Lənkəran rayonu Əkbər Nəsirov adına Tütəpeştə kənd ümumi orta məktəbi

17/06/2026

🌟 Şagirdlərimizin növbəti nailiyyəti!
Lənkəran rayonu Əkbər Nəsirov adına Tütəpeştə kənd ümumi orta ümumtəhsil məktəbinin VII sinif şagirdi Rüstəmzadə Ayan informatika və alqoritmik proqramlaşdırma sahəsində istedadlı şagirdlərin aşkar olunması məqsədilə keçirilən “Azercell CUP 2026” proqramlaşdırma müsabiqəsinin I turunu uğurla başa vuraraq növbəti mərhələyə vəsiqə qazanmışdır. Müsabiqə Azercell, Elm və Təhsil Nazirliyi və Təhsil İnstitutunun birgə əməkdaşlığı ilə təşkil olunur və ölkənin ən perspektivli gənc proqramçılarını müəyyənləşdirməyi hədəfləyir.
Şagirdimizi bu uğuru münasibətilə ürəkdən təbrik edir, növbəti mərhələlərdə ona daha böyük nailiyyətlər və yeni qələbələr arzulayırıq! 🌟

15/06/2026

https://www.facebook.com/share/1CaZX1hEXP/

Milli iradənin zəfərini təcəssüm etdirən Milli Qurtuluş Günü münasibətilə Azərbaycan xalqını təbrik edirik.

13/06/2026

🔔🎓 Məktəbimizdə IX sinif məzunları üçün “Son Zəng” tədbiri keçirildi.

Tədbir vətənimizin ərazi bütövlüyü uğrunda canlarından keçən şəhidlərimizin əziz xatirəsi bir dəqiqəlik sükutla yad edilməsi ilə başladı, daha sonra Azərbaycan Respublikasının Dövlət Himninin səsləndirildi. 🇦🇿🌹

Tədbiri giriş sözü ilə açan məktəbin direktoru Rövşən Əliyev məzunları təbrik edərək onlara gələcək təhsil həyatlarında uğurlar arzuladı. Çıxış edən müəllimlər də şagirdlərlə bağlı xoş xatirələrini bölüşərək onlara öz səmimi arzularını çatdırdılar. 📚✨

Tədbir zamanı tədris ili ərzində fərqlənən şagirdlər diplom və sertifikatlarla təltif olundular. 🏅📜 Məzunlar isə məktəb illərinə dair hazırladıqları çıxışlar və təqdimatlarla tədbirə xüsusi rəng qatdılar. 🌷

Səslənən zəng məktəb həyatının yaddaqalan bir mərhələsinin tamamlandığını, yeni hədəflərə doğru atılan addımların isə artıq başladığını ifadə etdi. 🔔💫

Əziz məzunlarımız, hər birinizə gələcək həyatınızda uğurlar, yeni nailiyyətlər və parlaq gələcək arzulayırıq! ❤️🎓

12/06/2026

📚 Məktəbimizdə pedaqoji şura iclası keçirildi.

İclası giriş sözü ilə açan məktəbin direktoru Əliyev Rövşən 2025-2026-cı tədris ilinin yekunları barədə ətraflı məlumat verdi.
Daha sonra tədris işləri üzrə direktor müavini Salayeva Gülnar çıxış edərək tədris prosesinin təşkili və əldə olunan nəticələr barədə şura qarşısında hesabat verdi.

Iclasın gedişində sinif rəhbərlərinin, dərsdənkənar məşğələ, dərnək rəhbərlərinin hesabatları dinlənildi, görülən işlər və əldə olunan nailiyyətlər müzakirə olundu. 📖✨

İclasın sonunda məktəbimizdə müddətli əmək müqaviləsi ilə çalışan müəllimlər təşəkkürnamə, səmərəli pedaqoji fəaliyyəti ilə seçilən müəllimlər isə fəxri fərmanlarla təltif olundular. 🏆👏

11/06/2026

📚🇬🇧 Məktəbimizdə fəaliyyət göstərən “İngiliscə Danışaq” dərnəyində fəallığı, məsuliyyəti və uğurlu çıxışları ilə seçilən şagirdlər dərnək rəhbəri Nəsirova Nuranə müəllimə tərəfindən sertifikat və hədiyyələrlə təltif olundular. 🎓🏅

Bu təşəbbüs şagirdlərin ingilis dilinə marağının artırılmasına, onların özünəinamının və ünsiyyət bacarıqlarının inkişafına mühüm töhfə verir. 🌟

Təltif olunan bütün şagirdlərimizi təbrik edir, onlara gələcək fəaliyyətlərində daha böyük uğurlar arzulayırıq! 👏🎉📖 :::

09/06/2026

🚀✨ Məktəbimizdə tədris işləri üzrə direktor müavini Salayeva Gülnarın təşəbbüsü ilə “Məktəblərarası Milli Kosmik Poçt Kartı Müsabiqəsi”nin məktəb mərhələsi keçirilmişdir.

