تجنبها مع اطفالنا بشكل عام وبشكل خاص للاطفال ذوي اضطراب فرط الحركة 👇

* يفضل تجنب الأغذية التالية:

1 - أي أطعمة مضاف إليها مواد حافظة أو محسنات غذائية.
2 - المياه الغازية وأي مادة غذائية تحتوي على المحليات الصناعية كالأسبارتام.
3 - الأطعمة المضاف إليها السكر المحسن.

** و يفضل زيادة تناول ما يلي:

1-الخضروات والفاكهة
2 - الأرز والعدس والذرة.
3 -الحبوب الكاملة والخضراوات غير المقشورة.
4 -أي حليب بديل لحليب البقر.
5 -الماء.
6 -البروتينات عالية الجودة مثل الدواجن والأسماك والعدس والفول.
7 -الأحماض الدهنية الأساسية الموجودة في زيت السمك والمكسرات والبذور.
8 -الزيوت غير المكررة وتمثل زيت عباد الشمس وزيت الزيتون وزيت السمسم.
9 -المغنيسيوم وهو من أكثر المواد الغذائية الطبيعية تهدئة والتي منحتها لنا الطبيعة، بالإضافة إلى تناول الخس.


* * * * * * * * * * * * * * *

بمناسبة اليوم العالمي للصحة النفسية خلينا نفكرك إن :

المرض النفسي مش عيب، مش جنون زي ما الناس بتفكر !

المرض النفسي مرض زيه زي أي مرض عضوي ليه تشخيص وليه علاج .

ومن ناحية التشخيص فـ المرض العضوي أسهل بكتير وواضح أما المرض النفسي مش بالسهولة إنك توصله.

فعشان كدا عاوز أقولك إن العيب فيك إنت لما تكون نظرتك للمرض النفسي ساخره وملهاش أي معنى وده لأنك متعرفش معاناة المريض النفسي عشان تسخر منه !

وكمان خليني أقولك إن مش كلنا أسوياء بنسبة 100% لأن مفيش حد كدا أصلاً والكمال لله وحده .

المفاجأة بقا هنا إن إنت نفسك ممكن تكون مريض نفسي وإنت مش واخد بالك أصلا ! آه والله زي ما بقولك كدا.

https://youtu.be/AbuErraLvJM

عيلة مودة | حلقة 21 | كيف تتخلص من كذب طفلك؟! - د. أحمد إسماعيل | قناة مودة برنامج: عيلة مودة الحلقة: حلقة 21موضوع الحلقة: كيف تتخلص من كذب طفلك؟!تقديم: د. أحمد إسماعيل📡 شاهدوا «قناة مودة» تردد 10815 أفقي، ومعامل تصويب الخطأ 7/8، وم...

تجارب من الحياة

أم بتقول : لما كانوا ولادي صغيرين كنت بصحى من النوم خمسة ونص الصبح اصحى إبنى الكبير يدخل الحمام ويفطر كويس ويلبس وينزل المدرسة الساعة ستة ونص لأن المدرسة كانت بعيدة
بعدها اصحى الوسطانى هو في الحضانه ونعيد الكورس وينزل سبعة و نص
وبعدين أحضر فطار زوجي و يصحى ابني الصغير يفطر
واخده وأنزل أشتري الجرايد ومتطلبات البيت ... لما نرجع ألاعبه و أطبخ الغدا

يبتدوا الكبار ييجوا يتغدوا وبعد كده يحلوا الواجب ولو ورانا تمارين ألبس التلاتة وأنزل بيهم
لما نرجع من التمرين كله ينام ٨ مساء ...
طبعا هاتفتكروا إنى كنت بادخل أنام ... لا طبعا
أولا : زوجي كان بييجي من ١٠-١١ مستني ياكل
ثانيا : حد يضيع ساعتين من الصمت التام ... كنت أعمل شاي وأجيب حاجة ساقعة والأكل لانى غالبا نسيت آكل وأقعد أبص في الصمت المحيط بيا ... كنت بتمنى يكبروا و أرتاح وأنام عشر ساعات بدل خمسة !

