عيادة د. هند البر لطب الاطفال وحديثي الولاده

22/12/2021

20/10/2021

ياريت محدش ينسي يعمل رسم سمع لاي طفل مولود يا جماعه عشان لو لا قدر الله فيه مشكله نتداركها من الاول والطفل فهمه ونطقه ميتأثرش
وياريت اي طفل خارج من الحضانه يتعمله فحص قاع عين واحط تحتها الف خط
ده مثال لطفل خرج مم الحضانه وجاي يكشف عندي عادي جدا لفت انتباهي عدم ثبات رؤيته و بالفحص تأكدت انه مش بيشوف كويس
فطبعا حولته لدكتور رمد اطفال
استاذي الفاضل أ. د. محمد البرادعي
والاقيه يآكد اللي ان شوفته ويقول ان الطفل عنده ضمور ف العصب البصري
ارجوكو متستنوش كتير لو شكيتوا ف حاجه
د/ هند حسني البر
أخصائية الاطفال وحديثي الولادة
ميت غزال فوق صيدلية دكتور مصطفي الغنام الدور الثاني
للحجز والاستفسار الاتصال على الرقم التالي

الكشف بالسونار واحدث الاجهزه
فحص تام للطفل ومتابعة حالات سوء التغذيه فالاطفال من سن يوم وحتي 18 عام
يوجد جهاز استنشاق و قياس الاكسجين بالدم
وفحص الاذن ومتابعة النمو

10/10/2021

(ليه بنشدد على أهمية غسيل الأنف بصورة صحيحة في أدوار البرد 🤧🤧والكحة)

مهم جدآ إن كل أم تعرف إن غسيل الأنف بمحلول الملح أو بمحلول ماء البحر ( بالصورة الصحيحة) من أكبر أسباب الشفاء السريع 💪💪. مش بس كده ...

في أبحاث علمية بتقول إن غسيل الأنف👃👃 بصورة صحيحة بيكون معادل في قوته لبخاخات الكورتيزون في مرضى حساسية الأنف.

وعلشان كده إحنا بنفهم الأمهات في العيادة إن رشح الأنف لو متغسلش بصورة دورية ممكن يعمل إلتهاب في الأذن الوسطى👂🤒🤒 وممكن يعمل إلتهاب في الشعب الهوائية أو الرئة 🫁🫁 لا قدر الله. مش بس كده...

مهم جدآ إن كل أم تبقى عارفة إن من أكبر أسباب الكحة عند الأطفال هو الرشح الداخلي إلي بيعالجه بصورة كبيرة غسيل الأنف بمحلول ماء البحر أو بالمحلول المحلي....

طيب ما تيجوا نتكلم عن الطريقة الصحيحة لغسيل الأنف👌👌

املي سرنجة طبية 💉💉💉بالمحلول الملحي. اطلبي من طفلك 👶🏻👶🏻 الوقوف فوق الحوض وإدخال طرف السرنجة في فتحة أنف طفلك والضغط برفق حتى يخرج المحلول الملحي من الفتحة الأخرى للأنف (لا تقومي بسد فتحة الأنف الأخرى).

طيب يا دكتورة الولد بيعيط وبيضايق لما اغسل انفه🤔🤔؟

يا مدام وجع ساعة ولا كل ساعة حيضايق دقيقة أو دقيقتين لكن حيقعد مرتاح بعديها ٤ أو ٥ ساعات بإذن الله.

طيب يا دكتورة انا بخاف 😒أعمل موضوع السرنجة ده؟

خلاص مافيش مشكلة 😊ممكن تجيبي أي بخاخة ماء بحر وهي أسهل بكتير في الإستعمال.

طيب هي الطريقة ديه أمان ؟
أمان من عمر يوم واحد في عمر الطفل

01/10/2021

الصورة دي انتشرت في الجرائد الأجنبية اليومين اللي فاتوا ..
بتحكي أنه المصور لما جه يصور الطفل الصورة بتاعة المدرسة ، طلب منه أنه يقلع الماسك ..
و لكن الطفل رفض تماما ..
و رد عليه بأدب و قال له " ماما قالت لى لأ ، و قالت لي متقلعش الماسك خالص الا لما تكون هتاكل و في حتة بعيدة عن الزحمة و الناس " .. .
اولادنا بيسمعوا كلامنا ..
و بينفذوه ..

*علميه يغسل ايديه كويس
* علميه يعطس أو يكح في الكم
* علميه لا يسلم بالأيدي و لا يبوس حد
*علميه يلتزم بلبس الماسك
* علميه يبعد عن اي حد بيعطس و بيكح حواليه


و صباحكم فل زي الولد الجميل ده 🌹

27/09/2021

الواحد لو متحبش من أهله عمره ما هيعرف معنى الحب ! ..
الطفل لو محسش ان اهله متقبلينه بكل عيوبه سواء لونه او جسمه او شعره .. الخ .. عمره في يوم من الايام ما هيصدق ان حد بيحبه ! .. أتمنى نكون رحيمين بالأطفال الصغيرة أو حتى بالناس الكبيرة .. أتمنى نتعلم الرحمة ..
لأن الطفل ممكن يحسسك انه متأثرش بكلامك لكن طول الليل يفضل يجلد ذاته في حاجة هو ملهوش أي تدخل فيها ..

