Ultra Cerebro

السلام عليكم ورحمة الله وبركاته
مساء الأنوار وش حوالكم سافا
علابالكم بلي أغلبيتنا اليوم ميعرفوش يستعملوا الذاكرة تعهم بطريقة صحيحة وهذا بسبب الاعتماد الكلي على التكنولوجيا وزيدلها الطريقة الغالطة اللي تعلمناها فالمدرسة تع حكاية ابقى عاود وكرر وسمها بالانجليزية (rote memorization) لأنوا المخ ميخدمش كي المسجل خاطر كون تبقى تكرر فيها مليون مرة ماكش راح تشفى وش قريت حتى ولوكان تبانلك بلي شفيت رايح تكون مؤقتة برك والدليل الشيء اللي قريناه مثلا وحفظناه بهاد الطريقة راح في كال الزيت
الذاكرة تع الإنسان تعتمد على مبدأ الربط بين المعلومات مثلا كاين معلومات محال تنساهم خاطر راك ربطتهم بمعلومات خلاف
وهذا الربط مش شرط يكون بين معلومة ومعلومة بل تقدر تكون بين معلومة وشعور ولا ذكرى
المعلومات راهم أنواع مش غير تع الدراسة بل الصور والأصوات والحروف والمشاعر والعلاقات المنطقية بين المعلومات هوما ثاني معلومات
راح نزيدوا نحكيوا في هاد الموضوع بتفاصيل أكثر في منشورات خلاف تابعونا للمزيد ومتنساوش تبراطاجيو وجام والتفاعل
وكش سؤال خليوهولنا فالتعليقات

السلام عليكم ورحمة الله وبركاته مساء الخير عليكم
اليوم رايحين نحكيو على "أسرار" النجاح الدراسي واللي تنطبق على الحياة بصفه عامة
إذا حابين ستتفادوا كثر في هاد الخصوص رانا مدايرين دورة تدريبية تتكلم على هاد الأمور بتفاصيل أكثر بالإضافة لمهارات التفوق الدراسي المتعلقة بالذاكرة والفهم وتقسيم الوقت والعديد من الأمور تلقاوها في التعليقات
#النجاح

السلام عليكم ورحمة الله وبركاته ليكيب وصباح الخير عليكم
المهم حبينا نقولولكم بلي الفوج اللول تع الدورة اللي مبرمجة بالأحد 21 سبتمبر 2025 حبسنا التسجيلات فيه
يبقى الفوج تع 1 أكتوبر 2025 مزال فيه الأماكن اللي مزال مسجلش ولا مكملش التسجيلات تعوا غير يزرب خاطر مبقاش بزاف ويومكم سعيد

السلام عليكم ورحمة الله وبركاته ليكيب
وشراكم وش حوالكم ؟
نعتذر عن هذا الغياب الطوبل نوعا ما والذي كان سببه ظروف خاصة طارئة
المهم رانا رجعنا وكيفكيف نكملوا وش حابين نديروا ونوصلوا للهدف تعنا
متنساوش تتفاعلوا وتبارطاجيو مع لحباب والعايلة نحتاج دعمكم معانا وبارك الله فيكم

📢📢 دورة كيف تصبح 🌟Superstar🌟 في الدراسة والتفوق 📢📢
🧠دورة عملية وشاملة لتتعلم كيف تدرس بفعالية وذكاء وفي أقل جهد وكيف تصل للتفوق وتصبح نجم حقيقي في الدراسة.
🌐الدورة أونلاين 100% لا حاجة لعناء التنقل، مما يسمح بمرونة في برمجة الوقت المناسب للتدرب.
⏱أكثر من 16 ساعات دروس مباشرة تفاعلية مع المدرب موزعة على أيام الأسبوع لتجنب الضغط والحشو للمادة التدريبية مع فقرات مخصصة للإجابة على الأسئلة.
📆الدورة تبدأ أواخر شهر سبتمبر مع بداية الدراسة المدرسية والجامعية.
رابط التسجيل في الدورة:
https://forms.gle/mRnXdxkpFzmJXP1Y7
للمزيد من التفاصيل تابعوا صفحتنا على الفايسبوك والإنستاغرام وتواصلوا معنا في الخاص أو على رقم الواتساب: 0774 21 78 87

الخوارزمية التعاضدية المنسقة لتنظيم و تشريع القوانين الكهولية المانعة للتطور الرقمي ومحاربة الشباب الطموح
#منقول من صفحة المخترعين الجزائريين

متابعينا الأعزاء تابعونا في حسابنا على الإنستاغرام في هذا الرابط أو بمسح code barre الخاص بحسابنا من الصورة المرفقة.
Dear followers you can also follow us on Instagram.

