中佬宜加去讀書

中佬宜加去讀書 四張幾野的中佬帶埋一家大細黎到溫哥華讀書移民，想同大家分享一下DIY同?

12/21/2022

求租盤

好日唔update，一update就求救mode😂
中佬一家比業主迫遷，要2個月搬出原本單位，如果大家知道有人放租Burnaby的3房單位，麻煩pm我🙏🏻已經有上marketplace, craigslist, , zumper, vansky果d去搵，不過選擇唔多，如果有更好搵租盤的平台，開心share下！🙏🏻

又話呢度好保護租客，租客大過天，但我個B6業主年年都要跟番市場價黎加租，上年加多法例十幾蚊我費事同佢大嘈，今年加幾舊水我哋死都唔妥協(法例限2023年加2% only)，唔係錢嘅問題，係原則的問題。跟據佢一向脅協我哋嘅作風，話要收番層樓自住，佢今次真係出notice比我！

我十萬個相信佢會再攞番出嚟用市價再出租，而我一定會去residential tenancy branch度投訴佢，希望無下一個受害者！

~ Happy Canada Day!! ~上年的Canada Day因為COVID無氣氛，今年終於感受到真正嘅Canada Day啦！！！亂打亂撞去咗Victoria過國慶，同樣地有氣氛！Parliament House同Inner Ha...
07/02/2022

~ Happy Canada Day!! ~

上年的Canada Day因為COVID無氣氛，今年終於感受到真正嘅Canada Day啦！！！

亂打亂撞去咗Victoria過國慶，同樣地有氣氛！Parliament House同Inner Harbour附近都人山人海，有food trucks、手工藝品灘位、表演同小朋友的玩意，極度的熱鬧！

夜晚係inner harbour有煙花，短短的十分鐘，但好近又唔係好使同人泊。小朋友好開心！

#中佬遊記

~ 做一日遊客@Whistler ~因為有親友來到加拿大，最近都係度跑d旅行景點做下遊客，所以點少得唔到whistler 呢個旅遊勝地！今次係第二次黎，上次冬天黎係另一個感覺。今次timing好夾，今年天氣凍，之前睇話好多野都未開到，因為仲...
06/27/2022

~ 做一日遊客@Whistler ~

因為有親友來到加拿大，最近都係度跑d旅行景點做下遊客，所以點少得唔到whistler 呢個旅遊勝地！

今次係第二次黎，上次冬天黎係另一個感覺。今次timing好夾，今年天氣凍，之前睇話好多野都未開到，因為仲有好多雪。啱啱有heat warning就成就左d雪溶左了！

我哋買咗gondola season pass，如果你坐多過一次就會抵番晒，諗住遲啲真正的暑假再上去睇多次。由blackcomb base坐gondola上山，上到去見到好多雪山好靚，真係點影相都係靚，加上個天藍到呢😍

之後坐peak2peak由blackcomb過whistler，佢除咗有正常的車，仲有架15分鐘先有一架的水晶車，個底係透明嘅。過到whistler 個山，行陣先去roundhouse醫肚，不過無咩嘢第日再黎都唔好上去食野，又貴又普通！

之後，坐咗個好驚驚的peak chair lift再上山頂，可惜條skyclouder bridge要下星期先開。就去我哋重點想睇的Matthew’s traverse睇snow wall，好有立山黑部的感覺😍😍😍我哋決定由山頂行落去whistler gondola個位，足足行左1小時45分鐘落去，沿途景色好靚，snow wall好高好靚，我諗再熱d就無得睇，所以先話timing剛好。不過呢條路都唔易行，好多石頭又唔平，勁落斜，仲濕濕地，2個小朋友都完成左✅ 好佩服啲人仲係下面行上山頂，真係好攰😂

由10點幾玩到4點，行左萬幾步，夜晚散晒了🤣

#中佬遊記


~ PR後的後續事宜 ~不經不覺已經PR左一個月，但原來PR後仲有好多野要搞的！1. 新的social insurance number有eCoPR已經可以去Service Canada 攞番個新SIN，但呢排都仲係好多人去service ...
06/24/2022

~ PR後的後續事宜 ~

不經不覺已經PR左一個月，但原來PR後仲有好多野要搞的！

1. 新的social insurance number

有eCoPR已經可以去Service Canada 攞番個新SIN，但呢排都仲係好多人去service canada搞passport，所以我哋無嘗試去排隊(聽聞至少排3小時以上)。取而代之就係上網去申請，最後2個星期就收到信有晒成家的SIN。有SIN就可以update番公司同埋銀行！

