02/04/2026
إعطاء الموبايل للطفل يشبه اعطاؤه جرعه من الكوكايين
و ده مش تشبيه مبالغ فيه، ده وصف دقيق جدا.
الطفل دماغه لسه بيتكوّن، وأكتر حاجة بتأثر فيه هي المتعة السريعة:
نفس اللي أي إدمان بيشتغل عليه.
إنت مش بتهدّيه بالموبايل،
إنت بتسكّته.
مش بتريّحه،
إنت بتعوّده إن أي ملل يتحل بزرار.
وبعدها بسنتين تلاتة تسأل:
ليه مش بيعرف يقعد من غير شاشة؟
ليه تركيزه صفر؟
ليه عصبي وملهوش نفس يلعب؟
ليه المدرسة تقيلة عليه؟
عشان إحنا قتلنا أهم حاجة عنده وهو صغير:
القدرة على الاحتمال،
الخيال،
واللعب البسيط اللي ملوش صوت ولا ألوان.
الطفل محتاج يزهق عشان يفكّر.
محتاج يقرف شوية عشان يبتكر.
محتاج يتعامل مع الواقع مش مع شاشة بتديله كل حاجة جاهزة.
منقول