🌌 Müsabiqənin əsas məqsədi şagirdlərdə kosmosa, elmə, innovasiyalara və STEAM sahələrinə marağın artırılması, onların yaradıcılıq potensialının üzə çıxarılması və fərqli düşüncə tərzinin formalaşdırılmasıdır.

🛰️ Şagirdlər hazırladıqları maraqlı və rəngarəng poçt kartları ilə müsabiqədə fəal iştirak edərək öz bilik, bacarıq və yaradıcılıqlarını nümayiş etdirmişlər. Tədbir iştirakçılar tərəfindən böyük maraqla qarşılanmışdır.

🏆 Münsiflər heyətinin qərarına əsasən, müsabiqənin qalibi məktəbimizin VI sinif şagirdi Bağırova Mədinə olmuşdur. Onun hazırladığı poçt kartı məktəbimizin qalib işi kimi seçilərək növbəti mərhələyə təqdim olunacaqdır.

🌠 “Kosmosa açıqçalar” (Postcards to Space) layihəsi Azərbaycan Respublikasının Kosmik Agentliyi (Azərkosmos), Məktəbəqədər və Ümumi Təhsil üzrə Dövlət Agentliyi və tərəfdaş qurumların dəstəyi ilə həyata keçirilən, şagirdləri real kosmik missiyalarla əlaqələndirən beynəlxalq təhsil təşəbbüsüdür. Layihə çərçivəsində seçilən poçt kartları kosmosa göndərilir və missiyadan sonra xüsusi “Kosmosa uçmuşdur” möhürü ilə müəlliflərinə geri qaytarılır.

👏 Qalibimizi təbrik edir, bütün iştirakçılara gələcək fəaliyyətlərində uğurlar arzulayırıq!

08/06/2026

Məktəbin tədris işləri üzrə direktor müavini Salayeva Gülnar və UBTR Əskərova Fidan tərəfindən sağlam qidalanmanın faydalarına həsr olunmuş maarifləndirici tədbir keçirildi. 🥗🍎

Tədbirdə şagirdlərə sağlam qidalanmanın insan sağlamlığının qorunmasında mühüm rolu, düzgün qida seçiminin əhəmiyyəti və sağlam həyat tərzinin əsas prinsipləri haqqında ətraflı məlumat verildi. 📚✨

Şagirdlərlə mövzu ətrafında maraqlı fikir mübadiləsi aparıldı, onları maraqlandıran suallar cavablandırıldı. Sağlam qidalanma sağlam gələcəyin təməlidir! 💚🌿🌸

05/06/2026

MÜTDA tərəfindən keçiriləcək VI sinif monitorinq imtahanında iştirak edəcək şagirdlərə məktəb rəhbərliyi tərəfindən buraxılış vərəqələri təqdim olundu. 📄📚

Şagirdlərlə görüş zamanı imtahan qaydaları bir daha izah edildi, həyəcanın idarə olunması, diqqətin qorunması və vaxtdan səmərəli istifadə olunması ilə bağlı tövsiyələr verildi. Şagirdlərə öz biliklərinə güvənmələri və imtahana inamla yanaşmaları tövsiyə olundu. ✍️🌟

Bütün şagirdlərimizə monitorinq imtahanında uğurlar və yüksək nəticələr arzulayırıq! 🍀😊

05/06/2026

🏛️📐 "Şəhərsalma və Memarlıq İli" çərçivəsində tədbir keçirildi
Azərbaycan Respublikasında 2026-cı ilin "Şəhərsalma və Memarlıq İli" elan olunması ilə əlaqədar məktəbimizdə maarifləndirici tədbir təşkil olundu.
Tədbirdə şagirdlərə ölkəmizin zəngin memarlıq irsi, müasir şəhərsalma siyasəti, işğaldan azad olunmuş ərazilərdə müasir şəhərsalma layihələrinin tətbiqi, şəhərlərin planlaşdırılması və memarlığın cəmiyyətin inkişafındakı rolu barədə məlumat verildi. Şagirdlər təqdimatlar, çıxışlar və müzakirələr vasitəsilə mövzu ətrafında öz bilik və fikirlərini bölüşdülər.
Tədbirin keçirilməsində məqsəd gənc nəslin milli-mədəni irsimizə hörmət ruhunda tərbiyə olunması, şəhərsalma və memarlıq sahəsinə marağının artırılması olmuşdur.

03/06/2026

Məktəbimizin IV sinif şagirdlərinə MÜTDA tərəfindən keçiriləcək monitorinq imtahanı ilə əlaqədar buraxılış vərəqələri təqdim olundu. 📚✍️

Məktəb rəhbərliyi tərəfindən şagirdlərə imtahan qaydaları ətraflı izah edildi, tövsiyələr verildi və onlara uğurlar arzulanıldı. Şagirdlərimizin əldə etdikləri bilik və bacarıqları uğurla nümayiş etdirəcəklərinə inanırıq. 🌟

Bütün şagirdlərimizə qarşıdakı monitorinq imtahanında yüksək nəticələr və uğurlar arzulayırıq! 🍀📖✨