11/08/2026
Şirvan-Salyan Regional Təhsil İdarəsinin tabeliyində fəaliyyət göstərən təhsil müəssisələrində vakant olan inzibati-təsərrüfat və tədris-köməkçi (təsərrüfat işləri üzrə direktor müavini, təsərrüfat müdiri, uşaq birliyi təşkilatı rəhbəri, kitabxanaçı, kitabxana müdiri, gənclərin çağırışaqədərki hazırlığı rəhbəri, psixoloq, katibə-kargüzar, laborant, internat tipli ümumi təhsil müəssisələrində tərbiyəçi və digər) vəzifələr üzrə işə qəbul müsabiqəsinə start verilir.
Müsabiqə iki mərhələdən – sənəd qəbulu və test imtahanından – ibarət olmaqla həyata keçiriləcəkdir.
Müsabiqədə iştirak etmək istəyən namizədlər elan olunmuş vakant vəzifələrdən yalnız biri üzrə müvafiq linkə daxil olaraq qeydiyyatdan keçə bilərlər. İxtisas tələbi müəyyən edilmiş vəzifələr üzrə yalnız həmin tələblərə cavab verən namizədlər qeydiyyatdan keçməlidirlər.
Qeydiyyat linkləri:
1. KİTABXANA MÜDİRİ - https://forms.gle/EGCrkHmBKWZ2N2vg8
2. TƏSƏRRÜFAT MÜDİRİ - https://forms.gle/2evmZeqVGfAHWuHq7
3. TƏSƏRRÜFAT İŞLƏRİ ÜZRƏ DİREKTOR MÜAVİNİ - https://forms.gle/e7SMitXZjXWLupYy5
4. LABORANT - https://forms.gle/ZNYiE4tf6qadrzem7
5. PSİXOLOQ - https://forms.gle/DMBVKdn29Wsdw5oi9
6. GƏNCLƏRİN ÇAĞRIŞAQƏDƏRKİ HAZIRLIĞI RƏHBƏR - https://forms.gle/4mZNhEio71MtwK718
7. UŞAQ BİRLİYİ TƏŞKİLATI RƏHBƏRİ - https://forms.gle/ujKTcpyLsxYdQ57D9
8. KİTABXANAÇI - https://forms.gle/ZPwSyLRWo85jGhxY7
9. KATİBƏ-KARGÜZAR - https://forms.gle/jpzdgi7x96F6dTbY7
10. İNTERNAT TİPLİ ÜMUMİ TƏHSİL MÜƏSSİSƏLƏRİNDƏ TƏRBİYƏÇİ - https://forms.gle/vDdZjjyVq5rC7RUa9
Vəzifələr üzrə ixtisas tələbləri ilə tanış olmaq üçün müvafiq linkə keçid edə bilərsiniz:
https://docs.google.com/presentation/d/1SDdb-cihLDfRsiPi0dIOasXrXsUbyHml/edit?slide=id.p4 =id.p4
Vakant vəzifələrə keçid etmək üçün aşağıdakı linkdən istifadə edə bilərsiniz.:
https://docs.google.com/spreadsheets/d/1TF-gpzZfrisuw1HPGS2dJ76XUTIpFgrs/edit?gid=1263001859 =1263001859
Namizədlər qeydiyyatdan keçdikdən sonra daxil etdikləri məlumatları təsdiq edən sənədləri (şəxsiyyəti təsdiq edən sənədin surəti, təhsil haqqında sənədin surəti, şəhid ailəsi üzvü olduqda müvafiq vəsiqənin surəti, əmək fəaliyyəti olduqda əmək kitabçasının surəti və s.) rayon təhsil sektorlarında yaradılmış müvafiq komissiyaya 14 avqust 2026-cı il, saat 18:00-dək təqdim etməlidirlər. Təqdim edilmiş məlumatların yanlış və ya saxtalaşdırılmış olduğu hər hansı mərhələdə aşkar edilərsə, namizədin nəticəsi ləğv edilir.
Qeydiyyat və sənədlərin qəbulu 08–14 avqust 2026-cı il, saat 18:00-dək aparılacaq.
İmtahanın keçirilmə tarixi və yeri barədə məlumat namizədlərin qeydiyyat zamanı qeyd etdikləri mobil nömrələrə SMS vasitəsilə göndəriləcək, həmçinin İdarənin rəsmi “Facebook” səhifəsində məlumat veriləcəkdir.
Test mərhələsində namizədlərə ümumilikdə 60 sual təqdim olunacaq. Suallar aşağıdakı qaydada bölüşdürülür:
vəzifə bilikləri üzrə – 40 sual;
qanunvericilik üzrə – 10 sual;
informasiya-kommunikasiya texnologiyaları üzrə – 10 sual.
Test imtahanında hər bir düzgün cavab 1 (bir) balla qiymətləndirilir. Səhv cavablar düzgün cavabların nəticəsinə təsir göstərmir. Test imtahanında 30 və daha yüksək bal toplayan namizədlər imtahandan uğurla keçmiş hesab edilirlər.
Test imtahanının nəticələri imtahanın keçirildiyi tarixdən etibarən 10 (on) iş günündən gec olmayaraq elan ediləcək. Müsabiqənin nəticələrindən narazı qalan namizədlər nəticələr elan edildikdən sonra 3 (üç) iş günü müddətində apellyasiyaya müraciət edə bilərlər.
İmtahandan uğurla keçmiş namizədlər topladıqları ballara əsasən mövcud vakant vəzifələrə yerləşdirilirlər. Daha yüksək nəticə göstərmiş namizədlər vakant vəzifələri ilk növbədə seçmək hüququna malikdirlər. Vakant vəzifələrin seçimi namizədlərin nəticələrinə uyğun olaraq balların azalan sırası ilə həyata keçirilir.
Bir vakant vəzifəyə iki və ya daha çox namizədin eyni bal topladığı halda aşağıdakı ardıcıllıqla üstünlük verilir:
müharibə iştirakçılarına və onların ailə üzvlərinə;
təhsil səviyyəsi daha yüksək olan şəxslərə;
iş stajı daha çox olan şəxslərə;
müəssisəyə daha yaxın ərazidə yaşayan şəxslərə.
Gənclərin çağırışaqədərki hazırlığı rəhbəri vəzifəsi üzrə namizədlərə VTİSK-də nəzərdə tutulan ixtisas tələbləri və dərəcələr üzrə müəyyən edilmiş ardıcıllıqla üstünlük verilir.
Müsabiqədən uğurla keçmiş, lakin vakant vəzifəyə yerləşdirilməmiş namizədlər cari tədris ilinin sonunadək ehtiyat kadr kimi saxlanılırlar.
Vakant vəzifəyə yerləşdirilməsi nəzərdə tutulan namizəd ona təklif edilən vəzifədən imtina etdiyi təqdirdə, müvafiq təlimata uyğun olaraq ehtiyat kadrlar siyahısından çıxarılır.
