اميره محمد_Amira mohammed

🌻بمناسبة بداية الدراسه والسنه الجديده
🌻زي ما بنهتم بتجهيزات أولادنا للدراسه من لبس وادوات
🟢احرصي علي استعداد وتأهيل طفلك النفسي لبداية الدراسه
🟡عشان يقدر ابنك يعرف ويحدد الهدف من الدراسه
🟡ويعرف قيمة الوقت و اهميته و ازاي يقدر ينظمه
🟡ازاي يواجه التنمر من زمايله و محيط المدرسه
و تحبيبه في المذاكره و تعلميهم طرق حديثه تناسب مستويات مختلفه
🟡التعامل مع المشكلات ويواجههها بدل ما يهرب منها او يطلب منك مواجهتها
🟡الدمج التدريجي للطفل الحضانه لتجنب الصدمات
الورشه هتساعد
🎀طفل الروضه اول مره ينفصل عن البيت
🎀طفل شديد الحساسيه والتأثر برأي زمايله والمحيطين
🎀طفل المتردد
🎀الطفل تعامله عنيف و غير منضبط
🎀طفل الغير واثق بنفسه
🎀طفل المدمن لألعاب التليفون
🎀طفل شديد الانفعالات
تقدم الورشه
مس اميره مدربه تربويه و باحثه في الارشاد النفسي والاسري
الورشه يوم الجمعه القادم بإذن الله بحاره تسعه
ويفضل حضور الأمهات لزياده النفع
الحجز
مع أكاديمية حاره تسعه

بما ان الدروس بدأت
متسمحيش لمدرس يقلل من قدارات ابنك لمجرد ان الولد مش فاهم فيقوله يا غبي او كذا ..
تربويا المدرس واجب عليه يراعي الفروق الفرديه بين الأولاد
وفلسفة التعليم الحديثه بتأكد دا
وواجب عليه يستعمل طرق تدريس مختلفه تناسب كل الأنماط
ربنا سبحانه خلقنا مختلفين عشان نناسب الوظايف و المهن المختلفه في الدنيا

بتعملوا ايه في المواقف الي بتفجأكم مع أولادكم و بتبقي جديده ولأول مره ...
من فتره كنت بتمشي مع ابني واتفجئنا بقطه اتخبطت قدامنا كانت تحت العربيه ..(العربيه اشتغلت والقطه متعلقه ف المروحه)
سمعنا الصوتين سوا خبط العربيه وصريخ القطه الي انتهي في غضون ثواني ..
الولد قالي يلا نمشي بسرعه من هنا انا خايف
حاولت اتمالك نفسي وقولتله خايف من ايه
تعالي نهدي و نفكر ونشوف هنعمل ايه
ايه رأيك ناخد رأي الدكتوره وتقولنا نعمل ايه
اتصلت ب د Sara El Shaprawi ومشكوره ردت عليا وصفتلها الحاله لكن خلاص كنا فقدنا القطه
لسا الولد مصدوم وبيفكر في الموضوع 🤔
اقترحت عليه نطبع ورق توعيه لأصحاب السيارات قبل ما يركبوا العربيه يدورو كويس عشان يتفادو الموقف و نساهم في انقاذ ارواح مسكينه
واتفقنا نعمل دا ونلزقه عند المكان الي حصل فيه الحادثه
صحيح ملحقناش القطه..لكن
✅️ اتعلم ياخد موقف وميسبش المشكله ويمشي
✅️حاولنا ندور علي حلول عشان نساهم في انقاذ أرواح لها دور مهم في الحياه
✅️كلمته عن أهمية الكلاب والقطط واد ايه دورهم مهم في الحياه
️بيحافظوا علينا من حيوانات لها خطوره شديده زي الزواحف والتعابين
✅️حاولت اوصله مفهوم عن الرحمه والرفق بالحيوان
النهارده عملنا سوا الورق دا
ويامن بيسلم عليكم وبيقولكم تفقدوا عربياتكم قبل السواقه ضرووري جدا 👌

