İntiqam Mahmudov adına Gərgər kənd tam orta ümumtəhsil məktəbi

Gədəbəy rayonu İntiqam Mahmudov adına Gərgər kənd tam orta ümumtəhsil məktəbinin 11-ci sinif şagirdləri buraxılış imtahanlarında yüksək nəticə göstərərək məktəbimizin adını ucaltmışlar.
​Rəsulov Ömər Afiq oğlu – 251 bal
​Nağızadə Aişə Zirəddin qızı – 216 bal
​Şagirdlərimizi, onların valideynlərini və üzərlərində əməyi olan bütün müəllimləri ürəkdən təbrik edirik! İnanırıq ki, bu gənclər növbəti mərhələlərdə də böyük uğurlara imza ataraq vətənimizə layiqli şəxsiyyətlər olacaqlar.
​Yolunuz açıq olsun! 🇦🇿

𝐏𝐫𝐞𝐳𝐢𝐝𝐞𝐧𝐭 İ𝐥𝐡𝐚𝐦 Ə𝐥𝐢𝐲𝐞𝐯𝐢𝐧 𝐯ə 𝐏𝐫𝐞𝐳𝐢𝐝𝐞𝐧𝐭 𝐕𝐨𝐥𝐨𝐝𝐢𝐦𝐢𝐫 𝐙𝐞𝐥𝐞𝐧𝐬𝐤𝐢𝐧𝐢𝐧 𝐚𝐩𝐫𝐞𝐥𝐢𝐧 𝟐𝟓-𝐝ə 𝐀𝐳ə𝐫𝐛𝐚𝐲𝐜𝐚𝐧𝐚 𝐬ə𝐟ə𝐫𝐢 𝐳𝐚𝐦𝐚𝐧ı 𝐦ə𝐭𝐛𝐮𝐚𝐭𝐚 𝐯𝐞𝐫𝐝𝐢𝐲𝐢 𝐛ə𝐲𝐚𝐧𝐚𝐭

Azərbaycan və Ukrayna arasında münasibətlər son illər keyfiyyətcə yeni mərhələyə qədəm qoymuşdur. Bu münasibətlər yalnız siyasi dialoqla məhdudlaşmayaraq, iqtisadi, enerji və təhlükəsizlik sahələrini də əhatə edən çoxşaxəli əməkdaşlıq formatına çevrilmişdir. Prezident İlham Əliyevin Ukrayna Prezidenti Volodimir Zelenskinin Azərbaycana səfəri zamanı verdiyi bəyanat bu əlaqələrin mövcud vəziyyətini və gələcək inkişaf istiqamətlərini sistemli şəkildə ifadə edir. Bu baxımdan, bəyanat iki ölkə arasında strateji tərəfdaşlığın daha da möhkəmləndirilməsi üçün mühüm siyasi sənəd kimi qiymətləndirilə bilər.

Azərbaycan və Ukrayna arasında siyasi dialoq yüksək dinamika ilə inkişaf edir. Son illərdə prezidentlər səviyyəsində keçirilən çoxsaylı görüşlər bu münasibətlərin davamlı və sistemli xarakter daşıdığını göstərir. Xüsusilə dörd il ərzində yeddi görüşün baş tutması siyasi əlaqələrin intensivliyini açıq şəkildə nümayiş etdirir.

Liderlər arasında formalaşmış qarşılıqlı etimad mühiti dövlətlərarası münasibətlərin inkişafında mühüm rol oynayır. Bu etimad siyasi qərarların daha çevik qəbuluna, əməkdaşlığın isə daha səmərəli həyata keçirilməsinə imkan yaradır.

Azərbaycan–Ukrayna münasibətləri möhkəm hüquqi baza üzərində qurulmuşdur. 2008-ci ildə Kiyevdə və 2011-ci ildə Bakıda imzalanmış sənədlər iki ölkə arasında strateji tərəfdaşlığın əsasını təşkil edir.

Bu sənədlərdə dövlətlərin suverenliyi, ərazi bütövlüyü və sərhədlərinin toxunulmazlığı kimi prinsiplər əsas yer tutur. Hər iki ölkənin beynəlxalq təşkilatlar çərçivəsində bir-birini dəstəkləməsi bu prinsiplərin praktik müstəvidə də tətbiq olunduğunu göstərir.
İkitərəfli münasibətlərin inkişafında institusional mexanizmlər xüsusi əhəmiyyət kəsb edir. Xarici İşlər nazirlikləri arasında keçirilən mütəmadi məsləhətləşmələr siyasi dialoqun davamlılığını təmin edir.

Hökumətlərarası Komissiya isə iqtisadi və texniki sahələrdə əməkdaşlığın koordinasiyasında mühüm rol oynayır. Bu mexanizm vasitəsilə konkret layihələr müzakirə olunur və həyata keçirilir ki, bu da əməkdaşlığın real nəticələrini artırır.

