Masallı şəhər İ.Əsgərli adına 3 nömrəli tam orta ümumtəhsil məktəbi

Masallı şəhər İ.Əsgərli adına 3 nömrəli tam orta ümumtəhsil məktəbi Lənkəran-Astara Regional Təhsil İdarəsi Masallı rayon Təhsil Sektoru

14/08/2026

Təmayül tədris modelinin tətbiq olunduğu Lənkəran şəhəri Rövşən Bədəlov adına 9 nömrəli tam orta ümumtəhsil məktəbinin riyaziyyat fənni üzrə müəllimi Samirə Axundova

📌 Lənkəran Dövlət Universitetinin məzunudur
📌 Sertifikasiya balı – 55
📌 Diaqnostik qiymətləndirmə balı – 55
📌 Son 3 ildə 150 nəfərdən çox şagirdi yüksək bal toplayaraq tələbə adını qazanıb

Yeni təmayül tədris modeli çərçivəsində məktəblərimizə innovativ və nəticəyönümlü müəllimlər cəlb olunub.

Qeyd edək ki, yeni təmayül təhsil modelinin tətbiq edilməsində əsas məqsəd şagirdlərin maraq və qabiliyyətlərinə uyğun istiqamət seçməsinin təmin etmək və gələcək ali təhsil seçiminə hazırlamaqdır.

Hörmətli valideynlər!Məlumat üçün bildiririk ki, 2026–2027-ci tədris ilində məktəbimizdə şagirdlərin geyim forması əvvə...
14/08/2026

Hörmətli valideynlər!

Məlumat üçün bildiririk ki, 2026–2027-ci tədris ilində məktəbimizdə şagirdlərin geyim forması əvvəlki illərdə olduğu kimi,yəni şəkildə göstərilən nümunəyə uyğun olacaq.
Vahid məktəbli formasına riayət etmək məktəb nizam-intizamının ən vacib tərkib hissəsidir.
Yeni tədris ilində bütün şagirdlərimizə uğurlar arzulayırıq..

14/08/2026

Müəllimlərin işə qəbulu üzrə müsabiqənin ümumi vakansiya seçimi mərhələsi davam edir

🗓️ 12 avqust saat 15:00-dan etibarən başlayan müəllimlərin işə qəbulu üzrə müsabiqənin müddətsiz müqavilə ilə ümumi vakansiya seçimi mərhələsi davam edir

📌 Məktəblərin pedaqoji kadr təminatının gücləndirilməsi məqsədilə vakansiyalar müəllimlərin seçiminə təqdim olunub. Belə ki, namizədlər elektron ərizə formalarında ən çoxu 8 vakant yer seçmək hüququna malikdirlər. Seçilmiş vakant vəzifələrə yerləşdirilmə namizədin göstərdiyi ardıcıllıq nəzərə alınmaqla həyata keçirilir.

❗️ Nəzərinizə çatdırırıq ki, həvəsləndirmə tədbirlərinin tətbiq olunduğu ümumi təhsil müəssisələri üzrə vakansiyaya uyğun namizədlər üçün maddi və digər dəstək mexanizmləri, mentorluq və peşəkar inkişaf imkanları, müəllimlərin məktəb mühitinə daha rahat uyğunlaşmasına dəstək tədbirləri təqdim olunur.

📌 Qeyd edək ki, ümumi vakansiya seçimi prosesi 15 avqust saat 18:00-dək davam edəcək. Namizəd seçdiyi vakant yerə yerləşdirildikdən sonra həmin yerdən imtina etdiyi halda, müsabiqənin növbəti vakansiya seçimi mərhələlərində iştirakı təmin olunmayacaq.

🤝 Vakansiya seçimi mərhələsində iştirak edəcək bütün namizədlərə uğurlar arzulayırıq!

14/08/2026

❗ Son günlər Lənkəran şəhəri Vaqif Əliyev adına 4 nömrəli humanitar təmayüllü məktəb-liseyin təmir işləri ilə əlaqədar müəllim-şagird kollektivinin digər bir məktəbə köçürüləcəyi barədə əsassız məlumatlar yayılır.

Bildirim ki, hazırda təsdiq edilmiş plan üzrə məktəbin binasında təmir işləri aparılır. İşlərin yeni tədris ilinin başlanmasına qədər yekunlaşdırılması nəzərdə tutulur. Məktəb yeni tədris ilində fəaliyyətini öz binasında davam etdirəcək.

Vətəndaşlardan məlumatları yalnız rəsmi və dəqiq mənbələrdən əldə etmələri, təsdiqlənməmiş məlumatların yayılmasına yol verməmələri xahiş olunur.

11/08/2026

📢 Təhsil sənədləri artıq myGov-da!

💻 Təhsil haqqında dövlət nümunəli sənədlər artıq mygov platformasında əlçatandır.

🎓 2026-cı il məzunları təhsil müəssisələri tərəfindən imzalanmış elektron təhsil sənədlərini mygov (web) → “Təhsil məlumatlarım” → “Elektron təhsil sənədlərim” bölməsindən əldə edə bilərlər.

📌 Elektron sənədin üzərindəki QR kodu oxudaraq və ya edu.gov.az saytının “Sənəd yoxlama” bölməsində sənədin nömrəsi və doğum tarixini daxil etməklə sənədin həqiqiliyini yoxlamaq mümkündür.

📱 Yaxın günlərdə elektron təhsil sənədləri mygov mobil tətbiqində də əlçatan olacaq.

🎯Təhsil sənədləri artıq rəqəmsal formatda — daha rahat və əlçatan.