سلام عليكم ومساء الخير
مدامنا في فترة التسجيلات الجامعية رايحين نمدوا نصيحة فالإختيار ربما راح تكون مغايرة للهدرة السائدة
إختيار التخصص الجامعي من الأفضل يكون إختيار عقلاني وليس إختيار عاطفي

علاه ؟
خاطر العواطف تتبدل مع تغير الإنسان ونضجه

كيف يكون الإختيار عقلاني وكيف يكون عاطفي ؟
- الإختيار العقلاني يعتمد على معطيات ملموسة، واقعية ومتناسبة مع الفرد والمجتمع اللي عايش فيه، وأهدافه مثلا كي تجي تخير شوف التخصصات اللي قريبة من قدراتك، توجهاتك وميولاتك، متخرجش على الأهداف اللي مسطرهم في حياتك (وإذا مكش مداير وحايد راهوا وقت)، سقسي شوي وابحث على واقع سوق العمل فالتخصص اللي رايح تخيروا والأفاق تعوا وشوف وش يكونوا الوظائف اللي تابعين لتخصصك وهل تقبلهم ويساعدوك... وهاد الأمور ميمنعوش أنوا تدخل فيها عاطفة خاطر هذا أمر محتوم ولكن الفرق أنوا العاطفة راح تكون عامل فقط من العوامل لوخرين ومش هي الأساس اللي تخير عليه طول.

- بعض أمثلة الإختيار العاطفي اللي نشوفوها في مجتمعنا: الإختيار على اساس البيرستيج تع التخصص أو كيما نسميه إختيار الخلايع، إختيار التخصصات المشهورة واللي تبان مليحة وفيها صوارد وحاجة خشينة، تتبع أحلام الآخرين (أقارب، جيران، أصدقاء...) وهدوا الإختيارات ربما يبانلوك هوما الصح لكن كي تريح شوي وتخمم فيهم وتحاول تطبق عليهم العقلانية تفهم وحدك علاه مش لازم تتبع العواطف الجياشة المؤقتة.

#بكالوريا

#تخصصات
#تسجيلات

مع خروج نتائج البكالوريا نقولوا كلش مبروك للناجحين وحظ أوفر للطلاب اللي متوفقوش فيه هاد العام والباك راو كل عام ربي يخليلكم صحتكم وحياتكم والإنسان يزيد يحاول عادي مهيش نهاية العالم

وبهاد المناسبة كيما كل عام نلقاو ناس يقراو مليح بصح ميدوش معدل مليح ولا في حالات قليلة ميدوش خلاص وساعات العكس يصرا ونقولوا مش مكتبتلهم وهاد الشيء مفروغ منوا بصح كاين عوامل وأسباب يوصلوا لهاد النتيجة ومن بين هاد العوامل العامل النفسي العاطفي مثل التوتر اللي يخلي الطلبة يتخلعوا شوي ويصرالهم Memory block فالإمتحانات يحسوا روحهم نسوا كلش وهاد الشيء طبيعي لكن الضغط تع الباك يوليلهم خوف ويخلي هاد الblock يستمر شوي ويوليو خايفين ويفقدوا التركيز تعهم وراح يأثر على النتائج، وكاين أيضا التحضير غير الفعال ولا التحضير بطريقة غالطة مثلا فالمواد اللي يحتاجوا تطبيق مباشر وتمارين تلقى الطلبة يفهموا الدروس بصح ميعاودوش يراجعوا الدرس ولا تكون مراجعة بطريقة غالطة وميكونوش تطبيقات وتمارين تصرالهم وحد اللقطة يسموها وهم التعلم وين تولي تبانلك بلي راك تعرف هديك المعلومة وهي كي توصل للإمتحان تلقاها راحتلك
هدي بعض العوامل والأمثلة اللي تقدر تفهمنا هاد الظاهرة اللي تصرا ومعانا رايحين نتعلموا ونديروا دورات في هاد المجال ونعرفوا كيفاه نقراو بكفاءة وكيفاه ندرسوا بطريقة فعالة بأقل وقت وجهد.

رانا في فصل الصيف اللي كامل نحبوا نحوسوا ونرتحوا فيه والتبحار وكذا بصح ملازمش نضيعوا الفرصة والمدة الكبيرة هدي غير في هاد الأمورات، مليحة ثاني نستغلوه باه نتعلموا مهارات وحوايج جدد باه نطوروا بيهم روحنا مثل لغة جديدة، مهارة تقنية أو ناعمة، أو حتى هواية سواء فالمسار الدراسي أو المهني أو في الحياة الخاصة الإجتماعية والعائلية…
مالا النصيحة تعنا ملازمش تراطيو هاد الفرصة الذهبية وتتعلموا مهارات جدد معانا نهزوا فيهم حوايج مفيدين ومهمين لينا مع بعض أو وحدكم المهم نستغلوا الفرصة! 💫

شاركنا وش حاب تتعلم هذا الصيف في التعليقات؟