Paroisse St Augustin de Bikinga

16/07/2026

✝️ ICOTEZO MU NKUKA YA MISA: GIFISE AKAHE KAMARO? 🔥

Woba waribajije igituma mu Misa zimwe na zimwe hakoreshwa akoresha icotezo kirimwo umubavu(Encens)?
Icotezo (Encensoir/Thurible) ni kimwe mu bikoresho vya Liturujiya vya kera cane Ekleziya ikoresha mu gusenga. Si ikintu co gushariza gusa, ahubwo gifise insiguro yimbitse mu kwemera kwacu.

🔥 Umubavu(Encens) usigura iki?

✝️ 1. Guhimbaza no kuninahaza Imana
Umwotsi w'umubavu(Encens) uduga werekana icubahiro n'ikuzo bikwiye guhabwa Imana, Umuremyi wa vyose.

📖 2.Ugereranya n’ibisabisho vyacu biduga bija ku Mana.

Bibiliya iravuga iti:
"Isengesho ryanje ribe nk'umubavu uduga imbere yawe." (Zaburi 141,2)
Nk'uko umwotsi w'umubavu uduga ugana mw'ijuru, ni ko n'amasengesho y'abemera ashika imbere y'Imana.

✨ 3. Ni ikimenyetso c'ukwezwa n'ukwezwa ku bw'Imana

Ni co gituma umubavu ukoreshwa kweza no guha icubahiro:
✝️ Igitabo c'Inkuru Nziza,
✝️ Igicaniro,
✝️ Amaturo y'umukate na divayi,
✝️ Umusaserdoti,
✝️ N'abemera bakoraniye mu Misa, kuko na bo ari ingoro y'Imana.

⛪ Ni ryari icotezo gikoreshwa?

Mu birori bikuru vya Liturujiya canke mu Misa zidasanzwe, umubavu ukoreshwa:
🌪️1.Mu gutangura Misa, kweza igicaniro n'umusaraba.
🌪️ 2.Imbere yo gusoma Inkuru Nziza.
🌪️ 3.Mu gutura amaturo.
🌪️ 4.Mu kwereka icubahiro Ukaristiya Nyeranda.
🌪️ 5.Mu migirwa yo guhamba no mu yindi migirwa ihambaye ya Liturujiya.

📖 None Ekleziya itwigisha iki?

Umwotsi w'umubavu utwibutsa ko ubuzima bwacu, amasengesho yacu n'ibikorwa vyacu vyose bikwiye kwama biduga ku Mana nk'ikimazi ciza, kandi ko Imana ari Yo ikwiye icubahiro cose.

🙏 Inyigisho kuri twebwe:

Nk'uko umubavu uduga ugana mw'Ijuru, ni ko umutima w'umukristu ukwiye kwama urangamira Imana mu gusenga, mu rukundo no mu bikorwa vyiza.
"Ntimuhengeshanye Gusaba." (1 Abatesalonika 5,17) ✨

10/07/2026

Kuri uyu wa 10 Mukakaro muri paruwase yacu, igihe c'isaha zitandatu haherejewe inkuka y'imisa yo gusezera patiri Janvier Nzoyihaya patiri mukuru wacu kuva 2023-2026 .
Iyo nkuka ya misa yari irongowe na Patiri Janvier Nzoyihaya patiri mukuru arikumwe na Patiri Jules Maurice Muhigirwa.

Mu nsiguro y'ijambo ry'Imana yasavye abakristu gusenga cane kurusha, gusenyera ku mugozi umwe hamwe no gukunda ukaristiya.

Twobamenyesha ko inyuma y'inkuka y'imisa hakurikiye agatutu aho abakristu batari bake bo mu maparuwase matomato atatse paruwase yacu bamugaragarije akanyamuneza n'urukundo bafitiye uwo muvyeyi wacu.

Umukuru w'inama nkuru ya paruwase yaserukiye umuryango w'abakristu ba paruwase Bikinga mukumushimira ku give tumaranye na cane cane ko ataco twamuburanye.

Twobamenyesha ko agiye mu gihugu c'ubutaliyano aho agiye mu ivyigwa.

Mukunzi wa paruwase yacu, Niki uzokwibukira kuri uyu muvyeyi wacu ?

