Pinky car لاول مرة فى طنطا

13/01/2023

أصدقائي سائقي العربيات الأوتوماتيك...

*إوعي تمور الفتيس وانت علي منزل وترجع تعشقه تاني...ولا علي منزل ولا علي مطلع ولا علي السرير حتي.. حد يفك تعشيقة التروس ويرجع يعشقها وهيا بتلف بسرعة العربيه؟؟؟ دنتا لو قاصد تكسره مش هتعمل كده.. وبعدين كلمه في سرك العربيه ع المنازل بتوفر جدا في البنزين لو انت معشق غيار لو عاوز تعرف ليه أبقي أقولك 😉😉

*الفتيس الأوتوماتيك عامل زي البسكوته عامله بحنيه عشان زعله وحش اوي.. بلاش ترزيع ونقل بسرعه وهبد في العصايه..إعتبرها بقسماطه معلش ..🙂

*مفيش حاجه اسمها زيت مبيتغيرش حتي في الBMW بيتغير بس الفكره بيتحطله زيت إيه ومين بيغيره زي فتيس ال ZF بتاع ال BMW ليه ناس مخصوصه وبياخدوا دورات صيانه في أمريكا وألمانيا طب تخيل الكوري بقي🤔🤔
الالنترا كل فتيس ليه مواصفة زيت معينه ال HD مواصفته SP3 وبيتغير كل ٦٠ الف وبتغير فلتر وال MD مواصفته SP4 وبيتغير بعد ١٠٠ الف (او اقل) ومش بيتغير فلتر (لأنه فلتر داخلي بيتغير بعد اصلاحات الفتيس فقط).. وبعد كده غير علي ٦٠ الف..
^^^ركز معايا بقي اوي في الحته دي👀...
الزيت بيتغير والعربيه بارده !! العربيه ايييييه؟؟؟ بارده
٥ ساعات وبتحط الزيت الأصلي فقط او زيت ماركه محترمه مواصفته sp3 او sp4..المهم اوعي بأي حال من الاحوال تحط زيت مواصفه غير دول..(الناس اللي بتحط زيت موبيل ٣٢٠ لو شوفتك ها*****🙊)

*إوعي تدي غيار P او R والعربيه لسه بتتحرك حتي لو بسرعه ١ كم/س لازم تبقي دايس فرامل والعجل واقف تماماً كأن تحت العجل قطه نايمه..

*وانت واقف في إشاره أو الطريق ماشي بطئ متقعدش تمور وبعدين تنقل D خاااالص.. انت تفضل علي ال D دايس فرامل لمده ٢٠ ثانيه مثلاً لما تقف وبعدين سيب فرامل وإمشي لو طولت عن كده مور لكن تقعد تدي D في N كل ٢ متر حراااااااااام ...
الفتيس لو ليه خدود كان لطم..

* لو عندك ستيبترونيك كل فتره والتانيه امشي عليه وشغله عشان العضو الذي لا يستخدم يضمر ويضمحل 😄

*والله العظيم العربيات الأوتوماتيك مينفعش تتقطر خالص خالص نوهااااائي أخرك ٥٠٠ متر او كيلو بالكتير اوي علي سرعة ١٥كم/س ...
المفاجأه بقي العربيات الأوتوماتيك مينفعش تتقطر حتي لو دايره..(شايفك ياللي بتشكك فيا...الدليل موجود بس انت قول جزر)😎

*طالبه معاك ترزع kick down متحرمش نفسك من حاجه مره مرتين ماشي بس مش سبهللة هي كل شويه...انت مش راكب فيراري..🚗

* أخر حاجه بقي عشان صوباعي واجعني😂😂
أما تركن شد الهاند بريك الأول وبعدين عشق الفتيس ع ال P عشان تحميل الوزن يبقي ع الفرامل
مع خالص تحياتي 🌹 دمتم سالمين

17/10/2022

معلومات على الماشى🤝
أشهر 9 أعطال في السيارة وأسبابها⁉️‼️

💢العطل الأول : صعوبة تغيير السرعات في السيارة
السبب الرئيسي لهذا العطل هو نقص في زيت علبة الفتيس ويحتاج الى تغيير.

