طلاب ومعلمين حدائق اكتوبر

س : ما سبب وجود حروف صامتة في اللغة الانجليزية؟؟؟
س : ولماذا لايقومون بإزالتها طالما لاتنطق؟؟؟
••••••••••••••••••••••••••••••••••••••••••••••
حد_يعرف_الاجابة !!!
الأسئلة دي بيسألهالي الطلاب عندي وكمان اولياء الامور وتقريبا الكل 😅
--------------------------------------------------------
سيب وجود حروف صامته في الانجليزي

• علشان في كلمات كتيرة دخلت علي اللغة الانجليزية زي اللاتينية والفرنسية ، والفرنسية بالاخص لان كان في اسرة فرنسية كانت بتحكم انجلترا ف وقت من الاوقات
فكانت الكلمات دي لما تدخل الانجلش مكنتش بتتبع قواعد الانجلش كانت بتيجي وتدخل بنفس طريقة النطق والكتابة بتاعة لغتها الاصلية
فكان الانجليز بياخدوا الكلمة وعلي حسب هيعرفوا ينطقوها او لاء
وده خلي في حروف كتير سايلنت ومش بتتنطق
وفي حاجة كمان ، ان في كلمات بقت مشتقة من اللغتين دول اللاتينية والفرنسية
زي مثلا كلمة 👇
Doubt (شك)
اصلها ف اللاتينية doute
واصلها ف الفرنسية dubitare
جم الانجليز حطوا الكلمتين دول ف الخلاط وطلعونا الكلمة دي Doubt
• وفي حاجة كمان دخول اعراق واجناس مختلفة زي Vikings اللي هما حاليا بلاد السويد والنرويج والدنمارك دول بقي كان ليهم تأثير كبير ع اللغة الانجليزية من ناحية الكلمات والجرامر
مثلا زي كلمة 👇
Knife ( سكينة )
لحد الان بلاد السويد والنرويج بينطقوا حرف K لكن الانجليز لقوه تقيل ع لسانهم مابقوش ينطقوه فبقي سايلنت
وعلشان اللغة بتطور مع الوقت فكانت في حروف زمان بتتنطق لكن مع رتم الحياة السريع بقوا الانجليز بيختصروها ف نطقها فاتحولت لحروف صامتة
زي مثلا كلمة 👇
Knight فارس
تخيلوا كانت زمان بتتنطق .. (كنجهت)
دلوقتي مع تطور اللغة بقت بتتنطق .. (نايت )
• واكتر وقت اتغيرت فيه اللغة الانجليزية تغيير كبير وشامل كان ف عصر نهضة الادب الانجليزي شكسبير وغيره
حصل تغير جذري للحروف واخترعوا حروف متحركة جديدة ونطق جديد وكمان ضموا حروف ساكنة مع بعض علشان يدونا صوت جديد
زي مثلا 👇
Sh .. بتنطق ش
th .. بتنطق ث
------------------------------------------------------
طيب ليه يا مس مش بتشيلوها خالص 😅

• اول سبب ان الانجليز رفضوا حذف الحروف دي لانها كانوا بيتباهوا بدخول ثقافات مختلفة عليهم وبيعتبروها تاريخ وده طبعا سبب عاطفي اكتر مايكون منطقي وعقلاني
• تاني سبب ان في بعض الحروف الصامتة هتسبب مشاكل كبيرة اذا اتحذفت
زي مثلا 👇
To .. دي حرف جر بمعني الي
Two .. دي بمعني رقم 2
- هنا W صامتة فلو حذفناها هتبقي شبه اللي قبلها
Too .. دي بمعني ايضا
- هنا O الاخيرة صامتة فلو حذفناها هتبقي شبه الاولي
وبالتالي الحروف دي بتميز الكلمات لتسهيل معناها
ملحوظة_مهمة_برضو 👇
- لما يكون في حرف دابل ف الكلمة بننطق الاول فقط والتاني اعرفوا انه صامت
زي مثلا كلمة 👇
little .. قليل الحجم
بننطق t واحدة بس لكن التانية لاتنطق
------------------------------------------------------
وفي كمان حرف e في اخر الكلمات طبعا انتم مش عارفين ايه لازمته طالما صامت ، صح
حرف e ف اخر الكلمة بيميز معني الكلمة المقصودة ، وبيفرق ف نطق الكلمة
زي مثلا كلمة 👇
Cut .. يقطع / يقص
Cute .. لطيف
انطقوا الاتنين كده هتلاقوا ان حرف e فرق جداا ف النطق ع كده وجوده مهم 👌
------------------------------
ع كده مش دايما الحروف الصامتة وجودها مالهوش قيمة او لازمة لاء ده بيسهل علينا نطق وكتابة اللغة والتمييز بين الكلمات المتشابهة ف النطق..
#عامرصلاح #مسترعامر #ابسطهالك

‏لما تكون قلقان من حاجة في شغلك أو عملية هتعملها او امتحان او حاجة مخوفاك ، وبعدين تعدي بسهولة اوعي تقول : انا اديت الموضوع أكبر من حجمه !!

أبو بكر المزني بيقول : ينزل الأمر بالعبد ، فيدعو الله ، فيصرفه عنه ، فيأتيه الشيطان ليضعف شكره فيقول له : إن الأمر ‏كان أيسر مما ظننت .. فينسيه فضل الله عليه!

والله عمرها ما كانت بالشطارة ، هي بستر ربنا وفضله وبس.💛

ليس من شرط المتقين ونحوهم أن لا يقع منهم ذنب، ولا أن يكونوا معصومين من الخطأ والذنوب؛ فإن هذا لو كان كذلك لم يكن في الأمة متقٍ!
بل من تاب من ذنوبه= دخل في المتقين.
ومن فعل ما يكفر سيئاته= دخل في المتقين.

-ابن تيمية - رحمه الله .

أليست كُل أمورك بين يدي الله؟
فليطمئِن قلبك.
{يَقُولُونَ هَلْ لَنَا مِنَ الْأَمْرِ مِنْ شَيْءٍ قُلْ إِنَّ الْأَمْرَ كُلَّهُ لِلَّهِ..}
سورة ال عمران

السلام عليكم ورحمة الله ❤
سيتم ان شاء الله.. بداية من الخميس 19 مارس
'' للصف الاول والثاني والثالث الثانوى ''
والصف الثالث الإعدادى ايضا.. (المنهج + القصة)
*شرح منهج اللغة الانجليزية والمراجعات
*شرح مهارات اللغة وحل الامتحااااانات
علي قناة ابسطهالك التعليمية 👇👇
انتظرونا واشترك وفعل الجرس 🔔 👇
Https://www.youtube.com/AmerSalahElDin

ابسطهالك - Amer Salah El Din قناة مستر عامر صلاح الدين (ابسطهالك ) هى * قناة تعليمية تهتم بجميع قضايا التعليم. والمجتمع بشكل عام * تحتوي علي شرح لجميع مناهج اللغة الإنجليزية لجميع المراح...