Energetika sektoru Azərbaycan və Ukrayna arasında əməkdaşlığın əsas istiqamətlərindən biridir. SOCAR-ın Ukraynada fəaliyyəti bu sahədə qarşılıqlı etimadın və uğurlu əməkdaşlığın göstəricisidir.
Eyni zamanda yeni investisiya layihələrinin müzakirəsi enerji əməkdaşlığının geniş perspektivlərə malik olduğunu göstərir. Bu sahədə əməkdaşlıq regional enerji təhlükəsizliyi baxımından da xüsusi əhəmiyyət daşıyır.

İki ölkə arasında ticarət dövriyyəsinin artması iqtisadi əməkdaşlığın müsbət dinamikasını nümayiş etdirir. Mövcud potensial nəzərə alınaraq bu göstəricinin daha da artırılması mümkündür.
Qarşılıqlı investisiya imkanlarının genişlənməsi, yeni layihələrin həyata keçirilməsi və iqtisadi əlaqələrin şaxələndirilməsi gələcək inkişafın əsas istiqamətləri kimi çıxış edir.

Hərbi-texniki əməkdaşlıq iki ölkə arasında strateji sahələrdən biri hesab olunur. Həm Azərbaycanda, həm də Ukraynada hərbi sənaye kompleksinin inkişafı birgə istehsal və texnologiya mübadiləsi üçün geniş imkanlar yaradır.

Bu əməkdaşlıq yalnız müdafiə sahəsi ilə məhdudlaşmır, eyni zamanda sənaye potensialının artırılmasına və yeni texnologiyaların tətbiqinə də xidmət edir.

Ümumilikdə, Prezident Zelenskinin Azərbaycana səfəri Azərbaycan–Ukrayna münasibətlərinin inkişafında mühüm mərhələ kimi qiymətləndirilə bilər. Mövcud siyasi iradə və qarşılıqlı maraqlar əməkdaşlığın gələcəkdə daha da genişlənəcəyini göstərir.

Bu münasibətlər yalnız ikitərəfli çərçivədə deyil, həm də regional və beynəlxalq səviyyədə sabitlik, əməkdaşlıq və tərəfdaşlıq baxımından mühüm əhəmiyyət kəsb edir.

Akademik Zərifə Əliyevanın anım günü: Azərbaycan tibb elminin parlaq siması

Akademik Zərifə Əliyeva Azərbaycan tibb elminin inkişafında mühüm rol oynamış, oftalmologiya sahəsində böyük elmi nailiyyətlər əldə etmiş görkəmli alim, fədakar həkim və yüksək mənəvi keyfiyyətlərə malik ziyalıdır. Onun həyatı və fəaliyyəti Azərbaycan səhiyyəsinin inkişaf tarixində xüsusi mərhələ təşkil edir. 15 aprel – onun anım günü yalnız bir xatirə günü deyil, həm də elmin, insanpərvərliyin və vətənə xidmətin təntənəsidir.

Zərifə Əziz qızı Əliyeva 1923-cü il aprelin 28-də Naxçıvan Muxtar Respublikasında anadan olmuşdur. Erkən yaşlarından elmə və təhsilə böyük maraq göstərmiş, orta məktəbi uğurla bitirdikdən sonra Azərbaycan Dövlət Tibb İnstitutuna daxil olmuşdur. 1947-ci ildə institutu fərqlənmə ilə bitirərək həkimlik fəaliyyətinə başlamışdır. Onun seçdiyi bu yol sonradan böyük elmi nailiyyətlərlə müşayiət olunmuşdur.

Zərifə Əliyeva 1949-cu ildən Elmi-Tədqiqat Göz Xəstəlikləri İnstitutunda fəaliyyətə başlamışdır. O, həm praktik həkim, həm də alim kimi fəaliyyət göstərərək oftalmologiya sahəsində mühüm tədqiqatlar aparmışdır. Onun elmi fəaliyyəti daim praktik təcrübə ilə vəhdət təşkil etmişdir ki, bu da əldə olunan nəticələrin daha effektiv tətbiqinə şərait yaratmışdır.

Azərbaycanda traxomanın kökünün kəsilməsini qarşısına məqsəd qoyan Zərifə xanım bu problemin nə qədər çətin və mürəkkəb olduğunu çox yaxşı bilirdi. Lakin işin çətinliyinə və məsuliyyətinə baxmayaraq, o, tezliklə böyük uğurlar əldə edir.

XX əsrin ortalarında Azərbaycanda geniş yayılmış traxoma xəstəliyi ciddi sosial problem idi. Zərifə Əliyeva bu xəstəliyə qarşı mübarizədə böyük fədakarlıq göstərmiş, regionlara səfərlər edərək əhali arasında maarifləndirmə işləri aparmışdır. Onun hazırladığı müalicə və profilaktika metodları nəticəsində bu xəstəliyin yayılması minimuma endirilmişdir.

