216 nömrəli tam orta ümumtəhsil məktəbi

15/08/2026

Gəlin uşaqlarımıza kiçik yaşlarından heyvanlara sevgi, mərhəmət və məsuliyyət hissini aşılayaq. Çünki mərhəmətli insan olmaq bütün canlılara hörmətlə yanaşmaqdan başlayır. Hər bir canlı sevgi, qayğı və təhlükəsizliyə layiqdir. Küçələrdə yaşayan heyvanlara laqeyd qalmamaq, onları incitməmək, imkan daxilində yemək və su ilə təmin etmək və ən əsası, onlara mərhəmətlə yanaşmaq hər birimizin insanlıq borcudur.

15/08/2026

Tətildə də qayğı və mərhəmət davam edir.Tətil günlərində müəllim və şagirdlərimiz yalnız istirahət etmir, eyni zamanda ətrafımızdakı canlılara qayğı göstərməyi də unutmurlar.Şagirdlərimiz sahibsiz heyvanlara yemək və su verərək onlara mərhəmətlə yanaşaraq gözəl bir nümunə nümayiş etdirirlər. Bu kiçik addımlar uşaqlarımızda mərhəmət, məsuliyyət və canlılara sevgi kimi dəyərlərin formalaşmasına böyük töhfə verir. Unutmayag ki, bir qab su, bir tikə yemək və bir az qayğı bir canlının gününü dəyişə bilər. Mərhəmət yaşadıqca dünya daha gözəl olur!

10/08/2026

29/07/2026

XI sinif şagirdlərinə IX sinif şəhadətnamələri təqdim olunub

Bu gün məktəbimizdə XI sinif şagirdlərinə IX sinif üzrə ümumi orta təhsil haqqında şəhadətnamələrin təqdimetmə mərasimi keçirilib.

Şəhadətnamələr şagirdlərə təqdim olunaraq onların təhsil yolunda qazandıqları mühüm mərhələ qeyd edilib. Mərasimdə şagirdlərə gələcək təhsil və həyat yollarında uğurlar arzulanıb, qarşıdakı ali təhsil mərhələsində yeni nailiyyətlər qazanmaları diləyi ifadə olunub.

Məzunlarımızı təbrik edir, onlara sağlamlıq, uğur və parlaq gələcək arzulayırıq!

29/07/2026

"Müəllimin pedaqoji gündəliyi: Təcrübədən məqaləyə" seminarı keçirilib

Azərbaycan Gənc Müəllimlər Assosiasiyası (AGMA) və "Azərbaycan müəllimi" qəzetinin birgə təşkilatçılığı ilə 1 Avqust – Azərbaycan Əlifbası və Azərbaycan Dili Gününə həsr olunmuş "Müəllimin pedaqoji gündəliyi: Təcrübədən məqaləyə" adlı seminar keçirilib.

Seminar çərçivəsində müəllimlərin pedaqoji təcrübələrinin elmi və publisistik yazıya çevrilməsi, müəlliflik mədəniyyətinin formalaşdırılması, məqalə yazma bacarıqlarının inkişaf etdirilməsi və süni intellekt alətlərindən etik və səmərəli istifadə mövzularında faydalı təqdimatlar keçirilib.

Tədbirdə məktəbimizin ibtidai sinif müəllimləri İbrahimzadə Vüsalə və Quliyeva Günel iştirak edərək peşəkar bilik və bacarıqlarını daha da təkmilləşdirmək imkanı qazanıblar.

Müəllimlərimizə gələcək fəaliyyətlərində uğurlar arzulayır, yeni nailiyyətlər diləyirik.

14/07/2026

216 nömrəli məktəbdə müəllim nailiyyəti:

Məlumat üçün aşağıdakı sayta daxil olun:

Hər bir fədakar pedaqoqun ən böyük mükafatı, illərini verdiyi peşənin ən gözəl bəhrəsi məhz yetişdirdiyi şagirdlərin uğurlarıdır. Bu uğurlar həm məktəbin, həm müəllimin, həm də bütövlükdə cəmiyyətimizin fəxridir.Artıq 20 ildir ki, Ramiz Qasımov adına 216 nöm...

10/07/2026

📚 Müəllimlərimizin uğuru ilə qürur duyuruq!

Ramiz Qasımov adına 216 nömrəli tam orta ümumtəhsil məktəbinin ibtidai sinif müəllimi İbrahimzadə Vüsalənin "Birinci sinif şagirdlərində oxu bacarığının formalaşdırılması – Müəllimin pedaqoji gündəliyindən" adlı məqaləsi "Azərbaycan müəllimi" qəzetinin rəsmi saytında dərc olunub.

