Mingəçevir şəhər N.Gəncəvi adına 8 nömrəli tam orta ümumtəhsil məktəb

13/06/2026

🎓✨ SON ZƏNG – 2026 ✨🎓

Bu gün məktəbimizin həyətində yalnız son zəng səslənmədi... Bu gün xatirələr danışdı, arzular qanad açdı, illərin zəhməti isə yeni bir həyat yoluna çevrildi.

Bir zamanlar məktəbə ilk addımlarını həyəcanla atan balalarımız bu gün müstəqil həyata qədəm qoyan gənclər kimi məktəbimizlə vidalaşırlar. Arxada qalan illər dostluqların, uğurların, zəhmətin və öyrənməyin ən gözəl ünvanı oldu.

Əziz məzunlarımız! Həyatınızın yeni mərhələsində hər birinizə uğurlar, böyük nailiyyətlər və işıqlı gələcək arzulayırıq. Qoy məktəbimizdə qazandığınız biliklər və dəyərlər sizi daim zirvələrə aparsın!

Əziz müəllimlərimizə və valideynlərimizə isə övladlarımızın yetişməsində göstərdikləri sonsuz fədakarlığa görə dərin təşəkkürümüzü bildiririk.

🔔 Son zəng bir ayrılıq deyil... 🔔 Son zəng yeni başlanğıcların ilk sədasıdır!

Yolunuz açıq, gələcəyiniz parlaq olsun, əziz məzunlar! 🌹

🎓🌟📚💐

12/06/2026

🇦🇿 Şəhidlərimiz xalqımızın qürur mənbəyi, Vətənimizin əbədi qəhrəmanlarıdır!

Bu gün məktəbimizin 6"C" sinif şagirdləri, sinif rəhbəri Çimnaz Mustafayeva, məktəb psixoloqu A. Əfəndiyeva və məktəbin direktoru A. Xəlilovanın iştirakı ilə Şuşa fatehi, II Qarabağ müharibəsi şəhidi Təbriz Cüməzadənin əziz ailəsi ziyarət olundu.

Görüş zamanı şəhidimizin keçdiyi şərəfli döyüş yolu, Vətən sevgisi və qəhrəmanlığı haqqında söhbətlər aparıldı. Şagirdlərimiz şəhid ailəsinə dərin ehtiramlarını ifadə edərək, qəhrəmanlarımızın xatirəsinin daim qəlblərdə yaşayacağını vurğuladılar.

Biz bu müqəddəs Vətəni canları bahasına qoruyan şəhidlərimizin əziz xatirəsini daim uca tutacaq, onların bizə əmanət etdiyi dəyərləri gələcək nəsillərə çatdıracağıq. Ruhun şad olsun, qəhrəman şəhidimiz! 🇦🇿🥀

🕊️ Şəhidlər ölməz, Vətən bölünməz! 🇦🇿 Qarabağ Azərbaycandır!

🇦🇿🥀🕊️✨

10/06/2026

🇦🇿 Şəhidlərimizi ehtiramla anır, şəhid ailələrimizin qarşısında baş əyirik...

Məktəbimizin direktoru Aysel Xəlilova, məktəb psixoloqu Aynurə Əfəndiyeva, hərbi rəhbər Ramiz Hüseynov, 6ç sinif şagirdləri sinif rəhbəri Zenfurə Hüseynova ilə birlikdə İkinci Qarabağ müharibəsinin qəhrəman şəhidləri Tural Həsənov və Musa Həsənov qardaşlarının əziz anası Nəhayət ananı ziyarət etdik.

Bu görüş təkcə bir ziyarət deyil, həm də qəhrəmanlıq salnaməsinin canlı səhifələrinə toxunmaq, Vətən uğrunda ən qiymətli varlıqlarını fəda etmiş bir ananın müqəddəs həyat yoluna ehtiram göstərmək idi.

Görüş zamanı şəhidimiz Musa Həsənovun Vətənə əmanət qızı, balaca Rüqeyyə ilə tanış olduq. Şəhid övladları xalqımızın ən dəyərli əmanəti, gələcəyimizin qürur mənbəyidir. Onların gözlərində qəhrəman atalarının izi, qəlblərində isə Vətən sevgisi yaşayır.

Nəhayət ananın mərdliyi, vətən sevgisi və övladlarının qəhrəmanlığı şagirdlərimiz üçün böyük bir həyat dərsi oldu. Belə görüşlər gənc nəslin vətənpərvərlik ruhunda formalaşmasına, şəhidlərimizin müqəddəs xatirəsinin yaşadılmasına xidmət edir.

Allah bütün şəhidlərimizə rəhmət eləsin! Qəhrəman qardaşlar Tural və Musa Həsənovun əziz xatirəsi daim qəlblərdə yaşayacaqdır.

🌹 Şəhidlər ölməz, Vətən bölünməz! ??🇿

🇦🇿🌹❤️ :::

10/06/2026

Tərbiyəçi-müəllim vəzifəsinə işə qəbul üzrə müsahibə mərhələsinə start verilir 📢

Mərkəzi Aran Regional Təhsil İdarəsinin tabeliyində fəaliyyət göstərən məktəbəqədər təhsil müəssisələrində vakant olan tərbiyəçi-müəllim vəzifəsinə işə qəbul üzrə müsabiqənin müsahibə mərhələsinə start verilir.

Müsahibədə iştirak etmək istəyən (2025-ci ildə müsabiqənin test mərhələsində iştirak etmiş, 40 və daha yuxarı bal toplamış) namizədlər 10 iyun saat 18:00-dan – 16 iyun saat 18:00-dək aşağıdakı link vasitəsilə qeydiyyatdan keçə bilərlər.

