Yousri AbdelRahman - Kids Come First

Yousri AbdelRahman - Kids Come First مهمتنا نفع الناس ونشر الألفة والترابط بين المجتمع.

تعرفوا إن الوقت الخاص اللي المفروض نقضيه مع أطفالنا يوميا ١٠ دقايق -بحد أدنى- وإن كل ما الطفل يكبر كل ما المدة دي بتقل؟!...
18/08/2026

تعرفوا إن الوقت الخاص اللي المفروض نقضيه مع أطفالنا يوميا ١٠ دقايق -بحد أدنى-
وإن كل ما الطفل يكبر كل ما المدة دي بتقل؟!

تتفق ولا تختلف مع واقعية المدة دي يوميا؟

لو لسه متردد..فحابين نقولك إن للأسف انهارده آخر فرصة للحجز في ورشة المهارات الاجتماعية .. الورشة اللي بنتعلم فيها سوا -ب...
17/08/2026

لو لسه متردد..
فحابين نقولك إن للأسف انهارده آخر فرصة للحجز في ورشة المهارات الاجتماعية ..

الورشة اللي بنتعلم فيها سوا -بالأنشطة التفاعلية- أهم 10 مهارات اجتماعية أطفالنا محتاجينها ..
مهارات زي التواصل والتعاون والتعاطف والمشاركة وضبط النفس ..

احنا بدأنا المرة اللي فاتت بمهارة التواصل.. اللقاء مسجل وفاضل 9 لقاءات بإذن الله
الحجز متاح لمدة 24 ساعة فقط ..
بخصــم 20% على كل الشرايح 💫

للحجز سيب كلمة (مهارات) هنبعتلك لينك الاستمارة وشاركنا ورشة ممتعة ونافعة بإذن الله ❤️

مواعيد المجالس المجانية والدورات:ـ مجلس مدار 💫دا امتداد لمبادرة القراءة هنكلمكم عنه قريب جدا استعدوا!ـ مجلس الأحد .. لك...
16/08/2026

مواعيد المجالس المجانية والدورات:

ـ مجلس مدار 💫
دا امتداد لمبادرة القراءة هنكلمكم عنه قريب جدا استعدوا!

ـ مجلس الأحد .. لكل أحد. 😌
مبادرة مجانية، بنناقش فيها كل فترة مواضيع تربوية محددة.. وحاليا بنقرأ سلسلة (يا جدتي) الحمدلله قربنا نخلصها وندخل في سلسلة جديدة بإذن الله.

ـ ورشة المهارات الاجتماعية للأهالي، بنشرح ونطبق أنشطة كتاب المهارات الاجتماعية للأطفال 🤸‍♂️
الحجز لسه متاح بالخصومات لو عايزين تفاصيل عنها سيبوا كومنت (مهارات) ..

ـ دورة أصبحت رجلا للشباب الصغير من ٨ لـ ١١ سنة بالتعاون مع رواق المربي -حاليا الحجز مقفول-

وأخيرا المجلس المحبب لقلبي.. مجتمع الرجالة المهتمة بالتربية الي بنشرح فيه ساعة مواضيع تربوية وساعتين تلاتة قعدة رجالة على القهوة 😂
How to Dad

لو عندكم أي سؤال بخصوص أي مبادرة أو الورشة سيبوا كومنت وهنرد بالتفصيل 🫡

15/08/2026

دعتْني أُمي يومًا ورسولُ اللهِ صلى اللهُ عليه وسلم قاعدٌ في بيتِنا

فقالتْ: ها تعالَ أُعطيك.
فقال لها رسولُ اللهِ صلَّى اللهُ عليهِ وسلَّم:
وما أردتِ أنْ تعطيهِ؟
قالتْ : أُعطيهِ تمرًا.
فقال لها رسولُ اللهِ صلَّى اللهُ عليهِ وسلَّمَ :
أما إنك لو لمْ تُعطيهِ شيئًا كُتبتْ عليكِ كَذِبةٌ.

