Research circle Виглєдовацки круг Istraživački krug

ПОВОЛАНКА ЗА УЧАСТВОВАНЄ НА ПИЯТЕЙ РУСКЕЙ НАУКОВЕЙ КОНФЕРЕНЦИЇ СТУДЕНТОХ, МЛАДИХ НАУКОВЦОХ И ФАХОВЦОХ

Почитовани,

З вельким задовольством Вас поволуєме же бисце зоз своїм прилогом участвовали на Пиятей науковей конференциї младих науковцох и фаховцох хтора ше отрима у маю 2020. року у Новим Садзе. Тоту конференцию Виглєдовацки круг будзе орґанизовац вєдно з Оддзелєньом за русинистику Филозофского факултету Универзитету у Новим Садзе и НВУ «Руске слово», з нагоди означованя 75-рочнїци тей установи.

З першима науковима конференциями удало нам ше прицагнуц значне число студентох, младих науковцох и фаховцох хтори зоз своїма роботами источашнє направели свойо перши крочаї у наукових виглєдованьох и допринєсли розвою руских студийох, вєдно зоз уж афирмованима младима науковцами и фаховцами хтори зоз своїм искуством вшелїяк помогли и конференцийом и зборнїком роботох у хторих обявени роботи зоз тих конференцийох. И Пията наукова наукова конференция ше будзе намагац исц по драги популаризациї дружтвених наукох при рускей младежи, а тиж ше будзе намагац збогациц свой змист зоз прилогами младих науковцох з других националних заєднїцох, як и зоз иножемства, хтори буду представяц свойо науково досяги з поля виглєдованьох интеркултуралносци.

Участвовац можу шицки студенти основних, мастер, специялистичних и докторских студийох и докторе з обласци дружтвених наукох (язик, литература, история, история уметносци, социолоґия, етнолоґия, антрополоґия, ґеоґрафия, психолоґия, педаґоґия, филозофия, економия, право, журналистика, политиколоґия, културолоґия, теолоґия, социялна робота и др.) по 35 роки живота. Теми роботох би ше требали одношиц на прешлосц и терашньосц Руснацох у Сербиї, Европи и у швеце, треба же би були у вязи зоз тематику рускей заєднїци, виданями НВУ «Руске слово», як и з Руснацами у контексту интеркултуралних студийох. Минимални обсяг статї 12.000 знаки у Word (Tools-Word Count-Characters with spaces), a максимални обсяг 30.000 знаки. За прияву, доставанє упутства за авторох и приявного формулару як и други информациї у вязи зоз конференцию явце ше на e-mail адресу [email protected], лєбо Сашови Сабадошови (e-mail: [email protected] телефон: 061/1846-646). ОКРЕМЕ АПЕЛУЄМЕ НА ШИЦКИХ ЖЕ БИ ТОТУ ПОВОЛАНКУ ПРЕШЛЇДЗЕЛИ КАЖДЕЙ ОСОБИ ХТОРА СПОЛНЮЄ УСЛОВИЯ ЗА УЧАСТВОВАНЄ, А НЄ УПОЗНАТА Є З НАШУ РОБОТУ!

Приява роботох тирва по 30. април, а конєчни верзиї роботох потребне послац по 1. септембер 2020. року.

З глїбоким почитованьом и з наздаваньом же ше одволаце на нашу поволанку,

Виглєдовацки круг

Браво за Ивону Гнатко!
https://www.facebook.com/RusnakDrustvoRusinauRH/posts/2792783594074929

ЩЕШЛЇВА РОЧНЇЦА! Пред седем роками, на нєшкайши дзень, 24. авґуста, у лєтней загради кафеа "Даблин" у Кули, створене нєформалне здруженє "Виглєдовацки круг", котре теди порушали Александер Мудри, Сашо Сабадош и Борис Варґа.
Тота горизонтална интелектуална платформа за диялоґ, без формалного руководства и членства, настала после успишного отримованя Першей студентскей науковей конфернециї на Филозофским факултету у Новим Садзе, у маю истого 2012. року.
Од теди, за седем роки иснованя, нєформалне здруженє "Виглєдовацки круг" орґанизовало штири Наукови конференциї за студенотох, младих науковцох и фаховцох (кажди други рок: 2012, 2014, 2016, 2018), видало три Зборнїки роботох зоз спомнутих Нукових конференцийох и орґанизовало вецей округли столи, такволани "Кафе дебати", интелектуални тематски дебати и стретнуца зоз интелектуалцами з реґиону, котри отримани у Заводу за културу Войводянских Руснацох у Новим Садзе.
"Виглєдовацки круг" - нєреґистроване здруженє, а вельку потримовку и помоц му даваю Завод за културу Войводянских Руснацох, Оддзелєнє за русинистику и НВУ "Руске слово".
"Виглєдовацки круг" 2019. року розпочал диялоґ сотруднїцтва зоз Роботним целом за младеж Националного совиту Руснацох.
"Виглєдовацки круг" направени по углядзе на велї други отворени круги и форуми у держави и реґиону, котри збераю интелектуацох и людзох либералних и отворених прешвеченьох.
Циха мрия "ВК" - направиц у доглядней будучносци перши Наукови руски институт у Войводини. Лоґо за "Виглєдовацки круг" дизайновал Иґор Орсаґ по фотоґрафиї Ванї Дули.
Шлїдуюца пията Наукова конференция за студенотох, младих науковцох и фаховцох треба же би була отримана 2020. року.

