كيموفوبيا - Chemophobia

18/08/2026

ايوة ايوة علي الأخبار الحلوة ❤️❤️
الدقهلية بتتشرف بيكوا ياحبايب قلبي ومن علاقتي بيكوا طول التلت سنين ثانوي فا انتوا تستاهلوها وتستاهلوا اكتر من كدا كمان🖤✨

وهقول كلمتين من القلب بيوصفوا شعور المدرس في المواقف دي 👌❤️

بيكون من أولى ثانوي… لحد يوم النتيجة ❤️🏆

فيه طلبة بتدخل عندك سنة وتمشي،
وفيه طلبة بتبدأ معاهم رحلة طويلة… وتشوف تعبهم خطوة بخطوة لحد ما يوصلوا. ❤️

النهارده وأنا بشوف طلبة كانت معايا من أولى ثانوي لحد ما خلصوا مشوارهم، وحققوا مراكز وترتيب على محافظة الدقهلية، بجد إحساس الفخر بيكون مختلف. 🥹❤️

مش فرحان بالترتيب بس…
فرحان إني كنت شاهد على رحلة بدأت من أول خطوة، وشوفت فيها تعب، ضغط، محاولات، أخطاء، وإصرار… لحد ما وصلوا للمكان اللي يستحقوه. 🎯

مبروك لأبطالنا ❤️🏆
مبروك لكل واحد تعب ووثق في نفسه وكمل للآخر.
ومبروك لأهاليكم اللي كانوا وراكم في كل خطوة. ❤️

والأجمل لسه جاي…
لأن النجاح الحقيقي مش إنك توصل مرة،
النجاح إنك تفضل قادر توصل كل مرة. 🔥

فخور بيكم… ودايماً في القمة. 🦈❤️



#كيمياء

16/08/2026

ساعات التفكير الكتير بيضيّع عليك حاجات… كان ممكن تبقى من أحلى الحاجات اللي حصلت في حياتك.

مش لازم تكون عارف النهاية من البداية،
ومش لازم تضمن إن كل خطوة هتطلع صح.

المهم إنك تاخد قرارك وتتحرك. 🔥

لو طلعت صح… كسبت.
ولو طلعت غلط… اتعلمت.
لكن إنك تفضل واقف مكانك مستني الضمانات، مستني الوقت المثالي، ومستني تتأكد إن مفيش أي احتمال للفشل…

هتلاقي الدنيا اتحركت،
والفرص عدّت،
وإنت لسه بتفكر.

افتكر: مفيش بداية كاملة… لكن فيه قرار ممكن يغيّر كل حاجة.
ابدأ باللي في إيدك، وخلي باقي الطريق يتكشف وإنت ماشي🤌🤌

