Bakı şəhəri Kamil Əyyubov adına 12 nömrəli tam orta ümumtəhsil məktəbi

04/06/2026

Məktəbimizdə növbəti uğurların sevinci yaşanır. Respublika Fənn Müsabiqəsində (RFM) Rayon (şəhər) mərhələsini uğurla başa vurmuş məktəbin 6C sinif şagirdi Cəfərov Əbdül, və məntiq olimpiadasında uğur qazanmış 5B sinif şagirdi Altay Uğurla məktəbin direktoru Kamran İsalı görüşüb.
Görüş zamanı Kamran müəllim yüksək nəticə göstərən məktəbliləri təbrik edərək onları təltif edib.
Şagirdlərimizi ürəkdən təbrik edir, növbəti mərhələdə uğurlar diləyirik!

04/06/2026

8C sinif şagirdi Firuzə Bəbirli ADA Universitetinin təşkil etdiyi 8-ci İngilis dili olimpiadasında uğur qazandığı üçün ADA Universiteti tərəfindən mükafatlandırılmışdır. Şagirdimizə uğurlar, nailiyyətlərinin davamlı olmasını arzu edirik.

04/06/2026

Şagirdlərin maarifləndirilməsi istiqamətində tədbirlər davam etdirilir. 7-ci sinif şagirdlərinə bulinq, bulinqin növləri və ondan qorunmağın yolları barədə, 8-ci sinif şagirdlərinə isə insan hüquqları aylığı çərçivəsində hüquqlarla tanışlıq, insan alveri,zorakılıq, erkən nigahın fəsadları mövzusunda məlumatlar təqdim edilib. Şagirdləri maraqlandıran suallara cavab verilib, onların fikirləri öyrənilib.

03/06/2026

Məktəbdə Şagird İntizam Qaydalarına uyğun olaraq mütəmadi şəkildə şagirdlərə yaşıl kartlar təqdim olunur və onların şəxsi işlərinə əlavə edilir. Növbəti dəfə aprel, may ayları ərzində verilmiş təqdimatlara baxılaraq yaşıl kartlar şagirdlərə təqdim edilib.
Qeyd edək ki, yaşıl kartlar nizam-intizamı ilə xüsusilə seçilən şagirdlərə sinif rəhbərləri tərəfindən yazılmış təqdimat əsasında məktəbin Nizam İntizam Şurasında baxıldıqdan sonra yekun qərarla təqdim edilir.

02/06/2026

Müəllim: Əliyeva Almaz
Sinif: 3Ç

02/06/2026

01/06/2026

Məktəbdə şagirdlərin maarifləndirilməsi istiqamətində tədbirlər mütəmadi davam etdirilir. Növbəti dəfə məktəbin konfrans zalında 5-ci sinif şagirdlərinə sağlam qidalanma barədə, 8-ci sinif şagirdlərinə isə İnsan hüquqları aylığı çərçivəsində insan alverinə qarşı mübarizə tədbirləri və məişət zorakılığı haqqında məlumatlar təqdim edilib. Məktəbin psixoloqları Çinarə Həsənova və Nigar Kazımlı tərəfindən keçirilən maarifləndirmə tədbirində şagirdləri maraqlandıran suallara cavab verilib, müzakirə mühiti yaradılıb.

01/06/2026

1 İyun — Beynəlxalq Uşaqların Müdafiəsi Günü münasibətilə böyük uğura imza atmış istedadlı şagirdlərin mükafatlandırılma mərasimi baş tutub.
"BilBacar" müsabiqəsində yüksək intellekt və bilik nümayiş etdirərək 300 baldan yuxarı nəticə göstərən şagirdlərimiz məktəb rəhbərliyi tərəfindən xüsusi diplom ilə təltif olunublar.

Məktəbin rəhbərliyi çıxış edərək rəmzi mənası olan bu gündə uşaqları təbrik edib, onlara gələcək təhsillərində və fəaliyyətlərində yeni-yeni zirvələr fəth etməyi arzulayıb. Bildirilib ki, şagirdlərin bu cür nüfuzlu müsabiqələrdə qazandığı uğurlar məktəbimizin keyfiyyətli təhsil mühitinin və müəllim kollektivinin fədakar əməyinin parlaq göstəricisidir.

01/06/2026

1 İyun – Uşaqların Beynəlxalq Müdafiəsi Gününə həsr olunmuş idman tədbiri keçirilib.Məktəbin idman zalında baş tutan bu rəngarəng bayram proqramı Şölə müəllimin təşkilatçılığı ilə ərsəyə gəlib. 5A və 7B sinif şagirdləri arasında müxtəlif yarışlar,oyunlar təşkil edilib.Tədbirin keçirilməsində əsas məqsəd uşaqların fiziki aktivliyini artırmaq, onlarda komanda ruhunu aşılamaq və ən əsası, bu xüsusi günü onlar üçün unudulmaz etmək olub.