2. Update MSP status

當一收到eCoPR後，就上番MSP個website 度update番個status，小朋友的service card卡大概一個月後收到。大人的請睇下一點。

3. Update driver license & service card

當收到PR卡後(我哋大概2星期收到)，就去ICBC約個appointment renew driver license。由於我哋之前d permit未批，所以一路都只係楂緊張黃紙做車牌。收到PR卡後就可以去攞番張真正的車牌，順便做埋張service card。我哋揀左combine 兩張卡做同一張，即一張卡包晒driver license 同service card，後尾聽人話其實分開有佢好處，可以當2張photo ID🥲 最後個幾星期後就收到張新的service card。如果你已有車牌，就make 個appointment 去攞service card ok!

4. 通知小朋友嘅學校

收到eCoPR可以update 番school board小朋友而家的status，咁就唔使成日比佢追個permit就快到期啦😂

5. 申請牛奶金

由於有18歲以下的小朋友，所以我哋PR後應該可以申請牛奶金。不過暫時仲有啲technical problem，仲未搞到😅

6. RESP

加拿大有好多慳稅的方法，RESP就係其中一項for小朋友第日大個讀書的，政府又會match番相當的數目比你。有左PR後就可以考慮下要唔要供RESP!

7. 攞強積金

好多人之前都千方百計咁想黎之前或黎到後快快手攞番香港d強積金，如果之前仲未攞到，而家有PR就係最好的證明了吧！

8. 安居樂業

係Metro Vancouver，非有PR身份要比20%的海外買家稅，所以唔似其他省的朋友咁可以一黎就買樓，大家都係等PR呢一刻先敢去馬！

9. 安心玩樂

完成左一個咁大的milestone，無里由唔盡情玩樂一番掛😂

唔知仲有冇做漏野，如果有，大家可以提點下我哋呢啲新移民😆

話時話，中佬係6月1號已經行左畢業典禮，今次係COVID後第一次resume番in person的congregation！不過，呢度借袍得幾小時，又陰天又凍，都唔係影左好多相！

#中佬宜加去讀書
#中佬宜加去番工

~中佬宜加去考車~話說中佬乃是路痴及車痴一名，早在10幾年前在香港學車後考左兩次都fail，心灰意冷之下決定放棄，反正係香港唔需要有車也可以生活到。黎到加拿大，周圍的朋友都話私家車是必要的，無車的話有很多地方都去唔到。中太更早在二月已考到車...
05/27/2022

~中佬宜加去考車~

話說中佬乃是路痴及車痴一名，早在10幾年前在香港學車後考左兩次都fail，心灰意冷之下決定放棄，反正係香港唔需要有車也可以生活到。

黎到加拿大，周圍的朋友都話私家車是必要的，無車的話有很多地方都去唔到。中太更早在二月已考到車牌（詳情見另一文），而我則不幸地三月尾第一次考車時fail左（由於不是喜訊，因此沒有出post🤣）。

由於師傅呢家野都係人夾人，而中佬的資質又比較平庸，所以足足試了四個師傅先搵到一個合適自己的：
第一個～香港男師傅，講嘢好急，時間表好滿好難約，個人認為比較適合有駕駛經驗的學生
第二個～日本女師傅，幾有心機的，可惜時間表太滿加上要講英文都不是太方便
第三個～香港男師傅，起初幾有心機，但經常背書，愈來愈沒耐性，每一堂都閙得好金
第四個～香港男師傅，終於找到一個細心，有耐性，唔會閙人的師傅！有師傅軚但除非有危機否則唔會搶我軚，做得唔好佢會叫我駛埋一邊再畫圖解釋，做得好會有讚！

係師傅的教導下，中佬係第二次考車終於合格了！亦要一讚Wayburne的考官都是很好人（包括上次fail我果個，其實都很好人），考試前解釋得很仔細，考試途中的指示很清楚，做得好亦有讚，令中佬愈考愈有信心！除了一次pull over微微上了curb之外基本上沒犯什麼大錯，最後回試場泊車，跟住便恭喜我合格了！