يمكن الخطوة اللي خايف تاخدها النهارده…
تبقى أكتر خطوة هتشكر نفسك عليها بكرة❤️

اتحرك… لأن الثبات في مكانك مش أمان، أحيانًا بيكون أكبر خسارة. 🎯

15/08/2026

وبعدين بقي مع الوزير اللي مش عارف هوا بيعمل ايه ده 🤷‍♂️🤷‍♂️
احنا مش ضد الفكرة 🤌
بس عدم تحضيرك للشئ اللي هتعمله ودخولك عليه بالبركة كدة فا انت بتراهن علي مستقبل جيل كامل
حطيت علوم متكاملة عشان تسد عجز المعلمين
مادة ولا فيها معلومة تفيد الطالب ولا تأسسه للي جاي سواء بكالوريا او ثانوي عام وبالتالي تبقي مادة ولا ليها اي لازمه 💔
وغيرتها مرة واتنين وزودت جزء الاحياء فيها
طب لغيت الاحياء ليه من الاول
وازاي طالب بكالوريا هيختار مسار معين وهوا لايفقه شئ عن كيمياء او فيزياء او أحياء
قولت هتعمل علوم مدمجة زي الاعدادي بردو انا ضد ده لان هيبقي فيه عدم تخصص بالنسبة للمدرسين والطالب مش هيبقي عارف هوا في انهي قسم كيمياء ولا فيزياء ولا ايه
مفروض بدل العلوم المتكاملة والمدمجة والكلام الفاضي ده 🤌🤌
الطالب في اولي يدرس فيزياء وكيمياء ورياضيات واحياء وبرمجة بشكل منفصل عشان يقدر يحدد المسار بتاعه بعد كدة في تانيه
لكن هيختار كيمياء او فيزياء ازاي وهوا ميعرفش عنهم حاجة !!!
ياسيدي الفاضل نظم ورقك ومناهجك وحضرها كويس ومفيش اطول من الوقت وبعدين انزل بيها
المدرس هيبقي عارف هيشرح ايه والطالب هيقدر يختار الميول اللي هيحبها
لكن كل يوم والتاني هننزل منهج جديد لا المنهج زي ما هوا لا منهج جديد دا لعب بمستقبل الجيل

14/08/2026

التأسيس خلص… والحمد لله مفيش نقطة أساسية سيبناها ورانا. 🔥🧪

لفّينا على كل اللي هنحتاجه في رحلتنا مع المنهج، وثبّتْنا الأساس قبل ما ندخل في التفاصيل… لأننا مش داخلين السنة نحفظ ونعدّي، إحنا داخلين نفهم ونحل ونقفل المادة. 🎯

والأجمد؟ 👀
لو لسه محضرتش التأسيس، لسه قدامك فرصة تلحقه كامل مجانًا على اليوتيوب. 🎥

https://youtube.com/playlist?list=PLr5U5vE4HtUuwNsPnkmhYIDT3lnJvcJZi&si=tZO8VG2Gv_l_rU5K

اتفرج، راجع، ثبّت أساسك… وتعالى نبدأ اللي جاي وإنت جاهز. 🚀

التأسيس خلص… ودلوقتي هيبدأ الشغل الحقيقي. ⚗️🔥

🦈
#كيمياء
#ثانويةعامة

13/08/2026

تتغير وشوش الطلبة في الدروس…
طالب ييجي، وطالب يمشي 🚶‍♂️

طالب كان بيحقق معاك درجات كبيرة ويسيبك،
وطالب كان مقفّل مع غيرك وييجي عندك.

مجموعة عددها يكبر يوم بعد يوم 📈
ومجموعة عددها يقل لحد ما تفضى تمامًا.

دي طبيعة الشغل…
وطبيعة الدنيا.

لكن وسط كل التغيّرات دي، فيه حاجة واحدة عمرها ما بتتغير:
رزق ربنا، وكرمه، ولطفه. ❤️

مش كل عدد كبير معناه نجاح،
ومش كل عدد قليل معناه تقصير.

إحنا علينا نسعى، نطوّر من نفسنا، ونقدم أحسن ما عندنا…
والباقي على ربنا. 🤲

فالحمد لله دائمًا وأبدًا…
في الزيادة، وفي النقصان، وفي كل حال. ❤️

#البروف
#كيمياء

12/08/2026

احنا ما استعجلناش البداية… لأن البداية عندنا قرار، مش مجرد تاريخ🖤✨

كان ممكن نبدأ بدري ونقول إننا بدأنا السنة قبل الكل،
لكن احنا اختارنا حاجة أهم:

نراعي الطالب وبيته، ومَنحمّلوش تكاليف والتزامات بدري من غير داعي👌
وفي نفس الوقت، نستنى المنهج ينزل ويتحدد عشان ما نبدأش في اتجاه ونضطر نغيّره بعد كده🤌🤌

استنينا…
جهّزنا…
واتأكدنا…
ودلوقتي جه وقت الانطلاقة🔥

📅 الأحد 16/8 — ضربة البداية

🧪 أولى ثانوي | علوم متكاملة
⚗️ تانية ثانوي | كيمياء

مش المهم مين بدأ الأول…
المهم مين بدأ صح.