💢العطل الثاني : عدم استقامة السيارة على الطريق
هنا في هذه الحالة اطارات السيارة تحتاج الى ترصيص وضبط للزوايا.

💢العطل الثالث : اهتزاز السيارة عند الضغط على الفرامل
العطل في هذه الحالة يكون بسبب تلف الفرامل أو ديسك الفرامل في حالة سيئة وكلاهما يحتاج الى تغيير.

💢العطل الرابع : تأخر تشغيل السيارة وتقطيع أثناء السير
عند وجود شوائب بفلتر الوقود يؤدي الى هذا العطل وهنا يحتاج الى تغيير.

💢العطل الخامس : ارتفاع حرارة محرك السيارة
من أشهر الأعطال التي تصيب السيارة هي ارتفاع الحرارة في المحرك. حيث تسبب أضرار كبيرة عليه وقد تؤدي الى تلفه. وهنا تتعدد أسبابها ولايمكن حصرها في سطر واحد ومن هذه الأسباب :
حصول نقص في مياه الردياتير. أو وجود تسريب بها أو تلف في جوان كولاس المحرك أو تلف رأس المحرك أو انسداد الردياتير. وغيرها من الأسباب .

💢العطل السادس : السيارة تستهلك الوقود بشكل زائد
من بين الأسباب الأكثر شيوعاً لزيادة استهلاك الوقود في السيارة. هي تلف أسلاك البواجي أو البواجي و أيضاً يسببها تلف في حساس الشكمان في السيارة.

💢العطل السابع : الفرامل متحجرة ويصعب ايقاف السيارة
اذا وجدت فرامل سيارتك متحجرة ويصعب الضغط عليها. فلا تقم بتحريك السيارة لأن الفرامل لاتعمل بسبب تلف سيرفو الفرامل أو تسريب به.

💢العطل الثامن : صوت عالي يصدر من أسفل السيارة مع ضعف في السحب
في هذه الحالة من الوارد جداً أن هناك ثقب أو تسريب من شكمان السيارة.

💢العطل التاسع : اهتزاز المحرك عند تشغيله وتلاحظه في مقود السيارة
في هذه الحالة يكون في الغالب العطل، بسبب تلف في قواعد أو كراسي المحرك بها تلف وتحتاج الى تغيير

15/10/2022

اى لمبه بتنور فى لوحه العداد ليها دليل واللون الاحمر معناة ان فى خطورة على عربيتك
النهارده هنتكلم عن لمبة فى غاية الخطورة واساسية فى تابلوه اى عربيه

لمبة الزيت

#الزيت
لمبة الزيت هى لمبة موجودة فى تابلوه العربيه وبيبقى الرمز بتاعها على شكل مزيتة ونازل منها نقطة زيت

وظيفتها انها تنور لما يكون مفيش ضغط زيت فى الموتور
وبتشتغل عن طريق سويتش بيركب على الموتور اسمه (ساعة الزيت) والسويتش دا بيدى اشارة سالبه للمبة لما يكون الضغط (ضغط الزيت ) ضعيف فتنور عندك اللمبة
ولما يكون الضغط مظبوط وكويس السويتش دا يقطع الاشارة السالبه اللى راحه للمبة ويخليها تطفى

دورة عمل اللمبة دى هى انك اول لما بتفتح الكونتكت
هتلاقيها تنور واول لما تدور العربيه هى بطفى بعد ٢ او ٣ ثوانى ودا لان وانت مبطل مفيش ضغط زيت فى الموتور فهى بتنور ولما بتدور الموتور طرمبه الزيت بتشتغل وبيبقى فى ضغط زيت فبالتالى اللمبه بتطفى

الخطوره هنا انها لو نورت وحضرتك مشيت بيها منوره اصبح دلوقتى مفيش ضغط زيت فى الدورة والموتور اصبح حديد بياكل فى حديد وبعد كده اعمل حسابك بقا على عمره او شورت بلوك لان سعادتك السبيكه كده اتاكلت وكذلك الكرنك وهتسمع صوت ترزيع 😕

