LAPSH Hessen

📢 Me datën:13.03.2026 Lapsh-i organizoi takim me mbështetësit potencial financiar.
Në takim pjesëmarrës ishte: Konsulli i Republikës së Kosovës në Frankurt am Main, Vellëzërit Paçarada si mbeshtetësitë kryesor financiar për Lapsh-in , veprimtarë të nivelit biznesor e privat si dhe shtetas gjerman. Musafirët në fjalimet e tyre të rastit perveq tjerash falenderuan për angazhimin dhe sukseset e shoqatës.
Për aktivitetet e fundit të Lapsh-it dhe nevojën e përkrahjes nga komuniteti shqiptarë që jeton në Hessen u informuan të ftuarit nga kryetari i Lapshi-it z. Jeton Gashi dhe përfaqësuesi juridik z. Anton Daka.
Përveç tjerash ata treguan se Lapsh-i sot organizon mësimin e gjuhës shqipe në 13 lokacione të ndryshme në republikën e Hessenit si:
1.WIESBADEN
2.FRANKFURT AM MAIN
3.KASSEL
4.DARMSTADT
5.OFFENBACH
6.FULDA
7.HANAU
8.KELKHEIM
9.HEPPENHEIM
10.FRIEDBERG
11.BUTZBACH
12.GRÜNDAU-RÖTHENBERGEN
13.SOSSENHEIM
Derisa lokacionet tjera ku pritet të organizohet mësimi janë:
1.Giessen
2 Maintal
3.Selingenstadt
4.Bischofheim
Procesi i mësimit organizohet nga 16 mësimdhënes në 21 paralele për 400 nxënës.
Sipas këtyre statistikave Lapsh-i si shoqatë tanimë ka marrë frymë institucionale me nivel organizativ profesional dhe gjithëpërfshirje për Landin Hessen, i njohur zyrtarisht nga nivelet shtetërore.
Në aspektin e gjeografisë është mbuluar harta e Hessenit me një shkolle shqipe si mundësi për nxënësit shqiptarë në ruajtjen e identitetit kombëtar.
Kjo është arritur në bashkëpunim të ngushtë e profesional me Konsullatën e Republikës së Kosovës, Ministrinë e Arsimit Hessen, mbeshtetësit financiar dhe komunitetin.
Në takim u theksua nga të pranishmit se Lapsh- i duhet t'a ketë perkrahjen e të gjithë komunitetit shqiptar përmes formave të ndryshme si: vullnetare, financiare etj me qëllim të ngritjes se kualitetit në organizimin e mësimit shqip si mundësi për të gjithë fëmijët shqiptarë që jetojnë në Hessen.
Faleminderit për perkrahjën.

Me rastin e 8 Marsit-Ditës Ndërkombëtare të Gruas, shprehim respektin dhe mirënjohjen tonë më të thellë për të gjitha gratë dhe vajzat.

Kjo ditë është një moment për të vlerësuar rolin e jashtëzakonshëm që gruaja ka në shoqëri-si nënë, mësuese, motër, bijë, dhe bashkëshorte, duke dhënë çdo ditë kontribut të çmuar në familje, në arsim dhe në zhvillimin e shoqërisë sonë.

Një falënderim i veçantë shkon për të gjitha mësueset dhe nënat shqiptare në diasporë, të cilat me shumë përkushtim ruajnë dhe përcjellin gjuhën, kulturën dhe traditat tona tek brezat e rinj. Falë punës dhe dashurisë së tyre, identiteti ynë vazhdon të jetojë edhe larg atdheut.

Urojmë që çdo ditë të jetë një ditë respekti, vlerësimi dhe barazie për të gjitha gratë.

Gëzuar 8 Marsin nga LAPSH!

Festimi i 7 Marsit-Ditës së Mësuesit në Konsullatën e Kosovës në Frankfurt

Patëm kënaqësinë dhe nderin të festojmë 7 Marsin-Ditën e Mësuesit në ambientet e Konsullatës së Republikës së Kosovës në Frankfurt, në një organizim të përbashkët mes LAPSH dhe Konsullatës.

7 Marsi është një nga datat më të rëndësishme në historinë e arsimit shqiptar. Kjo ditë lidhet me hapjen e shkollës së parë shqipe në Korçë në vitin 1887, një moment historik që shënoi fillimin e arsimit të organizuar në gjuhën shqipe. Në atë kohë, për popullin shqiptar ishte shumë e vështirë, madje shpesh e ndaluar të flitej, të shkruhej dhe të mësohej gjuha shqipe. Megjithatë, falë përkushtimit dhe sakrificës së mësuesve dhe atdhetarëve, gjuha jonë u ruajt dhe u zhvillua.