🦈 مع البروف… إنت في أمان

#البروف
#كيمياء

🧪 Dr. Jamil | Chemistry
Making Chemistry Simple.
📖 الثانوية العامة • الأزهرية • البكالوريا المصرية
🎯 شرح احترافي • تأسيس قوي • مراجعات شاملة
🏆 هدفنا مش النجاح وبس… هدفنا التميز.

07/08/2026

الامتحان عمره ما كان ضد الطالب…
الامتحان ضد الحفظ.
ليه !!

لأن السؤال ممكن يتغير…
لكن الفكرة عمرها ما بتتغير.

عشان كده، هدفي في كل حصة إن الطالب يفهم الفكرة من جذورها، ويربط بينها وبين غيرها، مش يحفظها بشكل مؤقت.

ولما الفهم يبقى هو الأساس…
الحفظ بيبقى أسهل، والحل بيبقى أسرع، والثقة في الامتحان بتكون أكبر.

هدفي مش إن الطالب يحفظ الكيمياء… هدفي إنه يفهمها 🖤✨

#البروف
#كيمياء

05/08/2026

رسالة حابب ابلغها انعكاس ل ضمير مهنتى اللى بحبها وبعتز بيها وهيتفق معايا فيها مدرسين زمايل كتير محترمة وعارفة الفرق كويس ✨️

ف الشغل بتاعنا فيه فرق كبير جدا بين الهزار ف حدود مع الطلبة وشوية فك ف المعلومة عشان تبقى بسيطة وسهله وفاكرها كويس وفرق كبير بين الهزار بقلة أدب وسماجه ف المعلومات.

مهما حصل ومهما كنت شاطر المعلومة لازم تتقال بشكل تربوى
بعد ألفاظ بقت تتقال عادى قدام طلبة وبالاخص بنات والمسمى احنا بنهزر وبنبسط المعلومة بقلة الادب عادى وف الآخر النتيجه والتحصيل مش بيكتشفوه الطلبة غير ف الامتحان

رجاء زى ما فيه طالب واعى جدا وعارف الصح
فيه طلبة كتير غير واعية لمستقبلها وده حتما لازم تدخل ولى الأمر بشكل حاسم ف الموضوع ودورك مهم جدا لمراقبته وده لا يعيب الطالب ف شئ
بس الموضوع مبيكتشفهوش الطالب ده الا ف النهاية بعد فوات الاوان ف دورنا التوعية . .

| الكلام ده بقا ف كل المواد مش الكيميا بس |

اللهم بلغت

03/08/2026

القمة لا تُمنح… بل تُصنع.

وكل إنجاز كبير، كان في يوم من الأيام مجرد قرار بالبدء.

نلتقي #يوم 15/8 لنبدأ رحلة جديدة
عنوانها الفهم… ونتيجتها التفوق.

#البروف

31/07/2026

في عالم الشطرنج♟️🥇

لا يفوز الأقوى🏋️‍♀️
ولا الأسرع🚴‍♂️🚴‍♂️
يفوز من يرى ما لا يراه الآخرون.
ودي الطريقة اللي بنؤمن بيها🤷‍♂️❤️

بنفهم🤌
بعدين نخطط👌
بعدين نتحرك💪💪

لأن النجاح بالنسبة لينا مش ضربة حظ🎲🎲
النجاح عبارة عن سلسلة من القرارات الصحيحة🥇🥇

فا ابدأ أول قرار صح
📆 يوم الأحد 8/2

ولازم تكون عارف ان احنا هنا مش عشان نعطيك اجابات ❌
احنا هنا عشان نعلمك طريقة تفكير☑️☑️
لأن السؤال بيتغير والإمتحان بيتغير 🔇🔊👌
لكن العقل اللي بيعرف يفكر عمره ما بيخسر🤴🏻🥇

#البروف

#كيمياء