طيب بفرض انها نورت منك وانت ماشى تعمل ايه ؟!!
تقف فى مكانك وتبطل العربيه حتى لو الهكسوس بيجروا وراك😂

وتنزل تقيس الزيت ولو لقيته ناقص تشوف طبه الزيت بتجيب زيت ولا الكرتيرة اتخبطت ولا فى اويل سيل كرنك ضرب مثلا 😭

اوقات تلاقى اللمبة دى بتبربش وانت ماشى ودا ممكن يكون فلتر بدا يتسد او زيت وحش بيفقد اللزوجه بتاعته بسرعه أو ساعه زيت باظت أو تفويت من السبيكه 😥

14/10/2022

نصائج تمشي عليها لو راكب اوتوماتيك

- طبعا اللى افتكس ان زيت الفتيس بيتزود دة مش طبيعى
و ان الزيت بتاع الفتيس بيفقد خواصة زى اى زيت
و الصح انة كل 50 الف الى 100 الف كيلو يتغير بالفلتر و المصفى بتاعتة

- بلاقى ناس كتير لما بتيجى تركن مثلا
بيكون عاوز يرجع بضهرة فا طبيعي يكون علي R و يحب فجأة يطلع بوشة فا يجيب الـ D مرة واحدة بدون توقف و العكس برضة دة غلط جدا على تروس الفتيس
مع الوقت التروس بتتاكل و برضة انت كدة بتعمل ضغط علية
مع الوقت هتلاقى عمر فتيسك بيقل و ترجع تلعن فى العربية و هى ملهاش ذنب والحوار كلة سوء استخدام منك

- لو عربيتك فيها الـ L و الـ 2 و 3
ابقي استخدم الـ L في المطالع القوية زي مطلع الجراج مثلا
و لو طالع مطلع كوبري مثلا هات الـ 3 و بلاش الـ D
طب لو مش عندي الارقام دي ؟
ممكن تشغل الاستيبترونيك
طب لو معنديش كل دة و اوتوماتيك بس يبقي خلاص
هتبقي علي الـ D

- الحرق على الغيار
متفتكرش انك راكب مانيوال و تحرق كتير ب الاوتوماتيك
كدة انت بتحرق زيت على الفاضى و التروس بتتضعف مع الوقت
المانيوال هو بتاع اللعب

- ازاي تركن بالاوتوماتيك
في ناس بتوقف العربية علي P بس و مش بتشد الهاند ولا بتركن صح حتي لو بتشد الهاند لانك لما بتجيب الفتيس علي P انت كدة بتحمل العربية كلها علي ترس ال P و مع الوقت بيتاكل و يضعف
الصح هو انك
fULL BRAKE > N > HAND BRAKE > P

- بلاش تـعمل فان ديزل و تجيب الـفتيس علي N و تدوس بنزين علي الاخر و هوووب تجيب الـ D عشان تفرك بالعربية
صدقني انت بعد سنة هتجيب فتيس بالقواعد بتاعتة و انت اللي هتخسر

--اكتر مشاكل فى الفتيس الاوتوماتيك تتلخص فى ثلاث كلمات وهم
ميعاد غيار الزيت
السمعه السيئه اللى خددتها الفتايس الاوتوماتيك اصلها من صاحب العربيه مش عيب صناعه يعنى
لو حضرتك بتغير زيت الفتيس فى ميعاده الفتيس عمره ما هيشتكى منك

-- اما بقى لو انت سيبت الزيت من غير ما تغيره هيسبب المشاكل التاليه
- تاخير فى الغيارات ودا بيرجع لان الزيت بيكون رايش مع الوقت الرايش دا بيدخل فى الـ Solenoid Valve بيسده ودا بيظبط عند تغير الزيت
- نتشه خفيفه بين الغيارات ودا بيظبط عند تغير الزيت
- دبه فى الغيار وغالبا بتكون فى النقلة ما بين التانى والثالث واحيانا الدبه بتيجى مع الـ D و الـ R واحيانا الدبه بتكون وانت نازل من الغيار و احيانا الدبه بتكون فى كل الغيارات ودا عشان تحل مشكلته غالبا بتغير Solenoid Valve اللى فيه المشكله واحيانا بيتتطلب تغير الـ Body Valve نفسه
- تفويت ودا بيبقى اخر مرحله وسببه غالبا ان زيت الفتيس اتحرق وحرق البنود بتاعه الغيارات ودا نصيحه غير فتيس ( خد بالك لو الكوبلن الداخلى خرج من مكانه تقربيا هيعمل نفس الحركه وهتفتكر ان الفتيس هو اللى فوت )