Zərifə Əliyeva oftalmologiyanın müxtəlif sahələrində fundamental tədqiqatlar aparmışdır. Qlaukoma, virus mənşəli göz xəstəlikləri, görmə orqanının peşə patologiyaları onun əsas tədqiqat istiqamətləri olmuşdur. Onun elmi əsərləri yalnız Azərbaycanda deyil, beynəlxalq səviyyədə də yüksək qiymətləndirilmişdir.

Alim eyni zamanda pedaqoji fəaliyyətlə məşğul olmuş, gənc həkimlərin hazırlanmasına böyük töhfə vermişdir. Onun rəhbərliyi altında bir çox mütəxəssislər yetişmişdir. Zərifə Əliyeva həmçinin müxtəlif ictimai təşkilatlarda fəal iştirak etmiş, səhiyyənin inkişafı ilə bağlı mühüm təşəbbüslərlə çıxış etmişdir.

Böyük xidmətlərinə, çoxillik elmi-tədqiqat işlərinə görə professor Z.Ə.Əliyeva 1983-cü ildə Azərbaycan Respublikası Elmlər Akademiyasının akademiki seçilmişdir.

Elmi araşdırmalar nəticəsində Z.Əliyeva bir neçə monoqrafiya, o cümlədən “Şin istehsalında gözün peşə patologiyası”, “Xroniki yod intoksikasiyası ilə bağlı oftalmologiya”, “Yod sənayesində gözün peşə xəstəliyinin profilaktikası” monoqrafiyalarını çap etdirdi. Alimin bir sıra elmi işləri görmə orqanında bədxasiyyətli şişlərin diaqnostikasına və müalicəsinə həsr olunmuşdur. Z.Əliyevanın daktriologiyadan bəhs edən – “Göz sulanmasının fiziologiyası”, “Göz sulanmasının müasir cərrahiyə üsulları ilə müalicəsi” monoqrafiyaları təkcə oftalmoloqların yox, həm də fizioloqların diqqətini cəlb edib. Zərifə xanım Əliyeva fundamental “Terapevtik oftalmologiya” kitabının müəlliflərindən biridir. Bu kitab indi də hər bir oftalmoloq üçün stolüstü kitab olaraq qalır. Z.Əliyeva 150-yə yaxın elmi əsərin, 12 monoqrafiyanın, dərslik və dərs vəsaitlərinin, 1 ixtira, 12 səmərələşdirici təklifin müəllifi və həmmüəllifi olmuşdur.

Bütün bu elmi fəaliyyəti ilə yanaşı Zərifə xanım eyni zamanda qayğıkeş ana, gözəl, vəfalı ömür-gün yoldaşı olmuşdur. Bu ocaqda iki övlad böyüyüb – ata-anasına layiq, qəlblərində daim Azərbaycan sevgisi yaşadan, vətənimizin qüruru sayılan övladlar kimi. Deyirlər, ana övladını özündən də çox istəyir. Tanrının bəxş etdiyi övladlarına qarşı Zərifə xanım məhz belə ana idi. Enişli-yoxuşlu ömür yollarında birgə addımladığı həyat yoldaşı, ümummilli liderimiz, əbədi prezidentimiz Heydər Əliyev gərgin fəaliyyətlə məşğul olan, həyatını bütövlükdə Azərbaycana həsr edən böyük şəxsiyyət kimi yorulmadan müqəddəs amallar yolunda öz qüvvəsini əsirgəmirdi.

Təəssüf ki, müstəqil Azərbaycanımızın bu gününü görə bilmədi Zərifə xanım. Ömrünün 62-ci baharında, 1985-ci il aprelin 15-də Moskva şəhərində dünyasını dəyişdi. Azərbaycan adlı bir məmləkəti hər cür təqiblərdən qoruyan, bu torpağa qol-qanad verən, onu bütün dünyaya tanıdan bir insanı tək qoyub getdi. Sarsıldı, həyatı qədər sevdiyi Zərifə xanımı itirdi, onun yoxluğu ilə heç cür barışa bilmədi.

Ulu Öndər Heydər Əliyev Zərifə xanım Əliyeva haqqında:
Gənc yaşlarımdan mənim həyatım dövlət işi ilə bağlı olubdur. Mən bütün həyatımı buna sərf etmişəm və bu gün də bu yolda çalışıram. Bu yolda mənim həmişə səmərəli, müvəffəqiyyətlə çalışmağımda hesab edirəm ki, ailə vəziyyətimin çox böyük rolu olub. Zərifə xanım kimi həyat yoldaşım olduğuna və o, ailəmdə çox yüksək mənəvi mühit yaratdığına görə mən xoşbəxt olmuşam. Həyatımın bütün dövrlərində işlə məşğul olduğuma görə ailə məsələlərinə fikir verməyə vaxtım olmayıb. Bunların hamısı Zərifə xanımın üzərinə düşüb və o da bu vəzifəni şərəflə, sədaqətlə, çox böyük məharətlə yerinə yetirib.