拿取N牌（其實是一張黃紙，因為當然仍未PR）那一刻實在有莫名的感動，曾經以為自己實在沒有揸車的天份，要考牌難過登天，但原來都可以做到的！

當然，挑戰才剛剛開始，中佬仍要多點累積駕駛經驗，才不致成為危險車手。未來要多靠中太的指導了！

這個城市的師傅時間表都好滿的，考期又難book，所以想考車的朋友們要早點約期及找師傅了！

#中佬宜加去讀書
#中佬宜加去番工
#中佬宜加去考車

~究竟讀書呢一年洗左幾多錢？！~有谷友問呢個問題，我唔想計一個lump sum出黎嚇人，有人可以生活好富貴，有人又好慳使。我list低一d我哋一家四口係Vancouver 生活嘅基本開支比大家參考:- 1年master學費 $55000 (...
05/22/2022

~究竟讀書呢一年洗左幾多錢？！~

有谷友問呢個問題，我唔想計一個lump sum出黎嚇人，有人可以生活好富貴，有人又好慳使。我list低一d我哋一家四口係Vancouver 生活嘅基本開支比大家參考:

- 1年master學費 $55000 (好鬼貴，唔好問點解？鬼叫你想快又啱自己讀的唔多，當初行PNP-IPG d course選擇係唔多)

- 2房1den apartment租金1個月$2550(上年價唔包車位，而家應該租唔到呢個價，今年續租$2800加了價包埋車位)

- utility $200左右一個月包了hydro $45 + 2人手機費 $80 + 家居上網 + cable tv (上網加cable係promotion價)

- grocery 一個月大概$1200 包食物同日常用品(通脹得好勁加上小朋友大食左，上年唔係呢個數，比個舊數大家都無意思)

- 外出用餐呢個數好難答你好depends 大家有幾多餐出去食，大概我哋$50-80一餐(for 正常餐廳用膳，每次大概叫3-4個餐包tips)

- 小朋友學嘢呢啲隨心，但in general上興趣班平過香港

- 車的開支💰💰油價不停升，而家$2.2/L，加上我哋係新牌再加新車，保費係天價5k一年😵‍💫(有冇朋友可以介紹下點慳)

- MSP $75一個月 for SP holder

我諗其他開支就好個人了，大家都可以參考番我哋之前嘅post睇下。

Btw, 收到好多pm恭喜我哋，多謝大家🙏🏻🙏🏻🙏🏻
可能大家無爬文，簡單解答幾個熱門問題:

Q: 中佬讀什麼？
A: UBC MEL master program (accelerated 1 year FT program)

Q: 畢業後點樣繼續留低？
A: 中佬先係同一個application apply PGWP加extend 2個小朋友的VR！由於中太有番工而中佬又已找到工作(NOC 0AB工)，中太就等有中佬的3張paystub後，之後才另外apply sowp extension，全部application無比錢。

Q: CNCC點做法？
A: 去加拿大RCMP認可的一堆指定地方打手指模(大概$50)，之後就填好所有cncc表格連同fingerprint加香港支票速遞番去香港警察。警察收到就會email ref no比你，你都可以幾星期後email / 電話問下佢哋寄出左未。tips: 唔好寄Canada post或者無guarantee幾時到的速遞公司，早一日得一日到可以分別好大😂suggest大家用DHL/FedEx/UPS呢啲有講明3-4個business days會收到的公司，貴少少唔好慳！

Q: 係咪同時申請PGWP同stream A?
A: 係同一日申請的，但先交PGWP後交stream A，咁算唔算係同時？！🤣

Q: 最後有冇批到PGWP?
A: 係無嘅，等左4.5個月都無批，直接收到PR

#中佬宜加去讀書
#中佬宜加去番工


~520 IRCC送大禮比中佬一家~終於經過”漫長”的等待，IRCC知今日係520，太愛我哋，所以送份禮物比我哋要做隻加拿大鬼😂之前果排真係黑仔到暈，壞車、壞洗衣機、中COVID，全部都係幾星期內發生，大概上天要先比我哋一d試鍊，先會比d甜...
05/21/2022

~520 IRCC送大禮比中佬一家~

終於經過”漫長”的等待，IRCC知今日係520，太愛我哋，所以送份禮物比我哋要做隻加拿大鬼😂

之前果排真係黑仔到暈，壞車、壞洗衣機、中COVID，全部都係幾星期內發生，大概上天要先比我哋一d試鍊，先會比d甜頭我哋掛。其實之前見身邊啲人都好快有PR，所以真係每一日的等待都令人有啲擔心，加上果排香港第五波d野立立亂，又打仗ircc要搞難民，變咗等完呢樣又等另一樣🥲