لو حصل اى حاجه فى الفتيس راجع على
- لزوجه الزيت
- الزيت ناقص ام لا
- مبرد زيت الفتيس
- الريداتير
- كنترول الفتيس والدفاير الخاصه بالفتيس
- الـ Body Valve و Soleno

11/01/2022

23/06/2021

ان شاء الله متاح عربيه هيونداي 1 H بكره الأربعاء في اتجاه اسكندرية وبرج العرب من الساعة الثالثة عصرا اللي محتاج شي يتواصل معي على الواتس أو الموبايل 01004171681 /01211928162

22/06/2021

لكل عملاء بينكى كار كورسات للأطفال داخل طنطا بأسعار ممتازة لاعضاء الصفحة

الصيف دخل و اغلب الاهالي بتدور لأطفالها على انشطة صيفية تشغل بيها وقتها و تنمي مهاراتها. 🥰
و هنا ييجي دورنا عشان بنقدم كورسات صيفية متنوعة للاطفال من سن ٤ سنين.
هيكون فيه مفاجأت كتييير و عروض كتيييير بمناسبه فتح باب الحجز. خليك متابع البيدچ عشان تعرف باقى المفاجأت😉
الحجز متاح من دلوقتي، و تقدر تحضر مع طفلك اول سيشن و مش بس كده، كمان اول سيشن هيكون free ❤️

للتواصل و باقي التفاصيل ابعتوا رسالة للبيدچ و احنا هنرد عليكم فورا. 😍

15/06/2021

للبيع عربية دايو لانوس ٢٠٠٥ تكيف شغال كاوتش جديد اللون الابيض مرور طنطا لايوجد بها توكيلات للتواصل ٠١٠٦٦٣٦٦٧٠٩

19/05/2021

رحلة ل شر الشيخ ب ٧٩٩💣⛱️🔥 ٤ أيام بالوجبات والانتقالات والأطفال مجانا 🎉

17/03/2021

خصم خاص لكل عملاء Pinky car لاول مرة فى طنطا ولكل أعضاء نادى ايزى اسبورت العبد

23/02/2021

معلومات هتفيدك جدا
👌👌
معلومة النهاردة :(1)
اوعي اوعي تشغلي المفتاح الا بعد :
_ تموير الفيتيس

معلومة النهاردة (2)..
يمين شمال لااااااازم مراية

معلومة النهاردة :(3)
اربع حالات لازم تكون رجلك فيهم على الفرامل ممكن نستعملها او. لا. حسب السرعة وكلها تبدأ بحرف الميم
ملف **مطب** مفارق** منزل

معلومة النهاردة (4):
(فااااااااادي من بعيييييد )
يعني فكري في الطريق لمسافة طويلة ومتسيبيش نفسك للمفاجئات

معلومة النهاردة(5):
لو محستيش انك هاتقفي على المطب
اعرفي انك هاتتهبدي عليه
لاااااازم تكون سرعتك تحت العشرين

معلومة النهاردة(6):
لازم تكون سرعتك على قد غيارك يعني :
لما تزودي سرعة ..اطلعي بالغيار
لما تهدي سرعة ...انزلي بالغيار
لو سرعتك ثابتة ...متغيريش

معلومة النهاردة(7):
أنواع الملفات :
يمين على ضيق .....شمال على واسع
المهم تدخلي من يمين الطريق.

معلومة النهاردة (8):
تكسير جامد ..مطب جامد.. زحمة جامدة...شارع ضيق
ارجعي للأول وامشي من غير بنزين ومتخافيش مش هاتقف.
لو اتوماتيك امشي من غير بنزين وخلي رجلك علي الفرامل.

