Pedagomar

Pedagomar Informations de contact, plan et itinéraire, formulaire de contact, heures d'ouverture, services, évaluations, photos, vidéos et annonces de Pedagomar, Formation, Montreal, QC.

خايفة يفقد طفلك هويته بالغربة❓️
أساعد الأمهات المغتربات في تربية طفل متمسّك بهويته وواثق بنفسه💫
إستشارات | ورش عمل| منتجات تربويّة 📚
احجزي موعدك الآن: حضوريًا أو أونلاين

09/05/2026

⚠️ إذا قلبكن مش قوي… يمكن هالمكان مش لإلكن! 😅

بالبداية كل شي هدوء وطبيعة ومناظر بتجنّن… 🌿
بس ما تنغرّوا! 👀

لأن اللي ناطر العيلة بعد شوي بيحوّل المشوار لمغامرة حقيقية… 💦
والأجمل؟ إنو وسط هالمغامرة، الطفل بيتعلّم 3 أمور مهمة جدًا من دون ما يحس إنو عم يتعلّم.

وفي درس رابع… خلّاني شوف كيف الطبيعة ممكن تعرّف الطفل على رب العالمين بطريقة مختلفة تمامًا 🤍

شو هني؟ شوفوا الريل للآخر.

📍 وبدكن تعرفوا وين هالمكان بكندا؟
اكتبوا «مغامرة» بالتعليقات وببعتلكن التفاصيل عالخاص 🌿

وتابعونا لنربّي بالطبيعة… نقوّي الجذور والانتماء، نقرّب العيلة، ونفتح باب التعرّف على الله من خلال خلقه 🤍

تحيّاتي لكم
مريم🌾

08/28/2026

إذا بدك تعرفي إذا ابنك محافظ على جذوره… اسأليه هالسؤال:
«إنت لبناني أو كندي؟»

كتير من الأهل المغتربين بيلحّوا على ولادهم إنهم لازم ينتموا كليًا للبلد الأصلي… بس أوقات مننسى حقيقة مهمة: ولادنا عم يبنوا طفولتهم وذكرياتهم بالبلد الجديد 🇨🇦
لما نحط الطفل أمام خيار:
«يا هويتك الأصلية… يا هويتك الجديدة»
ممكن نخلق عنده صراع هوية، وبدل ما نقرّبه من جذوره… نكون عم ندفعه بعيد عنها.

طيب شو منعمل؟

ما منطلب منه يختار بل منعلّمه يفهم!

بهالمشوار بالطبيعة، جذور شجرة فتحت بيني وبين طفلي حوار بسيط جدًا عن هالفكرة…
والطريقة بالفيديو 👆

لأن الشجرة اللي جذورها قوية، قادرة تكبر وتمتد وين ما كانت… من دون ما تنسى من وين بلّشت 🌳

أما لما نقطعها عن جذورها، منخاطر إنو يصير انتماؤها هشّ، بلا قاعدة ثابتة تستند عليها.
هدفنا مش نربّي طفل يختار بين «هون» و«هونيك»…
هدفنا طفل بيعرف جذوره، ومتصالح مع المكان اللي عم يكبر فيه.

جرّبوا اسألوا ولادكن هالسؤال اليوم… وخَلّوا الجواب بينكن وبينهم. 🤍
ويمكن جوابهم يفتح معكن حوار ما خطرلكن من قبل!

وإذا بتعرفوا أهل مغتربين ممكن يعنيهم هالموضوع، شاركوهم الريل. وخبروني بالتعليقات: برأيكن… الطفل لازم يختار انتماء واحد؟ ولا بيقدر يحمل الاتنين سوا؟ 🇱🇧🇨🇦

وتابعوا Pedagomar للمزيد من الأفكار التربوية اللي بتفيدنا كأهل عم نربّي ولادنا بالغربة.

تحيّاتي لكم
مريم🌾
#تربية #انتماء #�

08/27/2026

قبل ما خبركن هالمكان الرائع وين… خلّوني خبركن ليش حبيت شارككن إياه.

بالغربة، أولادنا بحاجة يعملوا ذكريات حلوة بالمكان اللي عايشين فيه… من دون ما ينسوا جذورهم.