سيدنا عبد الله بن عامر وقتها كان طفل!
يعني إيه؟

يعني مبنكدبش على الطفل. مش عشان طفل نكذب عليه. الكذب على الطفل كذب!
ذنب!
دا غير إنك بنفسك بتعلمه يستخدم الكذب عادي ونرجع نستغرب ابني بيكذب ليه!

14/08/2026

الطفل: إنسان.. له كرامة واحترام.
#مفاجأة

13/08/2026

تعرف إن فيه 3 أنوع من الآباء؟

ـ حاضر ياحبيبي هجيبلك كل الي نفسك فيه
ـ مش اتفقنا تخرجي مرة واحدة في الأسبوع؟ ماشي ياستي اخرجي انهارده كمان
ـ حبيب قلب ماما مش عايز ياكل ليه؟ طيب أعملك أكل إيه بدل دا؟

أهالي متساهلة.
بيخافوا إن عيالهم يتعرضوا لأي إحباط أو أي زعل، فبيسعوا لإرضائهم طول الوقت.
والمبرر؟ الحياة صعبة أوي فمش عايز أنا كمان أصعبها عليه وهو طفل

بس الحقيقة انت بتصعبها عليه أوي لما يكبر كل ما بتلبي (كل) احتياجاته كل ما يفتكر إن هو دا الحب..
إن عشان الناس تحبني يبقى لازم يلبّوا احتياجاتي.. ودا طبعا خيال!

ـــــــــــــــــــــــــ

ـ لأ يعني لأ مش هجيبلك اللعبة دي.. كدا وخلاص
ـ هو دا الأكل مفيش غيره مش عاجبك قومي
ـ مفيش خروج مع صحابك.. عشان أنا قلت كدا!!

أهالي استبدادية.
بيخافوا إن عيالهم يبقوا متدلعين وكل طلباتهم مجابة..
مش عايزينهم استحقاقيين فمش هيبرروا لهم رفضهم ولا هيتناقشوا ولأ يعني لأ
والمبرر؟ شايفين إن الحياة قاسية فلازم يتعودوا على القسوة من دلوقتي!

بس على المدى الطويل دا بردو مؤذي..
لإن العيال أذكيا.. رد فعلهم على الأسلوب الاستبدادي هيكون حاجة من الاتنين:
التمرد: أنا كمان مش هعمل الي هما بيقولوا عليه حتى لو هو الصح ومحدش هيتحكم فيا
التاني: الإرضاء بكل الطرق هعمل كلللللل اللي هما عايزينه عشان "بس" آخد الي أنا عايزه.. مش عشان قيمة اللي بيطلبوه المهم طلباتي تتنفذ

هل دا غرضنا من التربية؟
نخلق أطفال إما متدلعين واستحقاقيين .. أو متمرديين أو متلاعبين
أو معندهمش قِيم ذاتية ومبادئ بتحرّك أفعالهم؟

أكيد أكيد لأ!

طب والحل؟

ـ فاهم إنك زعلان عشان مش هنشتري اللعبة، بس للأسف مش هينفع دلوقتي.. ممكن نجيبها في العيد.
ـ لو مش حابب تاكل الرز ممكن تاكل بعيش عشان هو دا المتاح دلوقتي.. ممكن بكره نفكر في وجبة بتحبها أكتر
ـ عارف إنك زعلانة إنك مش هتخرجي بس انتي خرجتي من يومين مع أصحابك واحنا اتفقنا مرة واحدة في الأسبوع

الأهالي الحازمة!
أنا احترمت مشاعره.. وبردو احترمت حدودي كأب وأم.

كدا كدا السُلطة في إيدي بس مش هطبقها غصب عنه هطبقها بالتفاهم ومراعاة مشاعره.
وهو دا معنى الحنان والحزم معا!

هل سهلة؟ لأ مش سهلة
بس بنحاول .. إنما الحِلم بالتحلّم!.
ممكن في كل جملة منهم أخدت نص دقيقة زيادة.. بس كسبت ابني!

لإن الأسلوب دا بيعلّم طفلك النظام واحترام الحدود.
بيخلق طفل ملتزم، مش بيسترضي أي حد لإن بتحركه قِيم ومبادئ، ودين..
مش رضا كل البشر!

