Hacıqabul şəhər İ.Ələkbərov adına 1 nömrəli tam orta ümumtəhsil məktəb

“Tarixə adını qızıl hərflərlə yazdıran Ümummilli Lider” — Pəri müəllimənin rəhbərliyi ilə 7C sinfində “Tarixin unudulmaz şəxsiyyəti — Heydər Əliyev” mövzusunda maarifləndirici sinif saatı keçirildi. Şagirdlər dahi liderin Azərbaycan dövlətçiliyinin möhkəmlənməsi, gənclərə göstərdiyi diqqət və ölkəmizin inkişafındakı misilsiz xidmətləri haqqında məlumatlar təqdim etdilər. Tədbirdə Ulu Öndərin zəngin həyat yolu, siyasi fəaliyyəti və Vətənə olan sonsuz sevgisi xüsusi vurğulandı. Sinif saatı şagirdlərdə vətənpərvərlik ruhunun gücləndirilməsi və milli dəyərlərə bağlılığın aşılanması baxımından böyük əhəmiyyət daşıdı. #

Müasir Azərbaycanın dövlət quruculuğu prosesində müstəsna xidmətləri olan dahi şəxsiyyət Heydər Əliyevin anadan olmasının 103-cü il dönümü münasibətilə məktəbimizin şagirdlərinin təşkilatçılığı ilə məktəblərarası genişmiqyaslı intellektual yarış keçirilmişdir. Heydər Əliyev Mərkəzinin möhtəşəm aurasında baş tutan bu tədbir, gənc nəslin ulu öndərin zəngin siyasi irsinə olan dərin ehtiramının və intellektual hazırlığının bariz nümunəsidir. #

Məktəbimizin 6 “B” sinfində sinif rəhbəri Qızxanım müəllimənin təşkilatçılığı ilə “Azərbaycanın sönməz günəşi” adlı maarifləndirici və vətənpərvərlik ruhunda tədbir keçirildi. Tədbirin əsas məqsədi şagirdlərdə Vətənə sevgi, milli-mənəvi dəyərlərimizə hörmət hissinin formalaşdırılması, Azərbaycanın tarixi və müstəqillik yolunda göstərilən qəhrəmanlıqlar haqqında məlumatların aşılanması idi.
Tədbir zamanı şagirdlər Azərbaycanın keçdiyi şərəfli inkişaf yolundan, xalqımızın qəhrəman oğul və qızlarının göstərdiyi igidliklərdən bəhs edən çıxışlar etdilər, şeirlər söylədilər və vətənpərvərlik mövzusunda səhnəciklər nümayiş etdirdilər. Şagirdlərin hazırladıqları musiqi nömrələri və təqdimatlar tədbirə xüsusi rəng qatdı. #

Ulu Öndər Heydər Əliyevin 103 illik yubileyi münasibətilə Hacıqabul məktəbliləri arasında keçirilən rəsm müsabiqəsində məktəbimizin şagirdləri fəal iştirak etdilər.
Şagirdlərimiz öz yaradıcılıqları ilə seçilərək vətənpərvərlik ruhunu, Ulu Öndərə olan hörmət və sevgilərini rəsm əsərlərində əks etdirdilər.
Bu uğur şagirdlərimizin istedadının, zəhmətinin və müəllimlərin əməyi sayəsində əldə olunmuşdur. Onları ürəkdən təbrik edir, gələcək fəaliyyətlərində daha böyük nailiyyətlər arzulayırıq!

Ulu Öndər Heydər Əliyevin 103-cü il dönümünə həsr olunmuş idmanın Şahmat növü üzrə Neftcala şəhər birinciliyində Hacıqabul şəhər İ.Ələkbərov adına 1 nömrəli tam orta ümumtəhsil məktəbin 3a sinif şagirdi Rəhimli Nurlan Valeh oğlu 3-cü yerə layiq görülmüşdür.Bu münasibətlə onu məktəbin müəllim və şagird kollektivi təbrik edir və bundan sonrakı yarışlarda da uğurlar arzulayır. #

Heydər Əliyev irsinin öyrənilməsi müasir Azərbaycan dövlətçiliyinin ideoloji əsaslarını, milli tərəqqi yolunu və müstəqillik strategiyasını anlamaq baxımından müstəsna əhəmiyyət kəsb edir. Bu irs sadəcə bir siyasi liderin fəaliyyəti deyil, bütöv bir xalqın intibah dövrünün elmi-nəzəri və praktiki xülasəsidir. #

Hacıqabul şəhər İ.Ələkbərov adına 1 nömrəli tam orta ümumtəhsil məktəbin şagirdi Əliyev Vaqif idmanın güləş növü üzrə Sabirabad rayon birinciliyində 2 yerə layiq görülmüşdür.Məktəbin müəllim və şagird kollektivi bu münasibətlə onu təbrik edir və bundan sonrakı yarışlarda da uğurlar arzulayır. #

Məktəbimizdə elan olunmuş "Coğrafiya Fənn Aylığı" tədbirlər planına uyğun olaraq, coğrafiya müəllimi H. Göyçək tərəfindən 6a sinfində şagirdlərin böyük marağına səbəb olan interaktiv və praktik dərs təşkil edilmişdir. #

Milli dəyərlər işığında: Məktəblilərin Ulu Öndərin irsinə səyahəti"
Müasir təhsil sisteminin ən vacib prioritetlərindən biri savadlı olmaqla yanaşı, həm də öz kökünə bağlı vətəndaş yetişdirməkdir. Bu məqsədlə keçirilən növbəti maarifləndirici tədbir şagirdlərin böyük marağına səbəb olmuşdur. Canlı tarix dərsi xarakteri daşıyan bu tanışlıq zamanı şagirdlər müstəqilliyimizin necə çətinliklərlə qorunub saxlandığını və Ulu Öndərin Azərbaycan xalqı qarşısındakı misilsiz xidmətlərini dərindən dərk etmək imkanı qazanmışlar. #

Məktəbimizin şagirdləri ilə çağırışa qədərki hazırlıq fənni üzrə praktiki məşğələ keçirildi.
Məşğələ zamanı şagirdlər yerində sağa-sola dönmələr, sıra addımları, yerində addımlama, eləcə də rəisə yaxınlaşma və uzaqlaşma qaydalarını tətbiqi şəkildə öyrəndilər.

Bu cür məşğələlər şagirdlərdə intizam, çeviklik və komandada işləmə bacarıqlarının formalaşmasına mühüm töhfə verir. #

9-cu sinif şagirdlərimizin buraxılış imtahanında əldə etdikləri yüksək nailiyyətlər hər birimiz üçün böyük qürur mənbəyidir. Xüsusilə 200 və daha yüksək bal toplayan şagirdlərimiz öz zəhmətləri, əzmkarlıqları və məqsədyönlü çalışmaları ilə fərqlənərək məktəbimizin adını ucaldıblar.Şagirdlərimizi təbrik edir və uğurlarının davamlı olmasını arzulayiriq. #