Zərifə xanım çox böyük alim olub. Mən hələ onunla həyat quranda o, artıq elm yolunda idi, elmlə məşğul idi. Onun elmi fəaliyyəti məlumdur. O, çox istedadlı, çox xeyirxah, çox sadə insan idi. Mən bu barədə çox danışa bilərəm, ailəmin yaşaması, bu günlərə çatması, övladlarımın tərbiyəsi üçün və həyatımda onun əvəzsiz rolu üçün mən bu gün Zərifə xanımın məzarı qarşısında baş əyirəm. On il keçsə də, onu bir dəqiqə belə unutmuram və unutmayacağam. Mənim övladlarım da bu əhval-ruhiyyədədirlər. Onlar bu əhval-ruhiyyə ilə tərbiyələniblər, formalaşıblar. Ona görə də bu gün bizim üçün müqəddəs gündür.

Bu gün xoşbəxt gündür. Çünki bu gün Zərifə xanım kimi böyük bir insan Yer üzünə gəlib, mənim həyatımı xoşbəxt edib, mənə gözəl övladlar bəxş edib. Eyni zamanda, qəmli gündür. On il keçsə də, mən bu qəmdən ayrıla bilmirəm.

Prezident İlham Əliyev Zərifə xanım Əliyeva haqqında:
“Mənim anam əsl alim idi. O, tibbin bütün incəliklərini öyrənməyə səy göstərirdi. Bununla bərabər mənimlə, Sevillə məşğul olmağa, bizi Azərbaycanın layiqli vətəndaşları kimi tərbiyə etməyə, böyütməyə vaxt tapırdı. O, həmişə mənim qəlbimdədir.”

Respublika Fənn müsabiqəsinin yarım final mərhələsinə uğur qazanan şagirdimiz.
Tağızadə Zaur
Fənn :Riyaziyyat
Şagirdimizə növbəti mərhələdə uğurlar arzulayırıq!

𝟐𝟔 𝐅𝐞𝐯𝐫𝐚𝐥-𝐗𝐨𝐜𝐚𝐥ı 𝐬𝐨𝐲𝐪ı𝐫ı𝐦ı: 𝐓𝐚𝐫𝐢𝐱𝐢 𝐲𝐚𝐝𝐝𝐚𝐬̧ 𝐯ə ə𝐝𝐚𝐥ə𝐭 𝐭ə𝐧𝐭ə𝐧ə𝐬𝐢

Xocalı soyqırımı XX əsrin sonunda Azərbaycan xalqına qarşı törədilmiş ən ağır və dəhşətli cinayətlərdən biridir. Tarixin elə ağrı-acılı, qanlı-qadalı səhifələri olub ki, onların dəhşətləri zaman keçdikcə üzə çıxır, yaralarından qan süzülür, sağalmasına heç bir ümid qalmır. Elə Xocalı müsibəti kimi! 1992-ci il fevralın 25-dən 26-na keçən gecə Ermənistan silahlı qüvvələri tərəfindən keçmiş sovet ordusunun 366-cı motoatıcı alayının iştirakı ilə Xocalı şəhərinə hücum edilmiş, dinc əhaliyə qarşı misli görünməmiş vəhşiliklər törədilmişdir. Bu faciə yalnız bir şəhərin deyil, bütövlükdə Azərbaycan xalqının faciəsi olmaqla yanaşı, bəşəriyyətə qarşı törədilmiş cinayət kimi tarixə düşmüşdür.

Xocalı soyqırımı Ermənistanın Azərbaycana qarşı həyata keçirdiyi etnik təmizləmə və işğal siyasətinin tərkib hissəsi olmuşdur. Strateji mövqedə yerləşən Xocalı şəhəri Qarabağın yeganə hava limanına malik idi və regionda mühüm əhəmiyyət daşıyırdı. Şəhərin işğalı ilə bölgədə azərbaycanlı əhalinin müqavimət imkanları zəiflədilmişdir.

Yalnız Azərbaycan xalqına qarşı deyil, bütün bəşəriyyətə qarşı yönəlmiş dəhşətli cinayət əməli nəticəsində 613 nəfər dinc azərbaycanlı milli mənsubiyyətinə görə vəhşicəsinə qətlə yetirilib, onlardan 63-ü uşaq, 106-sı qadın, 70-i qoca olub. Nəticədə 8 ailə tamamilə məhv edilib, 25 uşaq hər iki valideynini, 130 uşaq valideynlərindən birini itirib. Bundan başqa, 487 dinc sakin ağır yaralanıb, 1275 nəfər əsir götürülüb. Girov götürülənlərdən 150 nəfərinın taleyi naməlumdur.