Sot, kur e festojmë këtë ditë larg atdheut, ndiejmë një krenari të veçantë si mësues dhe si komunitet. Është një ndjenjë e jashtëzakonshme të punosh me fëmijët tanë që janë të lindur dhe të rritur jashtë atdheut, këtu në Gjermani, dhe t’u mësojmë gjuhën, kulturën dhe traditat shqiptare. Përmes tyre, gjuha shqipe vazhdon të jetojë dhe të trashëgohet edhe brez pas brezi.

Dita e sotme ishte një festë e bukur plot hare, ku kaluam momente shumë të këndshme së bashku. Kishte këngë, biseda të gjata, buzëqeshje dhe atmosferë festive, duke e bërë këtë ditë edhe më të veçantë për të gjithë ne.

Një falënderim i veçantë shkon për të gjithë mësuesit e angazhuar në mësimin plotësues të gjuhës shqipe në Landin e Hessenit, të cilët me shumë përkushtim dhe dashuri punojnë çdo javë me fëmijët tanë për të ruajtur gjuhën dhe identitetin tonë.

Po ashtu, shprehim mirënjohje të veçantë për Konsulin z. Gëzim Gashi, për mbështetjen e madhe dhe të pakushtëzuar që i ka dhënë kësaj iniciative dhe për përkrahjen e vazhdueshme ndaj mësimit të gjuhës shqipe në diasporë.

Gëzuar 7 Marsin-Ditën e Mësuesit!
Urime dhe mirënjohje për të gjithë mësuesit që me përkushtim ruajnë dhe përcjellin gjuhën dhe kulturën shqiptare kudo që ndodhen. 🇦🇱🇽🇰

📢 Informim:

Në kuadër të fuqizimit dhe promovimit të punës profesionale në organizimin e shkollës shqipe në Hessen : Lapshi-i ka mbajtur takimin e radhës me :
- Hessisches Ministerium für Kultus, Bildung und Chancen të përfaqësuar nga : Prof.Dr Daniela Neuman , dhe Frau Ines Gräfe ,
- HSU- Herkunftssprachlicher Unterricht , me perfaqësim nga Frau Anita Akmadza ,
- Konsullin e Republikës së Kosovës në Frankfurt am Main z.Gzim Gashi
-Derisa Lapsh-i u perfaqësua nga kryetari: z.Jeton Gashi dhe nënkryetarja: znj. Ilhane Azizi
Në ketë takim u diskutuan tema të ndryshme e të rendësishme me qellim ngritjen e efikasitetit të organizimit të shkollës shqipe në Hessen. Po ashtu u vlerësua puna profesionale një vjeçare e Lapsh-it dhe pjesëmarrësit u pajtuan që Lapsh-i të jetë përgjegjës për organizimin e mësimit shqip në republikën e Hessenit .
Përfaqësuesit e Lapsh-it
perveq tjerash falenderuan pjesëmarrësit e institucioneve shtetërore për përkrahjen dhe premtuan në bashkëpunimin profesional.

📚 21 Shkurti është Dita Ndërkombëtare e Gjuhës Amtare.
Kjo ditë është shpallur nga UNESCO në vitin 1999 dhe festohet çdo vitë për të promovuar ndryshimet gjuhësore e kulturore. Qëllimi është ndërgjegjësimi për rëndësinë e ruajtjes së gjuhëve amtare si mjet i identitetit kur dihet që tanimë shumë gjuhë në botë janë në zhdukje e sipër..
T'a ruajmë gjuhën shqipe si ndër gjuhët me të vjetra në Evropë kudo që jetojmë.
Ky është edhe qellimi i organizimit të mësimit shqip në Hessen nga Lapsh-i
Urime të gjithëve dita ndërkombëtare e gjuhës Amtare !

