05/12/2018
Arduino Camp
اجازة نصف العام هاتبتدي والدنيا برد والجو صعب الخروج فية وصعب ممارسة اي انشطة خارجية . للاسف الاولاد والبنات اهتمامهم الاول هو مشاهدة التليفزيون او اللعب علي الموبايل طول اليوم ودة بيضعف نظرهم وصحتهم وللاسف كمان شخصيتهم
وكما عودناكم في Adam’s Club عندنا تجربة جديدة تم تصميمها خصيصا للاولاد والبنات من سن 9 سنوات حتي 16 سنة وهي معسكر لمدة اسبوعين ودية البداية فقط (مدة اجازة نصف العام ) المعسكر هايقدم حاجة جديدة كل الاباء نفسهم يشفوها في اولادهم وهي الابتكار ,التفكير المنطقي ,متابعة حل المشاكل الاعتماد علي النفس وكل دة عن طريق دراسة البرمجة المنطقية وتطبيقها علي الArduino و يتعلم كل اساسيات البرمجة وكمان ازاي يتعامل مع الSensors المستشعرات المختلفة و التوصيلات الكهربية (ماتقلقوش دية بطارية 9 فولت مش بتكهرب) و الالكترونيات المختلفة.
ال Arduino ( الأردوينو )عبارة عن لوحه إلكترونية بيتم برمجتها عن طريق الكمبيوتر و بيستخدم بصوره أساسيه في تصميم المشاريع الإلكترونية ويمكن لأي طفل اقتناؤها وتعلم البرمجة ومبادئ الإلكترونيات من خلالها، الاردوينوا بيعتبر خطوة اولي نحو الانطلاق لفهم عالم البرمجيات ولغات البرمجة والتخاطب مع بيئة الجماد
لو ابنك غاوي يفك اللعب علشان يعرف بتشتغل اذاي او عندة افكار كتييييير عايز يصمم اختراااااااااعات تساعده في الكشف عن حرامي دخل مملكته الصغيرة مثلا او انه يفتح مروحه او نور الاوضه بتاعته وهو في مكان تاني خالص باستخدام الموبايل او عايز يعمل عربية ضد الحوادث عشان يخوض بيها مغامراته او انه يصمم robot يكون صديق ليه كل ديه افكار موجوده في مخيلتهم واكتر ومحتاجه منك تنميتها ^_^او كيفية التحكم في الاجهزة الي حواليه كل ده هنتعلمة.
طيب الاسبوعين هايكفوا كل دة ............. للاسف لا بس في خلال الاسابيع دية هايتعلم الاساسيات والمهارات المطلوبة وهاينفذ مجموعة من المشاريع الممتعة واللي هاتخلية يبتدي يدور ويبقا مهتم انة يتعلم اكتر .......... ان شاء الله هانكمل المشوار بعد الاجازة مع الاطفال المهتمة بدون التأثير علي التعليم.
الي عاوز يكون مبتكر فالألكترونيات و معندوش أي خلفية بخطوات بسيطة و سهلة يقدر ينفذ أي فكرة في الإلكترونيات
والاكتر من كدة اننا هانبتدي نتعلم اذاي نعمل تطبيقات علي الموبايل ودة سوق واعد للعمل في المستقبل ومعرفة ال Arduino وبرمجة التطبيقات هايفتحوا افاق كبيرة لاطفالنا.
هدفنا مش المكسب المادي .... هدفنا اولادنا واولادكم يتعلموا حاجة ممتعة وتفيدهم في المستقبل وعلشان كدة التكلفة رمزية وكل الادوات هانوفرها ولو حد عايز يعمل حاجة ياخدها البيت هانوفر لية المكونات بسعر منافس بس شرط لازم يكون فية لابتوب مع كل واحد مشترك ولايشترط اي معرفة سابقة بالكمبيوتر او البرمجة
التجربة تحت الاشراف الشخصي للدكتور مهندس / احمد امين دكتور في كلية الهندسة وحاصل علي الدكتوراة من المملكة المتحدة البريطانية
العدد محدود جدا والاشتراك باولوية الدفع
للاستفسار. 01150415281
