Nəsirvaz Kənd Tam Orta Məktəbi

28/04/2026

07/04/2026

7 aprel 2026-cı il tarixində Nəsirvaz kənd tam orta məktəbində məktəb ərazisinin abadlaşdırılması və təmizliyinin təmin olunması məqsədilə iməcilik tədbiri keçirilmişdir.

Tədbirdə məktəb rəhbərliyi, müəllimlər, şagirdlər və texniki işçilər fəal iştirak etmiş, ərazi təmizlənmiş, abadlıq işləri aparılmışdır.

İməcilik çərçivəsində ağacların budanması, qazon sahələrinin alaq otlarından təmizlənməsi, yeni ağacların əkilməsi kimi işlər həyata keçirilmişdir.

Görülən işlər məktəbin ümumi görünüşünün yaxşılaşdırılmasına və şagirdlərdə əməksevərlik, məsuliyyət hissinin formalaşdırılmasına mühüm töhfə vermişdir.

04/03/2026

“Bullinqi dayandıraq – Şagirdləri qoruyaq!”

4 mart 2026-cı il tarixində Nəsirvaz kənd tam orta məktəbində sağlam və təhlükəsiz təhsil mühitinin formalaşdırılması məqsədilə bullinqə qarşı maarifləndirici tədbir keçirilmişdir.

Tədbir çərçivəsində mövzuya dair slaydlar nümayiş etdirilmiş, bullinqin psixoloji və sosial fəsadları haqqında şagirdlərə ətraflı məlumat verilmişdir. Məktəbin psixoloqu tərəfindən şagirdlər və müəllimlərlə maarifləndirici söhbət aparılmış, bullinq hallarının qarşısının alınması, qarşılıqlı hörmət, tolerantlıq və sağlam ünsiyyət prinsiplərinin əhəmiyyəti xüsusi vurğulanmışdır.

Tədbirin əsas məqsədi məktəbdə təhlükəsiz və dəstəkləyici mühitin möhkəmləndirilməsi, şagirdlərin hüquqlarının qorunması və sağlam münasibətlərin formalaşdırılmasıdır.

09/02/2026

Naxçıvan Muxtar Respublikasının yaranmasının 102-ci ildönümü:

Nəsirvaz kənd tam orta məktəbində Naxçıvan MR-nin 102 illiyi ilə əlaqədar şagirdlərə tarixi məlumatlar çatdırıldı.

Naxçıvanın zəngin tarixi şagirdlərə aşılandı.

20/01/2026

20 Yanvar – xalqımızın hüzn və qürur tarixidir.

Nəsirvaz kənd tam orta məktəbində
19 yanvar 2026-cı il tarixində keçirilən ilk dərs 20 Yanvar – Ümumxalq Hüzn Gününə həsr edildi. Dərsdə videoçarx nümayiş olundu, tarix müəllimi hadisələrin mahiyyətini şagirdlərə çatdırdı,şagirdlər isə şeirlərlə şəhidlərimizin xatirəsini yad etdilər.

20/01/2026

Son illərdə Ordubad rayonunun təhsil göstəricilərində davamlı yüksəliş qeydə alınıb.

“2025-ci ildə Ordubad rayonunun sosial-iqtisadi inkişafının yekunları və qarşıda duran vəzifələr” mövzusunda hesabat tədbirində Ordubad Rayon Təhsil Şöbəsinin müdiri Samir Zeynalov çıxış edib.

2025-ci il ərzində IV və VI siniflər üçün Azərbaycan Respublikası Elm və Təhsil Nazirliyi tərəfindən monitorinqlər keçirilmişdir.IV sinif şagirdləri üçün monitorinq qiymətləndirmə imtahanında ölkə üzrə orta qiymət göstəricisi: 27.8 bal, Muxtar Respublika üzrə orta qiymət göstəricisi: 26.9 bal, Ordubad rayonu üzrə orta qiymət göstəricisi: 29,4 bal olmuşdur. Monitorinq qiymətləndirmə imtahanının nəticələrinə əsasən rayonun 20 ümumtəhsil məktəbinin orta qiyməti muxtar respublika üzrə müəyyənləşən orta qiymətdən (26,9) yüksək olmuşdur.
VI sinif şagirdləri üçün monitorinq qiymətləndirmə imtahanında orta qiymət göstərici ölkə üzrə : 34,2 bal, Muxtar Respublika üzrə 33,7 bal olmuşdur. Ordubad rayonu üzrə orta qiymət 37,3 bal olmuşdur. Monitorinq qiymətləndirmə imtahanının nəticələrinə əsasən rayonun 27 ümumtəhsil məktəbinin orta qiyməti muxtar respublika üzrə müəyyənləşən orta qiymətdən (33,7) yüksək olmuşdur.

2024-2025-ci tədris ilində rayon ümumtəhsil məktəblərini ümumi orta təhsil səviyyəsi üzrə 463 şagird bitirmiş, onlardan 12 şagird fərqlənmə attestatı almışdır. Keçirilən buraxılş imtahanının nəticələrinə əsasən rayon ümumtəhsil məktəblərinin orta bal göstəricisi 111,9 olmuşdur. Tabeliyimizdə fəaliyyət göstərən ümumtəhsil məktəblərinin imtahan nəticələrinə əsasən rayonun 17 məktəbinin orta qiyməti respublika ümumtəhsil məktəblərinin orta qiymətindən yüksəkdir.
2024-2025-ci tədris ilində tam orta təhsil səviyyəsi üzrə 320 şagird məzun olmuş, 22 məzun tam orta təhsil səviyyəsini fərqlənmə attestatı ilə bitirmişdir. Keçirilən buraxılş imtahanının nəticələrinə əsasən rayon ümumtəhsil məktəblərinin orta bal göstəricisi 147 olmuşdur. Tam orta təhsil səviyyəsi üzrə buraxılış imtahanının nəticələrinə əsasən rayonun 15 məktəbinin orta bal göstəricisi respublikanın orta bal göstəricisindən yüksək olmuşdur.
XI sinifi bitirən 320 məzundan 301-i ali məktəblərə sənəd qəbulu üçün ərizə vermişdir.
176 abituriyent ali məktəbə 64 nəfər isə orta ixtisas təhsil müəsisələrinə qəbul olunub. Ümumilikdə qəbul 75% olmuşdur.
500-700 bal intervalında: 36 nəfər, 10 nəfər abituriyent isə 600 baldan yuxarı nəticə göstərmişdir.
Ali təhsili müəssisələrinə tələbə qəbulu üzrə 7 ümumtəhsil məktəbi, ali və orta ixtisas təhsili müəssisələrinə tələbə qəbulu üzrə isə 2 ümumtəhsil məktəbinin nəticəsi 100 faiz olmuşdur. Ümumi nəticələrə əsasən 9 ümumtəhsil məktəbi 100% qəbul nəticəsi əldə etmişdir.