ولهيك طلعات الطبيعة بالنسبة إلي مش بس ترفيه بل هي فرصة نبعد عن الشاشات، نتقرّب من ولادنا، نحكي معهم، ونعزز ثقتهم فينا وثقتنا فيهم.

📍 بدكن تعرفوا هالمكان المميّز وين؟
اكتبوا «وين» بالتعليقات ومنبعتلكن اسم المكان عالخاص.
ــــــــــــــــــ

🌿 أنا مريم
باحثة دكتوراه في التربية
واختصاصية في التربية من خلال الطبيعة.

بساعد العائلات المغتربة على تربية أطفال مرتبطين بهويتهم ومنتمين لقيمهم، وبشارككن أفكار وتجارب تربوية عملية من قلب الحياة اليومية.

🌱 تابعوا Pedagomar إذا بتحبوا تتعرّفوا على أماكن طبيعية مناسبة للعائلات بكندا، والأهم… كيف نحوّل هالطلعات لفرص تربوية حقيقية مع ولادنا.

لأن هدفنا بالغربة مش بس نربّي ولادنا بالمكان الجديد…
بدنا نساعدهم ينتموا للمكان اللي عايشين فيه، من دون ما يخسروا جذورهم وهويتهم، ونبني معهم علاقة قوية بتضلّ الجسر بين الاثنين.
تحيّاتي لكم
مريم🌾

#جذور #إنتماء #طبيعة #تربية

08/25/2026

🎒 إذا مفكرين إنكن اشتريتوا كل أغراض المدرسة… بتكونوا غلطانين إذا Carte Sourire مش من ضمنهم! 👀
وما تتعبوا حالكن تدوّروا عليها 😅
Carte Sourire
ما بتلاقوها إلا عندي بالعيادة وعند مكتبة وحدة بلافال… لأن ببساطة، أنا صاحبة فكرة ومصممة هالمنتج التربوي 😊

💌 بترافق طفلكن بالمدرسة وبتساعد على:
✨ تعزيز ثقته بنفسه
💛 تقوية العلاقة بينكن
🔎 فتح باب الحوار وكشف مشاكل مدرسية ممكن ما يحكي عنها بسهولة، مثل التنمّر.

⚠️ الكمية محدودة.

للحجز: ابعتولنا عالخاص أو حطّوا :) ابتسامة بالتعليقات ومنبعتلكن التفاصيل.

🚗 التوصيل متوفر ضمن مونتريال ولافال.

وبتمنى لأطفالكم موسم دراسي مكلّل بالنجاحات🙏

08/13/2026

ما تكون (ي) مثل المارشميلو 😉

08/06/2026

بالغربة، من كتر ما منركض لنأمّن أفضل مستقبل لأولادنا... أوقات مننسى نأمّنلهم أفضل مكان يحكوا فيه.

رياضة، لغات، نشاطات، واجبات...
بيصير نهار الطفل مليان، بس العلاقة معه فاضية من الوقت النوعي.

وأوقات، المشكلة مش إنو الطفل ما بدّه يحكي...
المشكلة إنو ما لقى اللحظة المناسبة ليحكي... ومع الوقت هيدي اللحظات بتختفي وبتختفي معها علاقة ثقة مفروض تنبنى بين الأهل والطفل بشكل تدريجي منذ الطفولة...

💛 خصّصوا موعد ثابت مع أولادكن... لأن الانتماء والثقة بيبدأوا من علاقة قوية بالبيت، قبل أي نجاح خارج البيت.

📩 ابعتوا هالفيديو لكل أم وأب مغتربين.

✨ وتابعوا الصفحة إذا بتهمكن تربية طفل واثق بنفسه، قريب من أهله، ومتمسّك بهويته بالغربة 🌿


#الانتماء أطفال_المهجر

08/06/2026

اليوم بـ Pedagomar عملنا مقابلة غير عادية مع طفل صاحب مشروع، اختار يعرّفنا عن فكرته وخدماته من خلال أفاتار صمّمه بالذكاء الاصطناعي! 👀✨

بهالأيام، بدل ما يضلّ ولادنا مستهلكين للتكنولوجيا والسوشيال ميديا، فينا نساعدهن يحوّلوا شغفهن إلى تعلّم، إبداع ومشروع حقيقي منتج... يعني business حقيقي!