وبص على المدى الطويل؟ بيخلق مراهق عنده دين ومبادئ سواء في وجودك أو عدمه.
ومفيش هدف أعظم من كدا في التربية.

دي كانت أداة (الالتزام) من سلسلة

انتوا أنهو نوع من الأهالي؟

من لقاء ورشة المهارات الاجتماعية امبارح ✨️اتناقشنا وعملنا أنشطة تفاعلية سوا عشان نفهم من منظور أطفالنا:يعني إيه تواصل فع...
12/08/2026

من لقاء ورشة المهارات الاجتماعية امبارح ✨️

اتناقشنا وعملنا أنشطة تفاعلية سوا عشان نفهم من منظور أطفالنا:
يعني إيه تواصل فعال؟
ويفرق في إيه التواصل عند بيبي سنتين وعند طفل ٥ سنين؟ وإزاي نساعدهم على تنمية المهارة دي؟

الحمدلله كان لقاء جميل ومثمر والأهم إنه كان تفاعلي مكانش مجرد كلام نظري 🙏

خلصنا أول مهارة وفاضلنا ٩ مهارات.. لسه الحجز مفتوح ويدوب تلحق تشوف تسجيل آخر لقاء عشان تشارك معانا المرة الجاية لايف

سيب كلمة (مهارات) وهنبعتلك لينك الحجز 🫡

11/08/2026

يا ترى إيقاع ابنك إيه؟

كنا اتكلمنا المرة الي فاتت عن مستوى النشاط الي بيحدد طبع ابنك هادي ولا حركي..
واتفقنا إن لا الهادي أحسن من الحركي ولا الحركي ألذ من الهادي .. صح؟
صح

انهارده هنتكلم عن سمة اسمها (الإيقاع)
دي بقى فعليا متحددة بالعوامل البيولوجية البحتة
يعني إيه؟

الإيقاع دا معناه ابنك متوقَع منه يعمل إيه دلوقتي
مثال: طفل نومه سهل.. بينام في معاده بسهولة وقيلولاته منتظمة .. دا اسمه إيقاع نومه.
لكن في أكله؟ ممكن ياكل وجبة واحدة في اليوم ويتفتف الباقي .. يبقى دا إيقاع أكله! (وممكن العكس عادي وممكن الاتنين يكونوا مظبوطين)
وهكذا في الحمام وتعويده على خلع الحفاض.. مش ساعات بنسمع أمهات بتقول تجربة البوتي تريننج كانت عندي سهلة وأم تانية تقول كانت مأساة؟

هو دا الإيقاع.. سمة من

هل السمة دي بقى نقدر نقول عنها حلوة أو وحشة؟ هل نقدر نغيرها؟
هسيبلكم الإجابة 😃

والله المستعان على اختلاف الإيقاعات.

ابنك إيقاعه في النوم إيه؟ منظم ومريح؟ ولا في ذمة الله؟

انهارده البداية الفعلية لورشة المهارات الاجتماعية الساعة ٨.٣٠ م بإذن الله 🤩
11/08/2026

انهارده البداية الفعلية لورشة المهارات الاجتماعية الساعة ٨.٣٠ م بإذن الله 🤩

حد لسه ميعرفش إننا عندنا حفلة الخميس الجاي؟ 🤩اكتب في كومنت (حفلة) وهنبعتلك التفاصيل كلها 🫡
10/08/2026

حد لسه ميعرفش إننا عندنا حفلة الخميس الجاي؟ 🤩

اكتب في كومنت (حفلة) وهنبعتلك التفاصيل كلها 🫡

Address

6 October City
6 October City
02

Telephone

+201025063780

Website

Alerts

Be the first to know and let us send you an email when Yousri AbdelRahman - Kids Come First posts news and promotions. Your email address will not be used for any other purpose, and you can unsubscribe at any time.

Contact The School

Send a message to Yousri AbdelRahman - Kids Come First:

Shortcuts

Share

Category