🔗 Qeydiyyat linki:
https://forms.gle/zo8Ttbg2sCWga71z7

Qeydiyyat başa çatdıqdan sonra müsabiqənin müsahibə mərhələsinin keçirilmə yeri və tarixi barədə namizədlərə məlumat veriləcək.

Müraciət üçün verilmiş vaxt bitdikdən sonra müvafiq keçid balını toplamış bütün namizədlər müsahibəyə dəvət ediləcək. Müsahibədə uğur qazanmış və ən yüksək test balına malik olan namizəd vakant yerə təyin olunur. Digər namizədlər isə növbəti müsabiqənin müsahibə mərhələsinədək ehtiyat kadrlar siyahısına daxil edilir.

Qeyd edək ki, müsahibəyə dəvət olunan namizəd şəxsiyyət vəsiqəsi və diplomunu təqdim etməlidir.

Diplom üzrə ixtisasının müraciət etdiyi vəzifəyə uyğunluğu yoxlanılır və hər hansı məlumat uyğun gəlmədiyi təqdirdə namizədlə müsahibə keçirilmir.

Qeydiyyat başa çatdıqdan sonra müsahibə mərhələsinin keçirilmə yeri və tarixi barədə namizədlərə məlumat veriləcəkdir.

📄 Məktəbəqədər təhsil müəssisələrində mövcud olan tərbiyəçi-müəllim vəzifəsi üzrə vakant yerlərin siyahısı:

https://docs.google.com/spreadsheets/d/1Da8kW1gDnwWYiGyPGOkmMoxnk_G1PoEs/edit?usp=sharing&ouid=104863531755438534354&rtpof=true&sd=true

Qeydiyyat üçün son tarix 16 iyun saat 18:00-dır.

-müəllim

10/06/2026

09/06/2026

09.06.2026-cı il tarixdə məktəb psixoloqu Aynurə Əfəndiyeva tərəfindən “İnsan hüquqları” mövzusunda maarifləndirici görüş keçirilmişdir.

Görüş zamanı şagirdlərə insan hüquqlarının mahiyyəti, əsas hüquq və azadlıqlar, eləcə də gündəlik həyatda bu hüquqlara hörmətlə yanaşmanın vacibliyi barədə ətraflı məlumat verilmişdir. Psixoloq mövzu ətrafında interaktiv müzakirələr aparmış, şagirdlərin suallarını cavablandırmışdır.

Tədbir şagirdlərin hüquqi maarifləndirilməsi və vətəndaşlıq məsuliyyətinin formalaşdırılması baxımından faydalı olmuşdur.

📌

07/06/2026

06/06/2026

Dərnək rəhbərlərinin 2025–2026-cı tədris ilinin ikinci yarımili üzrə hesabatları dinlənildi. Hesabatların dinlənilməsi məktəb direktoru və təlim-tədris işləri üzrə direktor müavini tərəfindən həyata keçirilmişdi.

Qeyd edək ki, dərnəklərin fəaliyyəti məktəbdə dərnəklərin təşkili ilə bağlı mövcud əmr və təlimatlara uyğun şəkildə həyata keçirilmişdir.

Dərnək rəhbərləri tərəfindən təqdim olunan hesabatlar ümumilikdə qənaətbəxş hesab edilmiş, fəaliyyətin mövcud normativ sənədlərə uyğun şəkildə təşkil olunduğu qeyd olunmuşdur.

04/06/2026

💻🧑‍💼 Peşə təmayüllü siniflərdə praktik imtahanlara start verildi 🧑‍🔧✂️

Məktəbimizdə fəaliyyət göstərən peşə təmayüllü siniflərdə praktik imtahan prosesi bu həftədən etibarən uğurla başlanmışdır. 📚✨

Bu mərhələdə şagirdlərin əldə etdikləri bilik və bacarıqların praktik şəkildə qiymətləndirilməsi həyata keçirilir.

10-cu siniflərdə qrafik dizayner və qənnadçı köməkçisi,
11-ci siniflərdə isə bərbər köməkçisi və kompüter operatoru ixtisasları üzrə praktik imtahanlar təşkil olunmuşdur.

İmtahan prosesində məktəb rəhbərliyi ilə yanaşı peşə təhsili müəssisələrindən gəlmiş qonaqlar da iştirak etmiş, proses yaxından izlənilmişdir.

Bu mərhələ şagirdlərin nəzəri biliklərini praktik bacarıqlarla möhkəmləndirməsi, real iş mühitinə hazırlanması və peşə səriştələrinin qiymətləndirilməsi baxımından xüsusi əhəmiyyət daşıyır. 💼✨

Məqsədimiz – əmək bazarına hazır, bacarıqlı və peşəkar gənclər yetişdirməkdir. 🌱📈

💙

04/06/2026

📚✨ İmtahan öncəsi psixoloji dəstək görüşləri ✨📚

İyun ayının 5–6-sı tarixlərində respublikanın ümumtəhsil məktəblərində 4-cü və 6-cı sinif şagirdləri üçün keçiriləcək monitorinq qiymətləndirmələri ərəfəsində məktəb psixoloqları tərəfindən şagirdlərlə maarifləndirici və dəstəkləyici görüşlər təşkil olunmuşdur.

Görüşlər zamanı uşaqlara imtahan həyəcanının idarə olunması, özünəinamın gücləndirilməsi və stressin azaldılması istiqamətində tövsiyələr verilmiş, onların daha rahat və inamlı şəkildə qiymətləndirmə prosesinə qatılmaları təşviq olunmuşdur.

Məqsədimiz – hər bir şagirdin öz bilik və bacarığını rahat şəkildə nümayiş etdirməsinə dəstək olmaqdır. 🌱📖

Uğur sizlərlə olsun, əziz şagirdlər! 💙

✨