Mr/ Goda Adel - مُعلم اللغه الإنجليزية

Mr/ Goda Adel - مُعلم اللغه الإنجليزية حاصل علي ليسانس آداب وتربيه لغُه إنجليزية
خبره أكثر من ١٥ عام في مجال التدريس

📢🔥 إعلان هام 🔥📢يعلن مستر جودة عادل عن أقوى مراجعة بفضل الله ..الإنجليزية مش مجرد مادة ... الإنجليزية مهارة للمستقبل.✨ مر...
25/04/2026

📢🔥 إعلان هام 🔥📢
يعلن مستر جودة عادل عن أقوى مراجعة بفضل الله ..

الإنجليزية مش مجرد مادة ... الإنجليزية مهارة للمستقبل.
✨ مراجعات آخر العام لمادة اللغة الانجليزية ✨
💪 مراجعة شاملة ومركزة على أهم النقاط .
💪 شرح القصة بأسلوب سهل وشيق .
💪 حل dialogue و paragraph.
💪 حل قطعة الفهم .
📚 شرح مبسط + حل اسئلة كتاب المدرسة والتقييمات + امتحانات واسئلة مستر جودة 🔥🔥
🎯 تدريب على نظام الامتحان لضمان أعلى الدرجات

🚀 مستنيينكم نحقق النجاح سوا 💯

22/01/2026

الحمد لله امتحان الشرقية جميل جدا وفى متناول الطالب المتوسط .. ربنا يوفق جميع الطلاب ولا يضيع مجهودهم .

٣ع يا بطل 💪
21/01/2026

٣ع يا بطل 💪

08/01/2026

رسالة إلى من يهمه الأمر ♥️

عزيزي الطالب اللي "بايعها" وناسى إن الحساب قَرّب:،إحنا دلوقتي في "عِزّ المعمعة"، ووصلنا نص الرحلة، وللأسف لسه فيه ناس بتلعب "دور الكومبارس" في فيلم المفروض بطولتها هي! إنت واقف مكانك بتموت بالبطئ وانت مش حاسس وحتى مش عايز تقاوم .. عندك لا مبالاه وكأن الدنيا "مستنية سعادتك" لما تخلص لِعب وهِزار.

الضحكة اللي بتخطفها في وسط الحصة والرغي اللي مابينتهيش أثناء الشرح - ومش فارق معاك زمايل تضايق أو مدرس يزعل - دي حاجات "فاتورتها" مدفوعة مقدماً من شقى (أبوك) اللي بينحت في الصخر عشان يوفرلك تمن الحصة، ومن (أم) بتغزل من تعبها دعوات في كل سجدة عشان تشوفك "حاجة" 💔

يا صاحبي، أهلك مش بيصرفوا عليك (فلوس)، دول بيصرفوا عليك (عُمر).. عيب لما يكونوا هما "ساندين ضهرك" وإنت بـ إيدك "تكسر بخاطرهم".. هم مش عايزينك تسند ضهرهم، هم عايزينك تبقى ضهرهم وقت ما يحتاجوك ، فكُن على قدر الحاجة .. فـ"الرجولة" إنك تشيل الشيلة، مش إنك تعمل "نايم" وتسيب المركب تغرق بمن فيها! وافتكر إن {وَقُلِ اعْمَلُوا} ده تكليف مش تشريف. حط نفسك مكان أبوك، ترضى ابنك يضيع "تحويشة عمرك" في الهوا؟ فُوق يصاحبي ووقتها هتلاقيني في ضهرك، بس لازم إنت الأول تِعدل ضهرك وتواجه ، عشان أنا مش هحارب لوحدي ، أنا درعك وسيفك ، بس انت لازم تبقى فارس وأد المعركة 💪🏻

أما للي "اليأس" واكل قلبه؛
عزيزي المحبط اللي بيبعت يقولى يامستر جودة (أنا ضعت، أنا مراكم، أنا مخنوق).. اسمعني بقلبك: ما ضاعش اللي لسه ربنا بيدي له "نَفَس" يعيشه. إنت مش مراكم دروس، إنت مراكم "وهم" جوه دماغك.

