Akademie für transkulturellen Austausch

وصلني من المصمم الشاب Youssef Goda الذي حظر البارحة جلسة النقاش النهائية لكشيدة، واو ان تشاركوا بهذا النقاش مع التحية لكم.

انتهت الجلسة الحوارية في كشيدة، ومن أهم نقاط الحديث الجانب الأكاديمي للتصميم. أستاذ ريان قسم العملية التعليمية لنقاط مهمة جدا (المحتوى - الطالب - الأستاذ - المكان - القيمة).

مجال التصميم بيشهد تطورات مستمرة من ناحية الاتجاهات والأهداف والتكنولوجيا، والنهاردة مبقيناش نتكلم عن رفاهية بل عن هوية وأصول وقيمة لشركات وعلامات تجارية. الأكاديميين في مصر والوطن العربي عندهم مشكلة من ناحية تجديد الدم ومواكبة التطورات.

بداية من الاستخدام التكنولوجي وحصرنا في تقنيات قديمة جدا بدون التفكير في حلول منطقية وعملية تناسب إنتاجية النهاردة. المحتوى بيفقد شيء مهم وهو تفاعله مع الصناعة. إيه مدى ارتباطه بيها؟ إيه هي الحلول التي بنقدمها لمواكبة التسارع المستمر؟ ما مدى تفاعل الأستاذ مع الصناعة؟ ما مدى تفاعل الأستاذ مع مجاله؟ هل التصميم محصور في قالب فني بحت دون وظيفة؟ أم أن الوظيفة هي جزء من الفن وغرض له من الأساس؟

أسئلة محتاجة كليات الفنون وأساتذتها يجاوبوا عنها بشفافية ونقاش واضح ما بينهم وبين الطلبة عن الأهم فالأهم للمحتوى والعملية التعليمية ولكن هل الطالب مدرك هو مين النهاردة؟ أو المرحلة التي هو فيها حاليا؟

بعض المشاكل التي بشوفها هي عدم تركيز زي ما وضح أستاذ ريان، النهاردة إحنا بمواجهة مشكلة في حدود الطالب لنفسه ولتفكيره. المواكبة مهمة ولكن العقلية أهم. في بداياتك كمصمم مهم جدا تحس بالفضول. الفضول ناحية العلم والعالم ناحية ذاتك وأفكارك ورغباتك واحتياجاتك. حاجات كتير محتاج تعرف عنها حتى بشكل مستمر. العلم مش محصور في الكلية ومش محصور في أستاذ جامعة. مهم جدا تحاول تكتشف العالم برة عامل إزاي. تختلط بالناس وبالمجتمع وتتناقش لأنك في النهاية "حل" حل لمشاكل كتير تجارية ومجتمعية وتعليمية كمان. وجودك على أرض الواقع وفي السوق ومشاركتك بوجهة نظر في المشاكل المختلفة حاجات بتساعدك على تطوير فكرك قبل معرفتك بالتقنيات ويمكن زي ما قالت أستاذة هديل إن التصميم في النهاية عملية فكرية وذهنية وده شيء مش سهل إنتاجه!

في مرحلتك الحالية بتحتاج Mentor أو في حالتنا مرشد أكاديمي ويمكن ده جزء أساسي من صلب مشاكل التعليم الأكاديمي والفكر التصميمي. أستاذ ريان قال جملة مهمة جدا ويمكن هو كان بيفكر نفسه بيها قبل ما يكون بيفكر باقي الأساتذة. "إذا فشل أي طالب من طلابي معناه أنا السبب". التعامل بشفافية مع نفسك كأستاذ علم وصاحب رسالة هو ركيزة مهمة في تعزيز قيمة الطلبة. هل الأستاذ بيحاسب نفسه كل يوم عن مدى جدوى اللي بيقدمه للطلبة؟ إيه وجه الاستفادة الحقيقي ليهم. وهل أنا بتعامل بمبدأ إني موجه فقط؟ أم إن طلب العلم شيء مستمر وواجب عليا حتى بعد الترقي الوظيفي.