İşğalın nəticəsində Xocalı şəhərində 105 sosial-məişət obyekti, 3200 fərdi yaşayış binası, 14 məktəb, 21 klub, 29 kitabxana, 3 mədəniyyət evi və bir tarix-diyarşünaslıq muzeyi dağıdılıb. Şəhərdə XIV-XV əsrə aid türbələr, günbəzlər, məzarlar yerlə-yeksan olunub, qəbiristanlıq vandallara xas üsullarla dağıdılıb.

“Bu soyqırımı, eyni zamanda, bütün bəşəriyyətə qarşı tarixi bir cinayətdir” - deyən Ulu Öndər Heydər Əliyevin təşəbbüsü ilə 1994-cü il fevralın 24-də Milli Məclis “Xocalı soyqırımı günü haqqında” qərar qəbul etdi.

Xatın, Sonqmi və Holokost soyqırımı kimi dəhşətli faciələrlə bir sırada dayanan Xocalı Soyqırımı neçə illərdən bəri ermənilərin öz havadarlarının dəstəyi ilə azərbaycanlılara qarşı yönəldilmiş etnik təmizləmə siyasətinin məntiqi nəticəsi idi.

Beynəlxalq hüquqa görə, soyqırımı sülh və insanlıq əleyhinə yönələn əməldir və ən ağır cinayət hesab edilir. Bu barədə BMT Baş Məclisinin 1948-ci il 9 dekabr tarixli 260 (III) saylı qətnaməsi qəbul edilmiş və 1951-ci il yanvarın 12-dən qüvvəyə minən “Soyqırımı cinayətinin qarşısının alınması və cəzalandırılması” Konvensiyasında soyqırımı cinayətinin hüquqi əsası təsbit olunmuşdur. Ermənistanın Azərbaycana qarşı təcavüzü zamanı həmin konvensiyada təsbit edilmiş soyqırımı cinayətini təşkil edən bütün əməllər azərbaycanlılara qarşı tətbiq olunmuşdur. Ermənistanın bu cinayətkar siyasətinin davamlılığını sübut edən faktlardan biri də budur ki, təkcə XX əsrdə azərbaycanlılar 4 dəfə - 1905-1906-cı, 1918-1920-ci, 1948-1953-cü və nəhayət, 1988-1993-cü illərdə erməni millətçiləri tərəfindən törədilən soyqırımı və etnik təmizləmələrə məruz qalmışlar. Xocalı soyqırımı bir çox ölkələrdə qəbul olunan parlament aktlarında tanınmış və xatırlanmışdır. Bu vaxtadək, Bosniya və Herseqovina, Kolumbiya, Çex Respublikası, Honduras, İordaniya, Meksika, Pakistan, Panama, Peru, Sudan, Cibuti, Qvatemala, Paraqvay, Sloveniya, Şotlandiya, İndoneziya və Əfqanıstanın qanunverici orqanları, həmçinin ABŞ-ın 20-dən çox ştatı tərəfindən müvafiq parlament qətnamələri qəbul edilmişdir.

20 noyabr 2012-ci il tarixində Cibutidə keçirilmiş İslam Əməkdaşlıq Təşkilatının (İƏT) Xarici İşlər Nazirləri Şurasının 39-cu sessiyasında Xocalıda törədilmiş cinayətləri soyqırımı kimi tanıyan qətnamə qəbul edilmişdir.

Xocalı həqiqətlərinin dünyaya çatdırılması, bu həqiqətlərin beynəlxalq aləmdə yayılması, qətliama obyektiv qiymət verilməsi istiqamətində Heydər Əliyev Fondunun gördüyü işlər də xüsusi vurğulanmalıdır. Fondun vitse-prezidenti Leyla Əliyevanın təşəbbüsü ilə başlayan “Xocalıya ədalət!” beynəlxalq kampaniyası çərçivəsində dünya ölkələrində mitinqlər, yürüşlər və tədbirlər təşkil olunmuşdur ki, bunun da əsas məqsədi Xocalı qətliamının insanlığa qarşı törədilmiş ən böyük cinayət kimi beynəlxalq ictimaiyyət tərəfindən tanınmasıdır. Kampaniya çərçivəsində təşkil edilən tədbirlərdə əsas diqqət kütləvi qırğınlara, etnik təmizləmə və irqi, etnik və ya dini ayrı-seçkilik hallarına qarşı güclü müqaviməti nümayiş etdirməyə, Xocalı soyqırımı qurbanları ilə həmrəyliyi ifadə etməyə və Xocalıda azərbaycanlılara qarşı törədilmiş cinayətlərə görə cəzasızlıq halları ilə mübarizəyə yönəlmişdir. Kampaniya bir çox ölkələrdə səmərəli şəkildə fəaliyyət göstərir və hazırkı tarixdə 100 mindən çox şəxs və 115 təşkilat onun fəaliyyətini dəstəkləyir.

