Instituto Nashonal di Idioma Curaçao

11/03/2026

08/02/2026

Papiamentu ta nos i nos ta Papiamentu

Den sala kargá ku palabra strañero,
nos idioma tabata silensiá.
Pero Papiamentu, nos alma, nos identidat, bos di Kòrsou a resoná.

Chano, yu di tera, ku kurashi,
a kibra silensio ku tono firme.
Obligá, historia a bòltu blachi,
i nos lenga a subi e trono di oro.

Ocho di febrüari, bria manera strea!
Fecha ku a habri porta.
Palabra simpel den nos idioma,
pa laga pueblo sinti i komprondé.

No tabata solamente un diskurso,
pero un deklarashon di dignidat.
Un “Mi tei” pa tur generashon,
un paso firme pa nos identidat.

Awor kada bia ku un hende papia,
den parlamento òf den bario,
por tende e eko di Chano Margaretha:
‘Papiamentu ta nos i nos ta Papiamentu!’

INIC

10/09/2025

Selebrando Alfabetisashon na Kòrsou

Historia di alfabetisashon di Kòrsou ta un testimonio di resiliensia i orguyo kultural. For di limitashon kolonial te ku multilingwismo moderno, Kòrsou ta sigui forma un panorama di alfabetisashon ku ta reflehá su identidat i aspirashon. Outornan lokal a brasa Papiamentu komo idioma literario, skirbi storia, kuenta i poema ku ta toka alma di nos hendenan. Huntu ku edukadónan i lidernan den komunidat a bin ta traha duru pa hasi alfabetisashon no solamente un abilidat, sino un medio pa oportunidat i empoderashon kultural.

Nos ta honra e generashonnan ku a lucha pa tin akseso na edukashon i pa por lesa den nan mes idioma. Laga nos sigui konstruí un Kòrsou kaminda tur hende—hóben i grandi—por desaroyá nan potensial mediante alfabetisashon.

“Un pueblo ku ta lesa, ta un pueblo ku ta krese.”

02/05/2025

Awe dia 2 di mei nos lo ta será pa publiko. Nos lo tei bèk dia 5 di mei. Felis wikènt!

30/04/2025

Instituto Nashonal di Idioma ta invitá bo.
Inskribí lihé, ta 55 registrashon so por tuma!

17/04/2025

Instituto Nashonal di Idioma Curaçao tambe lo tei presente na Sambil pa e próksimo festival literario. Nos lo tin entre otro diferen te buki di lesa, buki di prenchi na benta na preis di baka flaku.
Bini unu bini tur!

03/04/2025

Dia Internashonal di Buki pa Mucha

Ta selebrá Dia Internashonal di Buki pa Mucha tur aña riba 2 di aprel. Ta un evento global dediká na inspirá amor pa lesa i enfatisá e importansia di literatura pa mucha. E dia akí ta relatá ku e fecha di nasementu di Hans Christian Andersen, e outor danes, famoso pa su kuentanan eterno manera ‘The Little Mermaid’ i ‘The Ugly Duckling’. Na aña 1967, ‘International Board on Books for Young People’ (IBBY), a para ketu na e dia akí. Tur aña, un pais diferente ta spònser e selebrashon, ta skohe un tema i ta enkargá un outor i ilustradó pa krea mensahe i poster pa muchanan rònt mundu. Pa 2025, Hulanda ta e anfitrion, ku e tema ‘The Freedom of Imagination’, enfatisando e poder transformativo di buki pa plama kreatividat i komprondementu kultural. E aktividatnan akí ta inkluí seshonnan di konta kuenta, interkambio di buki, kompetensia di skirbimentu i eventonan di outor. E ta un oportunidat maravioso pa hasi donashon na buki, apoyá biblioteka, òf organisá seshon di lektura pa kompartí e alegria di literatura ku mucha. Lesamentu tin un impakto profundo riba desaroyo di mucha, formando nan kresementu kognitivo, emoshonal i sosial. Aki ta sigui algun manera prinsipal ku e ta influensiá mente di hóbennan:

Desaroyo kognitivo: lesa ta yuda bo desaroyá bo vokabulario, struktura di frase i gramátika. Muchanan ku ta lesa regularmente ta haña konosementu di un gran variedat di palabra i struktura di frase, loke ta yuda nan siña idioma.

Pensamentu krítiko: kuenta ta animá mucha pa prediká resultadonan, hasi konekshon i solushoná problema, stimulando abilidatnan analítiko i di rasonamentu.

Ekspanshon di konosementu: ku buki e mucha ta haña konosementu di konsepto, kultura i mundu nobo, stimulando nan kurashi i amor pa siña.

Kreashon emoshonal: kuenta ta laga e mucha eksperensiá diferente perspektiva i emoshon yudando e komprondé i konektá ku otro hende su sintimentu.

Reflekshon riba nan mes: e personahenan ku ta den e kuenta ta pasa den diferente situashon i ta enfrentá diferente reto, loke ta duna e mucha e oportunidat pa eksplorá nan mes pensamentu i emoshonnan.

Desaroyo sosial: diskushon ku kolega òf adulto ta mehorá e abilidatnan di kombersashon i e konfiansa. Lesa huntu ku famia òf den grupo ta promové un union i koperashon.

Imaginashon i kreatividat: lesa buki ta stimulá imaginashon den un mundu i esenario bibu i ta animá mucha pa pensa mas leu di nan realidat aktual i soña grandi.

Introdukshon di lektura tempran ta inkulká un hábito di kuriosidat i di siña pa henter bida, preparando nos muchanan pa nabegá den un mundu kompleho i diverso!

21/03/2025

Dia Mundial di Poesia

Poesia ta e kantika di alma, e ritmo di resiliensia i e idioma di soño. E ta siña nos pa mira bunitesa i haña forsa den e momentonan mas chikitu. Awe laga e poder di palabra inspirá bo pa krea, sinti i konektá. Pa kada poesia ku bo ta skirbi, lesa òf kompartí, bo ta laga un parti di bo kurason den mundu, un chispa ku por enserá kambio i trese speransa. Selebrá e poeta den bo i laga bo stèm ta un sinfonia di kurashi i imaginashon.