هل وجهة نظري كأستاذ هي الوحيدة؟ أم إن الطالب ورغم سنه ممكن يقدم لي وجهة نظر مختلفة ويساهم في مستوى وتطور جديد ليا كأستاذ. مبدأ الحوار والنقاش، إحنا مش في حرب النهاردة مين وجهة نظره صح على قد ما مين وجهة نظره مناسبة للوقت حالي. مهم جدا كأستاذ تخلق مساحة فنية وحوار بينك وبينهم وتتبادل الأفكار من وقت للتاني لأنك في النهاية مش بتعلم موظف إنه يسمع ويطيع. الطالب هو صورتك النهائية كأستاذ وقيمتك إن كنت ناجح في اللي بتعمله أو لا، مش في مصلحة حد تحصل فجوة كبيرة بينك وبينهم لأن ده كمان هيخليك متأخر. متأخر في وجعة نظرك ومتأخر في طريقة تعليمك ومتأخر في اللي بتقدمه كأستاذ.

ويمكن ده يدخلنا في نقطتين أهم من بعض. المكان والقيمة. الحرم الجامعي هو المكان اللي بيحتوي كل ده. مش عارف ليه ممكن نتجاهل نقطة زي دي خصوصا في المجالات التصميمية والفنية. المساحات الاجتماعية والفنية وتوافرها كطلبة وأساتذة وتعزيز الحوار بينهم. دول ميقلوش قيمة عن المعارض الفنية بل يمكن هي أهم منها كمان. مساحات الحوار مهمة تتوفر وسط العملية التعليمية من فترة للتانية وبشكل منظم زيه زي المحاضرات وبصورة أفراد بتتبادل وجهات النظر والأفكار مش أستاذ على كرسي وطالب بيحاوره.

قيمتنا كأفراد مهم جدا تتحدد بمدى جدوتنا وفكرنا وقيمة اللي بنقدمه ومشاركته مش بمناصب متغيرة وبينساها المجتمع مع الوقت لأنك نسيت تبقى إنسان وأستاذ علم حقيقي قبل ما تكون صاحب مركز وسلطة...

في النهاية، أنا مبسوط جداً بالنقاش الحاصل في كشيدة وبالأبواب اللي هيفتحها على مدى السنين الجاية ومحاولتنا نخلق تعاون واضح في مجتمع التصميم العربي بدون تشتت ومعارك غير مجدية. شكراً كشيدة.

‎جلسة حوارية مع الزميلة هديل احمد والزميل علي رضوان. سيدور النقاش حول مستقبل التصميم في الوطن العربي وكيف يطور المصمم العربي من مهاراته وامكانياته.
‎تحاورنا يارا رضوان
03.08.2023
‎الساعة السابعة مساءً
‎عبر منصة زووم
‎التسجيل عبر الرابط في
https://forms.gle/2X6tA9NNn6ZL1c7q9

For up-to-date informationen about the Academy of transcultural exchange (AtA) please visit:
https://www.facebook.com/akademiefuertranskulturellenaustausch/

Academy for transcultural exchange (ATA) - Hochschule für Grafik und Buchkunst The Academy of Transcultural Exchange is an academic programme to refugees. By welcoming refugees, the HGB also effectively seizes the opportunity to foster cross-cultural diversity within the institution, to further develop a welcoming culture for foreign students and staff, thus pushing the intern...

Liebe Interessenten des Studienprogramms der Akademie für transkulturellen Austausch ATA an der HGB.
Über den folgenden Link finden Sie weitergehende Informationen dazu.
https://www.facebook.com/akademiefuertranskulturellenaustausch
على هذا الرابط تجدون كل المعلومات الجديدة عن اكاديمية التصميم والفن للتبادل التثاقفي. نحن سعداء بمشاركتكم معنا.

AtA - Akademie für transkulturellen Austausch / HGB Leipzig Seit 2016 bietet die Hochschule für Grafik und Buchkunst (HGB) mit der Akademie für transkulturellen Austausch (AtA) das bundesweit erste Studienangebot für Menschen mit Fluchtgeschichte im Bereich Bildende Kunst und Grafik-Design an.

ريان عبدالله | كيف يطور المصمم طريقة تفكيره Wie kannst Du dich weiter entwicklen