زهقان؟ حقك.. بس "الوجع" علامة إنك لسه "عايش"، مش علامة إنك "انتهيت". سيدنا يونس وهو في بطن الحوت -في قمة الظلمة- (كلمة واحدة) شقت له طريق النجاة ، كان في "ظلمات" (الليل، والبحر، وبطن الحوت) يعني مفيش أمل بشري واحد! لكنه نادى بصدق، فربنا قال: {فَاسْتَجَبْنَا لَهُ}. وإنت كمان، (خبطة واحدة) على باب السعي النهاردة، هتفتح لك أبواب الفتح بكرة.
سيدنا موسى لما وقف قدام البحر والعدو وراه، والناس قالت "إنا لمدركون" (يعني خلاص ضاعت)، هو رد بـ "اليقين": {كَلَّا ۖ إِنَّ مَعِيَ رَبِّي سَيَهْدِينِ}. خليك زيه، قول "كلا" لكل فكرة بتقولك إنك فشلت، طالما ربنا معاك.. السكة هتتفتح. هتقولي أنا مش سيدنا "يونس" أو "موسى" ،هقولك ولا انت كمان في بطن الحوت ..
يصاحبي ربنا مش طالب منك "المعجزات"، ربنا طالب منك "الخطوات".. والباقي عليه.

يشباب إحنا في نص الطريق، يعني لسه فيه وقت نلم "الشتات"، ولسه فيه فرصة نمسح "دموع الحيرة" ونبدلها بـ "دموع الجبر" ان شاء الله..

تخيل معايا "يوم النتيجة".. لحظة ما أبوك يفرُد ضهره بيك قدام الدنيا، ولحظة ما زغروطة أمك تِرجّ البيت وتغسل تعب السنين. اللحظة دي "تستاهل" إنك تدوس على وجعك، وتنفض غبار الكسل، وتقوم تِورينا البطل اللي بجد.

ونصيحة؛ سد ودنك عن "دوشة" اللي حواليك! بمعنى متخليش حد يكسر مقاديفك ويقولك "أنا خلصت" أو "إنت متأخر". اللي خلص ده اجتهد في سِكته، وإنت ليك سكة تانية خالص. بلاش تبص في ورقة غيرك عشان ما تضيعش وقتك.. كل واحد فينا "نسخة" مختلفة، وقدرات مختلفة. المقارنة الوحيدة اللي مسموح لك تعملها هي: "إنت النهاردة أحسن من إنت امبارح ولا لأ؟".. قارن نفسك بنفسك عشان ما تحطش ضغط على أعصابك يخليك تقف مكانك.
اعقد النية انك تبدأ بجد يا بطل.. الحلم لسه محجوز باسمك، والقمة مش زحمة.. هي بس محتاجة حد "نَفَسُه طويل" إنت مش محتاج غير شوية صبر، ويقين في إن الله لا يضيع أجر من أحسن عملاً.

الحمد لله الترم ده مر علينا مرور الترامقصدك الكراملا ترام وداس على وشنا كلنا😂😂😂
05/01/2026

الحمد لله الترم ده مر علينا مرور الترام
قصدك الكرام
لا ترام وداس على وشنا كلنا😂😂😂

عارفين يا ولاد انا التدريس هو اللي حصرني في ادوار الشر. لكن أنا طيب زي مدرسين ال Art و ال PEو ال music..😄😄
17/12/2025

عارفين يا ولاد انا التدريس هو اللي حصرني في ادوار الشر. لكن أنا طيب زي مدرسين ال Art و ال PEو ال music..😄😄

11/12/2025

حال الطلاب اللى مفتحتش كتاب 😂😂

09/12/2025

لما أقول لطالب متجيش عندي الدرس تاني عشان مش بتذاكر ومستواك مش عاجبني يقولي مش هلاقي زيك يا مستر 😂😂😂 يا عم فرط فيا

مواصفات امتحان المرحلة الإعدادية
17/11/2025

مواصفات امتحان المرحلة الإعدادية

Address

منيا القمح الشرقية
الشرقية

Telephone

+201280496928

Website

Alerts

Be the first to know and let us send you an email when Mr/ Goda Adel - مُعلم اللغه الإنجليزية posts news and promotions. Your email address will not be used for any other purpose, and you can unsubscribe at any time.

Contact The School

Send a message to Mr/ Goda Adel - مُعلم اللغه الإنجليزية:

Shortcuts

Share

Category