من خلال Studio des Histoires، عم يطوّر قصص وBD مخصّصة، فيديوهات من القصص، وإعلانات للمشاريع والمنتجات.

هيك منحوّل مشكلة الاستخدام العشوائي للشاشات إلى استثمار بمهارات الطفل وثقته بنفسه!

تابعوا Studio des Histoires وادعموا المشروع بمتابعة أو مشاركة.

07/30/2026

برأيكم ليش بعدنا منشوف نسب مرتفعة من التنمّر، من أعمار صغيرة وصولًا لطلاب المرحلة الثانوية على الرغم من وجود إجراءات وخطة واضحة لمكافحة التنمّر، تقريبًا، بكل مدرسة بمقاطعة كيبيك ؟
شاركونا آراءكم 💬

07/28/2026

ليش ممكن مراهق يتعرّض لهالنوع من التنمّر… ويختار ما يخبر أهله؟

بعد ما سمعتوا القصة بالجزء الأول، في نقطة أخطر لازم نحكي عنها:
هيدا النوع من المواقف غالبًا بيضلّ مخبّى، لأن المراهق بيكون عنده أكتر من سبب يمنعه يحكي.

والمشكلة إنّ الأهل ممكن ما يعرفوا شي… إلا بعد ما يكبر الأثر.

بس في طريقة بتساعد الأهل يتجاوزوا هالحاجز، وتخلّي المراهق يحس إنّه قادر يحكي من دون خوف أو إحراج.

شو هي الأسباب؟ وكيف منقرّب من المراهق بطريقة تخليه يفتح قلبه؟
تابعوا الفيديو للآخر وشاركوني أسئلتكم وآراءكم بالتعليقات.

07/27/2026

عمره ١٣ سنة... ولأنّه ما تجاوب معها… قررت تتهمه قدّام رفقاته إنّه " مِثلي " وتنشر صورته على مجموعات السناب شات بالمدرسة مع عنوان : GAY!

موقف واحد بالمدرسة ممكن يتحوّل لتنمّر، ضغط اجتماعي، ومحاولة لإجبار المراهق يثبت شي عن نفسه بس كرمال ما يكون موضع سخرية.

وهون الخطورة عند بعض المراهقين بالاغتراب…

لأن المراهق أصلًا عم يحاول يلاقي مكانه بين ثقافة البيت، ثقافة المجتمع، ضغط الرفاق، والحاجة إنه يكون مقبول.

فكيف بيقدر يحافظ على هويته وقيمه وحدوده، لما الاختلاف ممكن يعرّضه للسخرية أو الاتهام؟

ضياع الهوية ما بيصير بيوم وليلة…
أحيانًا بيبدأ من مواقف صغيرة، لما المراهق يحس إنه لازم يغيّر تصرفاته أو يتنازل عن حدوده حتى يثبت للآخرين إنه «متلهم».

وهون دورنا كأهل مش بس نحمي أولادنا من التنمّر…
بل نبني عندهم هوية واضحة وثقة تخليهم يعرفوا:
مين أنا؟ شو قيمي؟ ووين حدودي؟

🎥 هيدا الجزء الأول من إحدى قصص التنمّر لي حدثت بإحدى المدارس هون بكندا واشتغلنا على حلها بعيادتنا التربوية Pedagomar.

اكتبوا «متابعة» بالتعليقات، والجزء الثاني بالقصة رح يكون بالريل القادم.

#

Adresse

Montreal, QC

Heures d'ouverture

Lundi 9:30am - 2:30pm
Mardi 9:30am - 2:30pm
Mercredi 9:30am - 2:30pm
Jeudi 9:30am - 2:30pm

Téléphone

+15146613377

Site Web

Notifications

Soyez le premier à savoir et laissez-nous vous envoyer un courriel lorsque Pedagomar publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.

Contacter L'école

Envoyer un message à Pedagomar:

Raccourcis

Partager

Type