11/08/2026

📢 Ümumi təhsil müəssisələrinin məzunlarına elektron attestatlar təqdim olunur

🎓 2025–2026-cı tədris ilindən etibarən ümumi təhsil müəssisələrinin məzunlarına təhsil haqqında dövlət sənədləri ilk dəfə elektron formatda təqdim olunur. Belə ki, 2026-cı il məzunları attestatlarını artıq myGov platformasından əldə edə bilərlər.

📊 Yeni tətbiq çərçivəsində təxminən 300 min məzunun attestatı elektron sənəd formasında hazırlanıb. Təhsil müəssisələrinin rəhbərləri tərəfindən elektron imza ilə təsdiqlənmiş attestatlar artıq myGov platformasında əlçatandır.

💻 Məzunlar elektron attestatlarını myGov (web) → “Təhsil məlumatlarım” → “Elektron təhsil sənədlərim” bölməsindən əldə edə bilərlər. Valideynlər isə övladlarına aid təhsil sənədlərinə “Övladlarımın təhsil sənədləri və məlumatları” bölməsi vasitəsilə baxa bilərlər.

🔎 Elektron attestatın üzərindəki QR kodu oxutmaqla və ya edu.gov.az saytının “Sənəd yoxlama” bölməsində sənədin nömrəsi və doğum tarixini daxil etməklə attestatın həqiqiliyini yoxlamaq mümkündür.

📌 Qeyd edək ki, elektron attestatların yaxın günlərdə myGov mobil tətbiqində də əlçatan olması təmin ediləcək.

🎯 Elektron attestatların tətbiqi məzunlara təhsil sənədlərini daha rahat, operativ və əlçatan şəkildə əldə etmək imkanı yaradır.

Yeni təmayül tədris modelində fəaliyyət göstərəcək müəllimlərin əsas iş yerlərində dərs yükü müəyyən edilmədən əmək müna...
11/08/2026

Yeni təmayül tədris modelində fəaliyyət göstərəcək müəllimlərin əsas iş yerlərində dərs yükü müəyyən edilmədən əmək münasibətləri saxlanılacaq.

Müəllimlərin yeni təmayül tədris modelinin tətbiq ediləcəyi müəssisələrə müddətli əmək müqaviləsi əsasında cəlb olunması nəzərdə tutulur. Beləliklə, müəllimlər əsas iş yeri üzrə əmək münasibətlərinə xitam verilmədən, yeni təmayül tədris modelinin tətbiq olunduğu müəssisədə 9:00-16:00 (dəyişə bilər) iş rejimi üzrə pedaqoji fəaliyyət göstərəcəklər.

Tədris ili ərzində aparılacaq qiymətləndirmənin nəticələrinə əsasən, müəllimin yeni təmayül tədris modelinin tətbiq olunduğu müəssisədə fəaliyyətini davam etdirib-etdirməməsi müəyyən ediləcək. Müsbət qiymətləndirmə nəticələri və digər zəruri şərtlər nəzərə alınmaqla, müəllimlə bağlanmış müddətli əmək müqaviləsinin müddətsiz əmək müqaviləsi ilə əvəz edilməsi məsələsinə qanunvericiliyin tələblərinə uyğun olaraq baxılacaq.

Müəllimin təmayül tədris modelinin tətbiq edildiyi tam orta təhsil müəssisəsindəki fəaliyyəti bu və ya digər səbəbdən dayandığı təqdirdə, həmin müəllim əvvəlki əsas iş yerində pedaqoji fəaliyyətini davam etdirə biləcək.

11/08/2026

📢 Müəllimlərin işə qəbulu üzrə müsabiqənin ümumi vakansiya seçimi mərhələsinə başlanılır

🗓️ 12 avqust saat 15:00-dan etibarən müəllimlərin işə qəbulu üzrə müsabiqənin müddətsiz müqavilə ilə ümumi vakansiya seçimi mərhələsinə başlanılır.

📌 Namizədlər elektron ərizə formalarında ən çoxu 8 vakant yer seçmək hüququna malikdirlər. Seçilmiş vakant vəzifələrə yerləşdirilmə namizədin göstərdiyi ardıcıllıq nəzərə alınmaqla həyata keçirilir.

❗️Nəzərinizə çatdırırıq ki, namizəd seçdiyi vakant yerə yerləşdirildikdən sonra həmin yerdən imtina etdiyi halda, müsabiqənin növbəti vakansiya seçimi mərhələlərində iştirakı təmin olunmayacaq.

📌 Qeyd edək ki, ümumi vakansiya seçimi prosesi 15 avqust saat 15:00-dək davam edəcək.

✅ Bununla yanaşı bildiririk ki, 8 avqust tarixindən etibarən həyata keçirilən müəllimlərin işə qəbulu üzrə müsabiqənin faktiki yaşayış rayonuna uyğun olaraq həvəsləndirmə tədbirlərinin tətbiq olunduğu ümumi təhsil müəssisələri üzrə vakansiya seçimi mərhələsi 10 avqust saat 11:00-da başa çatıb.

🤝 Vakansiya seçimi mərhələsində iştirak edəcək bütün namizədlərə uğurlar arzulayırıq!

Address

Masallı
AZ4400

Website

Alerts

Be the first to know and let us send you an email when Masallı şəhər İ.Əsgərli adına 3 nömrəli tam orta ümumtəhsil məktəbi posts news and promotions. Your email address will not be used for any other purpose, and you can unsubscribe at any time.

Shortcuts

Share

Category