རྒྱལ་བ་པདྨ་གླིང་པའི་ཆོས་སྡེ།-Padling Religious Community
19/12/2025
རང་ལུགས་གནམ་ལོ་ཤིང་མོ་སྦྲུལ་ལོ་རང་ཟླ་༡༠པའི་ཚེས་༢༧་ནས་༢༩་ཚུན་ཉིན་གྲངས་གསུམ་གྱི་རིང་སངས་རྒྱས་ཆོས་གླིང་དགོན་པ་ལུ་ བཤད་གྲྭའི་མཁན་སློབ་ཀྱིས་གཙོས་པའི་དགེ་སློང་དང་སྒོམ་ཆེན་བཅས་ཞལ་གྲངས་༦༠་ལྷག་ཙམ་གྱིས་པད་གླིང་གཏེར་བྱོན་བཀའ་བརྒྱད་ཡང་གསང་ཐུགས་ཀྱི་མེ་ལོང་གི་དཀྱིལ་འཁོར་ཞལ་ཕྱེས་ཏེ་གཏོར་བཟློག་གནང་ཡོད།
18/12/2025
རྒྱལ་ཡོངས་དུས་ཆེན་ཐེངས་༡༡༨་པ་དེ་སངས་རྒྱས་ཆོས་གླིང་དགོན་པ་ལུ་སྦེ་བཤད་གྲྭའི་མཁན་སློབ་ཀྱིས་གཙོས་པའི་དགེ་སློང་དང་ རྒེད་འོག་གི་ཁྲི་འཛིན་གོང་འོག་ ཉེ་འདབས་ཀྱི་སློབ་གྲྭའི་སློབ་དཔོན་དང་ དད་ཅན་གྱི་མི་སེར་རྣམས་ཀྱིས་བརྩི་སྲུང་ཞུས་ཡོདཔ་ཨིན།
03/12/2025
24/10/2025
རང་ཟླ་༩་པའི་ཚེས་༣་ལ་ སྤྱི་ལོ་༢༠༢༥་ལོའི་ལོ་འཁོར་རྒྱུགས་སྤྲོད་ཆེན་མོ་འགོ་བཙུགས་ཡོད་པའི་བརྙན་པར།
11/08/2025
སྔ་ཚང་རྒེད་འོག་ ཡ་དྷི་ཉ་སྨད་ནས་ལྷག་བསམ་རྣམ་པར་དཀར་བའི་དད་ལྡན་སྦྱིན་བདག་ཨོ་རྒྱན་དབང་ཕྱུག་བཟའ་ཚང་ནས་ ཤེལ་རི་མུ་ཧཱུྃ་སངས་རྒྱས་ཆོས་གླིང་དགོན་པའི་དགེ་འདུན་པ་རྣམས་ལ་ རིན་གོང་༣༠༠༠༠/སུམ་ཁྲི་ཐམ་པ་གནས་པའི་འཁྱེག་སྒྲོམ་(Fridge) ཞལ་འདེབས་སྦེ་གནང་མི་ལུ་ ང་བཅས་དགོན་པའི་མཁན་སློབ་འདུས་དམངས་ཡོངས་ཀྱིས་བཀའ་དྲིན་ཆེ་ཟེར་ཞུ་ནི་དང་ཅིག་ཁར་ རྒྱུ་འབྱོར་བསྟན་པའི་སྦྱིན་བདག་ཡོངས་ཀྱི་ཐུགས་དོན་རྣམས་ཡིད་བཞིན་དུ་འགྲུབ་པའི་སྨོན་འདེབས་ཕུལཝ་ཨིན་ལགས།
21/06/2025
༈ རང་ལུགས་གནམ་ལོ་ཤིང་མོ་སྦྲུལ་ལོའམ་སྤྱི་ལོ་༢༠༢༥ ཟླ་༦ པའི་ཚེས་༢༠ ལུ་ཚེ་འདི་ཕྱི་གཉིས་ཀྱི་སྐྱབས་གནས་དྲིན་ཅན་རྩ་བའི་བླ་མ་མཁན་སྤྲུལ་རིན་པོ་ཆེ་མཆོག་དགུང་གྲངས་༥༡ བཞེས་པའི་སྐུའི་འཁྲུངས་སྐར་གྱི་ཉིན་མོར་ ཡ་དྷི་གསང་སྔགས་ཆོས་གླིང་དགོན་པ་ལུ་མཁན་སློབ་དང་རྫོགས་ཆེན་ཉམས་ལེན་པ་རྣམས་ཀྱིས་འགོ་འདྲེན་ཐོག་ རིན་པོ་ཆེ་མཆོག་སྐུ་ཚེ་ཞབས་པད་བརྟན་མཛད་ཕྲིན་སྔར་བ་ལྷག་སྦེ་དར་ཞིང་རྒྱས་ནིའི་དོན་ལུ་ ཚེ་ཁྲིད་རྡོ་རྗེ་ཕྲེང་བའི་ཆོ་ག་དང་ཐུགས་སྤྲོའི་ལས་རིམ་སྣ་ཚོགས་ནང་གྲལ་གཏོགས་མཛད་གནང་མི་དགོན་སྡེ་ཁག་གི་མཁན་སློབ་དང་རྫོགས་ཉམས་ལེན་པ་ཉེ་འདབ་ཀྱི་རྒེད་འོག་ཁྲི་འཛིན་གྱིས་གཙོས་དད་མོས་ཅན་གྱི་མི་སེར་ཡོངས་ཀྱིས་བརྩི་སྲུང་ཞུས་ཡོད་པའི་བརྙན་པར་འགའ།
09/06/2025
རང་ལུགས་གནམ་ལོ་ཤིང་མོ་སྦྲུལ་ལོ་རང་ཟླ་བཞི་པ་ས་ག་ཟླ་བའམ་འབུམ་འགྱུར་གྱི་ཟླ་བ་ཡར་ཚེས་༡༣་ནས་༡༥་ཚུན་ཉིན་གྲངས་གསུམ་གྱི་རིང། སྤྱིར་འཛམ་གླིང་ཞི་བདེ་དང་། ལྷག་པར་རང་རེ་ཆོས་ལྡན་གྱི་རྒྱལ་ཁབ་ནང་སྔར་ལས་ལྷག་པའི་བདེ་སྐྱིད་ཀྱི་ངང་ལུ་གནས་ནི་དང་། ཁྱད་པར་དུ་ཡུལ་ཕྱོགས་འདི་རུ་ནད་མུག་འཁྲུག་རྩོད་སོགས་ཞི་ཐབས་ལུ་དམིགས་ཏེ། ཤེལ་རི་མུ་ཧཱུྃ་སངས་རྒྱས་ཆོས་གླིང་དགོན་པ་ལུ་མཁན་སློབ་ཀྱིས་གཙོས་པའི་དགེ་སློང་དང་སྒོམ་ཆེན་བཅས་ཞལ་གྲངས་༤༠ ལྷག་ཙམ་གྱིས་རྒྱལ་བའི་གསུང་རབ་བཀའ་འགྱུར་ལྗགས་ཀློག་གནང་ནི་འགོ་བཙུགས་ཡོདཔ་ཨིན།
21/02/2025
༈ ད་རིས་རང་ལུགས་གནམ་ལོ་ཤིང་མོ་སྦྲུལ་ལོ། རང་ཟླ་༡༢་པའི་ཚེས་༢༣་ལུ་འབྲུག་གི་སྤྱི་ནོར་དམ་པ་ དཔལ་མི་དབང་མངའ་བདག་རིན་པོ་ཆེ་འཇིགས་མེད་གེ་སར་རྣམ་རྒྱལ་དབང་ཕྱུག་མཆོག་དགུང་གྲངས་༤༥་བཞེས་པའི་སྐུའི་འཁྲུངས་སྐར་གྱི་ཉིནམ་ལུ་སངས་རྒྱས་ཆོས་གླིང་བཤད་གྲྭའི་མཁན་སློབ་དགེ་འདུན་འདུས་དམངས་ནས་མི་དབང་མཆོག་སྐུ་ཚེ་བརྟན་ཅིང་མཛད་འཕྲིན་ཉི་ཟླ་ལྟར་མཉམ། ཐུགས་ཀྱི་བཞེད་དགོངས་ཚུ་འབད་མེད་ལྷུན་གྱིས་གྲུབ་བཅུག་ཟེར་བའི་སྨོན་འདེབས་ཕུལཝ་ཨིན།
27/12/2024
ཡ་དྷི་དཔལ་ཤུབས་ཕུག་ལས་དད་ལྡན་སྦྱིན་བདག་རིག་འཛིན་རྡོ་རྗེ་བཟའ་ཚང་ཡོངས་ཀྱིས་སངས་རྒྱས་ཆོས་གླིང་བཤད་གྲྭའི་མཁན་སློབ་དགེ་འདུན་པ་ཡོངས་ལུ་ཀོཊ་(coat)རེ་རེ་དང་་སྦྱིན་བདག་རྒྱ་མཚོ་ ཤེས་རབ་དབང་འདུས་ བཟང་པོ་ལ་གསུམ་གྱིས་དགོན་པ་ལུ་བུམ་པ་ཆ་གཅིག་རྒྱབ་སྐྱོར་མཛད་གནང་མི་ལུ་བཀྲིན་ཆེ་ཟེར་ཞུ་ནི་དང་འབྲེལ་སྦྱིན་བདག་གི་བསམ་པའི་དོན་རྣམས་ཡིད་བཞིན་དུ་འགྲུབ་པའི་སྨོན་འདེབས་ཕུལཝ་ཨིན།
23/07/2024