İkinci Qarabağ müharibəsinin Böyük Zəfəri və qazanılan Qələbə, yəni torpaqlarımızın işğaldan azad edilməsi, Şuşada Azərbaycan bayrağının dalğalanması dünyaya göstərdi ki, biz torpaqlarımıza, Qarabağımıza qayıtmışıq! Bu qayıdış təkcə bizim haqqımızın bərpası deyildi, bu, həm də şəhidlərimizin qisası idi. Məhz həmin Qələbə Xocalı qətliamı qurbanlarının qisasının alınması idi. Deməli, bu Qələbə bütün şəhidlərimiz kimi, Xocalı şəhidlərinin də ruhunun rahatlığı idi. Şad olan ruhlar Böyük Zəfərin əzəmətini, onun tarixini bir az da artırdı. Hər kəsə göstərdi ki, Ali Baş Komandanımız cənab İlham Əliyev başda olmaqla, Azərbaycan ordusu və Azərbaycan xalqı öz sərhədlərini bərpa etmək, öz haqqını sübut etmək və onu qorumaq gücündədir.

2023-cü ilin sentyabr ayında həyata keçirilən lokal antiterror tədbirləri nəticəsində Xocalı şəhəri tam nəzarətə götürülmüşdür.

15 oktyabr 2023-cü ildə Xocalı şəhərində Azərbaycan Respublikasının Dövlət Bayrağının ucaldılması tarixi ədalətin bərpasının rəmzi hadisəsi kimi qiymətləndirilir.

Bəli, bu gün Xocalı şəhidlərinin ruhu rahatdır. Çünki onların qisası alınıb! Hər il Xocalı soyqırımının ildönümü ilə əlaqədar minlərlə insanın iştirakı ilə “Ana harayı” abidəsi önündə anım mərasimi keçirilir.

Hazırda Xocalı şəhərində və kəndlərində genişmiqyaslı bərpa-quruculuq işləri aparılır, keçmiş məcburi köçkünlərin doğma torpaqlarına qayıdışı təmin edilir. Xocalı soyqırımı Azərbaycan xalqının milli yaddaşında silinməz iz qoymuşdur.

Bu faciənin beynəlxalq səviyyədə daha geniş tanıdılması, hüquqi-siyasi qiymətin verilməsi və gələcək nəsillərə çatdırılması mühüm vəzifə olaraq qalır.Tarixi ədalətin bərpası ilə yanaşı, informasiya mübarizəsinin davam etdirilməsi, memorial komplekslərin yaradılması Xocalı həqiqətlərinin dünya ictimaiyyətinə çatdırılmasında əsas istiqamətlərdir.

IX sinifdə "Həyat bilgisi" fənnindən "Zərərli vərdişlər " mövzusunun tədrisi.
Müəllim: Keytiyev Qalib

𝐀𝐳ə𝐫𝐛𝐚𝐲𝐜𝐚𝐧ı𝐧 𝐘𝐞𝐧𝐢 𝐑ə𝐪ə𝐦𝐬𝐚𝐥 𝐀𝐫𝐱𝐢𝐭𝐞𝐤𝐭𝐮𝐫𝐚𝐬ı: 𝐒𝐭𝐫𝐚𝐭𝐞𝐣𝐢 I𝐧𝐤𝐢𝐬̧𝐚𝐟ı𝐧 𝐏𝐫𝐢𝐨𝐫𝐢𝐭𝐞𝐭𝐥ə𝐫𝐢 𝐯ə 𝐏𝐞𝐫𝐬𝐩𝐞𝐤𝐭𝐢𝐯𝐥ə𝐫𝐢

Müasir dövrdə qlobal iqtisadi inkişafın əsas istiqamətlərindən biri rəqəmsallaşma, süni intellekt texnologiyalarının tətbiqi və məlumat mərkəzlərinin yaradılmasıdır. Azərbaycanın yeni rəqəmsal arxitekturası ölkənin iqtisadi və sosial inkişaf strategiyasının mühüm komponentlərindən biri kimi çıxış edir. Dövlət səviyyəsində həyata keçirilən islahatlar, infrastrukturun modernləşdirilməsi, beynəlxalq əməkdaşlığın genişləndirilməsi və insan kapitalının inkişafı ölkənin rəqəmsal transformasiya prosesinin əsas istiqamətlərini təşkil edir.

Qlobal miqyasda informasiya texnologiyalarının sürətli inkişafı dövlət idarəçiliyində, iqtisadiyyatda və sosial sahələrdə yeni yanaşmaların formalaşmasına səbəb olmuşdur. Rəqəmsal transformasiya artıq ölkələrin rəqabət qabiliyyətinin əsas göstəricilərindən birinə çevrilmişdir. Azərbaycan da bu prosesdən kənarda qalmayaraq rəqəmsal iqtisadiyyatın qurulması istiqamətində sistemli və məqsədyönlü siyasət həyata keçirir.

