23/06/2023
هكي ليكم حكايات مهمة جدا محدش يعرفها عني
1. لما بدأت مجال العمل سنة 2011 عشان اساعد بنتي اللي وقتها كانت الحضانات رافضة تستقبلها عشان شايفين وقتها انها معاقة وكدة كانت توحد
انا كنت رافضة في الأول الشغل مع ان مؤهلاتي كويسة الحمد
خاتمة كتاب الله
معايا نور البيان
مؤهل
بفضل الله نبيهة
ذكية
بس كان بيتي اهم حاجة عندي وكنت خايفة اقصر في حق ابني بشغلي وكمان كنت وحيدة بابا وماما وكانت كل احتياجاتي موجودة حتي بعد الجواز فعمري ما اشتغلت قبل كدة
بس قررت اشتغل وقتها شغلة جديدة عشان بنتي
فاشتغلت سواقة😧
اه والله
جبت عربية فيات 128 واشتغلت تبع دار اقرا
اهو اوصل بيها ولاد الحضانة واتصاحب علي تيم الحضانة يتحملو بنتي شوية اللي كانت مولودة بالتوحد
ويبقا التوصيل ساعة الصبح
وساعة الظهر وباقي اليوم لبيتي
كنت ارخص سواقة في السواقين كنت بتحرج اطلب الفلوس
وبجيب للولاد حاجات حلوة
وفي المناسبات أملا العربية بلالين
ولما 2 من ولاد العربية باباهم توفاه الله واتنقلو لبيت تيتا كانو تعبانين نفسيا عشان عايزين عربية مس آيات التعبانة
بس كنت راضية بقليلو وكانت ما شاء الله في بركة، بس الحضانة برده مقدرتش تتعامل مع البنت قررت ادخل ادرب عندهم واشتغل مدرسة حضانة 😣
كان التدريب في سموحة والحضانة في 45
كنت أركن العربية في 45 واروح سموحة مواصلات
كان أفضل تدريب شوفته في حياتي وغير في حياتي كتير
بس للاسف برده كانت عندهم مشكلة في بنتي
سيبت شغل العربية والحضانة برده
ونحجت بعد كدة كمديرة حضانة واللي غيرت في حياة بنتي كتير بصراحة
2.لما فتحت المركز كنت بعمل تخفيضات قوية علي الجلسات
وف يوم قررت صاحبتي تدخل معايا شريكة بس كانت في مشكلة في النوايا وهي كانت الربح المالي للأسف قبل الهدف الاسمي
وربنا ردني وذكرني
كنت قربت علي الخسارة لحد ما نجاني الله لما رجعت لطريق الهدف الاسمي وهو معالجة الناس الأول وبعدها الرزق هيفتح ربنا لنا أبوابه اكيد
3. بيت العلم بدأ مجاني
حاليا مجاني ورش ومدعم كورسات
ممكن بعد كدة يغلا سعره
بس ابدا مش هنسي حدود الهدف
لانه ابتدا بهدف رباني وربنا دايما هيفكرني ويردنا لان فيه ناس مخلصين جمبينا
انا اتعلمت علم ببلاش والله علي ايد ناس محدش يعرف يوصلهم دلوقت وكان فضل الله علي عظيما
انا بفكر نفسي قبليكم
اللي ابتديناه لله هيكمل لله ولو شردنا ساعدونا نرجع تاني 🌹
~آيات
