07/08/2022
من الأمور اللي بزاف أساتذة إنجليزيّة يتجاهلوها هي كفاه يمدو feedback على الفقرات لي يكتبوهم التلاميذ، الشائع عند بعض أساتذة أنو يحكم الستيلو لحمر وين يلقى خطأ يدير عليه علامة❌️ ويصحح الخطأ نتاع تلميذو، التلميذ كي يشوف الفقرة نتاعو مجخلطها الأستاذ بالأحمر يهبطلو المورال ومايركزش مع الأخطاء نتاعو، وهكذا كل فرض أو إختبار نفس الشيئ، كاين طرق أفضل ممكن تديرها كأستاذ، من بينها هذي:
في عوض تصححلو نتا الأخطاء نتاعو، عاونو باش يصححها وحدو ( لاتعطه سمكة، علمه كيف يصطادها) لأنو الأخطاء لي يصححها وحدو راح يتعلم منها. مثلا عندك فقرة فرض نتاع تلميذ عند كل خطأ أكتبلو نوع الخطأ فقط و خليه يصححو وحدو أكتبلهم إختصارات فالسبورة مثل:
WW = Wrong word.
WT= Wrong tense.
< > = Missing word.
CAP= Capitalization/capital letter.
🔄= Word order.
SP= Spelling mistake.
🚫= Omit this word.
❌️= Change ( usually it can be used with punctuation)
تقدر تدير إختصارات من عندك، المهم تكتبلهم الأختصارات فالسبورة وتشرحهملهم باه يفهموم وتقلهم كل واحد يعاود يكتب فقرتو ويصحح الأخطاء نتاعو ( أحيانا نتاع زميلو إذا حبيت تجربها) وتولي تدور عليهم بالواحد ولي يبانلك حاصل عاونو بتلميحة خفيفة ولي حابس خلاص تلميحة كبيرة🤣 وتحب تقلهم ديروها فالمنزل ولي يجيبهالي مصححة عندو +2 مثلا. فالأول تجيهم شوي صعيبة بصح مع الوقت كي يوالف بيها راح تتطور اللغة نتاعهم فالكتابة ولو بالشيئ القليل خيرمن الطريقة الكلاسيكية نتاع نتا تصححلو أخطائو.
شاركوني أرآئكم، ولي عندو أفكار يشاركنا بيها من فضلكم.😊
