Sədərək kənd 2 nömrəli tam orta məktəbi

12/03/2026

ℹ️ “Ən Yaxşı Təqdimat” müsabiqəsinin rayon- şəhər mərhələsi yekunlaşıb

📢 Naxçıvan Muxtar Respublikasının ümumtəhsil məktəblərinin şagirdləri arasında ölkə üzrə təşkil olunan “Ən Yaxşı Təqdimat” müsabiqəsinin rayon- şəhər mərhələsinə yekun vurulub.

✅ Sədərək kənd 2 nömrəli tam orta məktəbin X sinif şagirdi Zamanova Gülay İldırım qızı rayon- şəhər mərhələsinin qalibi olmuşdur.Uğur qazanmış şagirdimizə müsabiqənin ölkə mərhələsində uğurlar arzulayırıq!

🔗 Qeyd edək ki, müsabiqənin növbəti turunun cari ilin aprel ayında keçirilməsi planlaşdırılır.

07/03/2026

8 Mart - Beynəlxalq Qadınlar Günü

Tarixin bütün dövrlərində Azərbaycan qadını Vətənimizin müdafiəsində yaxından iştirak etmiş, siyasi və dövlət quruculuğu sahəsində əsl vətənpərvərlik nümunələri göstərmişdir. Azərbaycan xalq ədəbiyyatının ən qədim yazılı abidəsi olan “Kitabi-Dədə Qorqud” dastanında Azərbaycan qadınlarının savaş meydanında göstərdiyi şücaət, eyni zamanda Möminə Xatun, Sara Xatun, Nüşabə, Tomris, Nigar, Həcər, Tutu Bikə kimi qəhrəmanlıq nümunəsi olan lider qadınlarımız bunun bariz nümunəsidir.Şərqdə ilk dəfə Azərbaycanda qadınlara seçib-seçilmək hüququ verilib.
Azərbaycan qadınları Şərqin ilk demokratik respublikası olan Azərbaycan Xalq Cümhuriyyəti dövründə seçib-seçilmək hüququ qazanaraq ölkəmizin ictimai-siyasi həyatında yaxından iştirak etməyə başlamışlar.Sürətlə maariflənən qadınlarımız yüz illərdən bəri formalaşmış milli dəyərlərə sadiq qalmaqla ana dilimizin, mədəniyyətimizin və mənəviyyatımızın ən etibarlı dayağı olmuşlar.Keçmişimizin unudulmaz səhifələrindəki möhkəm iradəyə malik görkəmli qadın şəxsiyyətlərimizin yüksək ləyaqətinin, ağbirçək analarımızın müdrikliyinin daşıyıcıları kimi müasir Azərbaycan xanımları öz dərin zəkaları və tükənməz daxili potensialları ilə bu gün də xalqa və cəmiyyətə fədakarcasına xidmət edirlər.

03/03/2026

ℹ️ IV və VI sinif şagirdləri üçün 🖥 onlayn rəqəmsal qiymətləndirmə monitorinqi keçiriləcək

📢 Naxçıvan Muxtar Respublikası Təhsil Nazirliyi tərəfindən 10-19 mart tarixləri arasında IV və VI sinif şagirdləri üçün onlayn rəqəmsal qiymətləndirmə monitorinqi keçiriləcək.

✅ ️Rəqəmsal qiymətləndirmə monitorinqi nmr.edu.az saytında 10 mart saat 16:00-da aktivləşdiriləcək. Şagirdlər qeyd olunan vaxtdan başlayaraq yaratdıqları şəxsi kabinetlərinə daxil olaraq qiymətləndirmə prosesində iştirak edə bilərlər.

🔷️ Rəqəmsal qiymətləndirmə monitorinqi müvafiq saytda 19 mart 2026-cı il saat 16:00-dək (8 gün) aktiv olacaq.

🔗 Qeyd edək ki, monitorinq “Naxçıvan Muxtar Respublikasının sosial-iqtisadi inkişafına dair 2023–2027-ci illər üçün Dövlət Proqramı”na uyğun olaraq şagird nailiyyətlərinin mərkəzləşmiş qaydada monitorinqinin həyata keçirilməsi üçün Naxçıvan Muxtar Respublikası Təhsil Nazirliyi tərəfindən yaradılan Monitorinq Mərkəzinin imkanlarından istifadə olunaraq təşkil olunacaq.

✔️ Monitorinqin təşkilində məqəsəd şagirdlərin mövcud bilik və bacarıq səviyyəsinin müəyyənləşdirilməsi, həmçinin hazırlıq səviyyəsini yüksəlmək, məqsədi daşıyır.
Valideyn və müəllimlərdən şagirdlərin prosesdə fəal iştirakına dəstək göstərmələri xahiş olunur.

❗️Qeyd: Monitorinqdə iştirak yalnız saytda açılmış şəxsi kabinetlə mümkündür. Bundan əvvəlki monitorinqlərdə iştirak etmiş şagirdlərimiz şəxsi kabinetlərinin şifrələrini unutuqları halda təhsil aldıqları məktəbin rəhbərliyinə müraciət etməlidirlər.

✨️ Şagirdlərimizə uğurlar arzulayırıq!

03/03/2026

ℹ️ Bu gün Novruzun ikinci çərşənbəsi – Od çərşənbəsidir.

26/02/2026

Xocalı soyqırımı qurbanlarının əziz xatirəsini dərin hüzn və ehtiramla yad edirik.

26/02/2026

ℹ️ Xocalı soyqırımından 34 il ötür...

Faciə qurbanlarını dərin hüzn və ehtiramla yad edirik. 🥀🥀🥀

25/02/2026

22/02/2026

ℹ️ 21 Fevral Beynəlxalq Ana Dili Günüdür.