У просторийох Заводу за културу войводянских Руснацох у Новим Садзе представена публикация „Етнолинґвистична виталносц руского язика у Сербиї” авторки Биляни Дражович, хтора друкована як седма по шоре кнїжка у едициї „Иновациї – Владимир Ґарянски” наменєней за обявйованє академских мастер роботох чия тематика ше одноши на историю, културу, язик и национални живот Руснацох.

Руски язик ище вше нє загрожени ОбразованєРутенпрес Руски язик ище вше нє загрожени автор саб, фото вев 14. децембер 2018 НОВИ САД – У просторийох Заводу за културу войводянских Руснацох у Новим Сад....

Штварта наукова конференция за студентох, младих науковцох/Filozofski, naukova konferencija Нєшка на Филозофским факултету у Новим Саду отримана Штварта наукова конференция за студентох, младих науковцох и фаховцох.

Дзекуєме Veronika Vujacic nа фотоґрафийох...

И Штварта наукова конференция приведзена ґу концу и то з вельким успихом. Нащива нє була велька и, окрем чесних винїмкох, нє пришли такволани "руски национални предняци", алє квалитет викладаньох и окреме дискусийох бул на високим уровню. Дзекуєм од шерца и учашнїком, госцом и представительом медийох хтори нас потримали: Aleksander Mudri Ana Rimar Simunovic Marina Sakač Marina Šlemender Djurdjica Gordic Lidija Kostelnik Tamara Salag Andrej Oros Ivana Cordas Boris Fejdi Anamarija Ranković Veronika Vujacic Olena Plancak-Sakac

ПОВОЛАНКА ЗА УЧАСТВОВАНЄ НА ШТВАРТЕЙ РУСКЕЙ НАУКОВЕЙ КОНФЕРЕНЦИЇ МЛАДИХ НАУКОВЦОХ И ФАХОВЦОХ

Почитовани,

З вельким задовольством Вас поволуєме же бисце зоз своїм прилогом участвовали на Штвартей науковей конференциї младих науковцох и фаховцох хтора ше отрима 26. мая 2018. року у Новим Садзе.
З першима трома науковима конференциями удало нам ше прицагнуц значне число младих науковцох и фаховцох хтори зоз своїма роботами источашнє направели свойо перши крочаї у наукових виглєдованьох и допринєсли розвою руских студийох, вєдно зоз уж афирмованима младима науковцами и фаховцами хтори зоз своїм искуством вшелїяк помогли и конференцийом и зборнїком роботох у хторих обявени роботи зоз тих конференцийох. И Штварта наукова наукова конференция ше будзе намагац исц по драги популаризациї дружтвених наукох при рускей младежи, а тиж ше будзе намагац збогациц свой змист зоз прилогами младих науковцох з других националних заєднїцох, як и зоз иножемства, хтори буду представяц свойо науково досяги з поля виглєдованьох интеркултуралносци.
Участвовац можу шицки студенти основних, мастер, специялистичних и докторских студийох и докторе з обласци дружтвених наукох (язик, литература, история, история уметносци, социолоґия, етнолоґия, антрополоґия, ґеоґрафия, психолоґия, педаґоґия, филозофия, економия, право, журналистика, политиколоґия, културолоґия, теолоґия и др.) по 35 роки живота. Теми роботох би ше требали одношиц на прешлосц и терашньосц Руснацох у Сербиї, Европи у швеце, другима темами хтори у вязи зоз тематику рускей заєднїци, як и з Руснацами у контексту интеркултуралних студийох. Минимални обсяг статї 12.000 знаки у Word (Tools-Word Count-Characters with spaces), a максимални обсяг 30.000 знаки. За прияву и други информациї у вязи зоз конференцию явце ше на e-mail адресу [email protected], лєбо Сашови Сабадошови (e-mail: [email protected] телефон: 061/1846-646).
Приява роботох тирва по 30. април, а конєчни верзиї роботох потребне послац по 1. септембер 2018. року.

З глїбоким почитованьом и з наздаваньом же ше одволаце на нашу поволанку,

Виглєдовацки круг