Dəniz Nəqliyyatı,Gəmiqayırma və Liman işləri üzrə BDPTM

19/08/2026

19/08/2026

18/08/2026

📢 Peşə təhsili müəssisələrinə tələbə qəbulunun II mərhələsi 27 avqustda başlayacaq!

🎓 Qəbulun II mərhələsinə 27 avqust tarixindən etibarən start veriləcək və müraciətlər 3 sentyabr tarixinədək davam edəcək.

💻 Müraciətlər portal.edu.az üzərindən elektron qaydada həyata keçiriləcək.

📌 Peşə təhsili almaq istəyən namizədləri müraciət tarixlərini diqqətdə saxlamağa dəvət edirik.

17/08/2026

📌 Tovuz Dövlət Peşə Təhsil Mərkəzində yeni təyinat

İlham Xasməmmədli Tovuz Dövlət Peşə Təhsil Mərkəzində direktor vəzifəsinə təyin edilib.

İlham Xasməmmədli 2009-cu ildə Azərbaycan Dövlət Aqrar Universitetinin Mühəndislik fakültəsinin “Elektroenergetika mühəndisliyi” ixtisası üzrə bakalavr, 2014-cü ildə isə həmin ali təhsil müəssisəsinin “Elektrik təchizatı” ixtisası üzrə magistr təhsilini başa vurub.

Əmək fəaliyyətinə təhsil sahəsində başlayan İlham Xasməmmədli 2016–2024-cü illərdə Azərbaycan Dövlət Aqrar Universitetinin Mühəndislik fakültəsinin Energetika kafedrasında müəllim kimi çalışıb. O, eyni zamanda 2021-ci ildə “Azərişıq” ASC-nin “Qərb” Regional Enerji Təchizatı və Satışı İdarəsinin Qazax Elektrik Şəbəkəsində aparıcı mühəndis, 2025-ci ildə isə Qazax Dövlət Sosial-İqtisadi Kollecində müəllim vəzifələrində fəaliyyət göstərib.

14 avqust 2026-cı il tarixindən Tovuz Dövlət Peşə Təhsil Mərkəzinin direktoru təyin olunub.

Yeni vəzifəsində İlham Xasməmmədliyə uğurlar arzulayırıq.

15/08/2026

Uğurlu məzun!
Peşə təhsilini uğurla başa vuraraq əmək bazarında öz yerini tutan məzunumuzu təbrik edir, ona parlaq gələcək arzulayırıq! 💫

14/08/2026

📢 Peşə təhsili müəssisələrinə tələbə qəbulunun I mərhələsinin cavabları açıqlandı!

📌23 iyul tarixindən etibarən www.portal.edu.az platforması vasitəsilə 39 735 nəfərdən 150 354 müraciət daxil olub. Ümumilikdə 24 161 nəfər müsabiqədən keçib.

❗Müsabiqədən uğurla keçən namizədlər 25 avqust 18:00 tarixinədək qeyd olunan sənədləri qəbul olunduqları peşə təhsili müəssisəsinə təqdim etməklə qeydiyyatdan keçməlidir.

📌 Əvvəlki illərin məzunları üçün attestatın əsli, cari ilin məzunları üçün isə elektron attestatların çap olunmuş nüsxəsi təqdim olunur.

ℹ️ Müsabiqədən keçən şəxsin qəbul olunduğu peşə təhsili müəssisəsində qeyd edilən tarixlərdə qeydiyyatdan keçməməsi və ya sənədlərini tam təqdim etməməsi onun həmin ixtisas üzrə təhsil almaqdan imtina etməsi kimi qiymətləndirilir.

14/08/2026

📢 14 avqust tarixindən 2026/2027-ci tədris ili üzrə dövlət peşə təhsili müəssisələrinə ixtisas fənn müəllimi və istehsalat təlimi ustası vəzifələrinə işə qəbul üzrə müsabiqənin vakansiya seçimi mərhələsinə başlanılıb.

🕐 Son müraciət tarixi: 18 avqust, saat : 18:00
🔗 Ətraflı : https://vet.edu.gov.az/news/content/1342/inner
🔗 Vakansiya seçimi üçün : portal.edu.az

13/08/2026

📌 Aviasiya və Avtomobil Nəqliyyatı üzrə Bakı Dövlət Peşə Təhsil Mərkəzinə yeni direktor təyin edilib.

Orxan Rəhimov Aviasiya və Avtomobil Nəqliyyatı üzrə Bakı Dövlət Peşə Təhsil Mərkəzinin direktoru vəzifəsinə təyin edilib.

Orxan Rəhimov 2006-cı ildə Azərbaycan Dövlət İqtisad Universitetinin İstehsal və xidmət sahələrinin iqtisadiyyatı / Mühəndis iqtisadiyyatı fakültəsinə daxil olub, 2010-cu ildə həmin universiteti bitirib.

2011-ci ildə Azərbaycan Dövlət İqtisad Universitetinin Biznesin idarə edilməsi fakültəsinə qəbul olub və 2014-cü ildə magistr təhsilini tamamlayıb.

Əmək fəaliyyətinə 2011-ci ildə başlayan Orxan Rəhimov 2011–2012-ci illərdə Azərbaycan Beynəlxalq Bankında, 2012–2015-ci illərdə "Bank Technique" ASC-də, 2017-ci ildən “SOCAR Methanol” MMC-də müxtəlif vəzifələrdə çalışıb.

2018–2024-cü illərdə Sənaye və İnnovasiyalar üzrə Bakı Dövlət Peşə Təhsil Mərkəzində direktor müavini, 2024-cü ildən isə Dəmir Yolu və Metropoliten üzrə Bakı Dövlət Peşə Təhsil Müəssisəsində direktor vəzifəsində çalışıb.

12 avqust 2026-cı il tarixindən Aviasiya və Avtomobil Nəqliyyatı üzrə Bakı Dövlət Peşə Təhsil Mərkəzin direktoru təyin olunub.

Orxan Rəhimova yeni vəzifəsində uğurlar arzulayırıq!