Miss Nasri .A.

11/08/2026

غدا افواج محادثة 8صباحا وفوج باك لاباز 10 مجمع الرحمة

09/08/2026

📢 للأمهات، توضيح ومن الأخير:

أمهاتي، كل أستاذ وطريقتو في الخدمة، وأنا نخدم بالطريقة اللي نشوفها صحيحة ومناسبة لتلاميذي، وما نحتاجش نقلّد حتى واحد.

وزيد حاجة لازم تكون واضحة: الإنجليزية ماشي مادة تتقرا في حصة ولا زوج وتستناو الطفل غدوة يولي يهدرها كيما الدارجة.
هذي لغة، واللغة تحتاج وقت، تكرار، ممارسة وصبر.

ما نقدرش نحفظ للتلميذ كلام باش يوقف قدام الكاميرا ويرددو كيما الروبو، ونقولكم شوفو واش تعلم! ❌
أنا نعلّمو يفهم، يجاوب، يحاول، يغلط ونصححلو، ويعاود حتى يولي قادر يستعمل اللغة وحدو.

كاين طفل يحفظ بسرعة، كاين اللي يحتاج نعاودلو 10 مرات، كاين اللي يفهم وما يهدرش من الخجل، وكاين اللي يحتاج وقت باش يطلق لسانو. وماشي معناها واحد خير من واحد.

وخدمتي ماشي لازم كل يوم تكون في صورة وفيديو باش نثبت بلي نخدم.
الخدمة الحقيقية راهي داخل القسم، مشي قدام الكاميرا.

لذلك، من فضلكم ما تقيسوش مستوى الطفل بفيديو ولا بصورة، وما تقارنوش طفل بطفل.
وما تضغطوش على أولادكم باش يجيبو نتيجة في أسبوعين.

أنا مسؤولة على التعليم، وأنتم مسؤوليتكم تعطيو للطفل الوقت والدعم والصبر.

والنتيجة؟
نحبها تكون حقيقية، ماشي تمثيلية قدام الكاميرا. 🎓

اللغة تتبنى… ما تتصبّش في راس الطفل في حصتين. 👌

04/08/2026

فوج بكالوريا 2027،مجمع الرحمة لاتوجد دراسة غدا ،دعواتكم لي بالشفاء

02/08/2026

تنبيه نهائي 🚫
حسابي ليس للتعارف، ولا للمغازلة، ولا للرسائل الخاصة. هو حساب مهني وتعليمي، ومن لم يحترم ذلك فلا مكان له هنا.
أي رجل يراسلني خارج إطار العمل أو يتمادى في الإزعاج أو يكرر الرسائل، سيتم حظره فورًا، مع الاحتفاظ بجميع المحادثات ولقطات الشاشة، وعند وجود إساءة أو تحرش أو تهديد سيتم التبليغ عنه واتخاذ الإجراءات القانونية اللازمة وتقديم شكوى لدى الجهات المختصة.
أنا حشمت... وناس ما حشمات.
لذلك من اليوم لا تنبيه ولا مجاملة، والاحترام ليس خيارًا بل شرط للتعامل. ومن لا يعرف حدوده، القانون يعرف كيف يضعها. ⚖️
ملاحظة :
وللّي راه يخلط بين الاحترام والجرأة، نقوله: ميس التلمسانية بنت الرجال تعرف قدرها، واللي ما يعرفش حدوده نعرفوه بها.

31/07/2026

📢 إعلان هام | قريبًا في بريكة والجزار 🇬🇧✨
هل تريد تعلم اللغة الإنجليزية بطريقة سهلة، ممتعة، وعملية؟
قريبًا سيتم افتتاح أفواج جديدة لتعليم اللغة الإنجليزية في بريكة والجزار، بمستويات تناسب الجميع:
🔹 الأطفال
🔹 المبتدئون (A1)
🔹 المستوى المتوسط (A2)
🔹 التحضير للبكالوريا
🔹 المحادثة وتطوير النطق
🔹 قواعد اللغة والمفردات
🎓 دروس منظمة، تطبيقات عملية، متابعة مستمرة، واختبارات لقياس التقدم.
📍 الأماكن: بريكة والجزار
📅 انطلاق التسجيلات قريبًا، والأماكن محدودة.
ابدأ اليوم... لأن الإنجليزية لم تعد خيارًا، بل مفتاحًا للدراسة، والعمل، والسفر، ومستقبلك. 🇬🇧❤️
📩 راسلوا الصفحة للحجز والاستفسار.
Miss Nasri Ammara | English Teacher ✨

21/07/2026

مجمع الرحمة غدا اول حصة باك2027 انجليزية لاباز .

20/07/2026

ميل غدا غائبة لظروف خاصة تعوض الحصة لاحقا

16/07/2026

12/07/2026

مجمع الرحمة غدا لاتوجد دراسة تُعوض الحصص لاحقا

12/07/2026

آخر السويعات قبيل الاعلان عن النتائج ربي يفرحكم كاااامل ولي ماينجحش ربي كاتبلك الخير في جهة خلاف عساه خيرا