Proyekto Forma Kòrsou

09/06/2026

Nos mamanan di Forma Kòrsou ta ku nos Blue Wave! Ban pe Kòrsou! 🌊🙌🏼🇨🇼🔥

11/05/2026

10/05/2026

Mama bo ta spesial ❤️✨️

06/05/2026

E mamanan di Proyekto Forma Kòrsou Mahuma tambe ta sigui avansá 🚀

Ayera tabatin un seshon trankil i relahante pa e mamanan traha riba nan plan di famia.

Tur mama den nos trayekto di formashon ta traha riba un plan di famia.

E plan di famia ta un map ku diferente pregunta i tarea ku ta yuda e mama evaluá su mes i su famia, traha metanan konkreto pa por visualisá i konkretisá un futuro stabil i felis pa e i su famia.

E plan di famia ta trata diferente area di desaroyo ku ta importante pa un famia:
✨️Finansa
✨️Salú
✨️Emoshon
✨️Metanan
✨️Balansa
✨️Enseñansa
✨️Spiritualidat i hopi mas.

Den un ambiente relahante e mamanan a sinta pa pensa profundo i skirbi:

💜Nan metanan
💜Nan plannan
💜Nan fortalesa
💜Loke nan mester mehorá
💜Loke nan mester siña ahinda
💜I kon pa logra esaki konkretamente.

Despues di e trayekto di formashon, e map aki ta keda komo un guia pa e mama sigui kana riba e kaminda di éksito! 💯💯

05/05/2026

Nos mamanan di Proyekto Forma Kòrsou ta sigui ku nan trayekto di formashon. ✨️💪🏼💜

Nan a risibí un tremendo seshon di komunikashon i presentashon serka Eunice de Palm, ku ta tambe kordinadó di nos proyekto.

E mamanan por a siña kon pa komuniká efektivamente den diferente tipo di situashon i tambe siña kon pa presentá dilanti un públiko.

E seshon no por tabata kompleto sin un momento kaminda e mamanan mester a hinka loke nan a siña den práktika.

E mamanan mes mester a traha nan presentashon i trese esaki dilanti di e grupo.

Ku esaki e mamanan a desaroyá:
💜 Trahando den tim
💜 Uzando nan kreatividat
💜 Hañando tep personal kon pa presentá mihó
💜 Enfrentando miedu di para dilanti un públiko
💜 Siñando kon pa komuniká mihó

01/05/2026

Seshon pa pareha 💘👫

Djaluna último nos tabatin "full house". Nos mamanan ku ta siguiendo e trayekto di formashon di Forma Kòrsou, por a bin ku nan pareha pa asina huntu nan sigui un seshon pa fortalesé nan relashon.

Un seshon sumamente interesante i interaktivo kaminda e hòmbernan tambe por a hasi pregunta i siña.

Claymore i Claire Lanoy a fasilitá e seshon aki i e parehanan tabatin un momento ameno pa krese huntu.

Un famia felis ta kuminsá na momento ku e muhé i e hòmber ta aliniá ku otro. 💯💯

22/04/2026

E seshon aki di Forma Kòrsou tabata un momento pa mamanan para ketu i reflehá riba nan mes, nan balor i konfiansa propio.

Tina Ersilia-Pinto a guia e seshon aki kaminda mamanan por a deskubrí nan mes mihó, laga lòs for di palabranan i susesonan ku a hasi doló i rekòrdá nan mes ken nan ta.

Momentonan asina aki ta importante pa mamanan keda fortalesé i enkurashá pa sigui pa dilanti. 💜✨️

21/04/2026

Resientemente nos a keda honrá ku bish*ta di Stichting Hestia Curacao ku ta un fundashon ku tambe ta traha na bienestar di mamanan.

Stichting Hestia a duna informashon na nos mamanan di kon nan ta sostené mamanan ku no tin entrada, pa medio di treinen, guia i oportunidat empresarial.

Tambe via di Stichting Hestia nos di e proyekto Forma Kòrsou a atkerí materialnan edukativo pa nos muchanan por hunga kuné segun nos mamanan ta partisipá na nos seshonnan di formashon.

Bunita pa mira kolaborashon entre fundashonnan i proyektonan. 👌🏼 Huntu nos ta fuerte. 💜💪🏼