14/02/2026
مساء الخير / صباح الخير أحلى مامي ❤️
بجد محتاجة أقولكم حاجة مهمة…
الغلط مش بيبقى من الطفل، الغلط بيبدأ مننا إحنا.
لو كل مرة سألتي نفسك: هو عمل كده ليه؟ وإيه السبب؟ هتفهميه أكتر وهتعرفى تعالجي الموضوع بهدوء.
نقطة تانية مهمة جدًا عشان الطفل ييجي مبسوط ورايق ويومه يعدي حلو معانا 🌸
ياريت نهتم بالأكل كويس.
مش مجرد سندوتشين وخلاص…
حاولي تحطي فاكهة + نوع مكسرات (حتى 2 أو 3 بس) + أكل مفيد.
المكسرات بتفرق جدًا في تركيز الطفل وطاقة يومه.
ولو مش قادرة تعملي كل ده، اعملي اللي تقدري عليه بس بلاش حلويات كتير أو حاجات من بره.
كمان مهم جدًا:
بلاش شاشات كتير، وبلاش الموبايل وهو معاكم… وجودك معاه أهم من أي فون 📵
حافظوا على نفسية ولادكم، لأن لما إحنا نتصرف صح… هم كمان هيتصرفوا صح.
ولو أي مامي محتاجة مساعدة أو مش عارفة تتعامل في موقف معين، كلميني أو ابعتيلي في أي وقت، أنا معاكم دايمًا ❤️
ميس منة 🌷