Radio Maria

04/07/2026

Kuri uyu wa Kane Mukakaro abasaserdoti basangira ngovyi barimwo Patiri Jules Maurice MUHIGIRWA, Patiri Fulgence NSENGIYUMVA,Patiri Christian MANIRABARUTA, n'abandi basaserdoti bamaze imyaka 6 batiwe bahuriye muri paruwase yacu , barahereza inkuka ya misa yo gukengurukira Imana kuri iyo ngabire y'ubusaserdoti busuku,

Turabakeje !

30/06/2026

Kuri uyu wa 27 Ruheshi muri Paruwase yacu yitiriwe umweranda Augustino Niho abafurera bashika batanu bari mu muryango w'abasaserdoti b'inyigisho Rukristu ( Doctrinaires) bagira indagano za burundu, hari mu nkuka y'imisa yatanguye isaha zitanu 11h00 irongowe n'umwungere wa diyoseze nkuru ya Gitega Mgr Bonaventure NAHIMANA,
Ivyo birori kandi vyari vyatewe iteka n'uwutwara uwo muryango kw'isi Patiri Sergio la Gegna.

Twobamenyesha KO abo bagize indagano za burundu bazokwatirwa mw'ibanga ry'ubudiyakoni muri paruwase Mukobe kuwa 25 Mukakaro 2027

Source: Radio Maria Burundi

30/04/2026

Kuwa 29 Ndamukiza , mu gisata ca Rugari no mu mubano wa Gikombe uri mugisata ca Gitamo Aho akaba ari muri Paruwase ntoya ya Ceru Gitamo, baramutse bahimbaza abavunyi:
-Gatarina w'I siyenne Mweranda umuvunyi w'igisata ca Na
-Ludoviko Mariya w' Monforo Mweranda umuvunyi w'umubano wa Gikombe.

Bikaba vyabereye mu ngoro y'Imana yitiriwe Umushaha Mweranda wa Yezu mu nkuka y'imisa yatanguye 14h30 irongowe Na , Patiri mukuru wa Paruwase Bikinga : mu nsiguro y'ijambo ry'Imana yarasavye abakristu b'igisata ca Rugari guharanira ubumwe ,kunywanisha aba n'abandi no gukunda Ekleziya mu kuyisabira nk'uko biri muvyaranze Gatarina Mweranda w'i Siyenne.
Yaringeye asaba abakristu b'umubano wa Gikombe KO borangwa no gukunda gusenga no gukora utwigoro nk'uko Ludoviko Mariya w'imonforo Mweranda yabikoze akiri kw'isi.

Inyuma y'inkuka ya misa habandanirijwe Ku kwiginana mu gatutu kabereye mu nyubakwa y'imanza Aho muri Ceru-Gitamo.

Radio Maria Burundi

Following Love

26/07/2025

Kuwa 26 Mukakaro yarabaye indagano z'imihari y'ingendanyi n'abagenzi ba ludoviko Mariya w'i Monforo, hari mu nkuka yatanguye isaha zine Irongowe na Patiri Fulgence NSENGIYUMVA, aho mu nsiguro y'ijambo ry'Imana yasavye abar'aho kuba abakristu b'akamaro aho babaye barangwa n'urukundo Namahoro.
Twobamenyesha kandi ko imihari yose yari ihamagariwe kwicara hamwe kugira irimbure aho ubutumwa butereye, tukaba twavyiganiwe na Éric NKURUNZIZA arongoye komite mpuzamihari muri Paruwase BIKINGA

Radio Maria Burundi

13/07/2025

Kuwa 12 Mukakaro Paruwase BIKINGA yari iramukanye urubanza rw'ikomfirimasiyo aho imisore n'inkumi barenga 700 bakomezwa.

Inkuka ya misa yari irongowe n'intumwa y'umwungere , Nyakubahwa Patiri Sixte NSHIMIRIMANA, Patiri Janvier NZOYIHAYA Patiri mukuru hamwe na Patiri Jules Maurice MUHIGIRWA umwibutsamana w'imihari n'imigwi.

Mu nsiguro y'ijambo ry'Imana intumwa y'umwungere yasavye abagabanye amateka ko boba abashingantahe b'ukuri n'ingingo kandi ko aribo ekleziya y'ejo bokwitanga mu bukristu bwabo kugira Kristu amenyekane

Radio Maria Burundi

19/05/2025

18/05/2025

Kuri uyu wa 18 Rusama ingendanyi zo muri Paruwase Mumuri zagendeye ingendanyi zo muri Paruwase BIKINGA

16/05/2025

Habemus Papam

Pape Léo XIV

Tout Le Monde