Anyway長話短說，其他事就遲啲再分享，想總括番我哋由頭到尾的光速timeline 😊😊😊

Nov 2019 - 開始research不同方法移民加拿大
Dec 2019 - identify 適合的IPG課程
Feb 2020 - take IELTS academic exam
Mar 2020 - apply IPG course
Apr 2020 - offer received
May 2020 - submit SP application, 做body check & biometrics, 2星期後就收到SP approval 🎉
Jun 2020 - submit SOWP application
Jul 2020 - 做埋body check, biometrics & CNCC
Sep 2020 - SOWP approved
Jan 2021 - shipping packing同正式登陸加拿大🇨🇦開始做番學生的生活
Dec 2021 - 順利畢業
Jan 5 2022 - apply PGWP + extend VRs + apply HK pathway stream A
Jan 6 2022 - IRCC opened message
Jan 14 2022 - received CNCC request
Jan 17 2022 - fingerprint done and sent to HK police/received medical request
Jan 22 2022 - completed medical check
Jan 25 2022 - CNCC application received by HKP
Feb 11 2022 - CNCC sent to Canada consulate
Feb 16 2022 - IRCC received CNCC
May 11 2022 - received PR confirmation
May 12 2022 - received PR portal and submitted on the same day
May 20 2022 - eCoPR received 🥳🥳🥳
Jun 3 2022 - PR cards received !!!

由plan到攞到PR大概2.5年，真係好感恩🙏🏻 大家都要加油💪🏻💪🏻💪🏻

#中佬宜加去讀書
#中佬宜加去番工
#中佬好快係加拿大人
#520我愛妳
#圖文不符

~慢遊Fort Langley~咩visa都過晒期，攞住張行街紙，都無損周圍去的心情。攞住個implied status，夠期就要去ICBC續張黃紙(車牌)，得閒又要去搞下個MSP(好彩暫時公布左可以renew到10月)，小朋友都暫時繼續番...
05/07/2022

~慢遊Fort Langley~

咩visa都過晒期，攞住張行街紙，都無損周圍去的心情。攞住個implied status，夠期就要去ICBC續張黃紙(車牌)，得閒又要去搞下個MSP(好彩暫時公布左可以renew到10月)，小朋友都暫時繼續番緊學，大人就番緊工。好唔方便，但都叫仍然生活到！繼續希望個PR今個月會有消息😢PGWP佢都好大機會唔會批，過晒processing time，非香港人的同學仔都批左PGWP了，估計同時申請PR就只做一邊！

講番先，Fort Langley都幾古鄉古色，特色小店，古董舖，好chill的餐廳，充滿藝術的情懷！行幾小時都唔難，果邊有camp site，成日都係街見到d camper van行過，有機會都要試一試！

#中佬宜加去讀書
#中佬宜加去番工

~見工趣事~中太係公司雖然唔係做recruiter，不過對d interviewees點解失敗都略之一二，分享一下等大家可以借鏡，希望幫到各位黎到加拿大搵工的朋友！1. 預早set好zoom/meet有唔少人online interview...
04/10/2022

~見工趣事~

中太係公司雖然唔係做recruiter，不過對d interviewees點解失敗都略之一二，分享一下等大家可以借鏡，希望幫到各位黎到加拿大搵工的朋友！

1. 預早set好zoom/meet

有唔少人online interview 遲到，有technical problem，唔知點解唔早少少setup好晒啲嘢先。有問題又唔即時email番個interviewer，or check email睇下interviewer有冇搵番你，直頭失左聯咁。保持番有交帶，會比到一個好印象間公司。

2. 搵個安靜嘅位置，一個正常的位同一張乾淨嘅枱面去interview

而家好多時都第一二次用online interview ，個background聽到有bb喊或小朋友好嘈，都係會比人有個唔好的印象。另外，點解要保持乾淨的枱面？係曾經有人in in下倒瀉杯奶，之後要抹，何其尷尬！仲有人坐係梳化度interview，會唔會chill左少少呢🤣

3. 過份誠實

其實interview梗係唔好講大話，但過份誠實都係好有問題。Interviewer 問點解想做呢份工，個interviewee (仲要係香港人🙄🙄🙄)答因為我須要Canadian working experience，我淨係須要一份工。一睇就知呢個人想行stream B😅

另外一條常比問的問題有邊3個factor對於你工作好重要，有人竟然答第一重要係錢。雖然真係重要，不過修飾下會好啲囉！

4. 保持良好的body gesture

有啲人會怪怪地，zoom in果時一路講嘢一路托下巴，好多小動作，又或者挨到好似老闆款咁坐，呢啲小動作，recruiter都會記錄在案。

當然搵工上，experience同份工match的機會重要好多，不過加埋好啲的interview技巧，應該會如虎添翼d!