📚Në shkollën shqipe në Hessen perveq që po mësohet shqip edhe po kremtohet Pavarësia e Kosovës duke u njohur me historinë e shtetit tonë, simbolet si Flamuri etj.
Këto momente nga aktivitetet i ndajnë me juve nxënësit dhe mësueset e shkollës:

"Mülheim am Main"- Offenbach
" Henri-Dunant Schule" Sossenheim
"Anton Calaminus Schule"-Rothenbergen,
"Albert-Schweitzer Schule"- Offenbach

Mesazhi i nxënëseve dhe mësueseve :
" Kosovë kudo që jetojmë je dhe do të mbetesh atdheu ynë "
🇽🇰URIME PAVARËSIA 🇽🇰
Respekt dhe falënderim të veçantë për mësueset:
Rejhane
Valbona
Lindita
Shehide
Të cilat me iniciativat dhe punën e tyre vullnetare po ruajnë dhe bartin historinë të nxënesit.

📚Shkolla :
" Liebigschule "-Frankfurt am Main, me Mësimdhënëse:
Ilhane Azizi,
Mësuesja siç e quajnë nxënësit - Ilhane Azizi prej vitit 2013 është e angazhuar në mësimin plotësues të gjuhës shqipe, duke kontribuar në ruajtjen dhe zhvillimin e gjuhës amtare të nxënësit shqiptarë në Frankfurt am Main.
Ajo njekohësisht është e angazhuar edhe mësuese në shkollën gjermane. Jo vetëm kaq, Ilhanja me rolin aktivë dhe vullnetar si Nënkryetare e Lapsh-it, barti eksperiencën e saj duke ofruar ide për institucionalizimin e shkollës shqipe në Hessen.
Nese rastesishtë takoni një të ri në qytetin e Frankfurtit sot i cili folë rrjedhshëm gjuhën shqipe - sigurisht që do t'ju pergjigjet e kam mësuar në shkollën shqipe me mësuesen Ilhane . Jo rastësisht prindërit kanë gjithmonë kerkesa që fëmijët e tyre t'i dërgojnë të mësuesja Ilhane.
Shumë faleminderit për angazhimin tënd profesional, vullnetar e atdhetar.
Krenar me ty ❤️
Disa momente nga puna e Ilhanës ku klasa e saj është Kosovë e vogel në Frankfurt am Main .

📚Këshilli i paraleles të mësimit plotësues luan rol të rendësishëm në organizimin dhe mbarëvajten e mësimit të gjuhës shqipe duke përkrahur funksionimin e suksesshëm të shkollës Shqipe në Hessen:

Këshilli ka në përbërje: prindërit, mësimdhësit dhe anëtarë të tjerë të komunitetit, të cilët bashkëpunojnë për të ofruar një mjedis mësimor të cilësisë së lartë dhe :
- janë aktivë në takime të rregullta duke ofruar ide e sugjerime;
- mbështesin mësimdhësit në punën e tyre dhe të bashkëpunojnë me ta për të siguruar rrjedhjen e procesit mësimor;
- inkurajojnë e motivojnë fëmijët e tyre për rëndësinë e mësimit të gjuhës shqipe;
- ndihmojnë organizimin e aktiviteteve kulturore dhe sociale etj.

Respekt për punën dhe kontributin e prindërve dhe komunitetit 🙏

Momente nga takimi më nxënës e prindër në përzgjedhjen e Këshillit të prindërve në shkollën:

" Stadtschule " - Butzbach

Mësimdhënës: Jeton Gashi, i cili njëkohësisht në bazë vullnetare udheheqë edhe shoqatën Lapsh-Hessen.

Faleminderit Jeton për misionin dhe visionin 🙏

Integrimi i mjeteve digjitale për të bërë mësimin më tërheqës dhe efektiv është një metodë mësimore shumë efikase edhe për mësimin e gjuhës shqipe.
Gërshetimi i teknikave mësimore moderne me gjuhën me të lashtë evropiane zgjon interesimin e nxënëseve për procesin mësimor.

Ketë më se miri e deshmon shembulli i mësimdhënësit Bajram Fazliu i cili udhëheq dy paralele të gjuhës shqipe në Kassel në shkollën “Valentin-Traudt-Schule”.

Përveç kësaj Bajrami në bazë vullnetare luan rol të rendësishëm si Nënkryetar i Lapsh-it duke sjellë përvojat e tij akademike për shoqatën.
Në bisedat me të ai thotë : "Nga të gjitha përvojat e mia akademike - të mësosh gjuhën shqipe për fëmijët tanë në Diasporë është kënaqësi dhe i kalon kufijtë e mësimdhënies si proces"
Faleminderit Bajram për vullnetarizmin dhe profesionalizmin që e dhuron për nxënësit e shkollës shqipe dhe LAPSH-in 🙏🙏🙏