Məqalədə birinci sinif şagirdlərində oxu bacarığının formalaşdırılması, oxuyub-anlama vərdişlərinin inkişaf etdirilməsi və bu prosesdə müəllimin tətbiq etdiyi səmərəli pedaqoji yanaşmalar ətraflı şəkildə təqdim edilir. Oxu bacarığının erkən yaşlardan düzgün formalaşdırılması şagirdlərin gələcək təlim uğurlarının əsas amillərindən biri hesab olunur.

Dəyərli həmkarımızı bu uğuru münasibətilə ürəkdən təbrik edir, elmi-pedaqoji fəaliyyətində yeni nailiyyətlər arzulayırıq!

🔗 Məqalə ilə tanış olmaq üçün:

1-ci sinifdə uşaqların oxu bacarığının inkişafı onların təhsil həyatının ən əsas mərhələlərindən biridir. Bu bacarıq həm mətnləri düzgün və ardıcıl oxumağı, həm də oxuduqlarını anlamağı əhatə edir. Üzdən oxu bacarığı səsləri və hərfləri tanımaqla ba...

08/07/2026

📢 Hörmətli valideynlər!

📌 2026–2027-ci tədris ili üzrə məktəbəhazırlıq qruplarına qəbul
🗓 13 iyul, saat 15:00-dan etibarən Bakı şəhəri üzrə Azərbaycan bölməsi üçün başlayacaq.

👩‍🏫 Ramiz Qasımov adına 216 nömrəli tam orta ümumtəhsil məktəbində məktəbəhazırlıq qrupları:

🔹 0A – Quliyeva Günel
🔹 0B – Əsgərova Gülbəniz
🔹 0C – Zeynalova Zoya
🔹 0D – Bağırova Aytac

📍 Qəbul mektebeqebul.edu.az portalı vasitəsilə həyata keçirilir.

Qeydiyyat mərhələləri:
1️⃣ İlk olaraq SİMA ilə şəxsi kabinet yaradılır.
2️⃣ Şagird sistemə əlavə edilir.
3️⃣ Məktəbə sorğu yerləşdirilir.

Övıadlarınızı məktəbimizin mehriban məktəbəhazırlıq qruplarında görməkdən məmnun olarıq! 🌸

07/07/2026

🌟 PARLAYAN ULDUZLARIMIZ

Rubrikamızın növbəti parlayan ulduzu məktəbimizin 5D sinif şagirdi Quliyev Tariyeldir.

📐 Lütfi Zadə adına Məktəblilərarası Məntiq Olimpiadasının (LMO) şəhər mərhələsinin iştirakçısı.

Nəzərə alaq ki, şagirdimiz nümunəvi davranışı, məsuliyyətli münasibəti və məktəb həyatında fəal iştirakına görə 2 yaşıl kart əldə etmişdir. O, eyni zamanda akademik uğurları ilə seçilən əlaçı şagirdlərimizdəndir.

Tariyel məntiqi təfəkkürü, öyrənməyə olan həvəsi və məsuliyyətli yanaşması ilə seçilən şagirdlərimizdəndir. O, daim öz üzərində çalışır, bilik və bacarıqlarını inkişaf etdirərək əldə etdiyi uğurlarla məktəbimizin nailiyyətlərinə töhfə verir.

Şagirdimizi təbrik edir, ona gələcək fəaliyyətində daha böyük nailiyyətlər və yeni uğurlar arzulayırıq.

👏 Uğurların davamlı olsun, Tariyel!

07/07/2026

🌟 PARLAYAN ULDUZLARIMIZ

Rubrikamızın növbəti parlayan ulduzu məktəbimizin 5d sinif şagirdi Nəbizadə Selcandır.

📐 Lütfi Zadə adına Məktəblilərarası Məntiq Olimpiadasının (LMO) şəhər mərhələsinin iştirakçısı;

🌌 Məktəblilərarası Milli Kosmik Poçt Kartı Müsabiqəsinin iştirakçısı.

Nəzərə alaq ki, şagirdimiz məktəbdaxili layihə və tədbirlərdə də fəallığı ilə seçilir. Selcan nümunəvi davranışı, məsuliyyətli münasibəti və məktəb həyatında fəal iştirakına görə 2 yaşıl kart əldə etmişdir. O, eyni zamanda təhsilində yüksək nəticələr göstərən zərbəçi şagirdlərimizdəndir.

Selcan məntiqi düşünmə bacarığı, analitik təfəkkürü və öyrənməyə olan həvəsi ilə seçilən şagirdlərimizdəndir. O, daim öz üzərində çalışaraq bilik və bacarıqlarını inkişaf etdirməyə səy göstərir, əldə etdiyi nailiyyətlərlə məktəbimizin uğurlarına töhfə verir.

Şagirdimizi təbrik edir, ona gələcək fəaliyyətində daha böyük nailiyyətlər və yeni uğurlar arzulayırıq.

👏 Uğurların davamlı olsun, Selcan!