各位加油💪🏻

#中佬宜加去讀書
#中佬宜加去番工
#中太宜加去番工

落左成個星期的雨，spring break都就快過左一半，趁個太陽終於醒左，要遠行一下🤣去左Steveston食海風同享受陽光，fisherman wharf 果邊好熱鬧，有海膽，斑點蝦同魚生買。Garry point park雖然未開花，...
03/21/2022

落左成個星期的雨，spring break都就快過左一半，趁個太陽終於醒左，要遠行一下🤣

去左Steveston食海風同享受陽光，fisherman wharf 果邊好熱鬧，有海膽，斑點蝦同魚生買。Garry point park雖然未開花，但都好多人picnic 同放風箏。

之後終於去到傳說中好好玩的Terra Nova公園，小朋友們真係樂而忘返，暫時榮登最好玩嘅公園榜首！

P.S. PR暫時未有update，交晒文件等待中。。。

#中佬宜加去讀書

~ 報喜文 ~話說我哋成家黎BC前都係無任何車牌的，黎到要考左knowledge test，再學一年(等一年)先可以去考路試。係呢度無牌都已經生存左一年有多，全靠有公交同痴下朋友嘅車。不過，長遠無車都係太唔方便，去買餸又唔買得多(or on...
02/17/2022

~ 報喜文 ~

話說我哋成家黎BC前都係無任何車牌的，黎到要考左knowledge test，再學一年(等一年)先可以去考路試。係呢度無牌都已經生存左一年有多，全靠有公交同痴下朋友嘅車。不過，長遠無車都係太唔方便，去買餸又唔買得多(or online shopping)，想去玩又唔係度度去到。所以，要的起心肝考番個牌！

今日中太成功一take pass✌🏻，分享番class 7的考試流程:

1. 於指定嘅時間去icbc check-in，帶SP/WP同driver license，本來話要secondary ID我帶左passport 佢無睇

2. 之後問你icbc acct個password同比錢 ($35 for class 7)

3. 搞掂就出番去自己架車等

4. 考官黎到就介紹下自己同話要test下部車，跟住佢嘅指示黎做 (e.g 打燈、踩brake、hand signal、開雨撥、試車頭燈 etc)

5. 佢上車就講一輪話今日會考咩，會講下turn right/left，無特別講就係直去。之後，問你有冇乜問題，無就可以開車

6. 過程中，做左3定4次pull over，1次parallel parking，1次倒後車同1次入鎖匙圈。考試範圍仲有掉頭，不過今日無考到

7. 番到考場，最後考stall parking。聽c fu話如果叫你back in就好大機會係合格啦，否則佢會叫你用頭入！

8. 最後，佢會同你講congratulations 定fail，仲會講下你嘅performance，有咩做得唔好同好。成功就入office 搞咩張driver license ，多謝$75! 由於中太個SOWP就快到期，所以只可以出張interim driver license (俗稱黃紙)，要等extend到WP或有PR card先可以出番張正式牌。

今日都有少少嘅運氣，個天陰陰地唔會曬住對眼。d行人同單車可能因為中午所以無出黎，去到大路又唔算多車，更加無咩crazy driver突然殺出。唯一係臨入考場前左轉，後車好心急想叫我快啲行比人beep左一下嚇一嚇(呢度啲車真係好鐘意beep人😅)，好彩應該個decision無錯，考官無特別comment 我呢個位。

以後路上多個女車手，大家睇路🤣

P.S.1. 我個c fu係幾好，不過大家唔使叫我介紹了，因為都係熱門果幾個的其中一個。c fu呢家野都係人夾人的，我覺得適合又唔代表人人適用。

P.S.2. 基本上熱門果d c fu都超full，一般都可能要等至少2星期先排到堂比你。有啲會直頭話太多學生，唔收你。所以大家有心學就早啲搵定c fu。

P.S.3. 中太跟過2個c fu，第一個唔係唔好，只係長期要求佢比堂我，都未必比到，成2,3個月可能先上到4堂😅。所以就飛起佢搵過另一個c fu，係Vancouver 搵c fu真係好不容易😪

#中佬宜加去讀書
#中佬宜加去番工
#考車

Address

Whistler, BC

Website

Alerts

Be the first to know and let us send you an email when 中佬宜加去讀書 posts news and promotions. Your email address will not be used for any other purpose, and you can unsubscribe at any time.

Shortcuts

Share