معلومة النهاردة(9):
عند الرجوع للخلف :
1-الضغط على الدبرياج للاخر
2-اعطاء المرشيدير (غيار الرجوع)
3-فك الدبرياج بالتدريج لحين التحرك وهنا يجب تثبيت الدبرياج كتييييير ...
معلومة النهاردة (10):

عند الرجوع للخلف ..
1-تحديد الاتجاه اولاً ولف العجل (وانتي واقفة )

2-إذا أردنا إدخال ضهر السيارة يمين ألف يمين والعكس صحيح
3_ إذا أردنا إدخال مقدمة السيارة يمين ألف شمال والعكس صحيح
ً

معلومة النهاردة (11) :
إذا أردنا عمل U-turn :
1_النظر في المراية وأخذ القرار لو وراكي فاضي
2-إعطاء الإشارة الشمال
3-الانتقال ل أقصى الشمال
4_قبل الملف بمسافة بسيطة أقرر هالف على طول ولا هاضطر أقف في الملف..
متنسيش لو وقفتي هاتي الاول 😉😉

معلومة النهاردة(12):

لو العربية سخنت يبقى :
1- عيب عربية شوفي المياة واتأكدي أن المروحة شغالة.
2-عيب سواق يعني ماشية على سرعة أعلى مما يتحمله الغيار ..
ظبطي غيارك يا لوزة ...

معلومة النهاردة(13):
لازم لازم تسيبي مسافة بينك وبين اللي قدامك ومهما غلط انتي قفي ومتحاوليش تفاديه بالدريكسيون..

معلومة النهاردة(14):
الدبرياج بيزود السرعة في منزل الشوارع والكباري
يعني لما تحبي تهدي بس كفاية فرامل

مساكم رضا من الله

🌹🌹معلومة النهاردة(15):
إذا اضطريتي تقفي على مطلع
1- وانتي لسة على الدبرياج والفرامل هاتي الأول
2- ارفعي نصف الدبرياج لغاية ما تحسي ان العربية اهتزت
3- ارفعي فرامل ودوسي 2 سم بنزين وأرفعي بسيط من الدبرياج
4- عند الحركة لازم تثبيت الدبرياج كتييييييير

المعلومة دي ممكن تطبقيها وانتي في زحمة وانتي في مفارق...

معلومة النهاردة(16):

لا تنتظري حتي نهاية تانك البنزين لأن الموتور في هذه الحالة تدخل اليه جميع الشوائب التي ترسبت في قاع التانك

معلومة النهاردة(17):

عند الركنة بالرجوع...
1-لفي الدريكسيون كله في اتجاه الرصيف يعني لو هاتركني يمين لفي يمين والعكس صحيح وارجعي لحد ما تحسي ان العجلة الخلفية قربت جدا من الرصيف

2- قفي ولفي الدريكسيون كله عكس اللي كنتي لفاه وارجعي متر متر بحذر ولما تستقيمي قفي واعدلي العجل

3- تموير ورفع الهاند وخلاص😊😊

معلومة النهاردة (18):
يا ريت نغنيها ....

اول ما اقف اجيب الاول
امشي شوية اجيب التاني
ازود سرعة اجيب التالت
وارجع اهدي اجيب التاني

الوقوف .....
دبرياج وفرامل واوووووووو ووول

معلومة النهاردة (19) :

لو شوفتي مطب في زحمة واضطريتي تقفي يبقي لازم تقفي بعد ما تعدي المطب ولو زحمة يبقي قبل المطب بمسافة...تجنبي الوقوف على المطب

10/02/2021

مساء الفل عليكم.. معايا عربيتين طالعين اسكندريه... واحده راجعه طنطا فاضيه.. هترجع الساعه ١٠ بالليل..
وعربيتى إنا هترجع من اسكندريه.. للقاهره.. اتجاه أكتوبر فاضيه.. ال عايز يرجع من اسكندريه على طنطا أو القاهره.. يتواصل معايا 01226204118