Rəqəmsal texnologiyaların tətbiqi dövlət idarəçiliyinin effektivliyini artırmaqla yanaşı, iqtisadiyyatın şaxələndirilməsinə və qeyri-neft sektorunun inkişafına təkan verir. Süni intellekt texnologiyalarının tətbiqi qərar qəbuletmə proseslərini sürətləndirir, dövlət xidmətlərinin keyfiyyətini yüksəldir və vətəndaş məmnuniyyətinin artmasına xidmət edir.

Məlumat mərkəzlərinin yaradılması informasiya təhlükəsizliyinin təmin edilməsinə, böyük həcmli məlumatların emalına və innovativ xidmətlərin göstərilməsinə imkan yaradır.

Azərbaycanın coğrafi mövqeyi Avropa və Asiya arasında strateji körpü rolunu oynayır. Enerji və nəqliyyat infrastrukturu ölkənin regional və beynəlxalq əməkdaşlıq imkanlarını genişləndirir. Mövcud fiber-optik şəbəkələrin inkişafı rəqəmsal kommunikasiya imkanlarının artırılmasına şərait yaradır.

Bundan əlavə, ölkənin sabit investisiya mühiti və beynəlxalq şirkətlərlə uğurlu əməkdaşlıq təcrübəsi rəqəmsal layihələrin həyata keçirilməsinə əlverişli zəmin yaradır.

Rəqəmsal iqtisadiyyatın inkişafı böyük enerji resursları tələb edir. Azərbaycanın geniş enerji potensialı, o cümlədən bərpaolunan enerji mənbələrinin inkişafı məlumat mərkəzlərinin və yüksək texnoloji layihələrin həyata keçirilməsi üçün mühüm imkanlar yaradır.

Enerji təhlükəsizliyinin təmin edilməsi rəqəmsal texnologiyaların davamlı tətbiqi üçün əsas şərtlərdən biridir.

Dövlət xidmətlərinin vahid platforma üzərindən təqdim edilməsi idarəetmənin şəffaflığını və operativliyini artırır. Vətəndaşların dövlət xidmətlərinə çıxışının sadələşdirilməsi sosial rifahın yüksəldilməsinə və bürokratik maneələrin aradan qaldırılmasına xidmət edir.Vahid platformaların tətbiqi dövlət qurumları arasında koordinasiyanın gücləndirilməsinə də mühüm töhfə verir.

Rəqəmsal transformasiya prosesinin uğurla həyata keçirilməsi yüksək ixtisaslı kadrların hazırlanmasını tələb edir. Təhsil sistemində informasiya texnologiyaları və süni intellekt üzrə ixtisasların inkişaf etdirilməsi mühüm əhəmiyyət kəsb edir. Gənc nəslin rəqəmsal bilik və bacarıqlarının artırılması ölkənin innovasiya potensialının gücləndirilməsinə xidmət edir.

Rəqəmsal mühitdə təhlükəsizlik məsələləri xüsusi əhəmiyyət daşıyır. Kibertəhlükəsizlik sistemlərinin gücləndirilməsi dövlət informasiya resurslarının və kritik infrastrukturun qorunmasını təmin edir. Bu istiqamətdə beynəlxalq təcrübənin öyrənilməsi və müasir texnologiyaların tətbiqi vacibdir.

Rəqəmsal texnologiyaların inkişafı sahəsində beynəlxalq tərəfdaşlıq innovasiyaların tətbiqini sürətləndirir. Xarici investisiyaların cəlb edilməsi yeni texnologiyaların transferinə və rəqabət mühitinin formalaşmasına şərait yaradır. Azərbaycanın beynəlxalq təşkilatlar və qlobal şirkətlərlə əməkdaşlığı rəqəmsal iqtisadiyyatın inkişafına mühüm töhfə verir.

Azərbaycanın yeni rəqəmsal arxitekturasının formalaşdırılması ölkənin dayanıqlı inkişaf strategiyasının mühüm istiqamətlərindən biridir. Rəqəmsallaşma iqtisadi artımın sürətləndirilməsinə, dövlət idarəçiliyinin təkmilləşdirilməsinə və sosial rifahın yüksəldilməsinə xidmət edir. Mövcud üstünlüklərin səmərəli istifadəsi, innovativ texnologiyaların tətbiqi və insan kapitalının inkişafı Azərbaycanın rəqəmsal gələcəyini təmin edən əsas amillərdir.