اميره محمد_Amira mohammed

كل عام وانتي المحبه لاطفالك والأمل والعطف والرحمه والحنان 🌺

رد علي سؤال بيتكرر
تعرض الطفل لمعلومات جنسيه لا تناسب سنه ،أو دخوله غرفة الولدين ،أو رؤية مشهد في التلفزيون، أو بحث علي الانترنت ،أو اصحابه
ملاحظه مهمه اذا كان الطفل ولد لازم أخصائي رجل
واذا كانت بنت لازم أخصائيه
واذا كان السبب في المشكله دي تحديدا الولدين ..مينفعش هم ال يحلوا بنفسهم(في النوع دا من المشاكل )ولازم أخصائي

كل كلمه او تعبير وجه ونظره من احد الأبوين تعطي طفلهم و مراهقهم رساله حول نفسه وقيمته الذاتيه تخزن في ذاكرته ويصعب محواها مستقبلا
ننتبه حول تكوين صورة الأولاد الذاتيه عن أنفسهم ونساعدهم في تكوين صوره اكتر قوه وثقه و رقي ❤️

🤔ليه نبقي اختيارك ومساعدين لك في حل مشكلة ابنك ؟
لأن عندنا منهج بيتعرف علي نمط شخصية ابنك و بيحلل فكره وسلوكياته غ الوقت الطبيعي ووقت الغضب👀
نفس المنهج دا بيساعدك تعرفي تتعاملي معاه ..وتقنعيه الوقت الطبيعي ووقت الغضب 👍
و تعرفي لوحدك تفسري هو ليه بيعمل كدا وتساعديه يتعامل بشكل سوي أثناء النوبات دي👌
وكمان ندربك ازاي تسيطري علي ردود أفعالك لأننا بنترجم سلوكيات ابنك وبنعرف الدافع وراها 🥰
وكمان تعرفي احتياجاته النفسيه ونساعدك بطرق عمليه علي تلبية الاحتياجات دي❤️
وبندربك تعرفي الفرق بين التربيه وبين الرعايه🫶
و بنساعدك تتعاملي معاهم بالاتفاقات حتي لو سنهم صغير💗
بتتعلمي اكتر من ٥ طرق تعديل سلوك مناسبه لطفلك في مواقف مختلفه💗
🟢اول ما بتعرف الأم دا بتتفادي صدمات كتيره
💚وبتتعامل مع الطفل بشكل أصح
❤️كل دا عن طريق معلومات مكتوبه أثناء السيشن المباشر
و pdf لو عن بعد
ودا شيئ غير مسبوق في المجال
لكن نيتنا النفع الدائم لكل الي بيتعامل معانا ❤️
كل الحب والدعم والتقدير لكل أم❤️

🖤وبرغم المجهود الي بذلتيه من اول ما صحيتي لحد ما هتنامي..لسا حاسه بتقصير و بتأنبي نفسك علي مواقف عملتيها وبتوعدي نفسك انك هتبقي أفضل بكره💗
🫶انتي مش لوحدك كلنا كدا عالمنا خالي من المثاليه
عافري وكملي وهتجني ثمرة مجهودك بفضل ربنا و ببركة سعيك

#سعي
#امومه

https://tinyurl.com/yrmov34z

🥰🥰

تعرفي ان اهم ٧ سنين في حياة طفلك هم أول ٧سنين من عمره-:الهرم المصرى نيوز بقلم / أميره محمد 📢لأن الطفل في العمر دا لسا علي فطرته السليمه الي مدخلهاش لخبطة ولا قناعات سلبيه ولا صدمات نفسيه عشان كدا جودة الوقت مط...

سلامة بيتك وقوته بتبدأ منك
راعيهم وحافظي عليهم لكن متنسيش تراعي نفسك وتهتمي بصحتك و نفسيتك
افتكري فيتاميناتك و ارتاحي وقت ما تحسي ان الطاقه خلصت ومش عيب ابدا نطلب مساعده وقت ما نحتاج
هم احسن بيكي 💗💗💗💗💗