ومن أجمل ما قيل في الموضوع ده ..
" أعظم شيء تقدمه لأبنائك هو أن لا تكون المتنمر الأول في حياتهم "

23/09/2021

من فضلكم لا تستهينوا بأي عرض بسيط فالاطفال ومراجعة الطبيب المختص
حالة طفله 8 شهور تعبانه علطول تأخر فكل حركاتها ونموها
كل شوية تعبانه واتحجزت التهاب رئوي فالجامعه و علطول بطنها منتفخه
عملت فحوصات
وخرجت من الجامعه وتعبت تاني جاتلي العيادة
مجرد ما كشفت و فحصت بالسونار الاقي الكلية الشمال كبيرة جدا وده بسبب عيب خلقي ف مجري البول عملنا مشاكل كتير طبعا عملنالها اشعه وتحاليل وقررنا تدخل عمليات والحمد لله اتحسنت جدا
واهلها مبسوطين ان بنتهم اخيرا مبقتش تتألم بقيت تنام كويس وده كان اقصي طموحهم
الحمد لله الذي جعلني سبب في شفاءها
وده يبين لنا اهمية وجود السونار ف عيادة الاطفال
فيه امراض كتير ممكن ما نعرفهاش بالفحص العادي

21/09/2021

معظم العيال مزكمه وعندهم رشح وكحة اليومين دول قبل الشتاء ...
لازم نعرف إن الجو المتقلب ده أخطر على أطفال الحساسية من الشتا نفسه .

طيب نعمل إيه علشان نحمى نفسنا ونحافظ على أولادنا ؟

اولا التكيف بالليل يتطفى ... قولى ليه ؟
الجو بدأ يبرد وهتلاقى الفجر كده الأوضه بقت تلاجه .
وساعتها هتلاقى الكل عنده رشح وبرد وزكام

نأخد بالنا كمان من نقطة مهمة
احتقان الحلق بيخلى لحظة الأكل عند الأطفال زى الكابوس وكمان الرشح والافرازات بتنزل على المعدة وده ممكن يخليهم يستفرغوا وده بيكرههم في الاكل اكتر
يبقى إحنا ساعتها بلاش نضغط عليهم فى الأكل ومحبكتش يعنى وهم تعبانين ... وهو كفاية شوية شوربه ولا سوايل دافيه مع حتة فرخه وبلاش نتغاشم فى الأكل أبوس إيديكم

حاجه مهمه جدا أن معظم أدوار السخونية والكحة اليومين دول فيروسية وممكن تستمر أسبوع أو اتنين ارجوكِي متديش أي مضاد حيوي إلا بوصف دكتور أطفال متخصص
آخر حاجه بقى

أى طفل أصغر من ٦ شهور يكح..
وأى طفل اكبر من ٦شهور صدره يطلع صوت
لازم كشف فورا.. النزلات الشعبية والإلتهابات الرئوية منتشرة جداا

موضوع منع البيض واللبن والسمك فى البرد ده مفيش أى توصيات ولا أدله علميه محترمه عليه ولما نمنع كل ده ف إحنا بنضعف من مناعة الجسم فى مواجهة الفيروسات يعنى من الآخر تسليم أهالى

19/09/2021

بادر بحجز والحصول علي تطعيم الانفلونزا الموسميه بعيادة الدكتورة هند حسني البر
تطعيم الانفلونزا الموسمي يعطي لجميع الاعمار بداية من عمر ستة اشهر
يفضّل الحصول علي تطعيم الانفلونزا الموسميه للحمايه من امراض الانفلونزا ومضاعفاتها الشديده والتي قد تصل الي حمي شوكيه بالمخ

الاشخاص الذين حصلو علي تطعيم الكورنا يمكنهم الحصول علي لقاح الانفلونزا بعد اسبوعين من حصولهم علي لقاح الكورنا
موانع التطعيم : الاشخاص الذين لديهم تحسس شديد من البيض
يعطي تحت اشراف طبي كامل حيث يتوفر لقاح للاشخاص الذين لديهم تحسس قوي من بروتينات البيض

للحجز سيب اسم الطفل فكومنت

د/ هند حسني البر
أخصائية الاطفال وحديثي الولادة
ميت غزال فوق صيدلية دكتور مصطفي الغنام الدور الثاني
للحجز والاستفسار الاتصال على الرقم التالي

الكشف بالسونار واحدث الاجهزه
فحص تام للطفل ومتابعة حالات سوء التغذيه فالاطفال من سن يوم وحتي 18 عام
يوجد جهاز استنشاق و قياس الاكسجين بالدم
وفحص الاذن ومتابعة النمو.

15/09/2021

السلام عليكم
دراسات تم عملها على المصابون بكورورنا ديلتا قرابة 88% من الاصابات ممن لم يسبق لهم تناول التطعيم وبنسبة لا تتعدى 3% لمن سبق له التطعيم بجرعتين .

كمان من سبق له تناول جرعتين لم يدخل أحد منهم رعاية مركزة في حين ان 9.6% كانت لمن اخذ جرعه واحدة و 91.4% لمن لم يتناول التطعيم ...
اللي يقولك التطعيم هيموتك كمان سنتين قوله الڤيروس ممكن يموتك في يومين

يعني التطعيم هيفرق جدا معاكم .