Sus kənd tam orta məktəbi

13/06/2026

Son zəng təkcə bir dərs ilinin sonu deyil, həm də illər boyu qurulan dostluqların, paylaşılan xatirələrin və qazanılan biliklərin dəyərini daha dərindən hiss etdiyimiz gündür. Hər son yeni başlanğıclara açılan qapıdır.
Bəzən insan illər sonra məktəbdə öyrəndiyi düsturları unudur, amma ona inanılan bir anı, uzadılan bir köməyi, birlikdə gülündüyü bir günü heç vaxt unutmur. Həyatın ən böyük uğuru yalnız zirvələrə çatmaq deyil, o yolda vicdanı, mərhəməti və insanlığı qoruyub saxlamaqdır.
Qoy məktəb illərində qazandığınız biliklər sizə yol göstərsin, dəyərləriniz isə sizi hər zaman doğru istiqamətə aparsın. Gələcəyinizi qurarkən kim olduğunuzu, haradan gəldiyinizi və sizi siz edən dəyərləri unutmayın. Yolunuz açıq, qəlbiniz işıqlı, arzularınız isə gerçək olsun. 🔔🌹🌹🌹

11/06/2026

Öyrənmək, birlikdə çalışmaq və gözəl anlar toplamaq... Texnologiya dərsindən yadda qalan xatirələr. ✨

10/06/2026

Şagirdlərlə keçirilən bu oyun ilk baxışda sadə əyləncə təsiri bağışlasa da, əslində diqqət, sürətli qərarvermə, koordinasiya və komanda daxilində qarşılıqlı əməkdaşlıq bacarıqlarının inkişafına xidmət edir. Oyun zamanı uşaqlar həm öz hərəkətlərini, həm də ətrafdakı yoldaşlarının davranışlarını izləməli olurlar ki, bu da onların diqqətini cəmləməsinə və çevik reaksiyalar verməsinə kömək edirUşaqlar öyrənərkən əylənir, əylənərkən isə həyat üçün vacib bacarıqlar qazanırlar.

05/06/2026

05/06/2026

5 iyun 2026-cı il tarixində Sus kənd tam orta ümumtəhsil məktəbinin IV sinif şagirdləri Şərqi Zəngəzur Regional Təhsil İdarəsi tərəfindən təşkil olunan monitorinqdə iştirak ediblər.
Monitorinq tədris dili və riyaziyyat fənləri üzrə keçirilib. Monitorinqin əsas məqsədi şagirdlərin bilik və bacarıqlarının mövcud vəziyyətini qiymətləndirmək, tədris prosesinin səmərəliliyini müəyyənləşdirmək və təhsilin keyfiyyətinin daha da yüksəldilməsi istiqamətində zəruri tədbirlərin planlaşdırılmasına dəstək verməkdir.
Qeyd edək ki, monitorinqin nəticələri şagirdlərin summativ qiymətləndirmə ballarına və sinifdən-sinfə keçmələrinə təsir göstərmir. Uğurlar arzulayırıq! 📚✨

04/06/2026

Şagirdlərimizlə birlikdə Azərbaycan kino sənətinin dəyərli nümunələrindən olan “Dərviş Parisi partladır” filmini izlədik. Filmin nümayişində əsas məqsəd şagirdlərdə tənqidi düşüncə bacarıqlarının inkişafına, xurafat və mövhumatın cəmiyyətə təsirinin müzakirəsinə, elmə və maariflənməyə marağın artırılmasına töhfə vermək idi. Film ətrafında aparılan fikir mübadiləsi zamanı şagirdlər hadisələri təhlil edərək doğru qərar verməyin, savadın və düşüncənin əhəmiyyətini dərk etdilər. Belə maarifləndirici fəaliyyətlər şagirdlərin dünyagörüşünün formalaşmasına və milli-mənəvi dəyərlərimizin daha yaxından tanınmasına xidmət edir.

01/06/2026

Uşaq hüquqları hər bir uşağın təhlükəsiz, xoşbəxt və layiqli şəkildə böyüməsinin əsas təminatıdır. Məktəbimizdə keçirilən fəaliyyət zamanı şagirdlərlə uşaq hüquqları, onların hüquq və vəzifələri haqqında söhbətlər aparıldı, mövzu ətrafında fikir mübadiləsi edildi. Məqsəd uşaqlarda öz hüquqlarını tanımaqla yanaşı, başqalarının hüquqlarına da hörmətlə yanaşmaq vərdişlərini formalaşdırmaq idi.

28/05/2026