وكبروا وطول النهار قاعدة لوحدي .
وحشنى الحضن بتاع بعد المدرسة .
وحشنى إنى أوقفهم علي السرير و ألبسهم وآخد بوسة وحضن .
وحشنى الخد علي الخد زي ما كانوا بيقولوا .
وحشنى وقفتهم علي إيد الكرسي اللي أنا قاعدة عليه .
وحشنى نطتهم و قاعدتهم علي حجري .
وحشنى الجري وراهم بالمعلقة وهام يامم .
وحشتنى الأسئلة الغريبة .
وحشنى غسيل الحيطة من كتاباتهم .
وحشنى فرحتهم باللعبة الجديدة .
وحشنى التدوير علي لبس العيد .
وحشنى منظر إيديهم الصغيرة و هما بيورونى العضلات .
وحشنى الهدوء بعد دوشة الحمام .
وحشنى فرحة عينيهم لما أجيب لهم شيكولاتة .
أكتر حاجة وحشتنى الحضن أيوه الحضن .

دلوقتي كل واحد في شغله و بيرجع تعبان ... بأحط له الأكل ياكله من غير ماياخد باله أكل إيه ... بيسيب الأكل و ينام من التعب ... مع إنى تعبت في الأكل علشان أشوفه و هو بياكله .

با بقي مستنية يقوللي الله زي زمان بس بيبقوا مشغولين
في التليفون !
وحشنى إنهم يصحوا بالليل ييجوا علي سريري دلوقت باصحى الصبح الاقيهم نزلوا !

وأكتر حاجة بتزعلنى الحضن
بقيت أقصر منهم و مش طايلة أحضنهم
بقيت أقصر منهم و مش عارفة أحضنهم
وهما بقوا مشغولين .

ونفسي نفسي في لحظة من بتوع زمان آخد حضن واحد من خدهم الناعم وضحكة من عينيهم البريئة اللي مافيش فيها غير صورة ماما .

إوعوا تقولوا تعبنا من الولاد ... استمتعوا ... استمتعوا بالتعب الجميل قبل ماتبقوا أدي وتحاولوا تشبوا علي طراطيف صوابعكم علشان تاخدوا حضن.

هدفنا خدمتكم.. نسعد بتشريفكم 🤗
✨ مركز I can أنا أستطيع للتربية الخاصة والصحة النفسية
⬅️⬅️ 6 أكتوبر - الحي 12 شارع كان كان بجوار سنتر الخديوي.

✔️ لو إبنك عنده مشكلة في النطق والكلام ودا مأثر علي تفاعله الإجتماعي وأكيد مأثر علي تحصيله الدراسي فعليك ب (جلسات التخاطب).

✔️ لو إبنك عنده مشكلة في تعلم { القراءة، الكتابة، الحساب} ودا مأثر علي تحصيله الدراسي فعليك ب جلسات (صعوبات التعلم).

✔️ لو إبنك حركته كتير ومندفع ومش بيركز في أي حاجة ودا مأثر علي تفاعله الإجتماعي وتحصيله الدراسي فعليك ب جلسات (تعديل السلوك).

✔️ لو إبنك عنده مشكلة في الفهم والإستيعاب وتنفيذ الأوامر والخجل والعند والعصبية وغيرها من المشكلات السلوكية فعليك ب جلسات (تنمية المهارات).

✔️ لو إبنك طفل أو مراهق ومطلع عينك ومش عارفه تتعاملي معاه إزاي.. فعليك ب (الجلسات الإرشادية).

✔️ كل ده وأكثر من الكورسات والورش للأطفال والكبار و الدورات التدريبية في مجال التنمية البشرية المعتمدة والموثقة اللي هتفيدك في حياتك العلمية وفي سوق العمل.
ــــــــــ زورونا تجدوا ما يسركم 👍👍