𝐏𝐫𝐞𝐳𝐢𝐝𝐞𝐧𝐭 İ𝐥𝐡𝐚𝐦 Ə𝐥𝐢𝐲𝐞𝐯𝐢𝐧 “𝐙𝐚𝐲𝐞𝐝 İ𝐧𝐬𝐚𝐧 𝐐𝐚𝐫𝐝𝐚𝐬̧𝐥ı𝐠̆ı 𝐌𝐮̈𝐤𝐚𝐟𝐚𝐭ı”𝐧ı𝐧 𝐭ə𝐪𝐝𝐢𝐦𝐨𝐥𝐮𝐧𝐦𝐚 𝐦ə𝐫𝐚𝐬𝐢𝐦𝐢𝐧𝐝ə 𝐜̧ı𝐱ı𝐬̧ı

2026-cı il fevralın 4-də Prezident İlham Əliyevin Əbu-Dabidə keçirilən “Zayed İnsan Qardaşlığı Mükafatı”nın təqdimolunma mərasimində etdiyi çıxış müasir beynəlxalq münasibətlər sistemində sülh, dialoq və qarşılıqlı etimad prinsiplərinin aktuallığını bir daha nümayiş etdirmişdir. Dövlət başçısının çıxışı yalnız mükafat təşəkkürü xarakteri daşımamış, eyni zamanda Azərbaycan Respublikasının regional və qlobal səviyyədə sülh təşəbbüslərinin konseptual əsaslarını özündə əks etdirmişdir.

Prezident İlham Əliyev çıxışında Şeyx Zayedin siyasi irsini xüsusi vurğulayaraq onun uzaqgörən dövlətçilik modelinin Birləşmiş Ərəb Əmirliklərinin sürətli inkişafında mühüm rol oynadığını qeyd etmişdir. Şeyx Zayedin əsasını qoyduğu tolerantlıq, multikulturalizm və humanizm prinsipləri müasir dövrdə də beynəlxalq əməkdaşlıq üçün mühüm ideoloji baza rolunu oynayır.

Prezident İlham Əliyevin çıxışında əsas məqamlardan biri Azərbaycan və Ermənistan arasında sülh prosesinin nəticələri olmuşdur. Dövlət başçısı 30 ildən artıq davam edən münaqişənin başa çatmasının regionda yeni geosiyasi reallıqlar yaratdığını vurğulamışdır. Xüsusilə Vaşinqton Zirvə Görüşündən sonra əldə edilən razılaşmalar tərəflər arasında uzunmüddətli sülhün formalaşmasına zəmin yaratmışdır.

Çıxışda ABŞ Prezidenti Donald Trampın vasitəçilik fəaliyyətinə xüsusi diqqət yetirilmişdir. 2025-ci ilin avqust ayında keçirilən üçtərəfli Zirvə Görüşünün nəticələri beynəlxalq diplomatiyanın uğurlu nümunəsi kimi qiymətləndirilmişdir. Bu fakt Azərbaycanın balanslaşdırılmış və çoxtərəfli xarici siyasət strategiyasının effektivliyini nümayiş etdirir.

Prezident İlham Əliyev postmünaqişə dövründə iqtisadi əməkdaşlığın genişləndirilməsinin sülhün möhkəmləndirilməsində mühüm rol oynadığını qeyd etmişdir. Azərbaycanın Ermənistanla yük daşımaları və enerji ixracı sahəsində atdığı addımlar regionda qarşılıqlı iqtisadi asılılıq modelinin formalaşmasına xidmət edir.
Prezident çıxışında Əl-Əzhərin böyük imamı və Roma Papasının dinlərarası dialoqa verdiyi töhfələri yüksək qiymətləndirmişdir. Bu yanaşma Azərbaycanın multikulturalizm siyasətinin beynəlxalq səviyyədə tanındığını və ölkənin humanitar diplomatiya sahəsində nüfuzunun artdığını göstərir.

Prezident İlham Əliyev Azərbaycanın təcrübəsinin digər münaqişə regionları üçün nümunə ola biləcəyini bildirmişdir. Bu model siyasi iradə, beynəlxalq dəstək, iqtisadi əməkdaşlıq və humanitar dialoq kimi komponentlərin sintezindən ibarətdir.

Prezident İlham Əliyevin çıxışı Azərbaycanın beynəlxalq sülh təşəbbüslərində fəal iştirakını və qlobal humanitar dəyərlərin təşviqinə verdiyi töhfələri əks etdirir. “Zayed İnsan Qardaşlığı Mükafatı”nın təqdim olunması Azərbaycanın beynəlxalq nüfuzunun artmasının və sülh siyasətinin uğurunun göstəricisi kimi qiymətləndirilə bilər.

Məktəbəqədər İcma qrupu..
Balaca fidanlarımız .

ETİHİ-nin Gədəbəy Rayon Komitəsi tərəfindən göndərilmiş bayram sovqatları işçilərə təqdim edildi. Kollektivimiz adından təşəkkür edirik.