Lənkəran rayonu Q.Hüseynov adına Moloja kənd tam orta məktəb

Uğurlarımızın görünməyən qəhrəmanları! Şagirdlərimizin buraxılış imtahanlarında qazandığı yüksək nailiyyətlərdə müəllimlərimizin əvəzsiz rolu var. Xüsusilə, Riyaziyyat müəllimi Hüseynov Xəyal və Azərbaycan dili müəllimi Hüseynova Sonabəyimə göstərdikləri yüksək peşəkarlıq, səbir və fədakarlığa görə dərin təşəkkürümüzü bildiririk. Sizin əməyiniz şagirdlərimizin gələcəyinə açılan qapıdır!

Uğurlarımız fərdi deyil, kollektivdir! Bu il buraxılış imtahanlarında məktəbimizin adını yüksəltmək üçün əzmlə çalışan, hər bir bal üçün alın təri tökən bütün 9-cu sinif şagirdlərimizlə qürur duyuruq. Yüksək nəticə göstərənlərlə yanaşı, öz hədəflərinə çatan və məktəb reytinqimizə töhfə verən hər bir gəncimizi təbrik edirik. Sizin zəhmətiniz bizim qürurumuzdur!

Uğur təsadüf deyil, zəhmətin bəhrəsidir! 🌟 9-cu sinif şagirdimiz Fərzullayeva Aytac Novruz qızı buraxılış imtahanında yüksək bal toplayaraq məktəbimizin adını ucaltdı. Əziz şagirdimiz, səninlə fəxr edirik! Bu uğur gələcəkdə qazanacağın daha böyük qələbələrin başlanğıcı olsun!

Necə ki, idman bədəni formada saxlayır, mütaliə də beyni eyni dərəcədə aktiv və gümrah saxlayan bir məşqdir. Kitablar səs-küylü dünyada ən sakit və sadiq dostlar, məsləhətçilərin ən müdrükü və müəllimlərin ən səbrlisidir.

16 mart 2026-cı il tarixdə Q.Hüseynov adına Moloja kənd tam orta məktəbində "Narkomaniya günün bəlasıdır" mövzusunda IX, X, XI sinif şagirdləri ilə maarifləndirici söhbət aparıldı.
Məktəbin psixoloqu Asif Həbibov şagirdləri narkotik maddələrin zərərləri və onlarla mübarizə yolları barədə məlumatlandırdı.

09.03.2026-cı il tarixdə keçiriləcək buraxılış imtahanında iştirak edəcək XI sinif şagirdləri ilə məktəb rəhbərliyi və məktəbin Psixoloqu tərəfindən psixoloji söhbət aparıldı. İmtahana buraxılış vərəqləri şagirdlərə təqdim olundu. Bütün 11-cilərə uğurlar arzu edirik!

02.03.2026-06.03.2026 tarixləri əhatə edən idman həftəsi şagirdlər tərəfindən rəğbətlə qarşılandı, böyük coşğu ilə keçirildi.